ಅಧ್ಯಾಯಮು-2
1
.ನಾ ಸಹೋದರಲೇ ಪ್ರಭಾವಂಉಂಡಮಾ ಕರ್ತುದೈನಾ ಯೇಸುಕ್ರಿಸ್ತುದ್ಲಾ ನಂಬಿಕೆಪಟ್ಟಿನವಾಲೈನ ಮಿಳು ಪಕ್ಷಪಾತಿಲುಕಾಗುದ್ಡು.
2
.ಯಟ್ಲಾoಟೆ ಒಕ್ಕ ಮನುಷ್ಯಡು ಚಿನ್ನಂನ ಉoಗೃಲ್ನು ಮಂಚ್ಚಿವಸ್ತ್ರಲ್ಕಿ ಎಸಗಾನಿ ಮೀ ಸಭೆಗಿ ವಚ್ಚಿನಾ ಮಾಲಿ ಬಕ್ಕ ಬಡಮನುಷ್ಯಡು ಹೀನಂಪಿನಾ ಬಟ್ಲನ್ನಿ ಎಸಗಾಗಿವಚ್ಚಿನಾ.
3
3.ಮೀಳು ಮಚ್ಚಿವಸ್ತ್ರ ಲ್ಕಿ ಧರಿಸಿಕೊಂಡವಾದ್ನಿ ಮರ್ಯಾದೆನಿಮಕ ಸೋಸಿವಾದ್ಲ ಮಿಳು ಇನಾ. ಈ ಸುಖಾಸನಪೈನಾಕೊಚ್ಚೆಂಡಿ ಮಲಿ ಆ ಬಡಮನುಷ್ಯಡ್ಗಿ ನುವ್ವ ಇನೆ ನಿಲ್ಬಗ. ಲೇದೆ ನಾ ಕಲ್ಮಾಣ್ಯ ದೆರ್ಗ್ಗನ್ಯಾಲ ಪೈನಾ ಕುಚ್ಚೋ ಅನಿ ಸೋಪ್ತೆ ಮೀಳು ಮಿಲಾ ಭೇದ ಸೇಸಾವಳ್ಳಿನಾ.
4
.ಅನ್ಯಾಯಂ ಆಯ್ನ ತೀರ್ಪಿನಿ ಸೇಸ್ತಾವಳ್ಳಾನಾಳು .
5
.ನಾ ಪ್ರಿಯ ಸಹೋದರಲೇ ಇನಂಡಿ ದೇವಡು ಲೌಕಿಕ ವಿಷಂಲಾ ಬಡವಲ್ಲೈoಡಲುನ್ನಾವಾಳ್ಳಿ ಆರ್ಬಿಚ್ಚಿಗಾನಿ ವಾಳು ನಂಬಿಕಾಲಾ ಎಶ್ವರ್ಯವಂತಲೈ ವಾಡ ರಾಜ್ಯನ್ಗಿ ಬಾದ್ಯಲೈ ಉಂಡವಲೈನಾ ನೇಮಿಚ್ಚಿಲೇದಾ.
6
. ಮೀಲೈನಾ ಬಡವಾಳ್ಳಿ ಅವಮಾನoಪಡ್ಬಿಚ್ಚ್ನಾಳು ಲುಮ್ಮಲ್ನ ಭಾದಿನಿ ನ್ಯಯಸ್ಥಾoನ್ಗಿ ಎಳೆಸ್ಗಾನಿ ಪೈಯೋಳು ಎಶ್ವರ್ಯವಂತಲು ಕಾದೋ.
7
.ಮೀಳು ಪಿಲ್ಬಿಚ್ಗಾನ ಶ್ರೇಷ್ಟಮೈನಾ ನಾಮಾನ್ನಿ ದೊಷಿಚ್ಚಾವಾಳು ವಾಳುಕಾದೋ.
8
.ಆಯ್ನಾ ಶಾಸ್ತ್ರoನ್ಗ್ನಿ ಸoಯಾoಗ ನೀ ನೆರೆವಾಡ್ನಿ ನಿಲಕಾನೆ ಪ್ರಿತಿಚ್ಚಾಲ ಅನ ರಾಜ್ಯಜ್ಞ ಮಿಳು ನೆರೆವೇರಿಸ್ತಾಲುoಟೆ ಮೀಳು ಮಂಚೋಳು .
9
.ದಾನ್ನಿ ಲುದ್ಸಿ ಪಕ್ಷಪಾತನ್ನಿ ಸೋಬಿಚ್ಚಾವಾಳುಕಾಕುಂಡ ಮೀಳು ಪಾಪಂಸೈಸವಾಲೈ ಅಪರಾಧಲನಿ ಧರ್ಮಶಾಸ್ತ್ರಂನಿಂಕ ತಿರ್ಮಾನಿಚ್ಚಲಟಟ್ನಳು.
10
ಎoದುಗಂಟೆ ಯವ್ವುದೈನಾ ಧರ್ಮಶಾಸ್ತ್ರೀನೀ ಅಂತಾ ಸೈಗನೀ ನದಿಸ್ಸ್ ಒಕ್ಕೆ ಒಕ್ಕೆದಾಂಟಲ್ ತ್ಪ್ಲೆವಾಡು ಅಂತಾ ವಿಷ್ಯಾಲ ಅಪರಾದಿ ಆಯ್ತಾಡು
11
ವ್ಯಬಿಚಾರಂ ಸೇಗುದ್ದೇನಿ ಸೋಪ್ಪಿನವಾಡೆ ನರಹತ್ಯ ಸೇಗುದ್ನಾನಿಸೊಪ್ನಾಡು ಆಯ್ನಾ ಕಾರಣ್o ನುವ್ವ ವ್ಯಬಿಚಾರಂ ಸೇಗುಂಡಉoಡಿ ನರಹತೈಸೇಸ್ತೆ ಧರ್ಮಪ್ರಮಾಣ್ಲ್ನು ಮಿರ್ನವದೈಲ್ವೆ
12
ಮೀಳು ಬಿಡುಗಡೆನಿ ಉಂಟುಸೇನ್ನಾ ಧರ್ಮಪ್ರಮಾಣ್oನಾ ಪ್ರಕಾರಂತೀರ್ಮಾನಂನಿ ಹೊಂದತಕ್ಕವಾಳನಿ ವೂಟಲ್o ಡoಡಿ ನಡಂಡಿ
13
ಕರುಣ್ ಸೂಪ್ಪುoಡ ಉoಡವಾಡ್ಲಿ ನ್ಯಾಯ ತೀರ್ಮಾನoಲು ಕರುಣ್ಸೋಪಿಚ್ಚಾತ್ತ್ಲದು
14
ಒಕ್ಕಡು ತನಗೆ ನಂಬಿಕೆಲುಂದನಿ ಸೋಪ್ಗಾನಿ ತಕ್ಕ ಕ್ರಿಯಲು ಲೇಗಬತೆ ಪ್ರಯೇಜನo ಎಮಿ ಅಟ್ಟ ನಂಬಿಕೆಲುದ್ನಿ ರಕ್ಷಿಸ್ತದೇ
15
ಒಕ್ಕ ಸಹೋದರಡುಗಿ ಬುಟ್ಲು ಆ ದಿನಂನ ಆಹಾರಂ ಲೀಗುನ್ನಲುನ್ನಪ್ಪುಮಿಲಾ ಒಕ್ಕಡು ವಾಡ್ಲಿದೇಹಾಂನಿ ಕಾವಲುಂನ್ನಾದಿ ಇಗುoಡ ಸಮಾದಾನನಿಂಕ ಪೊಂಡಿ
16
ಅಗ್ಗಿ ಕಾಬಿಚ್ಕಾಂಡಿ ಪೊಟ್ಟ ನಿಂಡಬಿಚ್ಚಂಡಿ ಅನಿ ಬರಿ ಮಾಟ್ಟು ಸೋಪ್ಲೆ ಪ್ರಯೋಜನoಎವಿ
17
ಆಟ್ಲೀ ಕ್ರಿಯಲು ಲೆಗುನ್ನಾಂಡ ಎoಟ್ಟೆ ನಂಬಿಕೆಯ ತಾನ್ಲ ಜೀಮುಂ ಲೇಗುನ್ನಾದಿ
18
ಇಪ್ದುಕಾದಂಟೆ ಒಕ್ಕಮನುಷ್ಯಡು ನೀಕಿನಂಬಿಕೆಲುಂದ್ಯಾ ನಾಕಿ ಕ್ರಿಯೆಲುಲುಂದಿ ನೀನು ನಾಕ್ರಿಯೆಲಾ ಮುಖಾಂತರ ನಾ ನಂಬಿಕಾನ್ನಿ ಮೀಕಿ ಸೊಪ್ತಾನು
19
ದೇವಡು ಒಕ್ಕಡೆ ಅನಿನುವ್ವ ನಂಬವಾಡು ಅಟ್ಟ ನಂಬೇಡಿ ದೈಯಲು ಅಟ್ಟಲ ನಂಬಿದಡ್ಡಿ ನಂಬ್ತಾವಿ
20
ಆ ಪ್ರಯೋಜಕುಡೀ ಕ್ರಿಯೇಲುಲೇನಾ ನಂಬಿಕೆಯು ವ್ಯರ್ಥಂಆಯ್ದಾ ಅನ್ನದಾನ್ಗಿ ದೃಷ್ತಾಮ್ತಕಾವಲ್ನ
21
ಮಾ ಪಿತೃವೈನಾ ಅಬ್ರಾಹಾಮುಡು ಇಸಾಕುದೈನಾ ನಾಡಕೊಡಕ್ಕಿ ಯಜ್ಞವೇದಿಪೈನಾ ಅರ್ಪಿಚ್ಚಿನಪ್ಡು ನಿತಿವಂತಡುಅನಿ ನಿರ್ಣಯಂ ಹೊಂದಿದೇ ಕ್ರಿಯೆಲಿಂಕಕಾದೇ
22
ವಾಡ ನಂಬಿಕೆಯು ಕ್ರೀಯೇಲಜೋತ್ಲ ಪ್ರವೇಶಂಸೆಸಿ ಆ ಕ್ರಿಯೇಲುನಿಂಕಾನೇ ನಿದ್ದಿಗೆ ಬೆಚ್ಚಿಂದನಿ ಕನ್ಬಿಸ್ತಾದಿಕವಾ
23
ಅಬ್ರಾಹಾಮಡು ದೇವಡು ನಂಬಿನಾಡು ಆ ನಂಬಿಕೆ ವಾಡ ಲೆಕ್ಕಾನ್ಗಿ ನೀತಿ ಅನಿ ಎಣಿಸಲ್ಪಡಿoದ್ದಿ ದೇವಡು ಸ್ನೇಹಿತಡು ಅನಪೇಟು ವಾದ್ದ್ನಿ ಉoಟಾಯೆ
24
ಮನುಷ್ಯಡು ಕ್ರಿಯಲನಿoಕಾ ನಿತಿವಂತಾಡು ಅನಿ ನಿರ್ಣಹಿಸಲ್ಪಡುತ್ತಾಡು ಹೊರುತಬರಿ ನಂಬಿಕೆನಿಂಕಾ ಕಾದನಿಸೋಸ್ತಡು
25
ರಹಾಬಳು ಗೂಢಚಾರರಿ ವಾಡ ಇoಟಲ್ಸೇರಿಬಚ್ಚ್ಗಾನಿ ಬೀರಿದಾವಾನಿಂಕಾ ವಾಳು ಅಂಪಿಚ್ಚದಾತ್ಲ್ ಕ್ರಿಯಾಯಾಲ್ನಿoಕಾನೇ
26
ಆತ್ಮಮು ಲೆಗುನ್ನ ದೇಹುಂಸಚ್ಚಿಂದೈನಾ ಪ್ರಕಾರಂಯೋ ಕ್ರಿಯೆಲುಲೇನಾ ನಂಬಿಕೆಸಾಚ್ಚಿಂದೇ