¹ ಯೇಸು ಆ ಜನಾಲು ಗುಂಪುಲ್ನಿ ಕನಿ ಬೆಟ್ಟುಮ್ನಿ ಎಕ್ಕಿ ಕುಚ್ಕೋನ್ಮಿಂದ ಯೇಸುನ ಶಿಷ್ಯುಳು ಯೇಸುನ ಹತ್ತ್ರುಮ್ಕಿ ವಚ್ರಿ . ² ಯೇಸು ವಾಳ್ಕಿ ಉಪದೇಶ್ಮು ಸೇಸಿ ಸೋಪ್ಪಿಂದೆಮಂಟೆ - ³ 3 ಆತ್ಮುಲ ಬಡುವ್ಲಾಯಿಂಡೋಳು ದನ್ಯುಲು, ಪರಲೋಕ್ಮು ರಾಜ್ಯುಮು ವಾಳ್ದಿ. ⁴ ದುಖ್ಮು ಪಡ್ಸೋಳು ದನ್ಯುಲು, ವಾಳು ಸಮದಾನ್ಮು ಹೊಂದ್ತಾರು. ⁵ 5:-ಶಂತುಲು ದನ್ಯಲು ;ವಾಲು ಭುಮಿಕಿ ಬದ್ಯಲು . ⁶ 6 :-ನಿಥಿಕಿ ಅಹ್ಕ್ಲಿಯಿಂದಲೂ ದನ್ಯಲು ;ವಲ್ಕಿ ತೃಪ್ತಿ ಅಯ್ಥದಿ. ⁷ 7 :-ಕರುಣೆ ಉಂದೊಳು ದನ್ಯಲು ;ವಲ್ಕಿ ಕರುಣೆ ಪೊಂದುಥಳು . ⁸ 8 :-ನಿರ್ಮಲ ಚಿಥ್ಳು ದನ್ಯಲು ;ವಳು ದೆವ್ದ್ನಿ ಸುಸ್ಥರು . ⁹ 9 :-ಸಮಾದಾನ ಪಡಿಚೋಳು ದನ್ಯಲು ;ವಳು ದೇವಡ ಬಿದ್ದ್ಲು ಅನಿಪಿಚ್ಕಂತಲೂ . ¹⁰ 10 :-ನೀತಿಯ ನಿಮ್ಥ್ಮೈ ಹಿಮ್ಸೆನಿ ಥಡ್ಕೊನಲು ದನ್ಯಲು ;ಪರೋಲೋಕ ರಾಜ್ಮು ವಲ್ಡಿ . ¹¹ 11:-ನಾ ನಿಮ್ಥ್ಮೈ ಜನಲು ಮಿನ್ನಿ ನಿದಿಂಚಿ ಹಿಂಸೆ ಪಡಿಚಿ ಮಿ ಪೈನ ಶೆಡ್ಡ ಶೆಡ್ಡ ಮತ್ತ್ಲ್ನಿ ಸುಳ್ಳುಗ ಹೊರ್ಬಿಸ್ಥೆ ಮಿಳು ದನ್ಯಲು . ¹² 12 :-ಸಂತೋಷ ಪದಂಡಿ ,ಉಲ್ಲಾಸ ಪಡಂಡಿ ;ಪರೋಲೋಕನಿಕ ಮಿಕಿ ಬಹಳಂಗ ಪಲ್ಮು ಸಿಕ್ಥದಿ ;ಮಿಕಿಂಥ ಮುಂದ್ರ ಪ್ರವದಿಲ್ನ್ನಿ ಇಟ್ಟಳ ಹಿಂಸಮು ಸೇಸ್ನರ್ಕದ . ¹³ 13 :-ಮಿಳು ಭೂಮಿಗಿ ಉಪ್ಪು ಅನಿನಲು .ಉಪ್ಪು ಸಪ್ಗೈಥ್ಯೇ ದಂಕಿ ಉಂಕ ಎಂತ್ನಿಂಕ ರುಚಿ ಹೊಸ್ಥದಿ ? ಜನಲು ದನ್ನಿ ಇವ್ಥ್ಲ್ಗೆಸಿ ತ್ಹೊಕ್ಕದಂಕಿ ಮತ್ತೆ ಎಂತ್ನಿಂಕ ರುಚಿ ಹೊಸ್ಥದಿ . ¹⁴ 14 :-ಮಿಳು ಲೋಕ್ಮ್ಗಿ ಎಲ್ಗು ಅನಿನಲು .ಕೊಂದಮಿಂದ ಉಂಡ ಉರು ಮರ್ಯಿಯಲೇ . ¹⁵ 15 :-ಅಮಿಂಕ ದಿಮ್ಪ್ನಿ ಅಂತ್ಚಿ ಕೊಲ್ಗಳ ಲೋಗ ಪೆಟ್ತಲೇ; ದಿಪಾಸ್ಥಂಬಲ ಪೆತ್ಥರು .ಅಪ್ಪ್ದು ಅದಿ ಇನ್ಥ್ಲ ಉಂಡ ಅಂದ್ರ್ಗು ಎಲ್ಗು ಇಸ್ಥದಿ . ¹⁶ 16 :-ಅಟ್ಟೆ ಮಿ ಎಲ್ಗು ಜನ್ಲು ಮುಂದ್ರ ಎಲ್ಗು ಪ್ರಕಸಿನ್ಚ್ನ್ನಿ .ಇಟ್ಟೆ ವಳು ಮಿಲ ಮಂಚಿ ಕರ್ಯ್ಮ್ನಿ ಸೂಸಿ ಪರೋಲೋಕ್ಮ್ಲ ಮಿ ತಂದ್ರಿನಿ ಕೊಂದ್ರ್ಥರು . ¹⁷ 17 :-ಮೋಶೆಯ ದರ್ಮಸ್ಥ್ರಣಿ ಪ್ರವದಿಲ ವಚ್ನಳನಿ ತಿಸೆದಂಕಿ ನಾನು ಹೊಸತಿ ಅನಿ ಅನೋಕೊದಂಡಿ .ತಿಸೆಸೆದಂಕಿ ರಲೇ ;ನೆರ್ವೆರ್ದಂಕಿ ಹೊಸ್ಥೀ . ¹⁸ 18 :-ಮಿಕಿ ನಿಜಂಗ ಸೋಪ್ಥನು -ಅಕಸ್ಹ್ಮು ಭೂಮಿಲ ಅಳಿಸಿಪೈಯದಂಕಿ ದರ್ಮಸ್ಥ್ರಮಲ ನೆರವೆರ್ನ್ಡಿ ಅನಿ ದನ್ಲೋಗ ಓಕಾ ಶುನ್ಯಮೈನು ಒಕ್ಟ್ತಿ ಗುದುಸ್ಮೈನು ಅಲ್ಸ್ಪೈಯಲೇ . ¹⁹ 19 :-ದನಿಕ ಈ ಚಿನ್ನ ಚೀನ ಅಗ್ನೆಲ್ನಿ ಅಹಿನ ಒಕ್ಟ್ತಿ ಮಿರಿ ಜನಲ್ಕಿ ಅಟ್ಟೆ ಮಿರಿಚಂದಂಕಿ ಬೋದಿಸುವಳು ಪರೋಲೋಕ ರಜ್ಮ್ಲ ಬಹಳ ಸನ್ನೋಡು ಅನಿ ಫಿಲ್ಚ್ಕಂಥದು ;ಐತ್ಹ್ಯೇ ವಡೆ ಆ ಅಗ್ನೆಲಿನಿ ನೆಡ್ಸ್ಕೊನಿ ಜನ್ಲ್ಕಿ ಅಟ್ಟೆ ನೆದಳನಿ ಬೋದಿಂಚೋಡು ಪರೋಲೋಕ ರಜ್ಮ್ಲ ಪೆದ್ಡೋದು ಅನಿ ಅನಿಬಿಚ್ಕಂಥಳು . ²⁰ 20 :-ಮಿ ನೀತಿಯ ಶಸ್ತ್ರಲನಿ ಅಮಿತ್ತ್ಗ ಪರಿಸಯಲು ನಿಥಿಗಿನ್ತ್ತ ಹೆಚ್ಕಕುಂಡ ಮಿರು ಪರೋಲೋಕ ರಜ್ಮ್ಲ ಸೇರೆಳೆದು ಅನಿ ಮಿಕಿ ಸೋಪ್ಥನು . ²¹ 21 :- ನರಹತ್ಯ ಸೇಯಕುದ್ದು ;ನರಹತ್ಯ ಸೇಸ್ಲೋಲು ನ್ಯಾಯ ವಿಚರ್ನಿಂಗಿ ಗುರಿ ಐಥಲುಅನಿ ಹಿರಲ್ಕು ಸೋಪಿಂದಿ ಅನಿ ಮಿಕಿ ಇನ್ನಾರು . ²² 22 :-ಐತ್ಹ್ಯೇ ನೇನು ಮಿಕಿ ಸೋಪ್ನ ಎಮಂತ್ತೆ -ವಡ ಸಹೋದ್ರನಪೈನ ಕೊಪಮಚಿನ ಪ್ರತಿ ಒಕ್ದು ಮನುಸುಡು ನ್ಯಾಯ ವಿಚ್ರ್ನ್ಗಿ ಗುರಿಯಥಲು ;ವಡಾ ಸಹೋದರನಿ ಸೂಸಿ -ಛೀ ನೀಚಡ ಅನ್ನೋಡು ನ್ಯಾಯ ಸಬೆಂಕಿ ವಿಚ್ರನಿಗಿ ಗುರಿಐಥದು .ಮುರ್ಕಾ ಅನ್ನೋಡು ಅಗ್ನಿ ನರ್ಕನಿಂಗಿ ಗುರಿಥದು . ^{23 24} 23-24 :-ದನಿಂಕ ನುವ ನಿ ಕನಿಕೆನ್ನಿ ಯಜ್ಞ್ನವೇದಿ ದೇಗ್ರ ಥಚಂಪ್ಪುದು ನಿ ಸೋಹೊದರನಪೈನ ಮನಸಲ ನಿ ಪೈನ ಎಮೋ ವಿರೋದ್ಮುಂದಿ ಅನಿ ನಿ ಗಂಪ್ಕ್ಕಿ ಹೊಸ್ತ್ತ್ತೆ ,ನುವ ನಿ ಕನಿಕ್ಕೆನ್ನಿ ಆ ಯಜ್ಞ್ನ ವೇದಿ ಮುಂದ್ರ ಹುಡ್ಸಿ ಮೊದ್ಳಗ ನಿ ಸೋಹೊದ್ರಪೈನ ಜೋಥ್ಲ ಒಚ್ದ್ದುಕಾ ;ಅ ಮಿತ್ಗ ಹೊಚ್ಚಿ ನಿ ಕನಿಕೆನಿ ಇಹಿ . ²⁵ 25 :-ನಿ ವದ್ಲ ಸಗಂದ್ಗ ಉಂಕ ದವಳುನ್ನಪುದ್ದು ವಾಡ ಕೂಡ ಬಿರ್ನ ಸಮಾದಾನ ಸೇಸ್ಕೋ ;ಲೆದಂತ್ತೆ ಆ ವಾದಿಡು ನಿನ್ನ್ನಿ ನಯದಿಪತಿಕಿ ಒಪೀಸ್ಥಾಡು ;ನ್ಯದಿಪಥಿಡು ನಿನ್ನಿ ಒಕ್ಲೆಕರುದ ಸೇಸ್ಥ್ಕಿ ಒಪಿಸ್ಥ್ದು ;ಅಪ್ಪ್ದು ನುವ ಸೇರೆಲ ಪೋಡ್ತ್ಹೊವೋ . ²⁶ 26:-ನುವ ಒಕ್ಟ್ತಿ ಕಸ್ಲ್ಕನಿ ನಿಲ್ಪೋತ್ಕುಂದ ಅಂತ ಸಲ್ಬಿಚ ತಂಕಂಗ ಅದ್ನಿಂಕ ಹೊಚ್ತ್ತ್ಳೆದು ಅನಿ ಮಿಕಿ ನಿಜಂಗ ಸೋಪ್ಥನು . ²⁷ 27:-ವಬಿಚ್ರುಮು ಸೇಯಕುಡು ಅನಿ ಮಿಕಿ ಮಿರು ಇನ್ನಾರು , ²⁸ 28:-ಐತ್ಹ್ಯೇ ನಾನು ಮಿಕಿ ಸೋಪ್ಥೆಮ್ನ್ತ್ತೆ -ಪರಶ್ರೀನಿ ಸೂಸಿ ಮೊಹಿಸ್ಥ್ಯೇ ಪ್ರತಿ ಮನುಸುಡು ಅಪ್ಪ್ದೆ ವಡಾ ಮನಸಲ ದಾನಿ ಜೋಥ್ಲ ವ್ಯಬಿಚ್ರಮು ಸೇಸುಂತಡು . ²⁹ 29:-ನಿ ಕುಡ್ಕನ್ನು ನಿನ್ನಿ ಪಮ್ಪ್ಲ ಸಿಕ್ಕ್ಬಿಚೆದೈಥ್ಯೇ ದನ್ನಿ ಪೆರ್ಕೈ ;ನಿ ದೇಹಮ್ಥ ನರಕಲ ಪೋಡ್ತ್ಹ್ಕಿಂಥ ಅವಯವಲ ಒಕ್ಟ್ತಿ ಪಿಯದಿ ನಿಕಿ ಹಿಥ್ಮುಕದ . ³⁰ 30:-ನಿ ಕುಡ್ಸೆಸಿ ನಿನ್ನಿ ಪಪ್ಮ್ಲ ಸಿಕ್ಬಿಚೆದೈಥ್ಯೇ ದನ್ನಿ ಕಡ್ಸೆಸಿ ಪರಯಿ ;ನಿ ದೆಮಂಥ ನರ್ಕಲ ಪೋಡ್ತ್ಹ್ಕಿಂಥ ಅವಯವಲ ಒಂದ್ ಪೈಯದಿ ಮಿಕಿ ಹಿತ್ಹ್ಮ್ಕದ . ³¹ 31:-ಇದಿಕಕುಂದ ವಡಾ ಪೆನ್ದಲ್ಮ್ನಿ ಉಡ್ಸೋದು ದಂಕಿ ಥ್ಯಗಪತ್ರ್ಮನ್ನಿ ಇಯಲಾನಿ ಸೋಪನಲನೆ . ³² 32:-ಐತ್ಹ್ಯೇ ನೇನು ಮಿಕಿ ಸೋಪದೆಮನ್ತೀ -ಹದರದಮು ಕಾರಣಕುಂಡ ವಡಾ ಪೆನ್ದಲ್ಮ್ನ್ನಿ ಉದ್ಸೋಸ್ದು ಆದಿ ವ್ಯಬಿಚ್ರಮು ಸೇಸದಂಕಿ ಕರಣಂ ಐತ್ಹದಿ ಅಮಿತ್ಗ ಮೊಗ್ದ್ನಿ ಉದ್ಸದನ್ನಿ ಪೆನ್ದಿಲಿ ಸೇಸ್ಕೊನಲು ವ್ಯಬಿಚ್ರಮು ಸೇಸ್ಕನತ್ತ ಐತ್ಹಳು . ³³ 33:-ಅಮಿಂಕ -ನುವ ಸುಲಾನೆ ಪೆತ್ತಕುದ್ಧು ;ನುವ ಪೆತ್ತ್ಕೊಂದ ಅನೆನಿ ಕರ್ಥ್ದ್ಕಿ ಸಲ್ಬಿಯಲಾನಿ ಹಿರಿಯಲ್ಕಿ ಸೋಪಿಂಡಿ ಅನಿ ಮಿರು ಇನ್ನ್ರು . ³⁴ 34:-ಅಮಿಂಕ ನೇನು ಮಿಕಿ ಸೋಪ್ನ್ಡಿ ಎಮನ್ನ್ತ್ತೆ -ಅಣೆನೆ ಪೆತ್ತಕುದ್ತು .ಅಕಸ್ಮು ಪೈನ ಅನೆ ಪೆತ್ತಕುದ್ತು ;ಅದಿ ದೇವಡಾ ಸಿಂಹಸ್ನ್ಮು . ³⁵ 35:-ಭೂಮಿ ಪೈನ ಅನೆ ಪೆತ್ತಕುದ್ತು ;ಆದಿ ಅತುದ್ಕಿ ಪದಾಪಿಟ್ಟಮು .ಯೋರೋಸ್ಲೋಮ್ಪೈನ ಅನೆ ಪೆಟ್ತದು;ಅದಿ ಆ ಪೆದ್ದ ಅರುಸುಡ ಪತ್ತನ್ಮು ಅಹಿಂದಿ. ³⁶ 36:-ನಿ ಥಲ್ಪೈನ ಕೂಡ ಅನೆ ಪೆಟ್ತದು ;ನುವ ಒಕ್ಟಿ ಎನ್ತ್ತ್ಕನಿಕನಿ ತೆಲ್ಗ್ಗ ಅಮಿಂಕ ನೆಲ್ಗ ಸೇಸೆಳೆದು . ³⁷ 37:-ಐತ್ಹ್ಯೇ ಮಿ ಮಟ ಹು ಅನ್ತ್ತೆ ಹು ,ಲೇದು ಅನ್ತ್ತೆ ಲೇದು .ಅನಿ ಉಂದಣಿ ;ದಿನ್ಕಿಂಥ ಎಕ್ವ ಅನಿನ್ದೆಡಿ ಸ್ಯ್ಥನ್ಮಿಂಕ ಹೊಚಿಂಡಿ . ³⁸ 38:-ಕಂಟ್ಲ್ಕಿ ಪ್ರಥಿಲೈ ಕಂಡ್ಲ್ನಿ ,ಪೊಂಡ್ಲ್ಕ್ಕಿ ಪರ್ಥಿಲೈ ಪೋಡ್ಲ್ನ್ನಿನಿ ತಿಸೆಯಿ ಅನಿ ಮಿರು ಇನ್ನುರು . ³⁹ 39:-ಐತ್ಹ್ಯೇ ನೇನು ಮಿಕಿ ಸೋಪ್ಪದೆಮಂತ್ತೆ -ಕೆದುಕದ್ನ್ನಿ ದದ್ಬಿಚೆದು .ಒಕ್ದು ನಿ ಕುಡಸಂಪ್ಲ್ಕಿ ಪೈನ ಕೊಚ್ಡ್ತ್ಯೇ ವಡ್ಕಿ ಉಂಕ ಒಕ್ಟ್ಹಿ ಶಂಪ್ಮ್ನ್ನಿ ಇಯಿ . ⁴⁰ 40:-ನಿ ಜೋಥ್ಲ ವಜ್ಯಸೆಸಿ ನಿ ಲೋಗ ಅಂಗಿನಿ ತಿಸ್ಕೊನಲನಿ ಉಂಡಲೋಳು ಪೈನ ಅಂಗಿನಿ ಉಡ್ಸಿ . ⁴¹ 41:-ಒಕ್ದು ಒಕ್ಟಿ ಮೈಲಿ ದುರ್ಮು ರಾ ಅಂತೆ ಅನಿ ನಿನ್ನಿ ಪೊಟ್ಕಂತ್ತೆ ವಡಾ ಜೋಥ್ಲ ರೊಂಡು ಮೈಲಿ ದುರ್ಮು ನಡಿ . ⁴² 42:-ನಿನ್ನಿ ಅದ್ಗೊದ್ಗಿ ನುವ ಇಯಿ ; ನಿನ್ಲ ಕದಣಿ ಇಚೋಕೊನಳನಿ ಹೊಚ್ನೊದ್ಕಿ ಮುಕ್ಮುನಿ ತಿರ್ಗ್ಬಿಚೋಕೊನದು . ⁴³ 43:-ನಿ ಪಕ್ಲೋದ್ನ್ನಿ ಪ್ರೆಥಿಂಚಿ ನಿ ವೈರಿನಿ ದೇಶ್ಮು ಸೇಯಲಾನಿ ಮಿರು ಇನ್ನಾರು . ⁴⁴ 44:-ಐತ್ಹ್ಯೇ ನೇನು ಮಿಕಿ ಸೋಪ್ಪದೆಮತ್ತೆ -ಮಿ ವೈರಿಲ್ನಿ ಪ್ರೆಥಿಚಂಡಿ ;ಮಿಮ್ನಿ ಹಿಮ್ಸೆಸೆನೋಲ್ಕಿ ದೆವ್ದಲ ಪರ್ಥಿಚಂಡಿ . ⁴⁵ 45 :-ಇಟ್ಟಳ ಸೇಸ್ಥ್ಯೇ ,ನುವ ಪರೋಲೋಕುಂದ ಮಿ ತಂದ್ರಿಕಿ ಮಿರು ಬಿದ್ಲೈಥರು .ಅತ್ಹುದು ಸೇದ್ದೊಲ್ಪೈನ ಮೊಂಚೋಲ್ಪೈನ ವಡಾ ಸುರ್ಯಡು ಪುತ್ತಳ್ತ್ಗ್ಸ್ ಸೇಸ್ಥದು ;ನಿತಿವನ್ಥ್ಳಪೈನ ಪುನಾ ಅನಿಥಿವನ್ಥ್ಳಪೈನ ವಾನ ಪೋಬಿಸ್ಥುನ್ತ್ಡದು . ⁴⁶ 46 :-ಮಿಕಿ ಪ್ರಿಥಿನಿ ಸುಬಿಚೋನಲ್ಕಿ ಮಿಳು ಪ್ರಿಥಿಸ್ಥ್ಯೇ ಏಮಿ ಪ್ರಯಜೋನ್ಮು ?ಬ್ರಸ್ತ್ಳು ಅತ್ತಾ ಸೇಸ್ಥ್ರ್ಕದ . ⁴⁷ 47 :-ಮಿ ಸೋಹೊದ್ರಲಪೈನ ಮಿರು ಮರ್ಯಾದೆ ಇಸ್ಥ್ಯೇ ಏಮಿ ಎತ್ಲ್ಲ ಸೇಸ್ನ್ತ್ಕಯ ?ಅನ್ಯಜನಲು ಅಟ್ಟೆ ಸೇಸ್ಥರುಕದಾ . ⁴⁸ 48 :-ದನಿಂಕ ಪರಲೋಕಂಲ ಉಂಡ ಮಿ ತಂದ್ರಿ ಯಾವ ದೊಶ್ಮುಲೆಕುನ್ನ್ದ ಉಂದತ್ತ್ಲ ಮಿಳು ಸಹ ದೊಸ್ಮುಲೆಕುಂದ ಅಟ್ಟೆ ಉನಂಡಿ .