¹ Odaha fa Yesu nihotwa ho mana tetaleji, lolohejehi hongete ongutunute nangamang ho nafufwasu ho nahuruta. ² Nyuo hati hilihe lati to hiji ho laharisak ho najiman, ''Nanyuo te igiamati nasinge na obu ongida niholong hetaleji?'' ³ Yesu, ho nahitarang sing, ojo, ''Hobe te ikianata nanyuo Davide ihon lo fa nanyasu nahure ngete, ngete ho lati hulo fa obwoni ho ngete? ⁴ Olo ngete hona nihaji ho Najyok, ho na hiyaru nangejuk hebune ho na iyalahini ho na nyan hinihe, ce bu ho na hisiarahiso hinihe niho lati hula obwoni ho ngete, odobu ongida fa niho lapadiri hama ninyesere.'' ⁵ Ngete ho na jiman nihosing, ''Iha Najyok ora Ahobu ho holong hetaleji.'' ⁶ Obwon fa niho ibwo noholong ho hetaleji olo fa ngete nekelesia hitejiana lati da. Obwon fa lobo latwani da la hipalaru neteten heheni ho ngete. ⁷ Otiale fa lahigierok ho lati ho Farise ngete tok tok nijianari kuya hatum ngete ituhuhum latwani niholong hetaleji, ojo ongida sing ohihorihini ibwo nahirambnihitwobere ngete. ⁸ Nyuo hati ojien ngete nanyuo sing igigile ngete ho na jiman niho ele twani orohojaya nahene, ''Todete, to botia inyini nihiji ho lati fad.'' Tinya ele twani ho na deto ho na botia. ⁹ Yesu ho najiman niho sing, ''Ahifiasu ne ite, ongida nihigiamari na ongida niholong hetaleji kuya nihihwanari na oroho, nilwahari nahisu kuya nehibalariso?'' ¹⁰ Tinya ngete ho na ho najiman niho ngete torwehi nehes hoji." Ngete ho narwehiso, nehene hongete ho nangidari. ¹¹ Nyuo hati obwoni fa sing ho nahilongojita,.'' ho natianya nikwanite hosing nanyuo sing hahitum ohihon Yesu . ¹² Abwon fa niho noholongi hinihe ngete ho naloten nideng himojo. Itiringa imojo niho Najyok naharie fad. ¹³ Lo fa nara nafangu, ngete ho na ngeleso nolohejehi hongete niho ngete, ho na nyumuniso tomon ho harik, hula itanyahi ngete ''Lahetejianak.'' ¹⁴ Nafureto ho lahetejianak obo Simone (La itanyahi ngete ojo Petur) ho hilasi ho ngete, Andrea, Juma, Yuwana, Filipo, Bartolomeyo, ¹⁵ Mateo, Tomas, Juma, lahito ho Alphaeus, Simone, la ongelese ojo Sealot, ¹⁶ Yuda, Juma, ce bu Yuda Iskariot, la olotu rahan ahetenyangani . ¹⁷ Yesu ho nalotiniso nidenge hosing ce bu ho na deto niho namaji na otod. Nalohoi ho lati ho lahejifitok hongete obwon da, ho lati hula olwaji loho Yudea ce bu Yerusalem, ¹⁸ cebu tiger ho hari ho Tire cebu Sidonia. Ofwoni sing itiyira niho ngete ce bu ongida itingidari sing tediahita ho sing. Lati hulo fa obwoni ho na nolohailongi huja iboti etijilaji. ¹⁹ Lati fad hulo fa obwoni ho nahitiringa itiro ngete to nahifirang ho hitinyilaja na olotu niho hongete, ngete ho nahitinyilaj sing fad. ²⁰ Ngete ho nsatiala niho nolohejehi ho ngete, ho najiman, ''Ikie najwaha obwon niho lahaparitani, ora nahang ho Najyok anohoji . ²¹ Ikie najwaha obwon niho hula onyasu nahure ohitanye ba ite. Ikie najwaha obwon niho hula oye tahanya, ikenitati hadi te. ²² Ikie najwaha obwon niho lati hula ohidayari iji cebu nomo nahingialari sing iji ce bu nahitarahi iji aharohojani to Iha Najyok. ²³ To kwame nihene holong cebu ifirita tonakwama ojo ibwon hadi ji ho neyalita na obolo nihide, itegemi fa fafairok hosing laheramahitak ho hiramita to ho naja. ²⁴ Nyuo hati ikie narohoji obwon nihote hula ibarati!Ehorihisi te nangidarita hote. ²⁵ Ikie narohoji obwon nihote hula ifwangata tahanya! Ohinyasu hadi ite nahure nihalu. Ikie narohoji obwon nihote hula ikenitati tahanya! Ifwosu hadi te ilongojita ce bu iyete nihalu. ²⁶ Ikie narohoji obwon nihote,nomo natianye lati na ongida nihote! Ihoni fafairok hosing laheramahitak horamita hula ongesemi to hoja. ²⁷ Nyuo hati ajo ne nihote hula itiyirati, tokwamati lamerok hote ce bu igiama na ongida niho hula ohidayari ite. ²⁸ Tojwahata hula ipite ite ce bu tomojete to hula itegiame ite. ²⁹ Niho ngete la ohinang iji ningati ho longel, isiarahi ngete abito longel . Nayaru lobo latwani nabongo hoji noho hatere, hetik nabongo oce bu. Isiarahi niho latwani la omojo nihoji. ³⁰ Neyaru lobo latwani ibwo nasinge hoji, hefisu ngete ojo ongida ngete inyahu niho ji. ³¹ Toho iwahiteretete lati ihoni nihote, ongida ite ihwanati na okialare nihosing. ³² Nekwama ji lati hula ohikwama iji, ani ngidari naja nihoji? Dobu lahepalak okwame lati hula okwame sing. ³³ Nomo nihwana ji niho lati hula ihwane na ongida niho ji, ani ngidari naja nihoji? Dobu lahepalak obe ihwane to ho na ihwanaritite. ³⁴ Nomo nesiarahita ji nareji niho lati hula otum inyahahini ba nihoji, ani ngidar naja nihoji? Dobu lehepalak obe isiarahite niho lahepalak, cebu owahi ihorihiso narobia hongete. ³⁵ Nyuo hati tokwame lamerok hoji cebu igiama niho sing na ongida. Tohurohisi niho sing, hehuyasete nemojinere ibwo nasinge obolori hadi neyalita hote . Ohingele hadi ite lemusak ho Najyok, niho ngete tonakwan hongete orie niho lati hula obu isiarahite nawa ce bu niho lati hula orohoji. ³⁶ To mehine,to ho ora Monye hoji ahamehitani. ³⁷ Hengoto, cebu obu ba ongoti iji. Hetahajasu , cebu obu ba ohitahajari iji. Tolahahi lati hula itunahi ji nitaji , cebu ohilahahini hadi iji. ³⁸ Isiarahi niho ehulihe, cebu ho hisiarahini ba iji. Narobia huja olwaji isihi many ijujuhe ijuhohini hadi nehes. To netemit na itiamari ji, ne itemit hadi cebu otiamariti nohoji." ³⁹ Tinya ngete honahiramahiso sing natianya na idimaru nafotiri hongete. "Hatum lahangodoni inyamito lahangodoni? Nenyamito ngete, ohuyari sing fad niwure, habe otum sing? ⁴⁰ Obu lolohejek obolo ilany lahetejianani hongete, nyuo hati latwani etejieni angida otum ora to ho lahetejianani hongete. ⁴¹ Nyuo hati nanyu ji itiala nigarati na omuta na nobwon nihonyek ho hilasi hoji, nyuo hati obu ji itel nagarati na obwon nihonyek hoji? ⁴² Tatali ji ijo niho hilasi hoji, 'Hilasi, ikie eduha ne nagarati na obwon nihonyek hoji, iji hati to nakwan hoji obu ji itel nagarati na obwon nihonyek hoji? Iji lahagesemeni! Inuhe soni nagarati to honyek hoji,ongida iji itiala na onyila nahiduhajiere nagarati na obwon nihonyek ho hilasi hoji. ⁴³ Habu nakiani na ongida otum ongiju nahanger huja omudangi, kuya nakiani na omudang hatum ongiju nahanget huja nahanger ongidari. ⁴⁴ Nakiana abito abito ojieni to na hanger hosing. Obu lati ikukure nahanger ho ngaboli na obwon nikwa, kuya hatum sing ikukure nekututum to timere na oyohojoyo. ⁴⁵ Latwani la ongida olotu to taji hongete nasinge na ongida, cebu latwani la ibot otuna nareji huja iboti nitaji ho ngete iyenita ce bu huja iboti. otianya nahutuk ntenyita huja olwaji . ⁴⁶ Nanyuo te ingelesete ne, 'Hobu, Hobu,' nyuo hati ibe iruhuto nareji huja atianya ne? ⁴⁷ Latwani la olotu nihone cebu itiyira nahiramita ho ne cebu iruhuta sing, ahiramahi ba ne ite okialare toho naja. ⁴⁸ Okialare ngete to ho nahaji ho twani la obok owudo nifok ho nahifahahiso namaji na ora amorwo. Nomo nalotu nolomulang, itowu nahari hari nilofunge, nyuo hati obu otum itihihir ngete, tonanyuo ifahahino ngete nimaji na ongida. ⁴⁹ Nyuo hati latwani la itiyir nahiramita ho ne ce bu obu iruhuta sing, ngete latwani la ifahahi nahaji nitodo ho fok na obu ogol. Nalotu nahari nehe ne haji, tihir tihihir ho nahuyari, cebu narohoji hene haji atuhohino.