11 ಅದ್ಯಯಮು
1
. ನಂಬಿಕ್ಮೋ ಮಾಮು ನೀರಿಕ್ಷಿಚ್ಚೆವಿ ವಿಷಯ್ಮಾಯಿ ಭರವಸ್ಮು ಇಂಚ ವುಂಡೆದಿ ಕಂಡ್ಳುಕಿ ಕಾನ್ ಲೆನಿನೋವ್ನಿ ನಿಜ್ಮು ಅನಿ ತಿಲ್ಚ್ಕೋನೆದಿ ಆಯಿಂದಿ
2
ಮಾ ಪೂರ್ವಿಕುಲು ನಂಬುಕ್ಮುವುಂಡೋಳಾಯುಂಡೆ ದಾನ್ನಿಂಚಾನೆ ಮಂಚಿ ಪೆರ್ನಿ ಹೊಂದ್ಕೊನಿ
3
ಲೋಕ್ಮುಲು ದೇವುಡು ಮಾಟಿಂಚ ನಿರ್ಮಿತ್ಮು ಆಯಿಂದಿ ಅನಿ ನಂಬುಕ್ಮು ಇಂಚಾನೆ ಮಾಮು ತಿಳ್ಕೊನಿ ಕನ್ಬಡೆ
4
ನಂಬುಕ್ಮು ಇಂಚಾನು ಹೇಬೇಲುಡು ಕಾಯಿನುಡು ಯಜ್ಞುಮುಕ್ಕಿಂತ ಶ್ರೇಷ್ಠಮೈನ ಯಜ್ಞಮ್ನಿ ದೇವುಡುಕಿ ಸಮರ್ಪಿಚ್ಚೆ ದಾನ್ ಮೂಲಕ್ಮು ತಾನು ನೀತಿವಂತುಡುನಿ ಸಾಕ್ಷಿನಿ ಹೊಂದೆ ದೇವುಡು ವಾಡ್ ಕಾಣಿಕೆಲ್ನಿ ಅಂಗಿಕಾರ್ಮು ಸೇಸಿಂದಿ ಆ ಸಾಕ್ಷಿ ವಾಡು ಸಚ್ಚುಂಟೇನು ವಾಡ್ ನಂಬುಕ್ಮು ಮೂಲಕ್ಮು ಇಂಕ ಮಾಟ್ಲಾಡ್ತಾಡು
5
. ಹನೋಕುಡು ಮರಣ್ಮುನಿ ಅನುಭವಿಕುನ್ನ ಎತ್ಕೋ ಪಾಯಿಂದಿ ನಂಬುಕ್ಮು ಇಂಚಾನೆ ವಾಡ್ನಿ ದೇವುಡು ಸೇಸ್ಕೊನಿ ಪಾಯಿಂದಾನ್ನಿಂಚ ವಾಡು ಯೋಳ್ನು ಸೆಕ್ಲೆದು ವಾಡು ಎತ್ಕೊನ್ ಪಾಯಿಕ್ಕಿಂತ ಮುಂದ್ರ ದೇವುಡುಕಿ ಮೆಚ್ಚಿಕ್ಮು ಆಯುಂಡೋಡಾಯುಂಡೆ ಅನಿ ಸಾಕ್ಷಿ ವುಂಡಾದಿ
6
. ಆಯೇ ನಂಬುಕ್ಮು ಲೆಕುನ್ನ ದೆವುಡ್ಕಿ ಮೇಚ್ಚಿಚ್ಚೆದಿ ಆಸಾದ್ಯುಮು ದೇವುಡು ದೇಗ್ರುಕಿ ವಚ್ಚೋಡು ದೇವುಡು ವುಂಡಾಡು ಮಲಿ ತನ್ನ ಹುಡ್ಕೊಳ್ಕಿ ಪ್ರತಿಫಲಲ್ಮುನಿ ಇಸ್ತಾಡು ಅನಿ ನಂಬೇದಿ ಅವಶ್ಯುಮು
7
. ನಂಬುಕ್ಮು ಇಂಚಾನು ನೋಹಾನುಡು ಅಪ್ದುಗಂಟ ಕಾನ್ ತೀತಿನ ಸಂಗತಿಲು ವಿಷಯುಮು ಆಯಿ ದೈವೊಕ್ತಿನಿ ಹೊಂದ್ಕೊನಿ ಭಯಭಕ್ತಿ ವುಂಡೋಳಾಯಿ ತನ್ ಇoಟೊಳ್ ಸಂರಕ್ಷಣ್ಮಗೊಸ್ಕರ್ಮು ನಾವೆನಿ ಕಟ್ಟಿ ಸಿದ್ಮುಸೇಸೆ ದಾನ್ನಿಂಚ ವಾಡು ಲೋಕ್ಮೊಳ್ನಿ ದಂಡನೇಕಿ ಪಾತ್ರುಲನಿ ನಿರ್ಣಯಿಚ್ಕೊನಿ ನಂಬುಕ್ಮು ಫಲ್ಮು ಆಯಿನ ನೀತಿಕಿ ಭಾದ್ಯುಮಾಯೇ
8
. ನಂಬುಕ್ಮು ಇಂಚಾನೆ ಅಬ್ರಾಹಾಮುಡು ಪಿಲ್ಚಿನಾಕ್ಷಣ್ಮೆ ಪಿಲ್ಚಿನೋಡಿನ ಮಾಟ್ನಿ ಇನಿ ವಾಡು ಭಾದ್ಯುಡಾಯಿ ಹೊಂದ್ಬೇಕಾಯಿನ ಸ್ಥಳುಯ್ಕಿ ಪಾಯೇ ವಾಡು ಪೋಬೇಕಾಯಿನ ಸ್ಥಳ್ಮು ಯಾದ್ಡಿ ಅನಿ ತಿಳಿಕುನ್ನ ಪಾಯೇ
9
. ನಂಬುಕ್ಮು ಇಂಚಾನೆ ವಾಡು ವಾಗ್ದಾತ್ಮು ದೇಶ್ಮುಮ್ನಿ ವಚ್ನಪ್ದು ಆನ ಅನ್ಯದೆಶುಮ್ಲ ವುಂಡೋಡ್ಲಾಕ ಡೆರೆಲ ವುoಡ್ಕೊನಿ ಪ್ರಾವಸಿಯಾಯಿ ಬದ್ಕೆ ಅದೇ ವಾಗ್ದಾನುಮ್ನಿ ಸಹವಾದ್ಯುರಾಯುಂಡಿನ ಇಸಾಕುಡು ಯಾಕೊಬುಡು ಆ ವಾಡ್ಲಾಕನೆ ಡೇರೆಲ ವಾಸಿಚ್ರೆ
10
. ಎಂದ್ಕಂಟೆ ವಾಡು ಶಾಶ್ವತುಮೈನ ಅಸ್ತಿವಾರುಲುವುಂಡೆ ಪಟ್ಟನ್ನ್ಮುನಿ ಎದ್ರು ಸೂಸ್ತ ವುಂಡ್ರಿ
11
. ಇದ್ಕಾಕುನ್ನ ಸಾರಾಳು ವಾಗ್ದಾನ್ಮು ಸೇಸ್ಕೊಡ್ನಿ ನಂಬೋಡು ಅನಿ ಎಣ್ಬಿಚ್ಚಿ ಆದಿ ಪ್ರಾಯ್ಮು ಮೀರುಂಡೆದಿ ಆಯಿನಾನು ನಂಬುಕ್ಮು ಇಂಚಾನೆ ಗರ್ಭುಮು ಧರ್ಸೇದಾನ್ಕು ಶಕ್ತಿನಿ ಹೊಂದೆ
12
. ದಾನ್ನಿಂಚ ಮೃತ್ಯುಮು ಪ್ರಾಯುಡಾಯುಂಡಿನ ಒಕ್ಟಿಂಚ ಆಕಾಶ್ಮು ನಕ್ಷತ್ರುಲಾಕುನು ಸಮುದ್ರುಮು ತೀರುಮ್ಲ ವುಂಡೆ ಉಸುಬಿನ್ಲಾಕನು ಅಸಂಖ್ಯಮಾಯಿ ಬಿಡ್ಲು ಪುಟ್ರಿ
13
. ವೂಳಂದ್ರು ವಾಗ್ದಾನ್ಮು ಫಲ್ಮುನಿ ಹೊಂದ್ಕೊನ್ನ ಅವುಟ್ಲುನಿ ದೂರ್ಮಿಂಚ ಸೂಸಿ ಉಲ್ಲಾಸ್ಮು ಜೋತ್ಲ ವಂದಿಚ್ಚಿ ನಂಬುಕ್ಮು ವುಂಡೋಳಾಯಿ ಸಚ್ಚಿಪಾಯ್ರಿ ವಾಳು ಭೂಮಿ ಮಿಂದ ಪರದೇಶ್ಮು ವಾಳು ಪ್ರವಾಸಿಲು ಆಯ್ನಾಮನಿ ಒಪ್ಪಿಕೊನ್ರಿ
14
. ಇಟ್ಟ ಮಾಟ್ಲಾನಿ ಆಡೋಳು ವಾಳು ಸ್ವದೇಶ್ಮುನಿ ಹುಡುಕ್ತಾರು ಅನೆ ಅರ್ಥುಮುನಿ ವ್ಯಕ್ತ್ಮು ಪಡಿಸ್ತಾರು
15
. ವಾಳು ವಚ್ಚುಂಡಿನ ದೇಶ್ಮು ಮಿಂದ ಮನ್ಸು ಪೆಟ್ಟುoಡೊಳಾಯುಂಟೆ ತಿರಿಗಿ ಆನ್ನಿ ಪಾಯೇದಾನ್ನಿ ವಾಳ್ಕಿ ಎಪ್ದು ಅವಕಾಶ್ಮುಂಡೆ
16
ಆಯ್ತೆ ವಾಳು ಪರಲೋಕ್ಮು ಅನೆ ಉತ್ತಮುಮು ದೇಶ್ಮುನಿ ಹಾರೈಸೋಳು ದಾನ್ನಿಂಚ ದೇವುಡು ವಾಳ ದೇವುಡು ಅನ್ಬಿಚ್ಕೊನೆದಾನ್ಕಿ ನಾಚ್ಕೊನೆಕುನ್ನ ವಾಳ್ ಕೋಸ್ಕರ್ಮು ಪೆಟ್ಟಣ್ಮುನಿ ಸಿದ್ದು ಸೇಸ್ನಾಡು
17
. ಅಬ್ರಾಹಮುಡು ಪರಿಶೋದಿತುಡಾಯಿ ನಂಬುಕ್ಮು ಇಂಚಾನೆ ಇಸಾಕುಡ್ನಿ ಸಮರ್ಪಿಚ್ಚೆ
18
. ಇಸಾಕುಡು ವಾಡ್ ಒಕ್ ಕೊಡ್ಕು ಆಯುಂಟೇನು ಮಲಿ ಇಸಾಕುಡಿಂಚ ಪುಟ್ಟು ನೋಳೇ ನೀ ಸಂತತಿ ಅನ್ಬಿಚ್ಕೋನೆ ಅನೆ ದೇವುಡು ವಾಡ್ನಿ ಸೊಪ್ಪುಂಟೆನು ಆ ಒಕ್ಟೆ ಕೊಡ್ಕ್ನಿ ಸಮರ್ಪಿಚ್ಚೆಕೆ ವುಂಡೆ
19
. ವಾಡ್ ಕೊಡ್ಕು ಸಸ್ತೆನು ದೇವುಡು ವಾಡ್ನಿ ಬದ್ಕಿಚ್ಚೆ ಸಮರ್ಥುಡಾಯಿನಾಡು ಅನಿ ತಿಳ್ಸ್ಕೊನೆ ಮಲಿ ಸಚ್ನೋಳ್ ನೋನಿಂಚನೆ ಜೀವಿತ್ಮಾಯಿ ವಚ್ನೋಡ್ ಲ್ಲಾಕ ವಾಡ್ನಿ ಹೊಂದೆ
20
. ನಂಬುಕ್ಮು ಇಂಚಾನೆ ಇಸಾಕುಡು ಯಾಕೊಬುಡ್ನಿ ಎಸಾವುಡ್ನಿ ಆಶಿರ್ವಧಿಚ್ನಪ್ದು ಮುಂದ್ರ ಸಂಭವಿಬೇಕಾಯಿನ ಸಂಗತಿಲ್ನಿ ಸೂಚಿಚ್ಚೆ
21
. ಯಾಕೊಬುಡು ವಾಡು ಸಚ್ಚೆನಪ್ದು ನಂಬುಕ್ಮು ಇಂಚಾನೆ ಯೊಸೇಪುಡು ಬಿಡ್ಳು ಇದ್ರುನಿ ಆಶಿರ್ವಧಿಚ್ಚೆ ತನ್ ಕಟ್ಟೆ ಮಿಂದ ಒಕ್ಕೊನಿ ದೇವುಡುಕಿ ನಮಸ್ಕಾರ್ಮು ಸೇಸೆ
22
. ಯೊಸೇಪುಡು ಸಚ್ಚಿಪಾಯಿನಪ್ಡು ಇಸ್ರಾಯೇಲುಲು ಐಗುಪ್ತುಮು ದೇಶ್ಮು ಮಿಂಚ ಪಾಯೇದಾನ್ನಿ ಕುರಿಚ್ಚೆ ನಂಬುಕ್ಮು ಇಂಚಾನೆ ಮಾಟ್ಲಾಡಿ ತನ್ ಪಿನುಗ್ನಿ ಸೇಸ್ಕೊನಿ ಪಾಯೇ ವಿಷಯುಮ್ಲ ಅಪಣ್ಮು ಇಚ್ಛೆ
23
. ಮೋಶೆ ಪುಟ್ಟಿನಪ್ದು ವಾಡ್ ತಂಡ್ರಿ ತಲ್ಲಲು ಕೂಸು ಬಾಗುಂಡಾದಿ ಅನಿ ಸೂಸಿ ರಾಜುಡು ಅಪ್ಪಣ್ಮುಕಿ ಭಯ್ಮು ಪಡ್ಕುನ್ನ ನಂಬುಕ್ಮು ಇಂಚಾನೆ ವಾಡ್ಕಿ ಮೂಡ್ ನೆಲ್ಲು ಮೋಸ್ ಪೆಟ್ರಿ
24
. ಮೋಶೆಡು ಪೆದ್ದೂಡ್ ಅಯಿನ್ಮಿಂದ ಫರೋಹುಡು ಕುಮಾರೇಕಿ ಕೊಡ್ಕು ಅನ್ಬಿಚ್ಕೊನೇದಿ ವದ್ದು ಅನಿಂದಿ ನಂಬುಕ್ಮು ಇಂಚಾನೆ
25
ಕೊಂಚ್ಮು ಕಾಲ್ಮು ಪಾಪ್ಮು ಭೋಗ್ಮುಲ್ನಿ ಅನುಭವಿಚ್ಚ ದಾನ್ಕಿಂತ ದೇವುಡು ಜನಲೋಟ್ಗ ಕಷ್ಟಮುನಿ ಅನುಭವಿಚ್ಚೇದೆ ಮಂಚಿದಿ ಅನಿ ತೀರ್ಮಾನಿಚ್ಚಿಕೊನ್ನಿ
26
. ಐಗುಪ್ತ ದೇಶ್ಮುನ ಸರ್ವುಮು ಐಶ್ವರ್ಯಮುಕ್ಕಿಂತ್ತಾನು ಕ್ರಿಸ್ತುಡು ನಿಮಿತ್ಮಾಯಿ ಉಂಟಾಯೆ ನಿಂದೇನೆ ಶ್ರೆಷ್ಟುಮೈನ ಭಾಗ್ಯುಮು ಅನಿ ಎಣಿಚ್ಕೊನೆ ಎಂದ್ಕಂಟೆ ವಚ್ಚೆ ಪ್ರತಿ ಫಲ್ಮು ಮಿಂದ ಕನ್ ಪೆಟ್ಟುoಡೆ
27
. ವಾಡು ರಾಜುಡು ರೌದ್ರಂಕಿ ಎದ್ರುಕೊಕುನ್ನ ಐಗುಪ್ತು ದೇಶ್ಮುನಿ ಇಡ್ಸಿ ಪಾಯಿಂದಿ ನಂಬುಕ್ಮು ಇಂಚಾನೆ ವಾಡು ಅದೃಶ್ಯಮಾಯಿಂಡೊಡ್ನಿ ದೃಷ್ಟಿಚ್ಚೋಡೊ ಅನಟ್ಗ ದೃಡ್ಮು ಚಿತ್ತುಡಾಯುಂಡೆ
28
. ಚೋಚ್ಚಲ್ಮು ಬಿಡ್ಳುನಿ ಸಂಹರಿಚ್ಚೋಡು ಇಸ್ರಾಯೇಲ್ಯು ಮುಟ್ನಟಗ ವಾಡು ಪಸ್ಕ ಅನೆ ಊಟುಮ್ನಿ ರಕ್ತುಮು ಪ್ರೋಕ್ಷಣಾಚಾರ್ಮುನಿ ನೆಮಿಚ್ಚುಂಡಿಂದಿ ನಂಬುಕ್ಮು ಇಂಚಾನೆ
29
. ನಂಬುಕ್ಮು ಇಂಚಾನೆ ಇಸ್ರಾಯೇಲ್ಯುಲು ಎರ್ರ ಸಮುದ್ರುಮುನಿ ಎಂಡ ಭೂಮಿನಿ ದಾಟ್ ನಟ್ಗ ದಾಟ್ರಿ ಐಗುಪ್ತ್ಮು ದೇಶ್ಮು ವಾಳು ದಾನ್ನಿ ದಾಟೆದಾನ್ಕಿ ಪ್ರಯತ್ನಿಚ್ಚಿ ಮುಳ್ಗಿ ಪಾಯ್ರಿ
30
. ನಂಬುಕ್ಮು ಇಂಚಾನೆ ವಾಳು ಯೋಡು ದಿನಾಲ್ಲು ಗಂಟ ಎಂಕ್ತೋ ಪಟ್ಣುಮು ಗ್ವಾಳ್ಳುನಿ ಸುತ್ತ್ತಿನ್ಮಿಂದ ಅವಿ ಪಡೆ
31
. ನಂಬುಕ್ಮು ಇಂಚಾನೆ ರಹಾಬುದಿ ಅನೆ ಸೂಳೆ ಗೂಡಾಚಾರ್ಮುಲ್ನಿ ಸಮದಾನ್ಮಾಯಿ ಸೇರಿಸ್ಕೊನಿ ನಂಬೋಳ್ ಜೋತ್ಲ ನಾಶ್ಮು ಆವ್ಲೆದು
32
. ಇಂಕ ಎಮಿ ಸೋಪ್ಪಾಲ . ಗಿಡಿಯೋನ್ ಬಾರಾಕ್ ಸಂಸೋನ್ ಎಫೆತ್ ದಾವಿದ್ ಸಮುವೆಲ್ ಅನೋಳ ವೃತ್ತಾoತ್ಮುನಿ ಪ್ರವಾದಿಲ ವೃತ್ತಾoತ್ಮುನಿ ವಿವರಮಾಯಿ ಸೋಪ್ ಬೇಕಾಯ್ತೆ ನಾಕಿ ಸಮಯ್ಮು ಸಾಲೆಟ್ಲೆ
33
. ನಂಬುಕ್ಮು ಮೂಲಕ್ಮು ವಾಳು ರಾಜ್ಯುಲ್ನಿ ಸ್ವಾದಿನ್ಮು ಸೇಸ್ಕೊನಿ ನೀಲೆನಿ ಸಡ್ಬಿಚ್ರಿ ವಾಗ್ದಾನ್ಮುಲ್ನಿ ಪಡ್ಸ್ಕೊನ್ರಿ ಸಿಂಹಲು ನೋರ್ ಕಟ್ರಿ ಅಗ್ಗಿ ಬಲುಮ್ನಿ ಆರ್ಬಿಚ್ಚಿ
34
. ಸೂರ್ ಗತ್ತಿ ನೋರ್ಕಿ ತಪ್ಪಿಚ್ಕೊನ್ನಿ ನಿರ್ಬಲ್ಮುಲು ಆಯುಂಡಿ ಬಲಿಷ್ಟಲಾಯಿನ ಯುದ್ಮ್ಲಲ ಪರಾಕ್ರಮ ಶಾಲಿಲಾಯಿರಿ ಇಂಕೊಕ್ಳು ದಿಂಡುಲ್ನಿ ಅಂಪಿಟರಿ
35
. ಆಡೋಳ್ ಸಚ್ಚಿಪಾಯಿನ ವಾಳೋಳ್ಳಿ ಪುನರುತ್ತಾನ್ಮು ಇಂಚ ತಿರಿಗಿ ಹೊಂದ್ರಿ ಕೆಲುವ್ಲು ತಾವು ಯಾತನ್ಮು ಯಂತ್ರಮ್ಕಿ ಕಟ್ನಪ್ಡು ಶ್ರೇಷ್ಠ ಪುನರುತಾನ್ಮುನಿ ಹೊಂದೆದಾನ್ಕಿಕೋಸ್ಕರ್ಮು ಬಿಡುಗಡ ವದ್ದು ಅನಿ ಸೊವ್ವೆ ಇರ್ಗಿಬಿಚ್ಚಿ ಸಚ್ರಿ.
36
. ಬೇರೆ ಕೆಲುವ್ಲು ಅಪಹಾಸ್ಯಮು ಕೊರಡಿನ ಪೆಟ್ಟು ಬೇಡಿ ಸೆರೆ ಇಂಟ ಇವುಟ್ಲುನಿ ಅನುಭವಿಚ್ಚ್ರಿ.
37
. ಕೆಲವ್ಲುನಿ ಜನಲು ರಾಯ್ ಕೊಟ್ಟಿ ಸೊಂಪ್ರಿ ದೇವುಡು ದ್ರೋಹಿಲು ಆಯಿನ ಪ್ರಾಣುಮ್ನಿ ಉಳ್ಬಿಚ್ಕೊನ್ರಿ ಅನಿ ಕೆಲುವ್ಲುನಿ ಪ್ರೇರೆಪಿಚ್ಚ್ರಿ ಕೆಲುವ್ಲು ಕೊರತೆ ಹಿಂಸುಮು ಭಾದ ಇವುಟ್ಲುನಿ ಅನುಭವಿಚ್ಚೋಳ್ ಆಯುಂಡಿ ಗೋರ್ಲು ಮ್ಯಕ್ಲುಳ ಚರ್ಮಮಲ್ನಿ ಪೆಟ್ಕೊನ್ನೋಳಾಹಿ ತಿರ್ಗಾಡ್ರಿ.
38
. ಇಟ್ಟೋಳ್ಕಿ ಈ ಲೋಕ್ಮು ಯೋಗ್ಯುಮು ಸ್ಫಳ್ಮು ಕಾದುವಾಳು ವಾಳ್ದೇಶ್ಮು ಕಾಡು, ಬೆಟ್ಮು, ಗವಿ, ಕುಣಿಲ್ಲ ಅಲ್ಸೋಲಾಯುಂಡ್ರಿ.
39
. ವೂಳುಂದ್ರು ನಂಬುಕ್ಮು ಮೂಲಕ್ಮು ಮಂಚಿ ಪೆರ್ನಿ ಸಂಪಾದಿಚ್ಚಿಕೊನುಂಡ್ರಿ ವಾಗ್ದಾನ್ಮು ಫಲ್ಮುನಿ ಹೊಂದ್ಲೆದು
40
. ದೇವುಡು ಮಾಕೊಸ್ಕರ್ಮು ಶ್ರೇಷ್ಠ ಮೈನ ಭಾಗ್ಯಮುನಿ ಏರ್ಪಡಿಚ್ಚಿ ಮಾಮ್ ಲೆಕುನ್ನ ವಾಳು ಸಿದ್ಧಿಕಿ ರಾಗುಡ್ದು ಅನಿ ಸಂಕಲ್ಪಿಚ್ಚೆ