¹ .ನೀನು ಮೀ ದೆಗ್ಗರ್ಗಿ ಎಚ್ಚೆದಿ ಇದಿ ಮುಡ್ನೆ ಸಾರಿ ಇದ್ದರು ಮೂಡು ಸಾಕ್ಷಿಲ ನೋರ್ನಿಂಕಾ ಪ್ರತಿಯೋಕ್ಕಟ್ಟಿ ಸಂಗತಿ ಸ್ಥಾಪಿತಂಕಾ ವಾಲ. ² .ನೀನು ರೊಂಡನೆ ಸಾರಿ ಮಿಲಾಉಂಡ್ನ ಪ್ದು -ತಿರ್ಗಿ ವಸ್ತೆ ಮಿಮ್ಮಲ್ನಿ ಶಿಕ್ಷಿಚ್ಗುಂಡ ಉಡ್ಸೆ ಲೇದನಿ ಎಟ್ಟಾ ಸೋಪ್ನಾನೋ ಅಟ್ಟೆ ಇಪ್ದು ಮಿಕಿ ದೂರ೦ ಲಾ ಉಂಡಿ ಪೂರ್ವ ಪಾಪಕೃತ್ಯಲ್ನಿ ಇಂಕಾ ನಡಪ್ತಾ ಉಂಡೆ ದಾನ್ನಿಂಕಾನು ಮಿಕ್ಕಾ ವಾಳ೦ ದ್ರೂಗೂ ಸೋಪ್ತಾನು. ³ .ಕ್ರಿಸ್ತಡೂ ನಾಲ ಮಾಟಾಡ್ತಾಡನೆ ದಾನ್ಗಿ ಮೀಕಿ ಕಾಪೈನಾ ಪ್ರಮಾಣಮು ಅಪ್ಡು ಸೂಪಿ ವಸ್ತಾದಿ.ಆತುಡು ಮಿಮ್ಮಲ್ನಿ ಕುರ್ಚಿ ನಿರ್ಬಲಂ ಕಾಗುಂಡಾನೆ ಬಲಂಮೈನಾ ಕೆಲಸಾಲ್ನಿ ಮೀಲಾ ನಡ್ಪೆವಾಡೈನಾನು. ⁴ .ಆತುಡು ಬಲಹಿನಾ ವಸ್ತೆಲಾ ಉಡ್ನ ಪ್ದು೦ ದಾನ್ಗು ಶಿಲುಬೆಗಿ ಎಸಲ್ಪಡ್ನಾಡು ನಿಜಾಂ ,ಅಯ್ನಾ ದೇವುಡ ಬಲಂ ನ್ನಿಂಕಾ ಬದುಕ್ತಾಡು.ನೀನು ಸಹ ಆತುಡ ಬಲಹಿನಾ ವಸ್ಥೆಲಾ ಪಾಲುಗಾರ ಲೈನಾಮು ;ಆಯ್ನಾನು ಆತುಡ ಜೋತ್ಲಾ ದೇವುಡ ಬಲಂ ನ್ನಿಂಕಾ ಬದ್ಕೆವಾಲೈನಾಮು ;ಇದಿ ಮೀಕಿ ಸೂಪಿ ವಸ್ತಾದಿ . ⁵ .ಕ್ರಿಸ್ತನಂಬಿಕೆಲಾ ಉಂಡಾರೋ ಲೆದೋ ಅನಿ ಮಿಮ್ಮಲ್ನಿ ಮೀಳೆ ಪರಿಕ್ಷಿಚ್ಗಂಡ್ಡಿ ,ಮಿಮ್ಮಲ್ನಿ ಪರಿಶೋಧಿಚ್ಗಾಂಡ್ಡಿ ಎಮು ಯೇಸುಕ್ರಿಸ್ತುಡು ಮೀಲಾ ಉಂಡಾಡನಿ ಮಿಮ್ಮಲ್ನಿ ಕರ್ಚಿ ಮೀಕಿ ಬಾಗ ತಿಳ್ಸೆ ಲೇದೋ?ಆತುಡು ಮೀಲಾ ಉಂಡ್ಗಾಬಾತೆ ಮೀಳು ಅಯೋಗ್ಯಲೇ. ⁶ ಆಯೋಗ್ಯಲ್ಕು ಕಾದು ಮೀಕಿ ಗೊತ್ತಾತೈದಾನಿ ನಿರೀಕ್ಷಿಸ್ತಾನು. ⁷ ಮೀಳು ಸೇಡ್ಡ ದೆಮಾ ಸೇಯ್ಯಗುಡ್ಡು ಅನಿ ಮಾಮ ದೇವುಡ್ನೀ ಪ್ರಾರ್ಥಿಸ್ತಾನು;ದೀನ್ಲಾ ಮಾವೇ ಯೋಗ್ಯಲೈಯ್ಯಿ ಸೂಪಿ ರಾವಾಲಾಗಿ ಮಾ ಉದ್ದೆಶಂಕಾದು;ಮಾಮು ಅಯೋಗ್ಯಲನ್ಬಿಚ್ಗಾನ್ನಾನು,ಮೀಳು ಮಂಚ್ಚಿದಾನ್ನಿ ಸೇಯ್ಯಯಲಾದನದೇ ಮಾ ಉದ್ದೇಶಂ. ⁸ .ಸತ್ಯಾನ್ಗಿ ವಿರುದ್ದಂ ಮೈ ಮಾಮೇಮು ಸೇಯ್ಯಲಾರೆಮು;ಸತ್ಯಾಭಿವೃದ್ದಿ ಗೊಸ್ಕರಂ ಮೇ ಸಮಸ್ತಮ್ನಿ ಸೇಸ್ತಾಮು. ⁹ .ಮಾಮು ಬಳಹೀನಲೈ ನಾನು ಮೀಳು ಬಲಿಷ್ಟಲೈನಾ ಪಕ್ಷಾನ್ಗೀ ಸಂತೋಷಂ ಮೈನಾಮು.ಇದಿ ಕಾಗುನ್ನಾನ್ನು ಮೀಳು ಪೂರ್ಣಕ್ರಮಾನ್ಗಿ ರಾವಲನಿ ಪ್ರಾರ್ಥಿಸ್ತಾಮು. ¹⁰ .ದೀನ್ನೈಯ್ಯೇ ನೀನು ಮೀಲಾ ಲೇಗುನ್ನನಪ್ದೆ ಈ ಮಾಟಲ್ನೀ ರಾಸ್ನಾನು ,ಮೀಲಾ ಸೆಡ್ಪೆ ದಾನ್ಗಿಕಾದು ,ಕಟ್ಟೆದಾನ್ಗೈಯ್ಯೇ ಕರ್ತುಡೂ ನಾಕಿ ಇಚ್ನಾ ಅಧಿಕಾರಂನ ಪ್ರಯೋಗಂಲಾ ಮೀ ದೇಗ್ಗರ್ಗಿ ವಚ್ನಾಪ್ದು ಕಾರಣ್ಯಂ ಮ್ನೀ ಸೂಪೆ ದಾನ್ಗಿ ಅವಕಾಶಂ ಉಂಡೆಗುಡ್ದಾನ್ನಿ ಅಪೇಕ್ಷಿಸ್ತಾನು. ¹¹ .ಕಡೇ ಮಾಟೆವಂತೆ ಸಹೋದರರ್ಲ್ಲೇ ಸಂತೋಷಂ ಪಡ೦ಡ್ಡಿ ;ಕ್ರಮ ಪಡ್ಬಿಚ್ಗಾ೦ಡ್ಡಿ ;ದೈರ್ಯಉಳ್ಳ ವಾಳ್ಲೈ೦ಡ೦ಡ್ಡಿ ,ಒಕ್ಕೇ ಮನಸ್ಸುಳ್ಳ ವಾಳ್ಲೈ೦ಡ೦ ಡಿ ,ಸಮದಾನಂನ್ನಿಂಕಾ ಉಂಡ೦ಡ್ಡಿ,ಅಪ್ಡು ಪ್ರಿತಿನ್ನಿ ಶಾಂತಿನ್ನಿ ಇಚ್ಚೆ ದೇವುಡು ಮೀ ಜೋತ್ಲಾ ಉಂಟೆದೀ . ¹² .ಪವಿತ್ರಂ ಮೈನಾ ಮುದ್ದುಪೆಟ್ಟಿ ಒಕಳ ನೊಕ್ಕಳ್ಳಾ ವಂದಿಚ್ಚಾ೦ಡ್ಡಿ ¹³ .ದೇವಜನಲಂದ್ರೂ ಮೀಕಿ ವಂದನೆ ಸೋಪ್ತಾರು. ¹⁴ .ದೇವುಡ ಪ್ರೀತಿಯೂ ಪವಿತ್ರಾತ್ಮುಡಾ ಅನ್ಯೋನ್ಯತೆಯಾಮು ಮೀಳಂದ್ರ ಸಂಗಡಂ ಉಡ್ನೀ .