¹ .ಯೇಸು ನಡ್ಸಿಪಾಯೇಪ್ದು ಒಕ್ಕ ಪುಟ್ ಗುಡ್ದೋಡ್ನೀ ಸೂಸ್ನಾಡು. ² .ಆತುಡ ಶಿಷ್ಯಾಲು-ಗುರುವೇ,ಊಡು ಗುಡ್ದೋಡೈಯ್ಯಿ ಪುಟ್ನಾದ್ಗು ಯವ್ಳು ಪಾಪಂ ಸೇಸ್ನಾರು?ಊಡೋ?ಊಡ ತಂಡ್ರಿ ತಲ್ಲಿಲೋ?ಅನಿ ಆತುಡ್ನಿ ಅಡ್ಗಿoದಾನ್ಗು-ಊಡು ಪಾಪಂ ಸೇಯ್ಯಿಲೇದು, ³ .ಊಡ ತಂಡ್ರಿತಲ್ಲಿಲು ಪಾಪಂಸೇಯ್ಯಿಲೇದು;ದೇವುಡ ಕ್ರಿಯೇಲು ಊಡ್ಲಾ ಸೂಪಿ ವಚ್ಚಿದಾನ್ಗು ಇದಾಯಾ. ⁴ .ನನ್ನಿ ಅಂಪಿಚ್ಚಿನಾತುಡ ಕಾರ್ಯಾಲ್ನಿ ಮೀಮು ಪೊಗಲುನ್ನಪ್ಪಡೆ ನಡ್ಪಾಲ.ರಾತ್ರಿ ವಸ್ತಾದಿ,ಆದಿ ವಾಚ್ನಪೈನ ಯವ್ಳು ಕೆಲಸಂಸೇಸಲೇದು. ⁵ .ನೀನು ಲೋಕoಲಾ ಉನ್ನಪ್ದು ಲೋಕಾನ್ಗಿ ಎಲ್ಗುಅಯ್ನಾನು ಅನ್ನಾಡು. ⁶ .ದಾನ್ನಿ ಸೊಪ್ಪಿ ನ್ಯಾಲಪೈನ ಊಸಿ ಆ ಉಗುಳ್ನಿಂಕ ಕೆಸರುಸೇಸಿ ಆ ಕೆಸರ್ನಿ ವಾಡ ಕಂಡುಲ್ಗಿ ಪುಸಿ ⁷ .ನುವ್ವ ಸೀಲೋವ ಕೊಳನ್ಗಿ ಪಾಯಿ ಕಡಿಕ್ಕೊ ಅನ್ನಾಡು(ಸಿಲೋವ ಅನೆ ಮಾಟ್ಗಿ ಅಂಪಿಚ್ಚಿಚ್ನಾವಾಡು ಅನಿಅರ್ಥಂ)ವಾಡು ಪಾಯಿ ಕಡಿಕ್ಕಾನಿ ಕಂಡ್ಲು ಹೊಂದ್ನಾವಾಡುಆಯಿ ವಚ್ನಾಡು. ⁸ .ಅಪ್ಡು ನೆರೆಹೊರ್ಮಾ ವಾಡು ಬಿಕ್ಷುಗಾರುಡುಆಯ್ನoದ್ಗು ಮೊದ್ಲು ಸೂಸ್ನಾನು-ಊಡು ಕುಚ್ಗವುಂಡ ಆ ಬಿಕ್ಷುಕುಡುಕಾದೆ ಅನ್ನಾರು. ⁹ .ಕೆಲವ್ಳು-ಹೌನು,ವಾಡೆ ಅನ್ನಾರು;ಇಂಕ ಕೆಲವ್ಳು-ವಾಡುಕಾದು,ವಾಡಲಾಕ ಅನ್ನಾರು.ವಾಡೈತೆ-ನೀನೆ ವಾಡು ಅನ್ನಾಡು. ¹⁰ .ಅಪ್ಡು ವಾಳು-ನೀಕಿ ಕಂಡ್ಲು ಎಟ್ಟವಚ್ನಾವಿ?ಅನಿ ವಾಡ್ನಿ ಅಡ್ಗಿoದಾನ್ಗು ಊಡು ಯೇಸು ಅನೋಡುಉಂಡಾಡುಕದ, ¹¹ .ವಾಡು ಕೆಸ್ರುಸೇಸಿ ನಾ ಕಂಡ್ಲುಗಿ ಪುಸಿ ಸಿಲೋವಕೊಳಾನ್ಗಿ ಪಾಯಿ ಕಡಿಕ್ಕೋ ಅನಿ ಸೋಪ್ನಾರು;ನೀನು ಪಾಯಿ ಕಡಿಕ್ಕಂಟ್ನಿ;ಕಂಡ್ಲು ವಚ್ನಾವಿ ಅನ್ನಾಡು. ¹² .ವಾಳು-ವಾಡುಯಾನುಂಡಾಡು ಅನಿ ವಾಡ್ನಿ ಅಡ್ಗಿoದಾನ್ಗು ವಾಡು-ನಾಕಿ ಗೊತ್ಲೆದು ಅನ್ನಾಡು. ¹³ .ಮುಂದ್ರ ಗುಡ್ಡೋಡು ಊಡ್ನೀ ಫರಿಸಾಯ್ಲಾ ದೇಗ್ಗರ್ಗಿ ಪಿಲ್ಚಗಾನಿ ಪೈನಾರು. ¹⁴ .ಯೇಸು ಕೆಸರುಸೇಸಿ ವಾಡ್ಗಿ ಕಂಡ್ಲು ಇಚ್ನ ದಿನ್ಮು ಸಬ್ಬತ್ ದಿವಸಂಆಯಿoಡೆ. ¹⁵ .ಆಯ್ನಾಕಾರಣಂ ಈ ಫರಿಸಾಯುಲು ಸಹ ವಾಡ್ನಿ ವಿಚಾರಿಚ್ಚಿ-ನೀಕಿ ಎಟ್ಟ ಕಂಡ್ಲು ವಚ್ನಾವಿ ಅನಿ ಅಡ್ಗಿನ್ನಾರು.ವಾಡು ವಾಳ್ಗಿ-ಕೆಸರ್ನಿ ನಾ ಕಂಡ್ಲಾಪೈನ ಪೆಟ್ನಾಡು,ನೀನು ಕಡಿಕ್ಕಾನ್ನಾನು,ಕಂಡ್ಲು ಕನ್ಬಿಸ್ತಾವಿ ಅನಿ ಉತ್ತರo ಇಚ್ನಾಡು. ¹⁶ .ಆ ಫರಿಸಾಯರ್ಲಾ ಕೆಲವ್ಳು -ಈ ಮನುಷ್ಯಾಡು ದೇವುಡ್ನಿಂಕ ವಚ್ನವಾಡುಕಾದು;ವಾಡು ಸಬ್ಬತ್ ದಿವಸಂನೀ ಲಕ್ಷ್ಯಸೇಸಲೆದುಕದ ಅನ್ನಾರು.ಇಂಕ ಕೆಲವ್ಳು-ಇಟ್ಟ ಮಹತ್ತುಲ್ನಿ ಸೇಸದಿ ಭಕ್ತಿಹಿನುಡ ಸೈನ್ನಿಂಕ?ಅನ್ನರು ಇಟ್ಟೆ ವಾಳಾ ಭೆದಂಆಯಾ. ¹⁷ .ಇಟ್ಟುಂಡಗ ವಾಳು ತಿರ್ಗಿ ಆ ಗುಡ್ದೋಡ್ನೀ-ವಾಡು ನೀಕಿ ಕಂಡ್ಲ್ಲು ಇಚ್ನದ್ಗು ನುವ್ವ ವಾಡ ವಿಷ್ಯಂಗ ಏಮಿ ಸೋಪ್ತಾವು ಅನಿ ಅಡ್ಗಿoದಾನ್ಗು ವಾಡುಆತುಡಪ್ರವಾದಿ ಅಂಟಾನು ಅನಿ ಸೋಪ್ನಾಡು. ¹⁸ .ಆಯ್ತೆ ವಾಚ್ನವಾಡ ವಿಷಯಂಗ ಆ ಯೆಹೂದ್ಯಾಲು-ಊಡು ಗುಡ್ದೋಡುಆಯಿಂಡಿ ಇಪ್ದು ಕಂಡ್ಲುಉಳ್ಳವಾಡುಆಯ್ತಿ ನಂಬೆಗುಂಡ ವಾಡ ತಂಡ್ರಿತಲ್ಲಿಲ್ನಿ ಪಿಲ್ಬಿಚ್ಚಿ- ¹⁹ .ಗುಡ್ದೋಡು ಆಯಿಂಡಿ ಪುಟ್ನಾವಾಡುಅನಿ ಮೀಳು ಸೊಪ್ಪೇಅಟ್ಟ ಮೀ ಕೊಡ್ಕು ಊಡೋ?ಇಪ್ದು ಊಡ್ಗಿ ಕಂಡ್ಲು ಯಟ್ಟ ವಚ್ನಾವಿ ಅನಿ ವಾಲ್ನಿ ಅಡ್ಗ್ನಾರು. ²⁰ .ವಾಡ ತಂಡ್ರಿತಲ್ಲಿಲು -ಊಡು ಮಾ ಕೊಡ್ಕುಕಾನಿ ಗುಡ್ದೋಡುಆಯಿ ಪುಟ್ನಾವಾಡುಅನಿ ಗೊತ್ಲೆದು; ²¹ .ಇಪ್ದು ಇಟ್ಟ ಕಂಡ್ಲು ವಚ್ನಾವೋ ಗೊತ್ಲೆದು;ಕಂಡ್ಲು ಇಚ್ನಾವಾಡು ಯಾವಳೋ ಗೊತ್ಲೆದು ಊಡ್ನೆ ಅಡ್ಗoಡ್ಡಿ;ಪ್ರಾಯಂಮೊಡುಅಯ್ನಾಡು ಕದ;ಊಡೆತನ್ನ ವಿಷಯಂಗ ಸೋಪ್ಪೆವಾಡು ಅನಿ ಉತ್ತರಂಇಚ್ನಾರು. ²² .ವಡಾ ತಂಡ್ರಿತಲ್ಲಿಲು ಯೆಹೂದ್ಯಾಲ್ಗಿ ಅಂಜ್ನಾ ಕಾರಣಂಈ ಪ್ರಕಾರಂ ಸೋಪ್ನಾರು.ಎಂದ್ಗೂ ಅಂಟೆ ಯವ್ವಲೈನಾ ಯೇಸುನಿ ಕ್ರೀಸ್ತುಡುಅನಿ ಒಪ್ಗಾನಿ ಸೋಪ್ತೆ ಅಟ್ಟವಾಡ್ಗಿ ಬಹಿಷ್ಕಾರoಎಯ್ಯಾಲ ಅನಿ ಯೆಹೂದ್ಯಾಲು ²³ .ಅದ್ಗೆ ಮುಂದ್ರೆ ಗೊತ್ತು ಸೇಸ್ಗಾವುನ್ಡ್ರಿ ಊಳು ಪ್ರಾಯಂಮೋಡು, ಊಡ್ನೆ ಅಡ್ಗoಡಿ, ವಾಡ ತಂಡ್ರಿತಲ್ಲಿಲು ಸೊಪ್ಪಿನ್ದಾಂಗು ಊಡೆ ಕಾರಣಂ. ²⁴ .ಆಯ್ನಾಕಾರಣಂ ಗುಡ್ದೋಡು ಆಯ್ನಾ ಆ ಮನುಷ್ಯಾಡ್ನೀ ರೊಂಡ್ನೆಸಾರಿ ಪಿಲ್ಚಿ-ನುವ್ವ ದೆವುಡ್ಗಿ ಮಾನಂವಚ್ಚೆಅಟ್ಲಾ ಸೊಪ್ಪು;ಆ ಮನುಷ್ಯಾಡು ಭಕ್ತಿಹಿನುಡುಅನಿ ಮಾಮು ತಿಲುಸ್ನಾಮು ಅನಿ ಸೋಪ್ಪಾಲು ವಾಡು ²⁵ .ಆತುಡು ಭಕ್ತಿಹೀನುಡೋ ಎಮೋ ನಾಗೊತ್ಲೇ.ಒಕ್ಟಿ ಮಾತ್ರಂ ಗೊತ್ತು,ಗುಡ್ದೋಡು ಆಯ್ನಾನು,ಇಪ್ದು ಕಂಡ್ಲು ಕನ್ಬಿಸ್ತಾವಿ ಅನ್ನಾಡು. ²⁶ .ವಾಳು ವಾಡ್ನಿ-ನೀಕಿ ಏಮಿ ಸೇಸ್ನಾನು?ನೀಕಿ ಎಟ್ಟ ಕಂಡ್ಲು ಇಚ್ನಾಡು ಅನಿ ಅಡ್ಗಿoದಾನ್ಗು ವಾಡು- ²⁷ .ಮೀಕಿ ಅಪ್ದೆ ಸೋಪ್ನಾನುಕದ,ಮೀಳು ²⁸ ಅಡ್ಗೆಲೇದು;ಎಂದ್ಗೂ ತಿರ್ಗಿ ಅಡ್ಗಲನ್ಕುನ್ನಾರು?ಆತುಡ ²⁹ ಶಿಷ್ಯಾಲಾಯೇಕಿ ಮೀಕಿ ಮನಸ್ಸುoದೋ?ಅನ್ನಾಡು. ³⁰ .ಅದ್ಗೆ ಆ ಮನುಷ್ಯಾಡು-ಆತುಡು ಕಂಡ್ಲು ಇಚ್ನಾನು ಆತುಡು ಯಾನೋಡೋ ಮೀಕಿ ಗೊತ್ಲೆಕುನ್ನ ಉಂಡೆದಿ ಅಶ್ಚರ್ಯಂಕಾದೋ. ³¹ ಪ್ರಾರ್ಥನೆನೀ ದೇವುಡು ಇನೇಲೇದು;ಯಾವ್ವುಡು ಭಕ್ತುಡಾಯಿoಡ್ಡಿ ಆತುಡ ಚಿತ್ತಂಮಟ್ಟೇ ನಡುಸ್ತಾಡೋ ವಾಡ ಪ್ರರ್ಥಾನೆನಿ ಇನ್ಟಾಡುಅನಿ ಗೊತ್ಲೆದು. ³² .ಪುಟ್ನಾ ಗುಡ್ದೊಡ್ಗಿ ಯವ್ವಳೈನಾ ಕಂಡ್ಲು ಇಚ್ನ ಸಂಗತಿನ್ನಿ ಲೋಕಾದಿನ್ನಿಂಕ ಒಕ್ಕಳು ಅಡ್ಗಿoದ್ದಿಲೇದು; ³³ .ಈತುಡು ದೇವುಡ್ನಿoಕ ವಚ್ನಾವಾಡುಕಾಗಬಾತೆ ಎಮು ಸೇಯ್ಯೇಗುಂಡ ಉಂಟಾಡು ಅನ್ನಾಡು. ³⁴ .ಈ ಮಾಟ್ನಾ ವಾಳು-ನುವ್ವ ಕೇವಲ ಪಾಪಂಲಾ ಪುಟ್ನಾವಾಡು,ಮಾಕಿ ಉಪದೇಶಂ ಸೇಸ್ತಾವೋ ಅನಿ ಸೊಪ್ಪಿ ವಾಡ್ನಿ ಆತರ್ಗಿ ಎಸ್ನಾರು. ³⁵ .ವಾಡ್ನಿ ಆತರ್ಗಿ ಎಸ್ನಾಳುಅನಿ ಯೇಸು ಅಡ್ಗಿ ವಾಡ್ನಿ ಕನ್ಗಾನ್ನಿ-ನುವ್ವ ಮನುಷ್ಯಾಕುಮಾರುಡ್ನೀ ನಮ್ಬ್ತಾವೋ ಅನಿ ಅಡ್ನಾಡು. ³⁶ .ಅಂದ್ಗು ವಾಡು-ಆತುಡು ಯವ್ಳು,ಸ್ವಾಮೀ?ತಿಲ್ಬಿಸ್ತೆ ಆತುಡ್ನಿ ನಮ್ಬ್ತಾನು ಅನ್ನಪ್ದು ಯೇಸು - ³⁷ .ನುವ್ವ ವಾಡ್ನೀ ಕನ್ನಾವು;ನೀ ಸಂಗಡಂ ಮಟಾಡ್ತಾವುಂಡವಾಡು ನೀನೇ ವಾಡು ಅನ್ನಾಡು. ³⁸ 38.ನಂಬ್ತಾನು ,ಸ್ವಾಮೀ,ಅನಿ ಸೊಪ್ಪಿ ಆತುಡ್ಗಿ ಅಡ್ಡಂಪೋಡ್ನಾಡು. ³⁹ .ಅಪ್ಡು ಯೇಸು-ನೀನು ನ್ಯಾಯಂತಿರ್ಪಿಗೈಯ್ಯಿ ಈ ಲೋಕಾನ್ಗಿ ವಚ್ನಾನು;ಆ ತೀರ್ಪು ಎಮಂಟೆ,ಕಂಡ್ಲುಲೆಕುನ್ನವಾಳ್ಗಿ ಕಂಡ್ಲುವಸ್ತಾವಿ,ಕಂಡ್ಲು ಉನ್ನಾನು ಗುಡ್ದೋಳು ಆಯ್ತಾರು ಅನ್ನಾರು. ⁴⁰ .ದೀನ್ನಿ ಆತುಡ ಸಂಗಡಂ ಉಂಡ್ನಾ ಫರಿಸಾಯರ್ಲು ಇನಿ-ಮಾಮು ಗುಡ್ದೋಳೆಮೋ?ಅನಿ ಅಡ್ಗ್ನಾಪ್ದು ಯೇಸು ವಾಳ್ಗಿ- ⁴¹ .ಮೀಳು ಗುಡ್ದೋಳು ಆಯಿoಟೆ ಮೀಕಿ ಪಾಪಮು ಉಂಟಾವುoಡ್ಲೆ;ಮಾಕಿ ಕಂಡ್ಲು ಕನ್ಬಿಸ್ತಾವಿ ಅಂಟಾರುದಾನ್ನಿಂಕ ಮೀ ಪಾಪಮು ಉಳ್ಸಿoದಿ.