ಅಧ್ಯಾಯಮು-7
1
. ಈ ಮೇಲ್ಕಿ ಜೆಬೇದೆಕುಡು ಸಾಲೇಮಿನ ಅರಸುಡು ಪರಾತ್ಪರುಡೈನ ದೇವುಡು ಯಾಜಕುಡು ಆಯುಂಡೆ ರಾಜುಡ್ನಿ ಕೊಟ್ಟಿ ಎನ್ಕ ತಿರ್ಗಿ ವಸ್ತುವುಂಡಿನ ಅಬ್ರಾಹಾಮುಡ್ನಿ ಎದ್ರುಗೋನಿ ವಾಡ್ನಿ ಆಶೀರ್ವಾದಿಚ್ಚೆ .
2
. ವಾಡ್ಕಿ ಅಬ್ರಾಹಾಮುಡು ವಾಡು ಜಯಿಚ್ಕೋನಿ ವಚ್ಚಿನ ಅಂತ ವಸ್ತುಲ್ಲಾ ಪದ್ನೆ ಒಕ್ ಭಾಗ್ಮುನಿ ಇಚ್ಛೆ ವಾಡ್ ಪೇರ್ ಅರ್ಥುಮು ನೀತಿರಾಜುಡು ಅನೇದಿ ಇದ್ಕಾ ಕುಣ್ಣ ವಾಡು ಸಾಲೇಮುಮು ರಾಜುಡು ಅಂಟೆ ಸಮಾಧಾನುಮು ರಾಜುಡು ವಾಡು ತಂಡ್ರಿನು ತಲ್ಲಿನು ವಂಶಾವಳಿನು ಲೇದು .
3
. ಜನ್ಮುಮು ಆರಂಭುಮು ಆಯುಷ್ಯಮು ಅಂತ್ಯುಮು ಲೇದು ವಾಡು ದೇವುಡು ಕೊಡ್ಕುಕಿ ಸಮಾನ್ಮು ಸೇಸಲ್ಪಟ್ನಾಡು ವಾಡು ನಿರಂರ್ತುಮಾಯಿ ಯಾಜಕುಡಾಯಿವುಂಡೋಡು .
4
. ಈ ಮನುಷ್ಯುಡು ಎಂತ ಪೆದ್ದೋಡನಿ ಆಲೋಚ್ನುಮು ಸೇಯಂಡ್ರಿ ಮಾ ಮೂಲ ಪಿತೃ ಆಯಿನ ಅಬ್ರಾಹಾಮುಡು ವಾಡು ಸುಲುಕೋನಿ ವಚ್ಚಿನ ಶ್ರೆಷ್ಟುಮು ವಸ್ತುಲ್ಲಾ ಪದ್ನೆ ಒಕ್ ಭಾಗ್ಮುನಿ ವಾಡ್ಕಿ ಇಚ್ನಾಡೆ .
5
. ಲೇಪಿ ಕುಲ್ಮೋಳ್ಳಾ ಯಾಜಕುಲು ಉದ್ಯೋಗ್ಮುನಿ ಹೊಂದೋಳು ಜನಲಿಂಚ ಅಂಟೆ ಅಬ್ರಾಹಾಮುಡು ವಂಶಸ್ಥುಲಾಯಿನ ವಾಳ್ ಸಹೋದರುಲಿಂಚಾನೆ ದಶಮು ಭಾಗ್ಮುಲುನಿ ಸೀಸ್ಕೋನೆದಾನ್ನಿ ಧರ್ಮುಶಾಸ್ತ್ರುಮ್ಲ ಅಪ್ಪಣ್ಮು ವುಂಡಾದಿ .
6
. ಆಯ್ತೆ ವಾಳ್ ವಂಶಾವಳಿಕಿ ಸೇರ್ಕುಣ್ಣ ವುಂಡೆ ಮೆಲ್ಕಿಜೆದೆಕುಡ ಅಬ್ರಾಹಾಮುಡುಯಿಂಚಾನೆ ದಶಮು ಭಾಗ್ಮುಲುನಿ ಸೀಸ್ಕೋನಿಂದಿ ಕಾಕುಣ್ಣ ದೇವುಡುಕಿ ವಾಗ್ದಾನ್ಮುಲ್ನಿ ಹೊಂದ್ಕೊಡಾಯಿನ ವಾಡ್ಕಿ ಅಶೀರ್ವಾದ್ಮು ಇಚ್ಛೆ .
7
. ಆಶೀರ್ವಾದ್ಮು ಹೊಂದ್ನೋಡ್ ಕ್ಕಿಂತ ಆಶೀರ್ವಾದಿಚ್ಚೊಡು ಪೇದ್ದೋಡು ಅನೇದಿ ವಿವಾದ್ಮು ಲೇನಿನ ಮಾವಂತೆ .
8
. ಇದ್ಕಾಕುಣ್ಣ ಲೇವಿಯೋಳ ಕ್ರಮಮುನಿ ಸೂಸ್ತೆ ಸಚ್ಚೆ ಅಂಟೆ ಮನುಷ್ಯುಲು ದಶಮು ಭಾಗ್ಮುಲ್ನಿ ಸೀಸ್ಕೊಂಟಾರು ಆಯ್ತೆ ಮೆಲ್ಕಿಜೆದೆಕುಡ ಕ್ರಮಮುನಿ ಸೂಸ್ತೆ ಜೀವಿಸ್ತವುಂಡಾಡು ಅನಿ ಸಾಕ್ಷಿನಿ ಹೊಂದ್ನೋಡು ಸೀಸ್ಕೊಂಟಾಡು .
9
ಇದಿ ಮಾತ್ರುಮುಕಾಕುಣ್ಣ ದಶಮು ಭಾಗಲ್ನಿ ಸೀಸ್ಕೋನೆ ಲೇವಿನು ಸಹ್ಮು ಅಬ್ರಾಹಾಮುಡು ಮೂಲಕ್ಮು ದಶಮು ಭಾಗ್ಮುಲ್ನಿ ಇಚ್ಚಿನಟ್ಗಾಯೇ ಅನಿ ಸೋಪ್ಪೋಚ್ಚು .
10
. ಎಟ್ಟಂಟೆ ಮೇಲ್ಕಿಜೆದೆಕುಡು ಲೇವಿಮೂಲ ಮೊಗೊಡ್ನಿ ಎದ್ರುಗೊಂಡ್ನಪ್ದು ಲೇವಿ ತತ್ವುಮು ರೂಪ್ಮಾಯಿ ವೂಡ್ ನೋನೆ ವುಂಡೆ .
11
. ಇಸ್ರಾಯೇಲುಲ್ಕಿ ಉಂಟಾಯಿನ ಧರ್ಮಶಾಸ್ತ್ರುಮು ಲೇವಿಕುಡು ಯಾಜಕತ್ವಮು ಮಿಂದನೆ ಆಧಾರ್ಮುಗೋನಿಂದಿ ಅಂತೆ ಆ ಯಾಜಕತ್ವಯಿಂಚ ಸಂಪೂರ್ಣುಮು ಸಿದ್ದಿ ಉಂಟಾಯುಂಟೆ ಆರೋನುಡುಲಾತ ಆವ್ನುನ್ನ ಮೆಲ್ಕಿಜೆದೆಕುಡಲಾಕ ಇಂಕೊಕ್ಡು ಯಾಜಕುಡು ವಚ್ಚೆದಾನ್ನಿ ಅವಶ್ಯುಮು ಏಮುಂಡೆ .
12
. ಯಾಜಕತ್ವುಮು ಬೇರೆಯಾಯ್ತೆ ಧರ್ಮಶಾಸ್ತ್ರುಮು ವೇ ಬೇರೆಯಾಯ್ತೆದಿ ಅಗತ್ಯುಮು .
13
. ಪೈನಿನ ಮಾಟ ಯೋಡಾಯಿನ ವಿಷಯುಮ್ಲ ಸೋಪ್ಪಿಂದೋ ವಾಡು ಬೇರೊಕ್ಟಿ ಕುಲುಮ್ಲ ಪುಟ್ಟಿನೋಡು ಅ ಕುಲ್ಮೊಳ್ಳಾ ಒಕ್ಳು ಯಜ್ಞವೇದಿ ದೇಗ್ರುಲ ಸೇವೇಸೆಸಿಂದಿ ಕಾದು .
14
. ಮಾ ಕರ್ತುಡು ಯೆಹೂದ ಕುಲ್ಮುಲ ಪುಟ್ಟಿನೋಡು ಅನೇದಿ ಪ್ರಸಿದ್ಮು ಆಯಿಂದಿ ಅಂತೆ ಈ ಕುಲ್ಮು ವಿಷಯುಮ್ಲ ಮೋಶೆಡು ಯಾಜಕುಲ ಸಂಬಂದ್ಮಾಯಿ ಒಕ್ಟಿ ಮಾಟ್ನಾಯ್ತೆನು ಸೋಪ್ಲೆದು .
15
ಇದ್ಕಾಕುನ್ನ ಬೇರೊಕ್ಡು ಯಾಜಕುಡು ಶರೀರ್ಮುಧರ್ಮುಮು ವಿಷಯ್ಮಾಯಿನ ನಿಯಮುಮು ಪ್ರಕಾರ್ಮು ಆಯ್ಕುಣ್ಣ ಮೆಲ್ಕಿಜೆದೆಕುಡ ಸಾದೃಶ್ಯುಮ್ಲ ನಿರ್ಲಯ್ಮು
16
ಆಯಿನ ಜೂಡಿನ ಶಕ್ತಿವುಂಡೋಡಾಯುಂಡಿ ರಾಬೇಕಿಂದಾನ್ನಿಂಚ ಮಾ ಸಿದ್ಬಾಂತ್ಮು ಮಲ್ಲಿ ಸ್ಪಷ್ಟಮಾಯೇ .
17
. ಆ ವಾಡ ವಿಷಯುಮ್ಲ - ನುವ್ವ ಸದಾಕಾಲ್ಮು ಮೆಲ್ಕಿಜೆದೆಕುಡು ಲಾಕ ಯಾಜಕುಡಾಯಿ ನಾವು ಅನಿ ಸೋಪ್ನಾವೆಕದಾ .
18
. ಧರ್ಮಶಾಸ್ತ್ರುಮು ಯಾವುದ್ನಿ ಸಿದ್ದಿಕಿ ಎತ್ಕೋರಾಕುಣ್ಣ ವುಣ್ಣಿದಾನ್ನಿಂಚ ಮೊದ್ಲುoಡಿನ ನಿಯಮುಮು ನಿರ್ಬಲ್ಮು ಆಯಿನಾ ನಿಷ್ಠಯೋಜಕ್ಮು ಅಯಿನು ವುಂಡಿ
19
ರದ್ದಾಯಿ ಪಾಯೇ ದಾನ್ಕಿ ಬದ್ಲಾಯಿ ಉತ್ತಮುಮು ಆಯಿನ ಒಕ್ಟಿ ನಿರೀಕ್ಷಾಧಾರುಮು ಪ್ರಾಬಲ್ಯುಮ್ಕಿ ವಚ್ಚೆ ಈ ನಿರೀಕ್ಷಾಧಾರುಮು ಮಮ್ಮುಲ್ನಿ ದೇವುಡು ಸನ್ನಿದಿಕಿ ಸೇರಿಚ್ಚೆ ಅಂಟೇದಿ.
20
. ಇದ್ಕಾಕುಣ್ಣ ಲೆವಿಯುಲು ಆಣೆಲೇಕುಣ್ಣ ಯಾಜಕುಲಾಯಿರಿ ವಾಡಾಯ್ತೆನೋ ಆಣೆ ಜೋತ್ಲ
21
ಯಾಜಕುಡಾಯಿ ಸೇಸೆ ದೇವುಡು ವಾಡ್ಕಿ ನುವ್ವ ಸದಾಕಾಲುಮು ಯಾಜಕುಡಾಯಿ ನಾವು ಅನಿ ಕರ್ತುಡನೆ ನಾನು ಆಣೆ ಪೆಟ್ಟಿ ಸೊಪ್ತಿ ಪಶ್ಚಾತ್ತಾಪ್ಮು ಪಡೆಟ್ಲೆದು ಅನಿ ಸೋಪ್ನಾಡೆ .
22
. ಯೇಸು ಆಣೆ ಜೋತ್ಲಾನೆ ಯಾಜಕುಡಾಯಿಂದಾನ್ನಿಂಚ ಎಂತೋ ಶ್ರೇಷ್ಠಮೈನ ಒಡಂಬಡಿಕೆಕಿ ಹೊಣೆಗಾರುಡಾಯೆ .
23
. ಲೇವಿಯಲು ಶಾಶ್ವತ್ಮಾಯಿ ಉದ್ಯೋಗ್ಮು ನಡ್ಬಿಚ್ಚೆ ದಾನ್ನಿ ಮರಣುಮು ಅಡ್ಡಿಯಾಯಿಂದಾನ್ನಿಂಚ ವಾಳ್ಳ ಯಾಜಕುಲು ಆಯಿನೋಳು ಅನೇಕುಲು .
24
. ವಾಡಾಯ್ತೆನೋ ಸದಾಕಾಲ್ಮು ವುಂಡೆದಾನ್ನಿಂಚ ವಾಡ್ ಯಾಜಕತ್ವುಮು ಇಂಕೊಳ್ಕಿಕಿ ಪಾಯೇ ಅಂಟೆದಿ ಕಾದು .
25
ದಾನ್ನಿಂಚ ವಾಡು ವಾಡ್ ಮೂಲಕ್ಮು ದೇವುಡು ದೇಗ್ರುಕಿ ವಚ್ಚೋಳ್ನಿ ಸಂಪೂರ್ಣಮಾಯಿ ರಕ್ಷಿಚ್ಚೆದಾನ್ನಿ ಶಕ್ತುಡಾಯಿನಾಡು ವಾಳ್ಕೋಸ್ಕರ್ಮು ವಿಜ್ಞಾಪುಮು ಸೇಸೆದಾನ್ನಿ ಎಪ್ಡೂ ಬದ್ಕೊಡಾಯಿನಾಡು .
26
. ಇಟ್ಟೋಡೆ ಮೀಕಿ ಬೇಕಾಯಿನ ಪೆದ್ದ ಯಾಜಕುಡು ವೂಡು ಪರಿಶುದ್ಮುಡು ನಿರ್ದೋಷಿಡು ನಿಷ್ಕಳಂಕುಡು ಪಾಪಿಲ್ಲಾ ಸೆರ್ಕುಣ್ಣ ಪ್ರತ್ಯೇಕುಮು ಆಯಿಂಡೋಡು ಆಕಾಶ್ಮು ಮಂಡಲ್ಮುಲುಕ್ಕಿಂತ ಉನ್ನತ್ಮುಲವುಂಡೋಡು ಆಯಿನಾಡು .
27
. ಮೊದ್ಲು ವಾಳ್ ಪಾಪ್ಮು ಪರಿಹಾರಂಕ್ಕಾಯಿ ಆಯಿಂದ ಜನಾಲು ಪಾಪ್ಮು ಪರಿಹಾರ್ಮುಕ್ಕಾಯಿ ಸಮರ್ಪಣ್ಮು ಸೇಸೆ ಲೇವಿಕುಡು ಪೆದ್ ಯಾಜಕುಲುಲ್ಲಾಕ ವಾಡು ಪ್ರತಿನಿತ್ಯುಮು ಸಮರ್ಪಿಚ್ಚೆ ಬೇಕಾಯಿನ ಅವಶ್ಯುಮು ಲೇದು ವೂಡು ವಾಡ್ನೆ ಸಮರ್ಪಿಚ್ಕೊನಿ ಒಕ್ಕೆ ಸಾರಿ ಆ ಕೆಲ್ಸುಮ್ನಿ ಸೇಸಿ ಮುಗ್ಬಿಚ್ಚೆ .
28
. ಧರ್ಮಶಾಸ್ತ್ರುಮು ನಿರ್ಬಲುಲು ಆಯಿನ ಮನುಷ್ಯುಲ್ನಿ ಪೆದ್ದ ಯಾಜಕುಲು ಅನ್ನಾಯಿ ನೇಮಿಸ್ತಾದಿ ಆಯ್ತೆ ಧರ್ಮಶಾಸ್ತ್ರುಮು ಆಮಿಂದ ಆಣೆ ಜೋತ್ಲ ಉಂಟಾಯಿನ ವಾಕ್ಯುಮು ಸದಾಕಾಲುಮ್ನು ಸರ್ವಸಂಪೂರ್ಣುಮು ಆಯುಂಡೆ ಕೊಡ್ಕ್ನೆ ನೇಮಿಸ್ತಾದಿ.