¹ . ದಾನ್ನಿಂಚ ನಿರ್ಜೀವ್ಮು ಕರ್ಮುಲ ನಂಬುಕ್ಮುನಿ ಇಡ್ಸಿ ಇಡ್ಸಿ ದೇವುಡ್ಲಾನೆ ನಂಬುಕ್ಮು ಪೆಟ್ಬೇಕಾಯುಂಡೆದಿ. ² . ಸ್ನಾನ್ಮು ಹಸ್ತಾರ್ಪಣ್ಮುಲ ವಿಷಯ್ಮಾಯಿನ ಉಪದೇಶ್ಮು ಸಚ್ಚಿನೋಳಿಕಿ ಪುನರುತ್ತಾನ್ಮು ನಿತ್ಯುಮೈನ ನ್ಯಾಯ್ಮು ತೀರ್ಪು ವುಂಡಾದಿ ಅನೇದಿ ಇವುಟ್ಲುನಿ ಮಲ್ಲಿಮಲ್ಲಿ ಅಸ್ತಿವಾರ್ಮು ಆಯಿ ಏಯ್ಕುಣ್ಣ ಕ್ರಿಸ್ತುಡು ವಿಷಯ್ಮಾಯಿನ ಮೊದ್ಲು ಬೋದನೆನಿ ಕುರಿಚ್ಚಿ ಇಂಕ ಮಾಟ್ಲಾಡ್ಕುಣ್ಣ ಪೂರ್ಣಮೈನ ತಿಳುವಳಿಕೆಕಿ ಸಾಗ್ತಾ ಪದಾಮು . ³ . ಮಲಿ ದೇವುಡು ಚಿತ್ಮಾಯ್ತೆ ಇಟ್ಟೆ ಸಾಗ್ತಾ ಪಾತಾಮು . ⁴ ಒಕ್ ಸಾರಿ ಜ್ಞಾನ್ಮು ಪ್ರಕಾಶುಮ್ಲ ಸೇರಿ ಪರ್ಲೋಕ್ಮುಯಿಂಚಾಯಿನ ದಾನ್ಮುಮು ⁵ ಅನುಭವ್ಮುನಿ ಹೊಂದ್ಕೊನಿ ಪವಿತ್ರಾತ್ಮು ವರುಮ್ಲಾ ಪಾಲುಗಾರುಲಾಯಿ ದೇವುಡು ವಾಕ್ಯುಮು ಶ್ರೇಷ್ಠತ್ಮುನಿ . ⁶ .ಮುಂದ್ರ ಯುಗ್ಮು ಮಹತ್ವು ಮುನಿ ಅನುಭವಿಚ್ಚಿನೋಳು ಭ್ರಷ್ಟಳಾಯ್ತೆ ವಾಳ್ಳತಿರ್ಗಿ ಮನಸಾಂತ್ರುಮುನಿ ಪುಟ್ಟಿಚ್ಚೇದಿ ಅಸಾದ್ಯುಮು ಎಂದ್ಕಂಟೆ ವಾಳು ತಮ್ ಪಾಲಿಕಿ ದೇವುಡು ಕೊಡ್ಕಿನಿ ಪುನಃ ಶಿಲುಬೆಕಿ ಏಬಿಸ್ತಾರು ಯೇಸುನಿ ಅಂದ್ರು ಮುಂದ್ರ ಅವಮಾನ್ಮು ಪಡ್ಬಿಚ್ಚೋಳು ಆಯಿನಾರು. ⁷ . ಭೂಮಿ ತನ್ ಮಿಂದ ಅನೇಕಾವರ್ತಿ ಕುರ್ಸೆ ವಾನನಿ ಹಿರ್ಕೋನಿ ಆದಿ ಯೋಳ್ ನಿಮಿತ್ಮಾಯಿ ವ್ಯವಸಾಯ್ಮು ಸೇಸಲ್ಪಡ್ತದೋ ವಾಳ್ಕಿ ಅನುಕೂಲ್ಮಾಯಿನ ಬೇಳೆನಿ ಇಸ್ತೆ ದೇವುಡು ಆಶೀರ್ವಾದ್ಮುನಿ ಹೊಂದ್ತಾದಿ . ⁸ . ಆಯೆ ಆದಿ ಮಿಂಡ್ಲುಶೆಟ್ಳುನಿ ಕಳೆನಿ ಪೆರ್ಗಿಸ್ತೆ ಅಯೋಗ್ಯುಮು ಅನ್ಬಿಚ್ಕೋನಿ ಶಾಪಂಕಿ ಗುರಿಯಾಬಯ್ತಾದಿ ದಾನ್ ಅಂತ್ಯುಮು ಕಾಲ್ಬಲ್ಪಡ್ತೆದೆ . ⁹ . ಆಯ್ತೆ ಪ್ರೀಯಾಲ ಈ ರೀತಿಯಾಯಿ ಮಾಮು ಮಾಟ್ಲಾಡ್ತೆನು ಮೀರು ದೀನ್ನಿಂತ ಉತ್ತಮುಮು ಆಯಿನ ರಕ್ಷಣ್ಮು ಕರ್ಮುಆಯಿನಾ ವುಂಡೆ ಸ್ಥಿತಿಲ ವುಂಡೆ ಅನಿ ದೃಡಮೈನ ನಂಬ್ನಾನು ಮೀರು ದೇವುಡು ಜನಲ್ಕಿ ಉಪ್ಚಾರ್ಮು ಸೇಸ್ನಾರು ಇಂಕ ಸೇಸ್ತಾವುಂಡಾರು . ¹⁰ . ಈ ಕೆಲ್ಸುಮ್ನಿ ದೀಂಟ್ಲ ಮೀರು ದೇವುಡು ನಾಮುಮಿನ ವಿಷಯುಮಾಯಿ ಸೂಪಿನ ಪ್ರೀತಿನಿ ವಾಡು ಮಾರ್ಸೆದಾನ್ನಿ ಅನ್ಯಾಸ್ಥುಡು ಕಾದು. ¹¹ . ಮೀರು ಉಪ್ಚಾರ್ಮು ಸೇಸೇದಾಂಟ್ಲ ಯಾವ್ ಆಸಕ್ತಿನಿ ಸೂಪ್ನಾರೋ ಮೀ ನಿರೀಕ್ಷ ದೃಡ್ಮು ಸೇಸೆಕೊನಿ ಕೊನೇ ಗಂಟ ಪಟ್ಕೊನೆದಾಂಟ್ಲಾನೂ ಮೀಲಾ ಪ್ರತಿಯೋಕ್ಳು ಅದೇ ಆಸಕ್ತಿನಿ ಸೂಪಾಲನಿ ಅಪೇಕ್ಷಿಸ್ತಾಮು . ¹² . ಮೀರು ಮಂದಮತಿಲು ಆಯಿವುಂಡ್ಕುಣ್ಣ ಯೋಳು ವಾಗ್ದಾನುಲ್ನಿ ನಂಬಿ ಅವುಟ್ಲು ಫಲಕೋಸ್ಕರ್ಮು ಹೆಕ್ಟಿ ದಿನಾಲುಗಂಟ ಕಾಸುಂಡಿ ಆ ಫಲ್ಮುನಿ ಹೊಂದುತ್ತಾಳೋ ವಾಳ್ಕಿ ಅನುಸರಿಚ್ಚೋಳು ಆವಾಲನಿ ಕೋರ್ತಾನು . ¹³ . ದೇವುಡು ಅಬ್ರಾಹಾಮುಡುಕಿ ವಾಗ್ದಾನ್ಮು ಸೇಸಿನಪ್ದು ವಾಡ್ಕಿಂತ ಹೆಕ್ಟೋಡ ಆಣೆ ಪೆಟ್ಟೆದಾನ್ಕಿ ಅವ್ಕುಣ್ಣ ವುಂಡಿದಾನ್ನಿಂಚ ವಾಡಾಣೆ ಪೆಟ್ಟಿ . ¹⁴ . ನಿಜ್ಮಾಯಿ ನಿನ್ನಿ ಆಶೀರ್ವಾದಿಚ್ಚೆ ಆಶೀರ್ವಾದಿಸ್ತಾನು ನಿನ್ನೀ ಹೆಚ್ಚಿಚ್ಚೆ ಹೆಚ್ಚಿಸ್ತಾನು ಅನಿ ಸೋಪ್ಪೆ ಅಂತೆ . ¹⁵ . ಆ ವಾಗ್ದಾನ್ಮು ಫಲ್ಮುಕೋಸ್ಕರ್ಮು ಅಬ್ರಾಹಾಮುಡು ಹೆಕ್ಷ ದಿನಮ್ಲು ಕಾಸ್ಕೊನುಂಡಿ ಆ ಫಲ್ಮುನಿ ದೇವುಡು ಸೋಪ್ಪಿನಟ್ಗ ಹೊಂದ್ಕೊನೇ . ¹⁶ . ಮನುಷ್ಯುಲು ವಾಳ್ಕಿಂತ ಹೆಕ್ಟೋಡ ಆಣೆಪೆಡ್ತಾರಂತೆ ಮಾಟ್ಕಿ ಆಣೆ ಪೆಟ್ಟಿ ಸ್ಥಿರಪಡಿಚ್ಚಿನ್ಮಿಂದ ವಾಳ್ ನೋನ ವುಂಡೆಟ್ಲೆದು. ¹⁷ . ಅಟ್ಟೆನೆ ದೇವುಡು ತನ್ ಸಂಕಲ್ಪುಮು ನಿಶ್ಚಲ್ಮು ಆಯಿಂದಿ ಅನೇದಾನ್ನಿ ವಾಗ್ದಾನ್ಮು ಫಲುಮ್ಕಿ ಬಾದ್ಯುಲು ಆಯೋಳಿಕಿ ಬಹು ಸ್ವಷ್ಟುಮೈನ ಸೂಪಲನಿ ಆಣೆಪೆಟ್ಟಿ ತನ್ ಮಾಟ್ಲುನಿ ಸ್ಥಿರ್ಮು ಪಡಿಚ್ಚೆ . ¹⁸ .ಆಶ್ರಯುಮುನಿ ಹೊಂದಾಲನಿ ಪರೋಚ್ಚಿ ಮಾ ಮುಂದ್ರ ಪೆಟ್ಟುಂಡೆ ನಿರೀಕ್ಷೆನಿ ಪಟ್ಕೋನಿನೋಳಾಯಿನ ಮಾಕಿ ರೊಂಡು ನಿಶ್ಚಲ್ಮು ಆಯಿನ ಆಧಾರ್ಮು ಉಂಟಾಯೆ . ¹⁹ . ಈ ಆಧಾರುಲ್ನಿ ಇಚ್ಚಿಂದಾಂಟ್ಲ ದೇವುಡು ಸುಳ್ಳುಸೋಪ್ಪುಂಡೆಟ್ಲೆದು ಆ ನಿರೀಕ್ಷೆ ಮಾ ಪ್ರಾಣುಮ್ನಿ ಲಂಗರ್ಮು ಆಯುಂಡಿ ಭರವಸ್ಮುಕಿ ಯೋಗ್ಯುಮಾಯಿಂದಿ ಸ್ಥಿರ್ಮಾಯಿಂದಿ ಆಯಿಂದಿ ಆದಿ ತೆರೆನೋನ ದೇವುಡು ಸಾನಿಧ್ಯುಮುನಿ ಪ್ರವೇಶಿಚ್ಚೆ ಅಂಟೇದಿ . ²⁰ . ಯೇಸು ಸದಾಕಾಲ್ಮು ಮೆಲ್ಕಿಜೆದೆಕುಡ ತರ್ಮು ಪೆದ್ ಯಾಜಕುಡಾಯುಂಡಿ ಮಾಕೋಸ್ಕರ್ಮು ಮುಂದ್ರಾಯಿ ಪಾಯಿ ಆ ಸಾನಿಧ್ಯುಮ್ನಿ ಪ್ರವೇಶಿಚ್ನಾಡು .