¹ . ಕ್ರಿಸ್ತ ಯೇಸುವಿಲುಡು ಜೀವವಾಗ್ದಾನುಲು ತಿಳಿಯಪಡಿಸುವುದುಕ್ಕೊಸ್ಕರಂ ದೇವುಡು ಚಿತ್ತಾನು ಸಾರಾವಾಯಿ ಅಪೋಸ್ತಲನಾಯಿಲ ಪೌಲುಡು ತನ್ನ ಪ್ರಿಯಲು ಕುಮಾರನಾಯಿನ ತಿಮೊಥೆಯುಡುಕಿ ಸೋಪ್ಪಿನಂಟೆ ² . ತಂಡ್ರಿಯಾಯಿನ ದೇವುಡಚುಲು ಮಾ ಕರ್ತಡಾಯಿ ಕ್ರಿಸ್ತ ಯೇಸುವಿನಿಂದಲು ಮೀಕಿ ಕೃಪೆಲು ಕರುಣೆಲು ಶಾಂತಿಲು ಆಗಲಿ ³ . ನೇನು ಹಗಲಿರುಳುಲು ಪ್ರಾರ್ಥನೆನ್ಲಾ ನಿಮ್ಮುನ್ನಿ ತಪ್ಪದೆ ಜ್ನಾಪಿಸಿಕೊಂಟಾನು ⁴ . ನೇನು ಮೀ ಕಣ್ಣಿರನೀ ನೆನಪಿಕಿ ತಂದು ನಿಮ್ಮನ್ನಿ ಚೂಡಿ ಸಂತೋಷಮು ಆನಿನಾಟ್ಗೆ ಅಪೇಕ್ಷಿಸುಟಾನು ⁵ . ಮೀಮಲ್ಲಿ ಇಂಕ ನಿಷ್ಕಪಟಮುನಾ ನಂಬಿಕೆ ನಾಕಿ ನೆನಪಿಕು ವಂಚಡು ಆ ನಂಬಿಕೆಲು ಮೀಲಾ ಅಜ್ಜಿ ಆಯಿನಾ ಲೇವಿಯಲು ಮೀ ತಲ್ಲಿ ಆಯಿನಾ ಯೂನಿಕೆಯಲು ವಾಸವಾಗಿಂದಿ ಹತ್ಲೆಯೇ ಮೀಮ್ಮಿಲ್ಲಿಲು ವಾಸವಾಗಿಂದಲೂ ಅನಿ ದೃಡಯಿ ನಂಬಿಂಚ್ಚಾನು ⁶ . ಇಟ್ಟುoಡೆದಾನಿಂಚ ನೀನು ನಿನ್ನಿ ಶಿರಾಲು ಪೈನಾ ಕೈನು ಪೆಟ್ಟಿನಾಲು ಮೂಲಕಮು ನೀಕಿ ದೊರಕಿನ ದೇವುಡ ಕೃಪಾವರಾಲು ಪುಜ್ಪಲಿಸುನಾದ್ಕ ಸೇಸ್ತಾನು ಅನಿ ಜ್ಞಾಪಕಲು ಇಚ್ಚಿಂಟಾನು ⁷ . ದೇವುಡ ಮೂಕಿ ಇಚ್ಚಿನಾತ್ಲ ಆತ್ಮಾಲು ಬಲ ಪ್ರೀತಿ ಶಿಕ್ಷಣಲು ಆತ್ಮಾವೇ ಹೊರತಲು ಹೇಡಿ ಆತ್ಮಕಾದು ⁸ . ಇಟ್ಟುoಡೆದಾನಿಂಚ ನುವ್ಪು ಮಾ ಕರ್ತಡೈನಿ ಕುರಿತು ಸೋಪ್ಪಿನು ಸಾಕ್ಷಿಲು ವಿಷಯಮು ಯಿಂಚಿವಾಡ ಸೇರೆಯವುದ್ನಿಲು ನನ್ನಿ ವಿಷಯುಲುಲಾಯಿನ ನಾಚಿಕೆ ಲೇದು ದೇವುಡ ಬಲವನ್ನಿ ಆಶ್ರಯಿಚಿ ನನ್ನೊಂದಿಗಿ ಸುವಾರ್ತೆಗೊಸ್ಕರಂ ಶ್ರಮೆಯನ್ನಿ ಅನುಭವಿಸಾಡು ವಾ. ⁹ . ವಾಡ ಮಾದಾಟ್ಲೆ ಸುಕೃತ್ವನೀಸೋಸುನಂಟೆ ತನ್ನ ಸಂಕಲ್ಪವಾನಿ ಅನುಸರಿಚಿ ಕೃಪೆಯಂಚಲು ನಮ್ಮನೀ ರಕ್ಷಿಚಿ ಪರಿಶುದ್ದರಾಯಿರೆಂದು ಕರೆದನು. ¹⁰ . ವಾಡ ಅನಾದಿಕಾಲಕ್ಲ ಆ ಕೃಪೆಯನ್ನಿ ಕ್ರಿಸ್ತ ಯೇಸುವಿಲು ಮಾಕಿ ಅನುಗ್ರಹಿಚಿ ಮಾ ರಕ್ಷಕಿನಾಯಿ ಕ್ರಿಸ್ತಡು ಪ್ರತ್ಯೆಕ್ಷತೆಯಲು ಮೂಲಕುಮು ಅದ್ನಿ ಪ್ರಕಾಶಪಡಿಚಿಂಟೆ, ವಾಡು ಮರಣವನಿ ನಿವೃತ್ತಿಸೇಸಿ ಸುವಾರ್ತೆಯಲು ಮೂಲಕಮು ಜೀವವನ್ನಿ ನಿರ್ಲಯತ್ವವನ್ನಿ ಪ್ರಾಕಾಶಗೊಲಿಚಾಡು. ¹¹ . ಅ ಸುವಾರ್ತಾಭಿವೃದ್ದಿಗೊಸ್ಕರo ನೀನು ಸೋಪ್ಪಿಲಾನಿಲು ಅಪೋಸ್ತಾಲಾಯಿಡು ನೆಮಿಸನಟ್ಲನು. ¹² . ನೀನು ನಂಬಿರುವಾತನನ್ನಿ ಬಲ್ಲೇನಿ ವಾಡ ನಿನ್ನ ವಶದಲ್ಲಿಚ್ಚಿನಾಡು ವಾಡ ಆ ದಿನಕೋಸ್ಕರಂ ಕಾಯಲು ಶಕ್ತನಾಯಿಂಚ್ಚಿನಿ ದೃಡಮಾಗಿ ನಂಬಿಚ್ಚೆನು ¹³ . ನಾ ಕ್ರಿಸ್ತ ಯೇಸುವಿನಲ್ಲೂ ನಂಬಿಕೆಲು ಪ್ರೀತಿಲೂ ಉಳ್ಳವನಾಗಿ ನನ್ನಿಂಕ ಕೇಳಿದ ಸ್ಪಬೋದನಾ ವಾಕ್ಯನಿ ಮಾದರಿಲು ಸೇಸಿಗನಿ ಅನುಸರಿಸಿಂದಿ. ¹⁴ . ನೀನ್ನ ವಸಲೋ ಕೊಟ್ಟಲ್ಪಟ್ಟಿದಾನಿಲು ಶ್ರೇಷ್ಠಮೆo ತಿಳಿಚಿ ಮಾದಟ್ಲ ವಾಸಿಸಿ೦ಟಾನ ಪವಿತ್ರಾತ್ಮಡು ಮೂಲಕುಮು ಕಾಪಾಡು ದೇವಾ. ¹⁵ . ಆಸ್ಟನೀಮಯಾನಿ ಅಂದರು ನಲೀ ಕೈ ಬಿಟ್ಟಿರೆಂಬದನಿ ನಾ ಬಲ್ಲೆನಿ ವಚ್ಚಿ ಪುಗೇಲಡು ಹೆರ್ಮೊಗೆನಡು ಸೇರಿಸಿಂಚಾಡು. ¹⁶ . ಒಸೇಸಿಪೋರಡು ಮನೆಯವರಿಕಿ ಕರ್ತಡು ಕರುಣೆಯನ್ನಿ ಇಚ್ಚಾಡು. ¹⁷ . ನನ್ನಿ ಬೇಡಿಗಳಿಕಿ ನಾಚಿಕೆನು ಪಡದೆ ರೋಮಾಪುರಕ್ಕಿ ವಾಸ್ತಾ ಕುಡಲೇನಿ ಬಹು ವಿಚಾರನೆಯಿಂಕಿ ನಲೀ ಚೂಡಿ ಗನಿಗಾನಲು. ¹⁸ . ವಾಡು ಅ ದಿನನ್ಲಾ ಕರ್ತನಿಂಕ ಕರುಣೆಯನಿ ಪಡೆಯುಲು ಕರ್ತಡು ಅವನಿಕಿ ದಯಾವಾಲೀಚ್ಚಿ ಎಪ್ಹೆಸದಲ್ಲುಡುಲೂ ಎಷ್ಟೋ ಉಪಚಾರಂ ಸೇಸಿನಂಟೆ ನೀಕಿ ಗೊತ್ತುಂ.