¹ .ಕ್ರೀಸ್ತುಡು ನೀಂಚ ಉತೇಚುನುಂ ಪ್ರೀತೀಯ ಪ್ರೆರೆನೇಮು ಪವೀತ್ರತ್ಮಡ ಅನ್ಯೋಯೋನ್ಯತಮು ಕರ್ಮೀ ದಯರಸಲು ವುಂಟೆ ಅಯ್ಕೀ. ² .ಯೈಕ್ಯವುಲ್ಲೋಳಯೀ ನಾ ಸಂತೋಷ್ಮುನೀ ಪರೀಪುರ್ಣ ಸೈನಡೀ ಮೀ ಅಂದ್ರುನು ವಕ್ಕೆ ಪ್ರೀತೀ ವುನ್ನೀ ವುಕ್ಕೆ ಗುರೀಪತೆಕ್ನಲು ಅಯ್ಯುನ್ದ್ರನದ್ರೀ. ³ .ಪಕ್ಷಪತಂ ನೀಂಚ ವಣಹೆಮ್ಮೆನೀಂಚ ವುಣಾಹೇಮ್ಮೆ ನೀಂಚ ಎಮೋಸೆಸ್ತೆನೆ ಪ್ರತೀಯೋಕ್ಕುಡು ದೀನ ಬಾವಂ ನೀಂಚ ಮತ್ತ್ಹೊಕ್ಕಲ್ ನೀ ಶ್ರೇಷ್ಟ ಲಾಯೀ ಎನೀಚಂದೀ. ⁴ .ಮೀಲ ಪ್ರತೀಯೋಕ್ಕೋಡು ಸ್ವಹೀತನೀ ಮಾತ್ರ ಸೋಸ್ತನೀ ಪರಹೀತಾನೀ ಸೂದ್ನೀ. ⁵ .ಕ್ರೀಸ್ತ ಯೇಸುಡ ಉಣ್ಣಂಚ ಮನಸ್ಸು ಮೀಕೂ ಉಣ್ಣೆ. ⁶ .ಯೇಸು ದೇವಸ್ವರೂಪ ನೋಡ್ ಅಯ್ನ್ಟುನು ದೇವುಡ ಕೀ ಸರೀ ಸಮನಾ ಅಯ್ಯುಂಡ ಅಮೂಲ್ಯ ಪದವೀನೀ ಇಸ್ಪಟೀಲದು. ⁷ .ತನ್ನನೀ ಬರೀದು ಸೆಸ್ಕುನೀ ವಾಸ ರೂಪದರೀನ್ಚೀ ಮನುಷ್ಯಲಕೀ ಶದ್ರುಷ್ಯ ನೋಡುಆಯಾ. ⁸ .ಈಟ್ಟ ಯೇಸು ಅಕಾರಂಲ ಮನುಷ್ಯಲ ಕೀ ಕಮದೀಜೊಕ್ನಪ್ಪುದು ತನ್ನೀ ತ್ತಗೀಚೋಕ್ನೀ ಮರಣನೀ ವಂದೇಕೀ ವೀದೇಯೋಡು ಆಯಾ. ⁹ 9.ಈ ಕಾರಣಮ್ನೀಂಚ ದೇವುಡು ಯೇಸುನೀ ಅತ್ಯುನ್ನತ ಸ್ಥಾನಕ್ಕೆ ¹⁰ ಯೆರ್ವೀಚ್ಚೀ ಶೇಶ್ರಾಮೈನ ಪೇರ್ನೀ ದಯಪಾಲೀನೀಂಚನಾಡು ¹¹ .ದಾನೀಂಚ ಸ್ವರ್ಗ ಪಾತಾಲಂಲ ವುಂಡ ಅಂದ್ರೂ ಯೇಸು ಪೆರ್ಲ ಅಡ್ಡಪ್ ಡೀ ಯೇಸು ಕ್ರೀಸ್ತುಡ್ನೀ ವಡೆಯುಡು ಅನೀ ಪ್ರತೀಜ್ಞೆ ಸೇಸೆ ದೆವುಡ್ಕೀ ಗಾನಾನೀ ಸಲ್ವೀಚ್ಚ್ಲೀ. ¹² .ಮೀಳು ನಾ ಮಾಟ್ನೀ ಯಪ್ಪುಡು ಪೀನ್ನಟ್ಗ ಈಪ್ಪುಡು ಈ ನಂಡ್ರೀ ನಾ ಲೆನ್ನಪ್ಪುಡು ಕೂಡ ಮನಬೀತೀ ಈಂಚ ಮೀ ರಕ್ಷಣೆ ನೀ ಸದೀಸ್ಚ್ಕೊನ್ಡ್ರೀ . ¹³ .ಎಂದೊಗೋ ವಂಟೆ ದೇವುಡೆ ತನ್ನ ಚೀತ್ತಂ ನೇ ನೇರೆವೆರೆಚೆಕೀ ಮೀಲ ಉದ್ದೆಶಂ ನೀ ಪ್ರಯತ್ನಂ ನೀ ಉಂಟು ಸೇಸುಡು ಆಯ್ ನಾಡು. ¹⁴ .ಗುಣುಗುಟ್ಟತಾನೀ ಜಗಳಂ ನೀ ಸೇಯ್ನಟ್ಗಾ ಎಲ್ಲಂ ನೀ ಸೈನತ್ರೀ. ¹⁵ .ಮೀಳುನೀರ್ದೊಶೀಲು ಯಥಾರ್ಥ ಮನಸ್ಸುಳೋಲ್ ಆಯುನ್ದ್ರೀ ವಕ್ರಬುದ್ದೀಯುಳ ಮುರ್ಕಾಜಾತೀಯುಂಚ ದೇವುಡ ನೀಷ್ಕಲಂಕ ಮೈನಾ ಬೀನ್ಡುಳ್ ಆಯ್ನಾಳು. ¹⁶ .ಮೀಳು ಅಂದ್ರೂಕೂ ಜೀವವಾಕ್ಯಂ ನೀ ಸುಬೀಚ್ಚೋಳ್ ಆಯ್ಯುನ್ದ್ರೀ ಲೋಕಂ ಲಾಗ ಜೋತೀರ್ಮನ್ಡಲ ನಾಟ್ಗ ಕಮಡೀಸ್ತರು ಮೀಳು ಇಟ್ಟನಾಡ್ಸದೇ ನಾ ಕೆಲಸಂ ಸಾದೀನಚೀನ್ದೀ ವ್ಯತಾರ್ತಂ ಕಾದು ಅನೆ ಉತ್ಸಾಹಮು ಕ್ರೀಸ್ತುಡ ದೀನಮುಲ ನಾಕೀ ವುಂಟಯ್ತಾದೀ. ¹⁷ .ಮೀ ನಂಬೀಕೆ ಅನೇ ದೇವುಡ ಅರ್ಪೀನ್ಚೆ ಸೆವೇಲ ನಾನೇ ಪಾನದರ್ವ್ಯಮ್ ಮುಯ್ಯೀ ಅರ್ಪೀತ ಮೈನ್ಪಡು ನಾಕೀ ಸಂತೋಷುಮು. ¹⁸ .ಮೀಕೂ ಕೂಡ ಸಂತೋಷುಮು ಅಟ್ಟೆ ನಾಚೀ ಜೋತ್ಲ ಸಂತೋಶೀಸ್ಚನಡೀ. ¹⁹ .ಆಯ್ತೇ ಯೇಸು ಚೀತ್ತಂ ಆಯ್ತೇ ನಾನು ತೀಮೋತೀನೀ ಬೀರ್ನಾ ಮೀ ಅಂತ್ರಮ್ಕೀ . ²⁰ .ಅಮ್ಷೀನ್ಚ್ ಕೀ ನೀರೀಕ್ಷೆ ಪಡ್ತಾನು ವಾಡು ಮುಕಾಂತರ ಮೀ ಸಂಗತೀನೀ ಈನೀ ನಾನು ದೈರ್ಯಮು ಸೀಸ್ಕಂಟೆ. ²¹ .ಅಂದ್ರೂ ಸ್ವ ಕಾರ್ಯಲ್ ಮೀಂದ ಮನಸ್ಸುಪೇಡ್ತಾರೆ ಹೊರತು ಯೇಸು ಕ್ರೀಸ್ತುಡುಮು ನೀಂದಾ ಮನಸ್ಸ್ ಪಟ್ಟೆಲೆದು. ²² .ತೀಮೊತೀ ಗುಣಾನೀ ಮೀಳು ಸುಸೀ ತೀಳುಚ್ಕೊನಾಡು ಕುಡುಕ್ಕು ತನ್ದ್ರೀಕೀ ಯಟ್ಟನೋ ಆಟ್ಟವಾಡು ನಾ ಜೋತ್ಲ ಸುವಾರ್ತೆ ಪ್ರಚಾರ್ಮ್ಕೀ ಕಷ್ಟಮು ಪಡೀ ಕೆಲಸಂ ಸೇಸ್ನಾಡನೀ ಮೀಕೀ ಗೊತ್ತು. ²³ .ದಾನೀಂಚ ನಾ ಸಂಗತೀ ಯಟ್ಟಯ್ತಾದೋ ದಾನೀ ತೀಳುಚ್ಕೋ ತಕ್ಷಣಮೆ ವಾಡ್ ನೀ ಅಂಪೀಮಚೇಕೀ ನೀರೀಕ್ಷೀಸ್ತನು. ²⁴ .ನೀಜುಕು ಅಕುಂಡ ನಾನು ಬೀರ್ನ ವಸ್ತಾನನೀ ಯೇಸು ನೀ ದೃಡ ಮಯೀ ನಾಂನಾನು. ²⁵ .ನಾ ಕೊರೆತೇನೀ ನೀಗೇಕೀ ಮೀಳು ಅಂಪೀನ್ಚನಂಟ ಸಹೋದರುಡು ಆಯ್ನಂಟ ಯಾಪ ಪ್ರೋದೀತುಂಡ್ನೀ ಮೀ ಅಂತ್ರನ್ಕೀ ಅಂಪೇದೀ ಅವಶ್ಯಮನೀ ನೇನಸ್ಥಾನು . ²⁶ .ವಾಡು ಮೀ ಅಂದ್ರುನು ಅಂಬಲೀಸ್ಥಾನು ಮಲ್ಲೀ ತಾನು ಅಸುಸ್ಥ ಮೈನ ವರ್ತೆಮನಂನೀ ಮೀಳು ಈನಾಲನೀ ವ್ಯಸನ ಪಟ್ಟೇ. ²⁷ .ವಾಡು ರೋಗಮ್ಲ ಪಡೀ ಸೇಚ್ಚೆನಟ್ಗ ಅಯುನ್ಡೆ ಅನೀದೀ ನೀಜಮೇ ಆಯ್ತೇ ದೇವುಡು ವಡ್ನೆ ಕರುನೀಂಚ್ಚೆ ವಾಡು ಕಕುಂಡ ನಾಕೀ ದುಕ್ಮೀಂದ ದುಕ್ಕಬಾರಂ ನಟ್ಗ ನನ್ನೀ ಕರುಣೀನ್ಚ್ನಾಡು . ²⁸ .ಅಂದ್ಲು ಮೀಳು ವಡ್ನೀ ಸುಸೀ ಸಂತೋಷ್ಮು ಪಡಲೈನೀ ನಾಕೀ ದುಖಮು ಕಡೀಮೆ ಅವಲಾನೀ ವಾದ್ನೀ ಅವಸರಂ ನೀಂಚ ಅಂಪೀಸ್ತೀ. ²⁹ .ಈಟ್ಟುಂಡ ದನ್ಕೀ ನುವ್ಯ ನಾಕೀ ಸಯ್ಯಲಂಕೊಂಡ ³⁰ ಉಪಚರಮ್ಲ ಕಡೀಮೆ ಅಯ್ದಾನೀ ಪೂರ್ತೀಸೇಸೆಕೀ ವಾಡು ಜೀವದ ಅಸೇನೆ ಲಕ್ಷೀಮು ಸೇಸ್ತನೆ ವಾದ್ ನೀ ಪೂರ್ಣ ಸಂತೋಷಮು ನೀಂಚ ಯೇಸು ಪೆರ್ಲ ಸೆರೆಪೀಂಚುಕಂನ್ನ್ಡೀ ಅಟ್ಟೋಳ್ನೀ ಮನ್ಯಮು ಅನೀ ಈಣೆಚೆಂಡೀ.