¹ Lo fa natuhohi Yesu nareji fad huja otianya ngete niho lati hula itiyire, ngete ho nahiruhiso Kapernaume. ² Lobo lahegiamani ho lohitwaji ho sengere , la obayang ngete, odiaha bebe noho yeyi. ³ Nyuo hati no fa netiyir lolohitwahi nabwanan ho Yesu, ngete ho nasulahiso larangang ho Yahud ofwe ifiasu ngete ongida olotu ilwahiniso lahegiama hele lohitwahaji ho segere to yeyi. ⁴ Lo fa nafwoni sing niger ho Yesu, sing ho na hifiasu ngete, ojo, "Ongida iji igem anya niho ngete, ⁵ okwama ngete nahang hojie, cebu ngete lifak nekelesia nihojie.'' ⁶ Yesu ho nahitiring to nehoi ho ngete hosing. Nyuo hati lo fa hobe ngete olo na olama to haji ho ngete, lolohitwahiji ho segere ho na ho nasuluniso lamorit ho ngete ongida iramahini ngete ojo, ''Hobu, hetegiama nakwan hoji, abu ne awak iji iruhi nihaji hone. ⁷ Tanya tianya abu ne atum alotu da hoji, nyuo hati iramahi natianya ijia ongida ba lahegiamani ho ne. ⁸ Ara cebu ne atwani la ihwanahini nimaji na obolo ce bu abwon ne ho lasegerevhula obwoni nihene ho ne. Ajo ne niho ale, "Ilo,' ngete alo , 'ilo,' cebu niho lobwo, 'kwo,' ngete alotu, niho lahegiamani ho ne, 'Ihwana anya,' ngete ehon.'' ⁹ Lo fa netiyir Yesu anya, abayang fa ngete ho nangolo to ho niho lati ho najiman, ''Ajo ne niho te, hobu ne ahorihi lobo latwani la obwonitere honahiruk bebe dobu niho Isarayil.'' ¹⁰ Ehule ati osuluni ho nayiteriso ho nahorihiso nihaji ho nahorihiso lahegiamani langida. ¹¹ Niho ibwo noholong nihalu hene, daha fa Yesu to ho nihang na onya Nain. Ofwe fa lolohejehi ho ngete, ho nalohoi ho lati. ¹² Lo fa nanyiha ngete nikat ho bwata, otingite fa lati lobo latwani la oye otingine , lahito abito niho hotenge. Ora fa hotenge anguru nahafereni, lati hilihe kai ho nafwoniso to hotwa ho hang harabito hongete. ¹³ Niteliniso ene ngorite, obwon fa Lohobu ho namehino niho ngete ho najiman, "Banga iyoo." ¹⁴ Ngete ho nalotiniso nihatiemeni ho natiron nahite na otingiterete nakwan ho lahayeyani , cebu lati hula otingite abotie. Ngete ho najiman, ''Lahito, ajo ne niho ji, todete.'' ¹⁵ Lahayeyani ho nahitwongo cebu ho na hichak natianya. Tinya Yesu ho na hisiarahiso ngete niho iyang ho ngete. ¹⁶ Tiye nabayangi hona hilanyiniso sing fad. Sing ho nahiwasihiso fa mojo Najyok, ojo, ''Laheramahitani ilanyu ho nadetini tehiji hojie'' cebu '' Najyok ho na tiala fa niholati hongete.'' ¹⁷ Anya hiram ho Yesu ho nahisiarahiso fad niho Yudeya cebu nihangite fad huja iliahaji. ¹⁸ Lolohejehi ho Yuwana fa liramahini ngete hunya reji fad. ¹⁹ Tiye Yuwana fa longele lolohejeha hongete harik cebu hona sulahiso sing niho Lohobu ongida ojo, ''Ite hule hula ifonisete, kuya obwon lobo latwani la otum ije ohitahito?'' ²⁰ Lofa nafwoni sing tang niho Yesu, tiye ojimi fa laliawa, ''Yuwane Lahejuhoni asulu ijie niho iji ongida ohijo, 'Iji ale la ilotiniso, kuya obwon lobo latwani la otum ijie ohitahito?''' ²¹ Niho ene holong itingidar fa ngete nalohoi lati te diahita ce bu niho namiajan ce bu niho nolohailongi huja iboti, cebu isiarahi lati hula ongode otiale. ²² Yesu ho na hitarang sing hovnajiman, ''Nomo neloji ji, iramahi Yuwana nasinge na itelu ji ce bu itiyir. Atiale lahangodok, langurak adahe, lati hochaluluji onyilaji, lahatuhok etiyire, lati hula oyeyi hebuhuni nihisu, ce bu lati hula owahi nalwaha iramahini nahiram na ongidar. ²³ Latwani la obu itoboj nahiruk niho ne to nahigiama ho ne ojohi ngete.'' ²⁴ Laholong nafwe lohijehi ho Yoana niger, Yesu ho nahichak natianya niho lati to Yoana, ''Nanyuo te ifwasi itiala niwaha, nemujung huja itigigij nolomwangi? ²⁵ Nyuo hati nanyuo te ifwasi itiala niger, latwani la hijefito nabongoji huja onanauji? Totialati lati hula ijefite nabongoji huja ongidari ce bu omanye namanya na ogol, obwoni nihang ho Lohobu. ²⁶ Nyuo nati nanyuo te ifwasi itiala niger, laheramahitani ho hiramita? Ee, ajo ne niho te, cebu ilany laheramahitani ho hiramita. ²⁷ Ngete ale la hegierehini, Totiale, asulahiso ne nihote lolohejek ho ne nihomomite ho te, la olovihuhumahiso nihoi hote nihatemeni.' ²⁸ Ajo ne nihote, niho ehule oyisini nangorwo, obe lobo lobolo bebe ilany Yuwana, onyuo lolohichungi ho twani nihang ho Najyok obolo ilany ngete.'' ²⁹ Lo fa netiyiri lati fad anya, ho laheduduhak ho mochoro, sing ho na jiman ojo otirahi Najyok . Obwoni fa sing ho lati hulo fa ijuhi to na hijuho ho Yuwana. ³⁰ Nyuo hati lahatisak cebu lahetejianak hechihita ho Yahud, hula obu ngete ijuk, ho nahidayariso nolofero ho Najyok. ³¹ To ho nanyuo ne hahitekialarahi lati anya holong? To ho nanyuo sing okialare? ³² Okialare sing to lemusak hula ilime nimaji na itenyangiterete nareji, hula itwenge ce bu ongelese nakwanite hosing ce bu otianye ojo, 'Ohihuta jie nelwere niho ji, iji ibe ikia. ohibwon ijie nitari iji ibe iyoo.' ³³ Olotu fa Yuwana Batista obu honyasu nebune ce bu obu omata nabalu, ite ijimata, 'Obwon ho namininga.' ³⁴ Lahito ho Najyok olotu ho nanyasu cebu omata, ite ijimata, 'Totiale, lahaurani ho twani laja ce bu laharumani, lamorite ho laheduduhak ho mochoro cebu nepalitak!' ³⁵ Nyuo hati itelihini nolofeto to lemusak ho ngete fad. ³⁶ Tahanya lobo niho lati ho Farise ho nangeleniso Yesu ojo ongida ohnyasu hongete. Lo fa neruhi Yesu nihaji hele twani ho Farise , ngete ho na hitwongo nilonyasere. ³⁷ Obwon fa ibwo nangorite nihang na ora ahepalani. Ohorihi ngete ojo obwon fa Yesu nahaji ho laharisani, ngete ho nahiyeno nelata ho twa to nohoyo. ³⁸ Ngete ho nabotia to horwong hongete niger hehijiaha hongete ho nayoo. Ngete ho nahichak itetwaha nihejiaha ho Yesu to nahiyok, cebu ifufuso to nafofi ho hou ho ngete, lema neger ongete, ce bu ojura nehejiaha hongete ho nahifufusohiso nelata. ³⁹ Lo fa natel latwan ho Farise lo fa ongeleu Yesu anya , ngete ho nahigigilo, ojo, "Hara ora ale twani ha aheramahitani ho hiramita, hajien dwo ngai lotir ngete na ora hepalani.'' ⁴⁰ Yesu ho na hitarang ngete ojo, ''Simone, abwon ne hebwo natianya niho ji.'' Ngete ho najiman, '' Totianyuo, ''Lahetejianani!" ⁴¹ Yesu ho najiman, ''Obwoni fa helihe lamomgijok ho lobo latwani harik hula ohurere narobia. Abito twani ohuroro namiya biyet dinar ce bu abito twani ohuroro nehijek miyet dinar. ⁴² Obengi fa sing ho narobia nidumari, he ngete ho nahibalahiso sing fad. Na dwo, ngai lihosing hatum okwama ngete bebe?'' ⁴³ Simone ho na hitarang ngete ojo, ''Ajo ne hara dwo la ibalahini bebe.'' Yesu ho na nijiman niho ngete, ''Engot ji na otirahi.'' ⁴⁴ Yesu ho nahibielo niho nangorite ho najiman niho Simone, ''Itel ji anya ngorite. Eruhi ne nihaji hoji. Isiarahi ji ne nahari nehejiaha ho ne, nyuo hati ngete, ho nahiyok, etetiak nehejiaha ho ne ce bu ifufus to na nafofi hongete. ⁴⁵ Obu ji ijur ne , nyuo hati ngete ahijur ne, many ne hechak ilotiniso, obu itobwoj najura nehejiaha ho ne. ⁴⁶ Obu ji itwehi nelata nihou ho ne , nyuo hati atwe ngete nehejiaha ho ne to nelata. ⁴⁷ Ta anya hegiama, ajo ne nihoji ojo ngete na obwon ho nepalita huja olwaji ebalahini ngete bebe, okwama cebu bebe. Nyuo hati ngete la ibalahini kai,okwame ngete kai.'' ⁴⁸ Tinya Yesu ho najiman niho ngete, ''Alahahine nepalita hoji.'' ⁴⁹ Lati hula onyese hongete ho nahichak igugunuta nikwanite hosing, ''Ngai ale la olahahita nahipalita?'' ⁵⁰ Tinya Yesu ho najiman niho ene ngorite, ''Nahiruk ho ji ahitalahu iji. Ilo to nayomo.''