¹ .ನಾನು ಸ್ವಾತಂತ್ರಂ ಕದ ,ಅಪೋಲೋಸ್ತಡು ಕದಾ ಮಾ ಕರ್ತುಡೈನ ಯೇಸುನೀ ಸೂಸ್ ವಾಡುಕದಾ ನಾನು ಕರ್ತುಡಾ ಸೇವೆಲಾ ಸೇಸಿನ ಕೆಲಸಮನ ಪಲಮು ಮಿರೆಕದಾ . ² .ವಾಳಿಗಿ ನಾನು ಅಪೋಲೋಸ್ತಡು ಕಾಗುಣ್ಣ ಉಣ್ಣನು .ಮಿ ಕೈನನು ಅಪೋಲೋಸ್ತಡು ಐನನು .ನಾನು ಅಪೋಲೋಸ್ತಡು ಐನನು ಅನ್ನದಾನಿಕ್ಕಿ ಕರ್ತುಡೂ ಗಿ ಸೇರಿನಾ ವಾಳು ಐನಮಿರೇ ಪ್ರಮಾಣಮು ಐನಾಳು ಅಂತೆ . ³ .ಮಾಮುಲ್ನಿ ಅಡುಗುನವಾಳಿಗಿ ಇದೆ ಉತ್ತರಮು. ⁴ .ಅನ್ನಪಾನ್ ನಿಗಿ ಮಾಕಿ ಹಕ್ಕಿಲೇದಾ ⁵ .ಕ್ರೈಸ್ತ ಸಹೋದರಿ ಹೈನಾ ಪೆಂಡಾಲ ಮಿನ್ನಿ ತೊಡುಗನಿ ಪೈಯದಾನಿಕ್ಕಿ ಮಿಕ್ಕಿನ ಅಪೋಲೋಸ್ತರ ರೀತಿಲ ಕರ್ತುಡಾ ತೊಂಬುಳು ರೀತಿ ಕೇಪುಡು ರೀತಿ ಮಾಕಿ ಹಕ್ಕುಲೇದ ⁶ .ಹೈನ ಸೈ ಕೆಲಸಮುನಿ.ಸೇಯಿಗುಣ್ಣ ಜಿಮಿಚ್ಹ ದಾನಿಕ್ಕಿ ನಾಕಿನು ಬಾರ್ಬಡನಿಗೂ ಮಾತ್ರಮು .ಹಕ್ಕುಲೇದಾ ? ⁷ ಸಿಪಾಯಿ ಹೈನ ಸ್ವಂತ ಖರ್ಚಿನಿಂಕಾ ಯುದ್ದನಿಗಿ ಪೈಯದಿ ಉಂಟಾ ? ದ್ರಾಕ್ಷ ತೋಟನೀ ಸೇಸಿನ ವಾಡು ದಾನ್ ಫಲಮುನಿ ತಿನ್ನುಗುಣ್ಣ ಉಂಡದಿ ನಿಜಮಾ?ಪಶುಮುಲ್ನಿ ಸಾಕಿನವಾಡೂ .ಅವುಟನಿ ನಿಂಕಾ ಜಿವಿತಮು ಸೇಯಗುಣ್ಣ ಉಂಡದಿ .ನಿಜಮು ? ⁸ .ನಾನು ಸೋಪ್ಪಿ೦ ದಿ ಬರೀ ಲೋಕಮಿನ ಮಾಟ್ಲಾ ?ದರ್ಮಶಾಸ್ತ್ರಮ್ಲಾ ದಿನಿ ಸೋಪ್ಪಿಲ್ಲದಾ ? ⁹ .ಕೊಟಾರಮು ತೊಕ್ಕುನ ಎದ್ಲು ನೋರೆನಿ ಕಟುಗೂಡ ದು ಹನಿ .ಮಾ ಶೆಡಿನ ದರ್ಮಶಾಸ್ತ್ರಲಾ ರಾಸಿಂದಿ ¹⁰ .ದೇವುಡು ಚಿಂತಿಮು ಸೇಸಿಂದೀ ಎದ್ಲುಗೈನನು ?ಹೈನ ಮಾಕೊಸ್ಕರಮು ಸೋಪ್ಪಿನವಾಡು ?ಹೈನು ಮಾಕೊಸ್ಕರಮು ರಸಿಂದಿ ದುನ್ನಿನ ವಾಡು.ಪೆರಿಗಿನ ನಾಕಿ ಪಾಲು ದೊರಕುತದಿಹನಿ ಅದುನ್ನತಾಡು .ಒಕ್ಕುವಾಡೂ ನಾಕಿ ಪಾಲು ಸಿಕ್ತಾದಿ ಹನಿ ಒಕ್ಕದಿ ನ್ಯಾಯಮು ¹¹ ಮಾಮು ಮಿಕೊಸ್ಕರಮು ಆತ್ಮ -ಸಂಬಂದ ಮೈನಾ ಬೀಜಮುನಿ ಬಿತ್ತನ್ ಮಿಂದಾ ಮಿನಿಂಕಾ ಶರೀರಸಂಬಂದಮೈನಾ ಪೈರ್ಲ್ನಿ ಕೊಸದಿ ಪೆದ್ದದೇ ? ¹² .ಈ ಹಕ್ಕು ವಾಳಿಗಿ ಮಿಮಿಂದ ಉಂಟೇ ಮಾಕಿ ಎಂತೋ ಹೆಚ್ಚಾಯಿ .ಉಂಡಾಲ ಕದಾ ಹೈನನು ಮಾಮು.ಈ ಹಕ್ಕಿನ ಸೇಡುಪು ಗುನ್ನ ಕ್ರಿಸ್ತುಡುನಿ ಸುವಾರ್ತೆನಿ ತಡಸೇಗುಡದು ಹನಿ ಹನ್ನಿದಾನ್ನಿ ಸಹಿಸ್ಕಕನಾಮು . ¹³ .ದೇವಾಲಯಮ್ನಿ ಉಳಗನಿ ನಡುಪು ವಾಡು ದೇವಾಲಯಮ್ನಿ ಆದಾಯಂ ನಿಂಕಾ ಊಟಂ ಸೇಸ್ತಾಡು ಹನಿ ಯಜ್ಞಾವೆದಿಲಾ ಹತ್ರಲಾ ಸೇವೆಸೇಸವಾಡು ಆ ವೇದಿಗೆ ವಚ್ಹೆದಾನ್ನಿ ಪದಾರ್ಥಲ್ನಿ ಪಾಲುಹೊಂದುತಾಡು ಹನಿ. ಮೀಕಿ ಗೊತ್ಲೇದಾ ? ¹⁴ .ಅದೇ ರೀತಿಲ ಐಯಿ ಕರ್ತುಡ್ ಐನು ಸಹ ಸುವಾರ್ತೆನೀ ಸಾರೇವಾಳು ಸುವಾರ್ತೆ ನಿಂಕಾ ಜಿವಿತಮು ಸೇಯ ಲಾಹನಿ ಸೇಸನಾನು . ¹⁵ .ನಾ ನೈನನು ಈ ಹಕ್ಕಲಾ ಒಗದಾನ್ನಿ ಕೂಡ ನಡುಪ ಲೇ ನಾ ವಿಷಯಮ್ಲಾ ಹಿಟ್ಟ ಕವಲಹನಿ ಈ ಸಂಗತಿಲ್ನಿ ನಾನು ರಾಯಲೇ ದಾನಿಗಿಂತ ಸಚ್ಹೆದೆ ನಾಕಿ ಲೇಸು .ಕೊಚ್ಚಿಗನ ದಾನಿಕ್ಕಿ ನಾಕುಂಡ ದಾನಿಕ್ಕಿ ಈ ಆಸ್ಪದನೀ ಯೋಳು ಸೇಸಿ ಹೇಗೂಡದು ¹⁶ .ನಾನು ಸುವಾರ್ತೆಲ್ನಿ ಸಾರ್ನಾನು ಹೊಗಳುಕಾನ ದಾನಿಕ್ಕಿ ನಾಕಿ ಇಷ್ತಂ ಲೇದು.ಸಾರಲಾ ಹನಿ .ನಂಬಿಕೆ ನಾಕಿ ಉಂಡದಿ .ಸಾರ್ ಲೇದ ಅಂಟೆ ನಾ ಗತಿನೀ ಏಮಿ ಸೋಪ್ ದೆನ್ನಿ ¹⁷ .ನಾನು ಸ್ವಂತಮ್ ಇಷ್ತಂ ನಿಂಕಾ ಈ ಕೆಲಸಮಿ ಸೇಸೆದೆ ನಾಕಿ ಬಹುಮಾನಮುದೊರ್ಕತದಿ .ಬೇರೋಗಡು ಇಷ್ತಂ ನಿಂಕಾ ಸೇಸದೆ ಮನೆವಾರ್ತೆಲು ನಾ ವಶನಿಗಿ ಇಚ್ಚನಾದಿ . ¹⁸ .ಅಟೈನಾ ನಾಕೈನಾ ಬಹುಮಾನಮು ಏಮಿ ?ಸುವಾರ್ತೆನೀ ಸಾರೈನ ಪುಡು .ದಾನಿಂಕಾ ಜಿವಿಚ್ಚಿನ ಹಕ್ಕಿನ ನಡುಪುಗುನ್ನ ದಾನ್ನಿ ಪ್ರಯಾಗಿ ದಾನಮು ಸೇಸೇದೆ ನಾಕಿ ಬಹುಮಾನಮು. ¹⁹ .ನಾನು ಅನ್ನಿ ವಿಷಯಲ್ಲಿ ಸ್ವಸಂತ್ರಮು ಹೈನನು .ಹೆಚ್ಚುಜನಮು ನೀ ಸಂಪಾದಮು ಸೇಸ್ಕವಾಲಹನಿ ನಿನ್ನಿ ಅಂದ್ರುಗೂ ನು ಅದಿನಮು ಸೇಸ್ನಾಡು . ²⁰ .ಯಹೊದ್ಯಲ್ನಿ ಸಂಪಾದಮು ಸೆಸ್ದಾನಿಕ್ಕಿ ಯಹುದ್ಯಳಿಗಿ ಯಹುದ್ಯಳ ರೀತಿ .ಆತಿ.ನಾನು ನಿಯಮಲ್ಗಿ ಅದಿನ ಕಾಗುಣ್ಣ ಹೈನನು ನಿಯಮುಲುಗಿ ಅದಿನಮೈ ಹೈನ ವಾಳ್ ನೀ ಸಂಪಾದಮು ಸೆಸ್ ದಾನಿಕ್ಕಿ ವಾಳಗಿ ನಿಯಮಲಿಗಿ ಅದಿನಲ್ ರೀತಿ ಆತಿ ²¹ .ನಾನು ದೇವು ಡಿನ ನೇಮ ಲೇನವಾಡು ಕಾದು ,ಕ್ರಿಸ್ತುಡೂ .ನಿಯಮ ದಾನಿಗಿ ಹೈನಾ ವಾಡೆ ಹೈನನು ನಿಯಮ ಲೆಗುಣ್ಣ ವಾಳ್ ನೀ .ಸಂಪಾದಿಮು ಸೆಸ್ ದಾನಿಕ್ಕಿ ವಾಳಿಗಿ ನಿಯಮ ಲೆಗುಣ್ಣ ರೀತಿ ಆತಿ ²² ಲೆಗುಣ್ಣ ವಾಳ್ ನೀ ಸಂಪಾದಮು ಸೆಸ್ ದಾನಿಕ್ಕಿ .ವಾಳ್ ಗಿ ಬಲಮು ಲೇನ ವಾಡ ರೀತಿ .ಯಾವ ವಿಧೆಮು ರಿತಿಲಾ .ಅಂದ್ರಿನ್ನೇ ರಕ್ಷಿಸರಿಲಾ ಹನಿ ಯಾಳ್ ಗೈಯ ಯಾವ ರೀತಿ ಕವಲಾ ಹಟ್ಟ ಹಟ್ಟ ರಿತಿಲಾ ಹೈನನು ²³ .ನಾನು ಇಟ್ಟೋ ಳ್ ಜೋತ್ಲಾ ಸುವಾರ್ತೆ ಪೆಲಿಮ್ಲಾ ಪಾಲುಗಾರಡು ಕವಲಹನಿ ಇವಿ ಹನ್ನಿಟ್ಲಿನ್ನಿ ಸುವಾರ್ತೆ ಗೊಸ್ಕರಮು ಸೇಸ್ತಾನು . ²⁴ .ರಂಗಸ್ಥಾನಮ್ಲಾ ಪರಪೈಯ ದಾನಿಕ್ಕಿ ಗೊತ್ತೈನಾ ವಾಳ್ ಅಂದ್ರಾ ಪರಪಾತೆ ಉಣ್ಣ ವಾಳೈನು ಒಗಡೂ ಮಾತ್ರ ಬಿರುದುನೀ ಹೊಂತಾಡು ಹನಿಮಿಕಿ ಗೊತ್ಲೇದಾ ?ವಾಳ್ ರಿತಿಲಾ ಮೀರು ಬಿರುದುನೀ ಸಿಸ್ ಕವಲಾನಿ ಪರ್ಯಪೋರಿ . ²⁵ .ದಾ೦ಟ್ಲ ಹೊರಾಡುಮಿನ ಅಂದ್ರುಗಿ .ಹನ್ನಿ ವಿಷಯಮ್ನಿ ಕೊಂಚಮು ಹೈಯಿಂಟಳು ವಾಳು ವಾಡಿ ಪೈನಾ ಜಯಮಾಲಿನೀ ಪಡೆಸೇ ದಾನಿಕ್ಕಿ ಪಾದನಮು ಸೇಸೆ ವಾಳು ಹೈನಮು . ²⁶ .ಈರೀತಿಲಾ ನಾನು ಸಹಗುರಿ ಗೊತ್ಲೇ ನಾ ರೀತಿ ಪರ್ಯಪುಗುಣ್ಣ ಗೆಲಿಯಲಾನಿ.ವಾಳ್ ರೀತಿ ಪರ್ಯಪಾತ. ನಾನು ಗಾಲಿನೀ ಗುದ್ದೋಡು ರೀತಿ ಕಾಗುಣ್ಣ ಗೆಲಿಯಾಲಾನಾ ರಿತಿಲಾ ಗುದ್ದಾಡ್ತಾನು, ²⁷ .ವಾಳ್ ನೀ ಹೊರಾಡ್ನಿಗಿ ಪಿಲಿಚಿನ್ ಮಿಂದಾ ನಾನೇ ಅಯೋಗ್ಯಡೂ ಹನಿ ಮಿಚ್ಚಿಟ್ಟ ನೋ ಹನಿ ಏಮೀ ಭಯಮ್ನಿಂಕಾ ನಾಪೈಯಿನೀ ಕುಂದಿ ಸ್ವಾದಿನಮು ಸೆಸ್ ಗಟ್ಟ .