11 ಅದ್ಯಯಮು
1
.ನೀನು ನನ್ನಿ ಹೊಗಳ್ಗು ವುಂಡ ದಾಂಟ್ಲ ಕೊಂಚಂ ಬುದ್ದಿಹಿನತೆನಿಂಕಾ ಮಾಟಾಡ್ತಾನು ;ಮೀಳು ದಾನ್ನಿ ಸಹಿಸಿಕೊಂಟ್ಟಾ ಳೆಮೋ ,ನನನ್ನಿ ಸಹಿಚ್ಗಾವಲಾನಿ ಮಿಮ್ಮಲ್ನಿ ಬೇಡ್ಗಾ೦ ಟಾಮು.
2
ಯಂದ್ಗಂಟೆ ದೆವುಡ್ಲಾ ಉಂಡಾಟ್ಲಾ ಚಿಂತೆನ್ನಿನಿಂಕಾನೆ ನೀನು ಮೀ ವಿಷಯಂ ಲಾ ಚಿಂತಿಸ್ತಾನು.ಮಿಮ್ಮಲ್ನಿ ಕ್ರಿಸ್ತುಡನ ಒಕ್ಕಡೆ ಪುರುಷಡ್ಗಿ ಶುದ್ದಂ ಕನ್ಯಯ ಟ್ಟೆ ಒಪ್ಪಿಚ್ಹಾಲನಿ ಮಿಮ್ಮಲ್ನಿ ಆತುಡ್ಗಿ ನಿಶ್ಚಯ ಸೇಸ್ನಾನು ಕದ.
3
.ಆಯ್ತೇ ಯಟ್ಟ ಹವ್ವಳು ಸರ್ಪಂ ನ ಯುಕ್ತಿಗಿ ಲೋಗಪೋಡಿ ಮೋಸಂ ಪೈನಾದಿ ಅಟ್ಟೆ ಮೀ ಮನ್ಸು ಕ್ರಿಸ್ತುಡಾ ವಿಷಯಂ ಲಾ ಉಂಡಕಾಪೈನಾ ಯಥರ್ಥಂನ್ನಿ ಪಾತಿರ್ವತ್ಯಮ್ನಿ ಉಡ್ಸಿ ಸೆಡಿಪೈನಾದನಿ ನಾಕಿ ಭಯಂ ವುಂದ್ದಿ
4
.ಯಂದ್ಗ೦ಟ್ಟೆ ಮಾಮು ಪ್ರಸಿದ್ದಿಪಡಿಚ್ನಾ ಮಲೊಕ್ಕ ಯೇಸುನ್ನಿ ಮೀ ದೆಗ್ಗರ್ಗಿ ವಸ್ತಾಲು ಪ್ರಕಟಿಚ್ಚೆ ನಪ್ದು ಮೀಳು ಹೊಂದೆಗುಂಡ ಬೇರೆ ವಿದಂ ಮೈನಾ ಆತ್ಮ ಪ್ರೇರಣೆನ್ನಿ ಹೊಂದೇನಪ್ದು ಅವಲಂಬಿಚ್ಚೆ ಉಂಡ್ನಾ ಬೇರೊಕ್ಕ ಸುವಾರ್ತೆನ್ನಿ ಇನೆನಪ್ದು ಮೀಳು ಸಹಿಚ್ಗಾಂಟ್ಟಾ ಉಂಡಾ ಹೆಚ್ಚಿಂಗ ಆಶ್ಚರ್ಯಂ .
5
.ಅತಿಶ್ರೆಷ್ಟಮೈನಾ ಅಪೋಸ್ತಲಳು ಅನ್ಬಿಚ್ಗಾನ್ನ ವಾಳ್ಗಿಂತ ನೀನು ಒಕ್ಕಟ್ಟಿಲ ಲೈ ನಾನು ಕಡಿಮೆಆಯ್ನಾ ವಾಡನಿ ಎಣಿಬಿಸ್ತಾನು .
6
.ನೀನು ವಾಕ್ಚಾತುರ್ಯಂ ಲಾ ನಿಪುನಡು ಕಾದುನ್ನಾನ್ನು ಜ್ಞಾನಂಲಾ ನಿಪುಣಡೈನಾನು;ದಿನ್ನಿ ಅಂತಾ ಕಾರ್ಯಾಲಾನು ಅಂದ್ರಮುಂದ್ರಾ ಮೀ ಪ್ರಯೋಜನೆನ್ಗಾ ತೋರ್ಪಡಿಚ್ನಾನು
7
.ಏಮಿ,ಮೀಳು ಅಭಿವೃದ್ದಿ ಹೊಂದಾಲಾನಿ ನನ್ನಿ ನಾನೆ ತಗ್ಗಿಚ್ಗಾನ್ನಿ ದೇವುಡ ಸುವಾರ್ತೆನ್ನಿ ಮೀಕಿ ಉಚಿತಾಥಂಗ ಸಾರಿಂಡಿ ಪಾಪ ಕುತ್ಯಮೋ?
8
.ಮೀ ಸೇವೆ ಸೇಸೆದಾನ್ನೋಸ್ಕರಂ ನಾನು ಇತರೆ ಸಭೆಲ್ನಿಂಕಾ ಸಂಬಳಂ ತಿಸ್ಗಾನ್ನಿ ಅವುಟ್ನೀ ಸುಲುಚ್ಗಾನ್ನಾನು .
9
ನಾನು ಮಿಲಾಉಂಡ್ನಪ್ದು ಖರ್ಚಿಗಿ ಏಮಿ ಲೆಗುಂಡ ಸಮಯಂಲಾ ಯವ್ಳ ಪೈನಾನು ಭಾರಂ ಎಯ್ಯ್ಲೆದು ;ಮೆಕೆದೊನ್ಯನ್ನಿಂ ಕವಚ್ನ ಸಹೋದರಲ್ಲು ನಾಕಿ ಕಾಪೈಯ್ಯೇದಾನ್ನು ಇಚ್ನಾರು ,ನೀನು ಮೀಕಿ ಯಾವದಾಂಟ್ಲ ನೂ ಭಾರಂಗ ಉಂಡೆಗುಡ್ದು ಅನಿ ಸುಸ್ನಾಗ್ಗಂಟ್ಟಾ೦ ವುಂಟ್ನಿ,ಇಂಕಾ ಪೈನಾನು ಸುಸ್ಗಾಂಟ್ಟಾನು.
10
.ಈ ನಾ ಹೊಗಳಿಕೆನ್ನಿ ಅಖಾಯಂನ ಪ್ರಾಂತ್ಯಲಾ ಒಕ್ಕಳು ನಿಲ್ಪುಗುಡ್ದು ಅನಿ ಕ್ರಿಸ್ತುಡಾ ಮುಂದ್ರ ಸತ್ಯಂಗ ಸೋಪ್ತಾನು.
11
.ಯಂದ್ಗು ಮೀ ನ್ನಿಂಕಾ ಏಮು ತಿಸ್ಗಾನಲೆದು ?ಮೀ ಪೈನಾಪ್ರೀತಿ ಲೇಗುನ್ನ ದಾನ್ನಿಂಕಾನೋ?ದೆವುಡ್ಲೇ ಗೊತ್ತು.
12
.ನನ್ನೀ ನಿಂದಿಚ್ಚೆ ದಾನ್ಗಿ ಆಸ್ಪದಂಮ್ನಿ ಹುಡ್ಕೆವಾಳ್ಗಿ ಯಾವ ಆಸ್ಪದಮು ಸಿಕ್ಕೆಗುಂಡಟ್ಟ ನೀನು ಸೇಸೆದಾನ್ನಿ ಇಂಕಾ ಮುಂದ್ರನು ಸೇಸ್ತಾನು.ವಾಳು ಯಾವುದಾಂಟ್ಲ ಹಿಗ್ತಾಳೋ ದಾಟ್ಲಾ ಮಾಲಗಾನೆ ನಡ್ಸೆ ವಾಳಯಿ ಸುಡಿರಾನಿ .
13
.ಆಯ್ತೇ ಅಟ್ಟ ವಾಳು ಸುಳ್ಳು ಅಪೋಸ್ತಲಳು ಮೋಸಂ ಗಾರ್ಲು ಕೆಸ್ಲಂಮೋಳು ಕ್ರಿಸ್ತುಡ ಅಪೋಸ್ತಲೈಕನ್ನಿಚ್ಗಿನ್ನ ದಾನ್ಗಿ ವೇಷಂ ಎಸ್ಗಾನ್ನಾ ವಾಳು ಆಯ್ನಾಳು .
14
.ಇದೇಮು ಆಶ್ಚರ್ಯಂ ಕಾದ;ಸೈತಾನುಡು ತಾನೇ ಪ್ರಕಾಶಂ ರೂಪಂ ಮುಳ್ಳ ದೇವ ದುತುಡ .
15
ವೇಷಂನ್ನಿ ಎಸ್ಗುನ್ನಪ್ದು ವಾಡ ಸೇವಕುಲು ಸಹ ನೀತಿಗಿ ಸೇವಕಲೈ ಕನ್ಬಿಚ್ಗಾನ್ನಾದಾಲ್ಗಿ ವೇಷಂ ಎಬಿಚ್ಗಾನ್ನದಾನ್ಗಿ ಪೆದ್ದೊದುಕಾದು.ವಾಳ ಅಂತ್ಯಾವಸ್ತೆಯು ವಾಳ ಕೃತ್ಯಾಲ್ಗಿ ತಕ್ಕ ಅಟ್ಟೆ ಆಯ್ತದಿ .
16
.ನನ್ನಿ ಬುದ್ದಿಹಿನಡನ ಯಾವ್ಳು ನೆನಸಗುಡ್ದು ಅಣಿ ತಿರ್ಗಿ ಸೋಪ್ತಾನು;ಅಟ್ಟೆ ನೆನ್ಸುನ್ನಾನು ನನ್ನಿ ಬುದ್ದಿಹೀನ ಡೈಯ್ನಿ ಸೇರ್ಪಾಂಡ್ದಿ ;ಯಂದ್ಗಂಟೆ ನೀನು ಸಹ ಅಲ್ಪ ಕೊಂಚಂ ಹೊಗಳ ಗವ್ವಾಲಾನ್ನಾನು .
17
.ನೀನು ಇಪ್ಡು ಆಡೆ ಮಾಟಲ್ನೀ ಕರ್ತುಡ್ನಿ ಅನುಸರಿಚ್ಚವಾಡೈ ಆಡೆಗುಂಡ ಭರವಸಂನ್ನಿಂಕಾ ತನ್ನನ್ನಿ ಹೊಗಳ್ಗಾನ್ನ ಬುದ್ದಿ ಹಿನುಡುಟ್ಲಾ ಆಡ್ತಾನು.
18
.ಅನೇಕಲು ಲೋಕಸಂಭಂದ ಕಾರ್ಯಲಾ ಹೋಗಲ್ಗಾನ್ನ ದಾನ್ನಿಂಕಾ ನಾನು ಹೊಗಳ್ಗಾ೦ ಟಾನು .
19
.ಮೀಳು ಬುದ್ದಿಹೀನ ಲೈ ಸಂತೋಷಂ ನ್ನಿಂಕಾ ಸಹಿಚ್ಗಾಂಟ್ಟಾರುಕದ .
20
.ಒಕ್ಕಡು ಮಿಮ್ಮಲ್ನಿ ತನ್ಗೀ ವಶಂ ಸೇಸ್ಗಾನ್ನಾನ್ನು ಒಕ್ಕಡು ಮಿಮ್ಮಲ್ನಿ ನುಂಗುಡ್ಸಾನ್ನಾನು ಒಕ್ಕಡು ಮಿಮ್ಮಲ್ನಿಮರುಳು ಗೋಳ್ಬಿಚ್ಚಿ ಪೊಟ್ನಾನು ಒಕ್ಕಡು ತನ್ನನ್ನಿ ಹೆಚ್ಹಿಚ್ಗಾನ್ನಾನ್ನು ಒಕ್ಕಡು ಮೀ ಮೊಖಂ ಪೈನ ಕೊಟ್ನಾನು ಸಹಿಚ್ಗಾಂಟ್ಟಾ ನು ಕದ.
21
.ಮಾಮು ಬಲಂ ಲೆಗುನ್ನವಾಲೈನಾಮನಿ ದಿನ್ನಿ ನಾ ಅವಮಾನಾನ್ಗಿ ಸೋಪ್ನಾನು ಯಾವ ಆಧಾರಂ ನ್ನಿಂಕಾನು ಯವ್ವ ಡೈನಾನು ಧೈರ್ಯಂ ಗ ನಡ್ಸಂಗ ಟಾಡೋ ದಾನ್ನಿಂಕಾನೆ ನಾನೂ ದೈರ್ಯವುಳ್ಳಾ ವಾ ಡೈನಾನು.
22
.ದಿನ್ನಿ ಬುದ್ದಿಹಿನತೆನ್ನಿಂಕಾ ಸೋಪ್ತಾನು.ವಾಳು ಇಬ್ರಿಯ ರ್ಲೋ ನೀನು ಇಬ್ರಿಯಡಾ ;ವಾಳು ಇಸ್ರಾಯೇಲ್ಯರ್ಲು ನಾನು ಇಸ್ರಯೇಲ್ಯಡು;ವಾಳು ಅಬ್ರಹಾಮುಡ ವಂಶಂಮುಲೈ ನಾನು ನಾನು ಅದೇ ವಂಶಮ್ಮೋಡು ;
23
.ವಾಳು ಕ್ರಿಸ್ತುಡಾ ಸೇವಕ್ಲೋ ಅವಾಳ್ಗಿಂತ ನೀನು ಹೆಚ್ಚಂಗ ಸೇವಾ ಸೇಸವಾಡೈನಾನು.ಬುದ್ದಿಸ್ವಾಧಿನಂ ಲೆಗುನ್ನವಾಡೈಮಾಟಾ ಡ್ತಾನು .ಆತುಡ ಸೇವೆಲಾ ವಾಳ್ಗಿಂತ ಹೇಚ್ಚಂಗ ಪ್ರಾಯಸಂ ಪೋಡ್ನಾನು ,ಹೆಚ್ಚಂಗ ಸೆರೆ ಇಟ್ಲೋಗಲಾ ಪೋಡ್ತಾನು ;ಮಿತಿಮೀರಿ ಪೆಟುಲ್ನಿ ತಿನ್ನಾನು.ಅನೇಕ ಸಾರಿ ಮರಣಂನ ನೋರ್ಲೋಗನ್ನಿನಿಂಕಾ ಸಿಕ್ಕಾನ್ನಾನು.
24
.ಐದುಸಾರಿ ಯೇಹೊದ್ಯಾರ್ಲಿನ್ನಿಂಕಾ ನಾಕಿ ಒಕ್ಟಿ ಕಡಿಮೆನಲ್ಪಾಯಿ ಎಟ್ಲೂ ಪೋಡ್ನಾವಿ,
25
.ಮೂಡು ಸಾರಿ ಸರಕಾರಂ ಮೊಳು ಚಡಿಲ್ನಿಂಕಾ ನನ್ನಿ ಹೊಟ್ಟಿಚ್ನಾರು;ಒಕ್ಕಸಾರಿ ಜನಾಲು ನನ್ನಿ ಸಂಪೆದಾನ್ಗಿ ರಾಯಿಪಾರೆಸ್ನಾರು;ಮೂಡು ಸಾರಿ ನಾನುಂಡ್ದಿ ಹಡಗ್ಗು ಕೊಟ್ಟಿಪಾಯೇ;ಒಕ್ಕ ರಾತ್ರಿ ಒಕ್ಕ ಪೊಗಲು ಸಮುದ್ರಂ ನ ನೂಳ್ನಾ ಕಳ್ಸಾನ್ನಾಡು
26
.ಆತುಡ ಸೇವೆಲಾ ಎಂತೋ ಪ್ರಮಾಣಲ್ನೀ ಸೇಸ್ನಾನು,ನದಿಲಾ ಅಪಾಯಲು ದೊಂಗಲಾ ಅಪಾಯಲು ಸ್ವಂತ ಜನಲ್ನಿಂಕಾ ಅಪಾಯಲು ಅನ್ಯಜನಲ್ನಿಂಕಾ ಅಪಾಯಲು ಪಟ್ಟಣ೦ ಲಾ ಅಪಾಯಲು ಕಾಡ್ಲಾ ಅಪಾಯಲು ಸಮುದ್ರಂಲಾ ಅಪಾಯಲು ಸುಳ್ಳು ಸಹೋದರಲ್ಲೋಗಲಾ ಉಂಡೆನಪ್ದು ಅಪಾಯಲು ನಾಕಿ ಸಂಭವಿಚ್ನಾವಿ .
27
.ಪ್ರಯಾಸಂ ಪರಿಶ್ರಮಲ್ನಿಂಕಾ ಕೆಲ್ಸಂ ನಡ್ಪಿ ಅನೇಕ ಸಾರಿ ನಿದ್ರ ಸೇಡಿ ಆಕಲಿ ದಾವಲ್ನಿಂಕಾ ಪಟ್ಟು ಅನೇಕ ಸಾರಿ ಉಪವಾಸಂ ಮೈಯ್ಯಿಮು ಚಲ್ಲಾನು ವಸ್ತ್ರಂ ಲೇಗುನ್ನಾನು ಉಂಡಿ ಆತುಡ್ನಿ ಸೇವಿಚ್ನಾನು.
28
.ಇಂಕಾ ಬೇರೆ ಸಂಗತಿಲ್ಕಾಗುಂಡಾನೇ ಅಂತಾ ಸಭೆಲಾ ವಿಷಯಂ ಮೈನಾ ಚಿಂತೆಯು ದಿನಂ ದಿನಂ ನನ್ನಿ ಪಿಡಿಸ್ತಾದೀ.
29
.ಯವ್ವಡೈನಾ ಬಲಂ ಲೇಗುಂಡವಾಡೈತೆ ನೀನು ವಾಡ ಜೋತ್ಲಾ ಬಲಂ ಲೇಗುನ್ನ ವಾಡು ಕಾಗುಂಡ ಉಂಟಾವೋ?ಯವ್ವಡೈನಾ ಪಾಪಂಲಾ ಸಿಕ್ಕಾಂಟ್ಟೆ ನೀನು ತಾಪಂ ಪಡೆಲೆದೂ ?
30
.ನಾನು ಹೊಗಳ್ಗಾ ವ್ವಾಲಂಟ್ಟೆ ನಾ ಬಲಹಿನತೆನ್ನಿ ತೋರ್ಪಡಿಚ್ಚೆ ವಿಷಯಂ ಲಾ ಹೊಗಳ್ಗು೦ ಟಾನು .
31
.ನೀನು ಸುಳ್ಳಾಡ ಲೇದನಿ ಕರ್ತುಡೈನಾ ಯೇಸುವಿನ ತಂಡ್ರಿಯಾ ನಿರಂತರಂ ಸ್ತುತಿ ಹೊಂದತಕ್ಕ ವಾಡು ಆಯ್ನಾ ದೇವುಡೇ ಗೊತ್ತು೦ಡಾಡು .
32
.ದಮಸ್ಕಂ ಲಾ ಅರಸುಡೈನಾ ಅರೆತುಡ ಅಧಿನಂಲಾ ಉಂಡ್ನಾ ಆದಿ ಪತಿಯು ನನ್ನೀ ಪೊಟ್ಟಲಾ ನುಂಡ್ಡಿ ದಮಸ್ಕಂ ಮೋ ಳ ಪಟ್ಟಣ೦ ಮ್ನೀ ಕಾಸ್ತುಂಡ.
33
.ನೀನು ಒಕ್ಕ ರಾಯ್ಲ ಕೂಚ್ಚಿ ಗೋಡ್ಲಾ ಉಂಡ್ನಾ ಕಿತಕಿಲೋಗನ್ನಿಂಕಾ ದಿಗ್ಬಿಚ್ಚಲ್ಪಡ್ನಾ ವಾಡ ಸೈನ್ನಿಂಕಾ ತಪ್ಪಿಚ್ಗಾಂನ್ನಾನು.