¹ .ತರುವಾತಂ ಯೇಸು ತಿಬೇರಿಯ ಸಮುದ್ರಂದೇಗ್ಗರ ಶಿಷ್ಯಲ್ಗಿ ತಿರ್ಗಿ ತನ್ನನ್ನಿ ಸೂಪಿಚ್ಗನ್ನ ರೀತಿ ಯಾವುದoಟ್ಟೆ- ² .ಸೀಮೋನ ಪೇತ್ರುಡು ದಿದುಮಡನ ತೊಮುಡು ಗಲಿಲಾಯಂನ ಕಾನ ಊರ್ನಾ ನತಾನಯೇಲಡು ಜೆಬೇದಾಯಡ ಕುಮಾರಲು ಆತುಡ ಶಿಷ್ಯಲ್ನ ಇಂಕ್ಕಿದ್ರು ಕೂಡುoಡ್ರಿ. ³ .ವಾಳ್ಗಿ ಸೀಮೋನ ಪೇತ್ರುಡು-ನೀನು ಸ್ಯಾಪ್ಲು ಪೊಟ್ಟೆದಾನ್ಗಿ ಪಾತಾಮನಿಸೋಪ್ಪಾಲು ವಾಳು-ಮಾಮು ನೀ ಜೊತ್ಲಾ ವಸ್ತಾಮು ಅನ್ನಾರು.ವಾಳು ಎಲ್ಲಿ ದೋಣಿನಿ ಏಕ್ನಾರೂ.ಆಯ್ತೆ ಆ ರಾತ್ರಿಲ ಒಕ್ಕ ಸ್ಯಾಪು ಸಿಕ್ಲೇದು. ⁴ .ತೆಲ್ಲರೆನಪ್ಡು ಯೇಸು ದಡoಲಾ ನಿಲ್ಚಗಂನಾಡು;ಅದಾಗ್ಯೂ ಶಿಷ್ಯಲು ಆತುಡ್ನಿ ಯೇಸುವನಿ ತಿಳಿಲೇದು. ⁵ .ಅಪ್ಡು ಯೇಸು ವಾಳ್ನಿ-ಬಿಡ್ಲಲ,ಊಟನ್ಗಿ ಮೀಕಿ ಎಮು ಲೆಗುನ್ನ ಅನಿ ಅಡ್ಗಲು ವಾಳು ಲೇದನಿ ಉತ್ತರಂಇಚ್ನಾರು. ⁶ .ಆತುಡು ವಾಳ್ಗಿ-ಮೀಳು ದೋಣಿಯ ಕುಡ್ತಟ್ಟು ಬಲೆ ಇಸರ್ತೆ ಸಿಕ್ತಾವಿ ಅನಿ ಸೋಪ್ನಾಡು.ವಾಳು ಅಟ್ಟೆ ಇಸರ್ತೆ ಸ್ಯಾಪ್ಲು ಬಹಳ ಹೆಚ್ಚಂಗ ಸಿಕ್ತೆ ವಲ್ನಾ ಎಲ್ಸೆದಾನ್ಗಿ ಕಾಗುಂಡಪಾಯೇ. ⁷ .ಅಪ್ಡು ಯೇಸುಗಿ ಪ್ರೀಯಡೈನಾ ಶಿಷ್ಯಡು ಪೇತ್ರಡ್ಗಿ-ವಾಳು ಸ್ವಾಮೀವಾಳು ಅನಿ ಸೋಪ್ನಾಡು.ಸ್ವಾಮೀವಾಳನಿ ಸೀಮೋನ ಪೇತ್ರುಡು ಇನಿ ಪೈಪೈನಾ ಬ್ಯಾಟ್ಲುಲೆಗುನ್ನವಾಡೈನದ್ಗು ಒಲ್ಲಿನಿ ಸುತ್ಗಾನಿ ಸಮುದ್ರಂಲಾ ದುಮುಕ್ನಾಡು. ⁸ .ದಡಮು ದೂರ್ಮೈoಟ್ಟೆ ಹೆಚ್ಚು ಕಡ್ಮಿ ಇನ್ನೂರುಮೊಳಂಲಾಉನ್ನದ್ಗು ಉಳ್ನಾ ಶಿಷ್ಯಾಲು ಸ್ಯಾಪ್ಲುನಿಂಡಿನ ಆ ವಲ್ನಿ ಎಸ್ತಾ ದೋಣಿಲಾನೇ ವಚ್ನಾರು. ⁹ .ವಾಳು ಭೂಮಿಗಿ ದಿಗ್ನಾಪ್ದು ಕೆಂಡ್ಲಾನೀ ಅವುಟ್ಲಾ ಪೈನಾ ಪೆಟ್ನಾ ಸ್ಯಾಪಲ್ನಿ ರೊಟ್ಟಸಹಿತoಗ ಸೂಸ್ನಾರು. ¹⁰ ಯೇಸು ವಾಳ್ಗಿ-ಮೀಳು ಇಪ್ದು ಪೊಟ್ನಾ ಸ್ಯಾಪ್ಲಾ ಕೆಲವುಟ್ನೀ ತಿಸ್ಗಾನ್ನಿರಾಂಡಿ ಅನಿ ಸೋಪಾಲು ¹¹ .ಸೀಮೊನ್ ಪೆತ್ರುಲು ದೋಣಿನಿ ಎಕ್ಕಿ ವಲ್ನಿ ಭೂಮಿಗಿ ಎಲ್ಸಾಗಾನಿ ವಚ್ನಾಡು.ಅಡಿ ನೂಟ್ಯಾಬಾಯಿಮೂಡು ಪೆದ್ದ ಸ್ಯಾಪಲ್ನಿಂಕ ನಿಂಡ್ಯಾ.ಅಂತಾ ಸ್ಯಾಪ್ಲು ಉಂಡ್ನಾನು ವಲ ಚಿಂಚ್ಲೇ. ¹² .ಯೇಸು ವಾಳ್ಗಿ-ವಚ್ಚಿ ಊಟಂ ಸೇಯ್ಯoಡ್ಡಿ ಅನಿ ಸೋಪ್ನಾಡು.ಶಿಷ್ಯಾಲು ಆತುಡ್ನಿ ಸ್ವಾಮೀವಾಳನಿ ತಿಳ್ಸುoಡದಾನ್ನಿoಕ ನುವ್ಯಾಲನಿ ವಿಚಾರಿಚ್ಚೆದಾನ್ಗಿ ವಾಳಾ ಒಕ್ಕಡು ದೈರ್ಯಂಪೋಡ್ಲೇದು. ¹³ .ಯೇಸು ವಚ್ಚಿ ರೊಟ್ನಿ ತಿಸ್ಗಾನಿ ವಾಳ್ಗಿ ಇಚ್ನಾಡು;ಅಟ್ಟೆಯೇ ಸ್ಯಾಪ್ನಿ ಇಚ್ನಾಡು. ¹⁴ .ಯೇಸು ಸಚ್ಚಿ ಜೀವಮ್ನಿಂಕ ಲೆಸ್ನಾಪೈನಾ ಶಿಷ್ಯಾಲ್ಗಿ ಕಂನ್ಬಿಚ್ಗಾನಾಡುಇದಿ ಮೂಡ್ನೆ ಸಾರಿ. ¹⁵ .ವಾಳು ಊಟಂಸೇಸ್ನಾ ಪೈನಾ ಯೇಸು ಸೀಮೊನಾ ಪೇತ್ರಡ್ನೀ-ಯೋಹಾನುಡ ಕೊಡ್ಕೈನಾ ಸೀಮೊನುಡೆ,ನುವ್ವ ಊಳ್ಗಿಂತ ಹೆಚ್ಚಂಗ ನಾ ಪೈನಾ ಪ್ರೀತಿ ಪೆಟ್ನಾವೊ ಅನಿ ಅಡ್ಗಲು ವಾಡು-ಹೌನು ಸ್ವಾಮೀ,ನೀ ಪೈನಾ ಮಮತೆ ಪೆಟ್ನಾನು ಅನಿ ನುವ್ವೇ ತಿಳ್ಚ್ಕೋ.ಆತುಡು ವಾಡ್ಗಿ-ನಾ ಗೊರ್ರಪಿಲಲ್ನಿ ಮೇಪು ಅನಿ ಸೋಪ್ನಾಡು. ¹⁶ .ಆತುಡು ತಿರ್ಗಿ ರೊಂಡನೆ ಸಾರಿ ವಾಡ್ನಿ-ಯೋಹಾನುಡ ಕೊಡ್ಕೈನಾ ಸೀಮೊನುಡೆ,ನಾ ಪೈನಾ ಪ್ರೀತಿ ಪೆಟ್ನಾವೋ ಅನಿ ಅಡ್ಗಾಲು ವಾಡು-ಹೌನು,ಸ್ವಾಮೀ,ನೀ ಪೈನಾ ಮಮತೆ ಪೆಟ್ನಾನಾನಾದಾನ್ನಿ ನುವ್ವೇ ತಿಳಿ ಅನ್ನಾಡು.ಆತುಡು ವಾಡ್ಗಿ-ನಾ ಗೊರ್ರಲ್ನಿಕಾಯಿ ಅನಿ ಸೋಪ್ನಾಡು. ¹⁷ .ಆತುಡು ಮೂಡ್ನೆ ಸಾರಿ-ಯೋಹಾನುಡ ಕೊಡ್ಕೈನಾ ಸೀಮೊನುಡೆ, ನಾಪೈನಾ ಮಮತೆ ಪೆಟ್ನಾವೋ ಅನಿ ಅಡ್ಗಾಡು.ಮೂಡ್ನೆ ಸಾರಿ ಆತುಡು-ನಾ ಮೈನಾ ಮಮತೆ ಪೆಟ್ನಾವೊ ಅನಿ ಅಡ್ಗಲು ಪೇತ್ರುಡು ದುಃಖo ಪೊಡಿ-ಸ್ವಾಮಿ ,ನುವ್ವ ಅಂತಾ ತಿಳ್ಸನಾವು ;ನೀ ಪೈನಾ ನೀನು ಮಮತೆ ಪೆಟ್ನಾನು ಅನೇದಿ ನೀಕಿ ತಿಳ್ಸತೆ ಅನ್ನಾಡು.ವಾಡ್ಗಿ ಯೇಸು -ನಾ ಗೊರ್ರಲ್ನಿ ಮೇಪು. ¹⁸ ನಿಜನಿಜಂಗ ಸೋಪ್ತಾನು ,ನುವ್ವ ಯೌವ್ವನಸ್ಥಡೈನ್ನಪ್ದು ನುವ್ವೇ ನಡುನ್ನಿ ಕಟ್ಗಾನಿ ಇಷ್ಟಮೊಚ್ನಾ ಕಡ್ಗಿ ತಿರ್ಗಾಡ್ತಾವುಂಡಾವು ಆಯ್ತೆ ನುವ್ವ ಮುಸ್ಲೋಡು ಆಯ್ನಪ್ದು ನೀ ಸೈಲ್ನಿ ಚಾಚುತಾವು,ಮಲೋಕ್ಕಡು ನೀ ನಡುನ್ನಿ ಕಟ್ಗಾನಿ ನೀಕಿ ಇಷ್ಟಲೆಗುನ್ನ ಕಡ್ಗಿ ನಿನ್ನಿ ತಿಸ್ಗಾನಿ ಪಾತಾನು ಅನಿ ಸೋಪ್ನಾಡು. ¹⁹ .ವಾಡು ಎಟ್ಟಬ ಸಾವುನಿಂಕ ದೇವುಡ್ನೀ ಮಹಿಮೆ ಪಡ್ಬಿಸ್ತಾಡು ಆನ್ನೆದಾನ್ನಿ ಆತುಡು ಈ ಮಾಟ್ನಿಂಕ ಸೂಚಿಚ್ನಾಡು. ದೀನ್ನಿ ಸೊಪ್ಪಿ ಆತುಡು ವಾಡ್ಗಿ-ನನ್ನಿ ಹಿಮ್ಬಾಲಿಚ್ಚು ಅನಿ ಸೋಪ್ನಾಡು. ²⁰ .ಪೇತ್ರುಡು ತಿರ್ರಿಕ್ಕಾನ್ನಿ ಯೇಸುಗಿ ಪ್ರೀಯಡೈoಡೆ ಶಿಷ್ಯಲು ಯನ್ಕ ವಚ್ಚೆದಾನ್ನಿ ಸೂಸ್ನಾಡು.ಆ ಶಿಷ್ಯಾಡು ಊಟಂಲಾ ಯೇಸುನಾ ಎದೆ ಕಡ್ಗಿ ವೆಂಗಿ-ಸ್ವಾಮೀ,ನಿನ್ನಿ ಪೊಟ್ಟಿಚ್ಚೆವಾಡುಯವ್ಳು ಅನಿ ಅಡ್ಗನಾಡೆ. ²¹ .ಊಡ್ನೀ ಪೇತ್ರುಡು ಸೂಸಿ ಯೇಸುನಿ-ಸ್ವಾಮೀ,ಊಡ ವಿಷಯಂಮೆಮನೀ ಅಡ್ಗಲು ಯೇಸು ವಾಡ್ಗಿ- ²² .ನೀನು ವಚ್ಚೆ ತನ್ಕ ಊಡು ಉಂಡಾಲನಿ ನಾಕಿ ಮನಸ್ಸುಂಟೆ ಅದಿ ನೀಕೆಮಿ?ನುವ್ವ ನನ್ನಿ ಹಿಮ್ಬಾಲಿಚ್ಚು ಅನಿ ಸ್ವೊಪ್ನಾಡು ²³ .ದೀನ್ ದೆಸೆನ್ನಿಂಕ ಆ ಶಿಷ್ಯಾಡು ಸಚ್ಚೆಲೇದನ ಯೇಸು ವಾಡ್ಗಿ ಸೋಪ್ಲೆದು;ನೀನು ವಚ್ಚೆ ತನ್ಕ ವಾಡು ಉಂಡಾಲನಿ ನಾಕಿ ಮಂಸುoಟ್ಟೆ ಆದಿ ನೀಕೆಮಿ ಅನ್ನೆದೆ ಆತುಡು ಸೋಪ್ನಾಡು. ²⁴ .ಈ ಸಂಗತಿಲ್ನಿ ರಾಸಿ ಇವುಟ್ಲಾ ವಿಷಯಂಮೈ ಸಾಕ್ಷಿ ಸೊಪ್ಪೇ ಶಿಷ್ಯಾಡು ಊಡೆ.ಊಡ ಸಾಕ್ಷಿ ಸತ್ಯಂಮನಿ ಮೀಮು ತಿಲ್ಸನಾಮು. ²⁵ ಇದಿಕಾಗುನ್ನ ಯೇಸು ಸೇಸಿದ್ದಿ ಇಂಕಾ ನಿಂಡಉಂದಿ;ಅದಂತ ಒಕ್ಕೋಗಟ್ಯಿ ರಾಸೆದೈತೆ ರಾಸಕಾಪೈನಾ ಪುಸ್ತಕುಲು ಲೋಕಮೆ ಪೊಟ್ಟಿಚ್ಗುoಡ ಪಾಯಿಂದನೀ ನೀನು ನೆನಸ್ತಾನು.