¹ . ಇಟ್ಟುoಟೆನು ಮೊದ್ಲು ಒಡoಬಡಿಕುಲ ದೇವುದಾರಾಧನ್ಮು ನಿಯಮಮುಲುವುಂಡೆ ಮಲಿ ದೇವುದಾಲಯ್ಮು ವುಂಡೆ ಅದಿ ಇಹಲೋಕ್ಮು ಸಂಬಂದ್ಮು ಆಯಿಂದಿ ² ಅಂಟೆ ಓಕ್ ಗುಡಾರ್ಮು ಕಟ್ಟಲ್ಪಡುoಡೆ ದಾನ್ ಮೊದ್ಲು ಭಾಗ್ಮುಲ ದೀಪ್ಮು ಸ್ತಂಭ್ಮು ಮೇಜು ಸಮರ್ಪಿಂಚಿನ ರೊಟ್ಟ ಇವುಂಡೆ ದಾನ್ಕಿ ಪವಿತ್ರ ಸ್ಥಾನ್ಮು ಅನೆ ಪೇರು. ³ ರೊಂಡ್ನೆ ತೆರೆನೆ ಆಕ್ಟರ್ಲ ಅತಿಪವಿತ್ರಸ್ಥಾನ್ಮು ಅನ್ಬಿಚ್ಕೊನಿ ಇಂಕೊಕ್ಟಿ ಭಾಗ್ಮುವುಂಡೆ. ⁴ . ದಾಂಟ್ಲಾ ಚಿನ್ಮು, ದುಪ್ಮಾರತಿ ನೋನ್ಕು ಅಕ್ಟರ್ಕು ಚಿನ್ಮು ತಗಡ್ನಿ ಪೆಟ್ಟುoಡಿನ ಒಡಂಬಡಿಕ್ಮು ಮಂಜುಷ್ಮು ಇವುಂಡೆ ಅ ಮಂಜುಷ್ಮುನೋಸಿ ಮನ್ಮು ಪೆಟ್ಟುoಡಿನ ಚಿನ್ಮು ಪಾತ್ರುಮು ಆರೋನುಡಿನ ಚಿಗುರುಂಡೆ ಕಟ್ಟ ಒಡಂಬಡಿಕೆ ರಾಸುಂಡಿನ ರಾಯಿನ ಹಲಗ್ಲುಲು ವುಂಡೆ. ⁵ . ದಾನ್ ಮಿಂದ ದೇವುಡು ಪ್ರಭಾವ್ಮುನಿ ಸೂಚಿಚ್ಚೆ ಕೆರುಬಿಲು ಕೃಪಾಸನ್ಮುನಿ ಅಚ್ಕಾಸ್ಕೊನುಂಡೆ ಸದುಮ್ನಿ ಈ ವಿಷಯುಮ್ಳುನಿ ಒಕ್ಒಕ್ಟಯಿ ವಿವರಿಂಚ್ಚೆಕಿ ಆಯೆಟ್ಲೆದು. ⁶ . ಇವಿ ಇಟ್ಟ ಸಿದ್ಮು ಸೇಸಿನ್ಮಿಂದ ಯಾಜಕುಲು ಎಪೂ ಗುಡಾರ್ಮಿನ ಮುಂದ್ರ ಭಾಗ್ಮು ನೋನ್ಕಿ ಪಾಯಿ ದೇವುಡುನಿ ಆರಾಧನ್ಮುನಿ ನಡ್ಬಿಸ್ತಾರು. ⁷ . ಆಯ್ತೆ ರೊಂಡಿನ ಭಾಗ್ಮುನೋನ್ಕಿ ಮಹಾಯಾಜಕುಡು ಒಕ್ಟೆ ಯಾಡ್ಬಿಕಿ ಒಕ್ ಸಾರಿ ಪಾತಾಡು ವಾಡು ರಕ್ತುಮೂನಿ ಸಿಸ್ಕೊಕುನ್ನ ಪಾಯೇಟ್ಲೆದು ಅ ರಕ್ತುಮುನಿ ತನ್ಕೊಸ್ಕರ್ಮು ಜನುಲು ತಪ್ಪುಕೊಸ್ಕರ್ಮು. ⁸ . ಈ ಎರ್ಪಟಿಂಚ ಗುಡಾರ್ಮುಲ ಮುಂದ್ರ ಭಾಗ್ಮು ವುಂಡೆ ಗಂಟ ದೇವುಡು ಸಮಕ್ಷಮುಂಕಿ ಪಾಯೇ ಮಾರ್ಗುಮು ಇಂತ್ಗಂಟ ಪ್ರಕಟ್ಮು ಆವ್ಲೆದು ಅನೆದ್ನಿ ಪವಿತ್ರಾತ್ಮುಡು ವ್ಯಕ್ತ್ಮ ಪದ್ಬಿಸ್ತಾಡು. ⁹ . ಅ ಗುಡಾರ್ಮು ಇಪ್ದು ಕಾಲ್ಮೊಳ್ಕೋಸ್ಕರ್ಮು ಓಕ್ ನೋನಿನ ಅರ್ಥಮುನಿ ಸೂಚಿಸ್ತಾದಿ ಎಮಂಟೆ ದಾನ್ ಪ್ರಮುಮು ಮೇರೆಕೆ ಸಮರ್ಪಣ್ಮು ಆಯೆ ಕಾಣಿಕ್ಮುಲು ಯಜ್ಞುಮುಲು ದೇವುಡು ಆರಾಧನ್ಮು ಸೇಸೋಲ್ನ. ¹⁰ . ಮನಸಾಕ್ಷಿ ಒಪ್ಪಟ್ಗಿ ಸಿದ್ದಿಕಿ ಎತ್ಕೋನೇಕಿ ಕಾಕುನ್ನ ಅನ್ಮುಪಾನಾದಿಲು ವಿವಿದ್ಮು ಸ್ನಾನ್ಮುಲು ಸಹಿತ್ಮಾಯಿ ದೇಹುಮ್ನಿ ಮಾತ್ರುಮು ನಿಯಮುರಾಯುಂಡಿ ತಿದ್ದುಪಾಟಿ ಕಾಲ್ಮುಗಂಟಿ ಮಾತೃಮು ನೇಮಕ್ಮು ಆಯಿಂದಿ ಅನೇದಿ . ¹¹ . ಅಯ್ತೆ ಕ್ರಿಸ್ತುಡು ಇಪ್ಡು ದೊರ್ಕಿನಿ ಪೈನಿವಿನಿ ಕುರುಚ್ಚಿ ಮಹಾಯಾಜಕುಲಾಯಿ ವಚ್ಚಿ ಸೈಯಿಂಚ ಕಟ್ಟಲ್ಪಡ್ಲೇನಿನ ಅಂಟೆ ಈ ಸೃಷ್ಟಿಕಿ ಸಂಬಂದ್ಮು ಪಡ್ಲೇನಿನ. ¹² . ಘನ್ಮು ಆಯಿನು ಉತ್ಕೃಷ್ಟಮಾಯಿನು ವುಂಡೆ ಗುಡಾರ್ಮುಲ ಸೇವೆನಿ ಸೇಸೋಡಾಯಿ ಪೋತಲಿನ ಮಲಿ ಪೋತ್ದುಡಾಳ ರಕ್ತುಮುನಿ ಸಿಸ್ಕೊಕುನ್ನಿ ಸ್ವಂತ್ಮು ರಕ್ತುಮುನೆ ಸಿಸ್ಕೋನಿ ಮಾಕೋಸ್ಕರ್ಮು ನಿತ್ಯುಮು ವಿಮೊಚನ್ಮುನಿ ಸಂಪಾದಿಸ್ಕೊನೋಡಾಯಿ ಒಕ್ಕೆ ಸಾರಿ ದೇವುಡು ಸನ್ನಿದಾನ್ಮುಕಿ ಪ್ರವೇಶಿಚ್ಚೆ. ¹³ . ಪೋತು ಹೋರಿಲು ರಕ್ತುಮು ಹೊಲೆಯಾಯಿ ನೊಳ ಮಿಂದ ಚೆಲ್ಲೆ ಬೂದ್ಡಿ ಶರೀಮ್ರಿನ ಹೋಲೆನಿ ಪೋಬಿಚ್ಚಿ ಪವಿತ್ರುಮು ಸೇಸೆದಾಯ್ತೆ ¹⁴ . ನಿತ್ಯಾತ್ಮುಡಿoಚ ತನ್ನಿತಾನೆ ನಿರ್ದೊಶುಲುಲಾಯಿ ದೇವುಡುಕಿ ಸಮರ್ಪಿಸಿಕೊನಿನ ಕ್ರಿಸ್ತುಡು ರಕ್ತುಮು ಎಂತೋ ಹೆಕ್ವಾಯಿ ಮಮ್ಮುಲ್ನಿ ನಿರ್ಜೀವ್ಮು ಕರ್ಮಲಿಂಚ ಇಡ್ಬಿಚ್ಚಿ ಮಾಮು ಜೂಡುವುಂಡಿನ ದೇವುಡ್ನಿ ಆರಾಧಿಚ್ಚೋಳಾಯಟಗ ಮಾ ಮನಸ್ನಿ ಶುದ್ಮುಕರಿಸೆದಿಕದ ¹⁵ . ಮಾಲಿ ಈ ಕಾರುಣಮಿಂಚ ವಾಡು ಒಕ್ ಕೊತ್ ಒಡoಬಡಿಕೆಕಿ ಮದ್ಯಸ್ಥುಡಾಯಿನಾಡು ಮೊದ್ಲು ಒಡಂಬಡಿಕೆ ಕಾಲುಮ್ಲ ನಡ್ಸಿನ ಅಕ್ರಮುಲ ಪರಿಹಾಮ್ರುಕ್ಕಾಯಿ ಯೇಸು ಸಾವ್ನಿ ಅನುಭವಿಚ್ಚೆದಾನ್ಕಿ ದೆವುಡಿಂಚ ಪಿಲ್ಬಿಚ್ಕೊನ್ನೋಳು ವಾಗ್ವನ್ಮು ಆಯಿನ ನಿತ್ಯುಮು ಬಾದ್ಯತ್ಮುನಿ ಹೊಂದುಕಿ ಯೇಸು ಮೂಲಕ್ಮು ಮಾರ್ಗಮುಮಾಯೇ ¹⁶ . ಮರಣ್ಮು ಶಾಸನ್ಮು ವುಂಡೆಗಂಟ ದಾನ್ಕಿ ರಾಸಿಸೋಡ ಮರಣ್ಮು ಪ್ರಸಿದ್ಮಾಯುಂಡಾಲಂತೆ ¹⁷ . ಮರಣ್ಮು ಶಾಸನ್ಮು ಮರಣ್ಮು ಆಯಿನ್ಮಿಂದ ನಡ್ಸೆದೆ ಹೊರತು ರಾಸಿನೋಡು ಜೂಡುವುನ್ನಪ್ದೆ ಎಪ್ಡುಕು ಸಲ್ಲೇಟ್ಲೆದು ¹⁸ . ಇಟ್ಟುಂಡೆದಾಯಿ ಮೊದ್ಲ ಒಡಂಬಡಿಕೆಯಾರನು ರಕ್ತುಮು ಲೇಕುನ್ನ ಸ್ಥಾಪಿತ್ಮು ಆವ್ಲೇದು ¹⁹ . ಮೋಶೆಡು ದೇವುಡು ವಿಧಿಲುಲನ್ನಿನು ಧರ್ಮಶಾಸ್ತ್ರಮು ಪ್ರಕಾರ್ರು ಜನಲಂದ್ರುಕು ಸೋಪ್ಪಿನ್ಮಿಂದ ನೂಳು ಎರ್ರ ಉಣ್ಣ ಹಿಸ್ಸೋಪು ಕಟ್ಟ ಇವುಟ್ಲು ಜೋತ್ಲ ಹೋರಿದೂಡ್ಲುಲ ಮಲಿ ಪೋತುಲುಲ ರಕ್ತುಮುನಿ ಸಿಸ್ಕೋನಿ ²⁰ . ಇದಿ ದೇವುಡು ಮ್ನಿಕೊಸ್ಕರ್ರು ವಿದಿಚ್ಚಿನ ಒಡಂಬಡಿಕೆನಿ ಸ್ಥಿರ್ರುಪಡಿಚ್ಚೆ ರಕ್ತುಮಾಯಿಂದ ಅನಿ ಜನುಲು ಮಿಂದಾನು ರಾಸಿನಾಡು ²¹ . ಇದ್ಕಾಕುನ್ನ ಗುಡಾರ್ಮು ಮಿಂದಾನು ಅದೇ ರೀತ್ಮಾಯಿ ರಕ್ತುಮುನಿ ಪ್ರೋಕ್ಷಿಚ್ಚೆ ²² . ಧರ್ಮಶಾಸ್ತ್ರಮು ಪ್ರಕಾರ್ರು ಕೊಂಚ್ಮು ತಕ್ವ ಆನ್ನಿ ವಸ್ತುಲು ರಕ್ತುಮಿಂಚಾನೆ ಶುದ್ಧಿಕರಿಚ್ಚೆ ಪಡ್ನಾವಿ ರಕ್ತು ಧಾರೆಲೇಕುನ್ನ ಪಾಪ್ಮು ಪರಿಹಾಮ್ರು ಉಂಟಾಯೆಟ್ಲೆದ ²³ . ಪರ್ಲೋಕ್ಮು ವಸ್ತುಲುಕಿ ಪ್ರತಿರೂಪ್ಮಾಯುಂಡಿನ ವಸ್ತುಲು ಶುದ್ಧಕರ್ನುಂ ಕ್ಕಾಯಿ ಇಟ್ಟೆ ಯಜ್ಞಮುಲು ಅವಶ್ಯುಮಾಯಿನ ಸಾಕ್ಷಾತ್ ಪರ್ಲೋಕ್ಮುದಾನಿಟ್ಲಿಕಿ ಇವುಟ್ಲಿಕ್ಕಿಂತ ಉತ್ತಮುಮು ಆಯಿನಾ ಯಜ್ಞಮುಲು ಕವಾಲ ²⁴ . ಎoದ್ಕಂಟೆ ಕ್ರಿಸ್ತುಡು ನಿಜಮಾಯಿನ ದೇವುಡು ಸಮುಖುಮ್ಲ ಮಾಕೊಸ್ಕರ್ಮು ಇಪ್ಡು ಕನ್ಬಿಚ್ಕೊನೆಕಿ ಪರ್ಲೋಕ್ಮುಲಾನೆ ಪ್ರವೇಶಿಚ್ಚೆ ²⁵ . ಇದ್ಕಾಕುನ್ನ ಮಹಾಯಾಜಕುಡು ಯಾದ್ಡಿ ಯಾದ್ಡಿನು ಅನ್ಯರಕ್ತುಮುನಿ ಸಿಸ್ಕೋನಿ ಪವಿತ್ರಾಲಯುಮ್ಲ ಪ್ರವೇಶಿಚ್ಚೆ ಪ್ರಕಾರ್ಮು ಯೇಸು ತನ್ನಿ ಅನೇಕ್ಮು ಸಾರಿ ಸಮರ್ಪಿಚ್ಚೆದಾನ್ಕು ಪರ್ಲೋಕ್ಮುಲಲಾನೆ ಪ್ರವೇಶಿಚ್ಚೆ ಪ್ರಕಾರಮು ಯೇಸು ತನ್ನಿ ಅನೇಕ್ಮು ಸಾರಿ ಸಮರ್ಪಿಚ್ಚಿದಾನ್ನು ಪರಲೋಕ್ಮುಲ ಪ್ರವೇಶ್ಮುಸೇಲ್ಲೆದು . ²⁶ . ಅಟ್ಟೆ ಸಮರ್ಪಿಕಾಯುಂಡೆ ಪಕ್ಷುಮುಲ ಯೇಸು ಲೋಕಾದಿಯಿಂಚ ಎನ್ನೋ ಸಾರಿ ಬಾದೆಪಡಿ ಸಾಯ್ಚಾಕಾಯುಂಡಾಲ ಆಯ್ತೆ ಒಕ್ಕೆ ಸಾರಿ ಯುಗ್ಮುಲು ಸಮಾಪ್ತಿಲಾನೆ ಯೇಸು ಪಾಪ್ಮು ನಿವಾರಣ್ಮು ಸೇಯಾಲನೆ ಉದ್ದೇಶ್ಮಿಂಚ ತನ್ನಿ ಯಜ್ಞುಮು ಸೇಸ್ಕೊನೋಡಾಯಿ ಪ್ರತ್ಯೇಕ್ಷುಮಾಯೇ. ²⁷ . ಒಕ್ಕೇ ಸಾರಿ ಸಚ್ಚೇದಿ ಅಮಿಂಚ್ಚ ನ್ಯಾಯತೀರ್ಪು ಮನುಷ್ಯಲುಕಿ ಎಟ್ಟ ನೇಮಕ್ಮು ಆಯಿಂದೋ ಅಟ್ಟೆ ಕ್ರಿಸ್ತುಡು ಸಹ್ಮು ಬಹುಜನುಲು ಪಾಪಲ್ನಿ ಮೋಸ್ನೋನೆದಾನ್ಶೋಸ್ಕರ್ಮು ಒಕ್ಕೇ ಸಾರಿ ಸಮರ್ಪಿಡಾಯೇ ಮಲಿ ²⁸ ತನ್ನಿ ನಿರೀಕ್ಷಿಚ್ಕೊನೋಳ್ಕಿ ರಕ್ಷಣ್ಮುನಿ ಸೇಸೆದಾನ್ಕೋಸ್ಕರ್ಮು ಪಾಪ್ಮು ಸಂಬಂದ್ಮುಲೇನೋಡಾಯಿ ರೊಂಡಿನ ಸಾರಿ ಕನ್ಚಿಚ್ಕೊಂಟಾಡು.