¹ Niho nalohitwahajik nahito na onyumuni ho lemusak ho ngete, hula akwama ne nitarihe, obu hati ne hama, nyuo hati cebu niho hula ojieni natarihe, ² tanatarihe iwasihi niho jie, obwon ba niho jie ho hadi. ³ Nangidari, ho nayomo ikie obwon nihote niho Najyok Lamonye cebu niho Yesu kristo, Iha Lamonye, nitarihe ho nikwama. ⁴ Akwama ne bebe ahorihi ne hilihe lemusak hote odahe nitarihe, toho ohihorihinere jie nechihit niho Lamonye. ⁵ Tahanya amojo ne niho ji, hito, obu toho egierehinere ne niho ji nechihit nangejuk, nyuo hati hulo fa ohi bwonitere jie berien, ongida ohikwama nakwanite hojie. Ngete anya nakwama, na ongida ijie ohidaha to nechihita ho ngete.Ngete anyani nechihit, dobu etiyirusu te tolochifot, ojo ongida ite idahati nihongete. ⁷ Afwe lahetononwangak hula olwaji nifok, hula obu iruhohi ojo olotu Yesu Kristo inyi nifok atwani. Ngete laja lahetononwangani cebu lamereni ho Kristo. ⁸ Totialata nakwanite hote, ojo obu te ipalasi nareji huja ahigem jie fad, nyuo hati ongida ite ihorihisi nangidari ho ngete. ⁹ Niho lobo la olo nihatemeni ho cebu obu otongi nihitejiana ho Yesu Kristo obu obwonitere Najyok. Niho ngete la otongo nahitejiana obwonitere Lamonye cebu Lonyi. ¹⁰ Nalotu lobo nihote obu hati iyeno huja itejenita, hemojusu ngete nihayi hote cebu hehatata ngete.Latwani la ihat ngete eruhi ngete niho nepalita ho ngete. ¹² Abwonitere ne nareji huja olwaji nihi gierehinere nihote, nyuo hati, abu ne awak igier sing tanahari to newaraga ho nahari ho galam. Nyuo hati, awak ne lotiniso nihote nitianyari ongida nakwama hojie obolo. ¹³ Lemusak ho hinasi hote na onyumuni ihate ite.