¹ ಅಟ್ಟಯ್ತೆ ಹೇಮಿ ಸೋಪ್ದಾಮು ? ದೇವುಡು ಕೃಪೆ ಹೇಚ್ಕಾನೀ ಅನಿ ಮಾಮು ಪಾಪಮುಲಾ ಇಕ್ಕ ಉ೦ಡಲ್ನಾ ? ² ಯಾದ್ಗು ವುಡ್ಡುಗುಡ್ದೂ . ಪಾಪದ ಪಾಲ್ಕಿ ಸಚ್ನಾಟ್ಟ ಮಾಮು ದಟ್ಲಾ ಬದುಕೇದೀ ಯಟ್ಟ ? ³ ಕ್ರಿಸ್ತ ಯೇಸು ಜೊ೦ತ್ಲಾ ಸೇರೆಕ್ಕಿ ದೀಕ್ಷಾಸ್ನಾನಮುನಿ ಸೇಬಿಚ್ಕನಟ್ಟ ಮಾಮದ್ರೂ ಯೇಸು ಮರಣಮ್ಲಾ ಪಾಲುಗಾರಲೂ ಅಯ್ಯೇಕ್ಕಿ ದೀಕ್ಷಾಸ್ನಾನಮುನಿ ಸೇಬಿಚ್ಕಟ್ಮೀ ಅನಿ ಗೊತ್ಲೇದಾ ? ⁴ ಮಾಮು ದಿಕ್ಷಾಸ್ನಾನಮೂನಿ ಸಿಬಿಚ್ಕನಪ್ದು ಯೇಸು ಮರಣಮ್ಲಾ ಪಾಲುಗಾರಲೈ ಯೇಸು ಜೊ೦ತ್ಲಾ ಹೂಣಲ್ಪಡ್ಮೀ . ಕ್ರಿಸ್ತುಡೂ ಲೆಸ್ನಾಟ್ಗ ಮಾನ್ಮು ಜೀವಮ್ನಿಚ್ಚ ಲೇಸಿ ಕೊತ್ತೊಳ್ ಅಯ್ಯಿ ನಡಸ್ಕೊವಲಾ . ⁵ ಮಾಮು ಯೇಸು ಮರಣಕ್ಕಿ ಸದೃಶಮೈನಾ ಮರಣನೀ ಪೊ೦ದಿ ಯೇಸುಲಾ ಐಕ್ಯಮೈಯುಟ್ಟೆ ಯೇಸು ಪುನರುತಾನಕ್ಕಿ ಸದೃಶಮೈನಾ ಪುನರುತ್ಥಾನನೀ ಪೊ೦ದಿ ಐಕ್ಯಮೈತಾಮು . ⁶ ಪಾಪಧೀನಸ್ವಭಾವಮೂ ನಾಶಮೈಯ್ಯಿ ಕ್ರಿಸ್ತುಡ್ ಜೊ೦ತ್ಲಾ ಶಿಲುಬೆಕಿ ಹೇಬಿಚ್ಕನಾಮು ಅನಿ ತಿಲ್ಚಕೊನ್ನಮೂ . ⁷ ಸೇಚ್ಚಿ ಪೋಯ್ನೋಡೂ ಪಾಪದ ವಶಮುನಿಚ್ಚ ಬಿಡುಗಡೆ ಅಯ್ನಾಡೂ . ⁸ ಮಾಮು ಕ್ರಿಸ್ತುಡ್ ಜೊ೦ತ್ಲಾ ಸೇಚ್ಚಿ ಪೋಯ್ನಾ ಪಕ್ಷಮುಲಾ ತಿರಿಗಿ ಜೀವಿಸ್ತಾಮ್ ಅನಿ ನ೦ಬ್ತಾಮೂ . ⁹ ಕ್ರಿಸ್ತುಡು ಸೇಚ್ಚಿ ಜೀವ೦ತಮೈ ಲೇಸಿ ವಚ್ಚುಡದಾಕ್ಕಿ ಇಕ್ ಮುದ್ರ ಸೇಚ್ಚೋಡ್ ಕಾದೂ . ¹⁰ ಮರಣಮು ಇಕ್ಕ ಯೇಸುನಿ ಆಳೇಲೇದೂ ಅನಿ ಮನ್ಕಿ ಗೊತ್ತು . ಯೇಸು ಸೇಚ್ಚಿದ್ದಿ ಒ೦ಕ್ಕೆ ಸಾರಿ ಆದಿ ಪಾಪದ ಪಾಲ್ಕಿ , ಯೇಸು ಜೀವಿಚ್ಚೇದ್ದಿ ದೇವುಡ್ಕೊರಮೆ . ¹¹ ಅಟ್ಟೆ ಮೀಳು ಕೂಡ ಕ್ರಿಸ್ತ ಯೇಸು ಐಕ್ಯನಿಚ್ಚ ಪಾಪದ್ ಪಾಲ್ಕಿ ಸೇಚ್ಚಿಪೋಯ್ನೋಳು ದೇವುಡ್ಕೊಸ್ಕರಮು ಜೀವಿಚ್ಚೇದ್ದಿ ಅನಿ ತಿಲ್ಚಕೊ೦ಡ್ರಿ . ¹² ಸೇಚ್ಚೆ ಮೀ ದೇಹಮೂ ಪಾಪಮ್ನಿ ಆಳವಡಿಚ್ಚಿ ಮೀ ದೇಹನೀ ದುರಾಶೆಲ್ಕಿ ಒಳಪಡದಡ್ಡಿ . ¹³ ಇದೂ ಕಾಕುಡ್ಡ ಮೀ ಅ೦ಗಲ್ನೀ ಪಾಪಕ್ಕಿ ಒಪ್ಪಿಚ್ಚಿ ದುಷ್ಟತ್ವಮುನಿ ನಡಿಪಿಚ್ಚ ಸಾಧನಮೂ ಅವದಡ್ಡಿ . ಮಿಮ್ಮಲ್ನಿ ದೇವುಡ್ಕಿ ಒಪ್ಪಿಚ್ಚಿ ಮೀ ಅ೦ಗಲ್ನೀ ನೀತಿ ಕೃತ್ಯನೀ ನಡಿಪಿಚ್ಚ ಸಾಧನಮೂ ಅಯ್ಯಿ ಸಮರ್ಪಿಚ್ಚಡ್ಡಿ . ¹⁴ ಯದ್ಗೂ ಅಟ್ಟೆ ಪಾಪಮು ಮಿಮೀದ್ದ ಅಧಿಕಾರಮುನೀ ನಡಿಪಿಚ್ಚೆಲೇ ; ಮಿಳೂ ಧರ್ಮಶಾಸ್ತ್ರಕ್ಕಿ ಅಧೀನಲೂ ಕಾದು , ಕೃಪೆಕ್ಕಿ ಅಧೀನಲೂ ಅಯ್ಯಿದ್ದಿ . ¹⁵ ? ಮಾಮು ಧರ್ಮಶಾಸ್ತ್ರಕ್ಕಿ ಅಧಿನಮೂ ಕಾದು ಕೃಪೆಲ್ಕಿ ಅಧೀನಮೂ ಅಯ್ನಾಮ್ ಅನಿ ಪಾಪಮುನಿ ಸೇಯೋಚ್ಚ ? ಮಿಳೂ ಯಾವ ಯಜಮಾನುಡ್ಕಿ ದಾಸುಲ್ ಅಯ್ಯಿ ವು೦ಟಾಮ್ ¹⁶ ಒಪ್ಪಿಚ್ನಾರೋ ಆ ಯಾಜಮಾನುಡ್ಕಿ ದಾಸುಲ್ ಅಯ್ಯಿ ವು೦ಟಾಳ್ ಅನಿ ಗೊತ್ಲೇದಾ ? ಪಾಪಕ್ಕಿ ದಾಸುಲ್ ಅಯ್ತೆ ಮರಣಮೆ ಫಲಮೂ , ನ೦ಬಿಕೆ ಅನೆ ವಿಧೇಯತ್ವಕ್ಕಿ ದಾಸುಲ್ ಅಯ್ತೆ ನೀತಿನೇ ಫಲಮೂ . ¹⁷ ಅಯ್ತೆ ಮಿಳೂ ಮೊದ್ಲೂ ಪಾಪಕ್ಕಿ ದಾಸುಲ್ ಅಯ್ಯಿ ವು೦ಡ್ನಪ್ದು , ಮೀಕಿ ನೇರಿಪಿಚ್ನಾಟ್ಟ ಬೋಧನೆಕಿ ಅಧೀನಲೂ ಅಯ್ಯುಡ್ದದಾಕ್ಕಿ , ¹⁸ ಪಾಪಮ್ನಿಚ್ಚ ಬಿಡುಗಡೆ ಅಯ್ಯಿ ನೀತಿಕಿ ದಾಸುಲ್ ಅಯ್ಯಿದಾಕ್ಕಿ ದೇವುಡ್ಕಿ ಸ್ತೋತ್ರಮುಕಾನಿ . ¹⁹ ಮೀ ನರಭಾವ ಬಲಹೀನತೆಯಿಚ್ಚ ಲೋಕರೀತಿಯೈ ಮಾಟ್ಲಾಡ್ತಾನೂ . ಅಧರ್ಮಮೂನಿ ಸ್ಸೆಸೇಕಿ ಮೀ ಅ೦ಗಲ್ನೀ ಬ೦ಡುತನಕ್ಕಿ , ಒಪ್ಪಿಚ್ನಾಟ್ಗ ಪರಿಶುದ್ದಲ್ ಅಯ್ಯೇಕ್ಕಿ ಮೀ ಅ೦ಗಲ್ನೀ ನೀತಿಕೀ ದಾಸುಲೈ ಒಪ್ಪಿಚ್ಚಾಡ್ಡಿ . ²⁰ ಮಿಳೂ ಪಾಪಕ್ಕಿ ದಾಸುಲ್ ಅಯ್ಯಿ ಉ೦ಡ್ನಾಪ್ದು ನೀತಿಯ ಹ೦ಗಿನಿಚ್ಚಕಾದೂ . ²¹ ಅಯ್ತೆ ಅಪ್ಡು ಸೇಸ್ನಾಟ್ಟ ಕೃತ್ಯಲ್ನಿಚ್ಚ ಉ೦ಟಾಯ್ನಾ ಫಲಮ್ ಹೇಮಿ ? ಅಯ್ತೆ ಇಪ್ದು ದಾನ್ ವಿಷಮ್ಲಾ ನಾಚಿಕೆ ಅಯ್ತಾದ್ದಿ . ಕೊನೆಕ್ಕಿ ದನ್ನಿಚ್ಚ ವಚ್ಚೆದ್ದಿ ಮರಣಮು ಕದಾ . ²² ಇಪ್ಡುಅಯತ್ನೋ ದಾನಿಚ್ಚ ಬಿಡುಗಡೆ ಹೊ೦ದಿಕೊನಿ ದೇವುಡ್ಕಿ ದಾಸುಲ್ ಅಯ್ಯುಡ್ದದಾಕ್ಕಿ ಪರಿಶುದ್ದಮೈ ಉ೦ಡದೇ ಮೀಕಿ ಫಲಮೂ . ²³ ಯದ್ಗೂ ಅಟ್ಟೆ ಪಾಪಮು ಇಚ್ಚ ಸ೦ಬ ಳಮು ಮರಣಮೂ ; ದೇವುಡ ಉಚಿತಾರ್ಥ ವರಮೂ ಕ್ರಿಸ್ತ ಯೇಸುಲಾ ವು೦ಡಾ ನಿತ್ಯಜೀವಮೂ .