10
1
.ಮೀಕಿ ನಿಜನಿಜಂಗ ಸೋಪ್ತಾನು,ಗೋರ್ಲಾಇಂಟ್ಲೊಗ ವಾಕಲ್ನಿoಕ ರಾಗುಂಡ ಮಲ್ಯಾನ್ನಿಂಕನೂ ಎಕ್ಕಿ ವಚ್ಚೆವಾಡು ದೊಂಗುಡು ಸುಲಸ್ಗಾನೆವಾಡು ಅಯ್ನಾಡು.
2
.ವಾಕಲ್ನಿಂಕ ಲೋಕಿ ವಚ್ಚೆವಾಡು ಆ ಗೊರ್ರುಲ ಕುರುಬುಡು.
3
.ವಾಕಲಿ ಕಾಸೆವಾಡು ವಾಡ್ಗಿ ವಾಕಲ್ನಿ ತೆರಸ್ತಾಡು,ಗೋರ್ರಲು ವಾಡ ಸ್ವರಾಂಗಿ ಸೇವ್ವುಲು ಇಸ್ತಾವಿ.
4
.ವಾಡು ಸ್ವಂತ ಗೋರ್ರಲ್ನಿ ಪೇರು ಸೊಪ್ಪಿ ಪಿಲ್ಚಿ ಆತರ್ಗಿ ಉಡ್ಸತಾಡು.ಸ್ವಂತ ಗೋರ್ರಲ್ನಿ ಆತರ್ಗಿ ಉಡ್ಸನಾ ಪೈನಾ ತಾನು ಅವುಟ್ಲಾ ಮುಂದ್ರ ಪಾತಾನು;ಗೊರ್ರಲು ವಾಡ ಸ್ವರಂನ್ನಿ ತಿಳ್ಚಗನಿ ವಾಡ ಯನ್ಕ ಪಾತಾವಿ.
5
ಅನ್ಯಾಲ ಸ್ವರಂನ್ನಿ ತಿಳ್ಚೆಲೇದು;ಅನ್ಯಡ ಯನ್ಕ ಪೋಗಿಂಡ ವಾಡ ದೇಗ್ಗರ್ನಿಂಕ ಪಾರಿಪಾತಾವಿ.
6
.ಈ ಉಪಮಾನಂನ್ನಿ ಯೇಸು ವಾಳ್ಗಿ ಸೋಪ್ನಾಡು;ಆಯ್ನೂ ಆತುಡ ಮಾಟ್ನಾ ಅರ್ಥಂನ್ನಿ ಗ್ರಾಹಿಚ್ಳೆದು.
7
.ಆಯ್ನಾಕಾರಣಂ ಯೇಸು ಮಲಿ ವಾಳ್ಗಿ-ಮೀಕಿ ನಿಜನಿಜಂಗ ಸೋಪ್ತಾನು,ಗೋರ್ರಲ್ಗಿ ನಾನೇ ವಾಕಲೈನಾನು.
8
.ನಾಗಿಂತ ಮುಂದ್ರೆ ವಚ್ನೋಳoದ್ರು ದೊಂಗಲು ಸುಲುಚ್ಗಾನ್ನವಾಡು ಆಯ್ದಾರು;ಆಯ್ತೆ ಗೋರ್ರಲ್ಗಿ ವಾಳ್ಗಿ ಸೇವ್ವ್ಳುಇಲೆದು.
9
.ನಾನೇ ಆ ವಾಕಲಿ;ನಾ ಮುಖಾoತರಂಮೈ ಯವ್ವಡೈನಾನು ಲೋಕಿ ಪಾತೆ ಸುರಕ್ಷಿತಂಗಉಂಡಿ ಲೋಕಿ ಪಾತಾಡು,ಆತರ್ಗಿ ವಸ್ತಡು ಮೇಪ್ನಿ ಕನ್ಗಾಟಾಡು.
10
.ದೊಂಗುಡು ದೊಗ್ಲಿಚ್ಚದಾನ್ಗು ಪಾಡ್ಸೆಸದಾನ್ಗು ವಸ್ತಾಡು ಹೊರ್ತು ಮಲಿಯಾವಾದಾನ್ಗು ವಚ್ಚೆಲೇದು;ನಾನೈನಾನು ಅವುಟ್ಲಿಗಿ ಜೀಮು ಉಂದಾಲನಿ ಆದಿ ಸಂಮೃದ್ದಿಯಂಗ ಉಂಡಾಲನಿಯು ವಚ್ನಾನು.
11
.ನಾನೇ ಮಂಚ್ಚಿ ಕುರುಬುಡು;ಮಂಚ್ಚಿ ಕುರುಬುಡು ತನ್ನ ಗೋರ್ರಲ್ಗೋಸ್ಕರಂ ತನ್ನ ಪ್ರಾಣoನ್ನಿ ಇಸ್ತಾಡು.
12
.ಕೂಲಿಮನುಸ್ಲು ಕುರುಬುಡು ಗೋರ್ರಲ ಒದಯಡು ಕಾಗುಂಡ ತೋಳಂವಚ್ಚೆದಾನ್ನಿ ಕಾಂಟಾನೆ ಗೋರ್ರಲ್ನಿ ಉಡ್ಸಿ ಪಾರಿಪಾತಾಡು;ತೋಳಂ ಅವುಟ್ಲಿ ಪೊಟ್ಗಾನಿ ಹಿಂಡ್ನಿ ಚದರಿಸ್ತಾವಿ.
13
.ವಾಡು ಕೂಲಿಮನ್ಸಿ; ಗೋರ್ರಲಚಿಂತೆ ವಾಡ್ಗಿಲೇದು.
14
.ನೀನೆ ಮಂಚಿ ಕುರುಬುಡು;ತಂಡ್ರಿಯು ನನ್ನಿ ತಾನು ತಂಡ್ರಿನ್ನಿ ತಿಳ್ಸುoಡಟ್ಟೆ ನೀನು ನಾ ಗೋರ್ರಲ್ನಿ
15
ತಿಳುಸ್ನಾನು;ನಾ ಗೋರ್ರಲು ನನ್ನಿ ತಿಳುಸ್ನಾವಿ;ಮಲಿ ಗೋರ್ರಲ್ಗೋಸ್ಕರಂ ನಾ ಪ್ರಾಣoನ್ನಿ ಇಸ್ತಾನು.
16
.ಇದಿಕಾಗ್ನೆ ಈ ಪುಟ್ಗಿ ಸೇರ್ಗುಂಡ ಇಂಕ ಬೇರೆ ಗೋರ್ರಲು ನಾಕಿ ಉಂಡಾವಿ,ಅವುಟ್ಲಿನೀ ನೀನು ತಿಸ್ಗರಾವಲ;ಅವಿ ನಾ ಸ್ವರಂಗಿ ಸೇವ್ಳುಇಸ್ತಾವಿ;ಅಪ್ಡು ಓಕ್ಟೆ ಹಿಂಡು ಆಯ್ತಾವಿ,ಒಕ್ಕಡೆ ಕುರುಬಡುಂಟಾಡು.
17
.ನೀನು ತಿರ್ಗಿ ಪಡ್ಸಾಗoಟಾನಾನಿ ನಾ ಪ್ರಾಣಂನ್ನಿ ಇಸ್ತಾನು;ದಾನ್ನ ನಿಮಿತ್ತಮೈ ತಂಡ್ರಿಯು ನನ್ನಿ ಪ್ರೀತಿಸ್ತಾಡು.
18
.ನಾ ಪ್ರಾಣಂನ್ನಿ ಯವ್ಳು ನನ್ನಿoಕ ತಿಸ್ನಾರು,ನಾಂತ್ಗಿ ನಾನೇ ದಾನ್ನಿ ಇಸ್ತಾನು;ದಾನ್ನಿ ಇಚ್ಚೆದಾನ್ಗಿ ನಾಕಿ ಅಧಿಕಾರಂಉಂಟ್ಟು,ದಾನ್ನಿ ತಿರ್ಗಿ ಪೋದ್ಸನೆದಾನ್ಗಿ ನಾಕಿ ಅಧಿಕಾರಂ ಉಂಟು;ಈ ಅಪ್ಪಣೆನ್ನಿ ನಾ ತಂಡ್ರಿನ್ನಿಂಕ ಹೊದ್ನಾನು ಅನ್ನಾಡು.
19
.ಈ ಮಾಟ್ಲಾ ದೆಸೆನ್ನಿಂಕ ಯೆಹೂದ್ಯಲ ತಿರ್ಗಿ ಭೆದಂಆಯಾ.
20
.ವಾಳಾ ಅನೆಕುಲು-ವಾಡ್ಗಿ ದೈಮು ಪೊಟ್ಟಿoದ್ದಿ,ಹುಚ್ಚು ಪೊಟ್ಟಿoದ್ದಿ,ಎಂದ್ಗೂ ವಾಡ ಮಾಟ ಇನಿನಾಳು?ಅನ್ನಾರು.
21
.ಮಲಿ ಕೆಲವುಲು -ಇವಿ ದೈಮು ಪೊಟ್ನಾವಾಳ ಮಾಟಲಂತ;ದೈಯ್ಯಮು ಗುಡ್ದೋಲ್ಗಿ ಕಂಡ್ಲು ಇಚ್ಛೆಬಲ್ಲ ?ಅನ್ನಾರು.
22
.ಆ ಕಾಲಂಲಾ ದೇವಾಲಯಂ ಪ್ರತಿಷ್ಠಿಯ ಪಂಡ್ಗಾಮು ಯೆರುಸಂಲಾನು ನಡ್ಸೆದ್ದಿ;ಅಪ್ಡು ಸಲಿಗಾಲಂಆಯ್ದೇ.
23
.ಯೇಸು ದೇವಲಯಂಲೊಗ ಸೋಲೋಮೊನುಡ ಮಂಟಪಂಲಾ ತಿರುಗಾಡ್ತಾ ಉಂಡಪ್ದು ಯೆಹೂದ್ಯಲು ಆತುಡ್ನಿ ಸುತ್ಗಾನಿ-
24
.ಇಂಕ ಎಂತ ಕಾಲಂ ಮಾಲಾ ಅನುಮಾನಂ ಪುಟ್ಟಿಸ್ತಾವು?ನುವ್ವ ಕ್ರೀಸ್ತುಡೈoಟೆ ದಾನ್ನಿ ಮಾಕಿ ಸ್ಪಷ್ಟoಗ ಸೊಪ್ಪು ಅನ್ನಾರು.
25
.ದಾನ್ಗಿ ಯೇಸು-ಮೀಕಿ ಸೋಪ್ನಾಡು,ಆಯ್ತೆ ಮೀಳು ನಂಬೆಗುಂಡ ಉಂಡಾರು;ನಾ ತಂಡ್ರಿಯು ಪೆರ್ಲಾ ನೀನು ಸೆಸ ಕ್ರೀಯೇಲೆ ನಾಕಿ ಸಾಕ್ಷಿ ಆಯ್ನಾದಿ.
26
.ಆಯ್ನೂ ಮೀಳು ನಾ ಗೋರ್ರಲ್ಗಿ ಸೇರ್ನಾವಾಳುಕಾಗುಂಡದಾನ್ನಿಂಕ ನಮ್ಗೂoಡ ಉಂಡಾರು.
27
.ನಾ ಗೋರ್ರಲು ನಾ ಸ್ವರಾಂಗಿ ಸೇವ್ಳುಇಸ್ತಾವಿ;ನೀನು ಅವುಟ್ಲಾ ಗೊತ್ತುoಟ್ಟು;ಅವಿ ನಾ ಯನ್ಕ ವಸ್ತಾವಿ.
28
.ನೀನು ಅವುಟ್ಲಿಗಿ ನಿತ್ಯಾಜೀಮುನ್ನಿ ಇಸ್ತಾನು;ಅವು ಎಪ್ಪಡ್ಗು ನಾಶಕಾಗುನ್ನನೆ ಲೇದು;ಅವುಟ್ಲಿನೀ ಯವ್ಳು ನಾ ಸೈಲೊಗನ್ನಿಂಕ ಕಸ್ಗಾoಟಾರು.
29
.ನಾ ತಂಡ್ರಿಯು ನಾಕಿ ಇಚ್ಚಿಂದಿ ಅಂತಾದಾನ್ಗಿoತ ಪೆದ್ದುದಿ;ದಾನ್ನಿ ತಂಡ್ರಿಯು ಸೈಲೊಗನ್ನಿಂಕ ಯವ್ಳು ಕಸಗೊಳ್ಳೆಲೇದು.
30
.ನಾನು ತಂಡ್ರಿಯು ಒಕ್ಕಟೈನಾಮು ಅನ್ನಾರು.
31
.ಯೆಹೂದ್ಯಾಲು ಆತುಡ್ನಿ ಕೊಟ್ಟಿ ಸಂಪಾಲನಿ ತಿರ್ಗಿ ರಾಯಿಲ್ನೀ ತಿಸ್ಗಾನಿ ವಚ್ಚಾಲು ಯೇಸು ವಾಲ್ನಿ-
33
.ತಂಡ್ರಿಯಕಡನ್ನಿಂಕ ಅನೇಕ ಮಂಚ್ಚಿ ಕ್ರೀಯೇಲ್ನಿ ಮೀಕಿ ಸೂಪಿಚ್ನಾನು;ಅವುಟ್ಲಾ ಯಾವ ಕ್ರಿಯೆಯ ದೆಸಿನ್ನಿಂಕ ನಾ ಪೈನಾ