ಅಧ್ಯಾಯಮು-10
1
ಧರ್ಮಶಾಸ್ತ್ರುಮ್ಲ ಮುಂದ್ರ ರಾಯ್ಬಾಕಾಯುಂಡಿನ ಪೈನಿನ ಚಾಯೇನೆ ಹೋರಟು ಅವುಟ್ಲುಲ ನಿಜ್ಮು ಸ್ವರೂಪ್ಮುಕಾನಿನ ದಾನ್ನಿಂಚ ಅ ಧರ್ಮಶಾಸ್ತ್ರುಮು ಯಾಡ್ಬಿ ಯಾಡ್ಬಿಕಿ ಮಲ್ಲಿ ಮಲ್ಲಿ ಅರ್ಪಿತ್ಮಾಯೆ ಓಕ್ ವಿದ್ಮಾಯಿನ ಯಜ್ಞಮ್ಲುನಿ ಅರ್ಪಿಚ್ಚಿ ದೇವುಡು ಸಮೀಪುಮ್ಕಿ ವಚ್ಚೋಳ್ನಿ ಎಪ್ಡುಕು ಸದ್ದಿಕಿ ಎತ್ಕೋಚ್ಚೆಟ್ಲೆ .
2
. ಎತ್ಕೋಚ್ಚಿನ ಪಕ್ಷುಮ್ಲು ಅ ಯಜ್ಞಮು ಸಮರ್ಪಣ್ಮು ನಿಲ್ಚಿಪಾತವುಂಡಕದ ಎoದ್ಕಂಟೆ ದೇವುಡು ಆರಾಧನೆ ಸೇಸೋಳು ಒಕ್ಕೆ ಸಾರಿ ಶುಪ್ಪ್ಮು ಕರಿಚ್ಚಿನ ಮಿಂದ ವಾಳ್ಕಿಪಾಪ್ಮು ವುಂಡಾದಣಿ ವಾಳ್ ಮನ್ಸು ಇಂಕಾ ಸಾಕ್ಷಿ ಇಚ್ಚೇದಿ ಎಟ್ಟ
3
. ಆಯ್ತೆ ಅ ಯಜ್ಞಮುಲಿಂಚ ಪ್ರತಿಯಾದ್ದಿಲಾನು ಪಾಪ್ಮುಲ ಜ್ಞಾಪಕ್ಮು ಅಯೇದಿನಿಜ್ಮು.
4
. ಎದ್ಲುಲು ಮಲಿ ಪೋತ್ಮು ರಕ್ತುಮಿಂಚ ಪಾಪಲು ಪರಿಹಾರ್ಮು ಅಯೇದಿ ಅಸಾದ್ಯುಮು ಅಯಿಂದೆ.
5
.ದಾನ್ನಿಂಚ ಕ್ರಿಸ್ತುಡು ಭೂಲೋಕ್ಮು ನೋನ ವಚ್ಚೆ ನಪ್ದು ದೇವುಡ್ನ ಯಜ್ಞಮು ನೈವೇದ್ಯಲು ನೀಕಿ ಇಷ್ಟುಮಾಯುಂಡ್ಲೆ ನಾಕಿ ದೇಹುಮ್ನಿ ಸಿದ್ದ್ಮು ಸೇಸಿ ಇಸ್ತ್ವ.
6
ಸವಾoಗ್ಮು ಹೊಮುಮ್ಲಾನು ದೊಷ್ಮು ಪರಿಹಾರ್ಮು ಯಜ್ಞಮ್ಲಾನು ನುವ್ವ ಸಂತೋಷ್ಮು ಪಡ್ಲೆದು .
7
ಅಪ್ಡು ನಾನು ದೇವುಡಾ ನೀ ಚಿತ್ತ್ಮುನಿ ನೆರ್ವೆರ್ಸೆದಾನ್ಕು ವಾಚ್ನನು ಗ್ರಂಥ್ಮು ಸುರುಳಿಲ ನನ್ನಿ ಕುರಿಚ್ಚಿ ರಾನೆಂದಿ ಅನಿ ಸೊಪ್ತಿ ಅಂಟಾಡು .
8
. ಧರ್ಮಶಾಸ್ತ್ರಮು ಪ್ರಕಾರ್ಮು ಸಮರ್ಪಣ್ಮುಯಾಯ್ತ ವಚ್ಚಿನ ಯಜ್ಞಮು ನೈವೇದ್ಯಲು ಸರ್ವಾಂಗ್ಮು ಹೋಮುಮು ದೊಷ್ಮು ಪರಿಹಾರ್ಮು ಯಜ್ಞಮು ನೀಕಿ ಇಷ್ಟುಮು ಅವ್ಲೆದು ನುವ್ವ ಅವುಟ್ಲುಲ ಸಂತೋಷ್ಮು ಪಡೆಟ್ಲೆದು ಅನಿ ಮಿಂದ ಸೊಪ್ಪಿನ ಮಿಂದ ಇರೋ
9
. ನೀ ಚಿತ್ಮುನಿ ನೆರ್ವೆರ್ಸೆದಾನ್ಕು ವಚ್ನಾನು ಅನಿ ಸೋಪ್ನಾಡು ವಾಡು ರೋoಡ್ನೆದ್ನಿ ಸ್ಪಾಪಿಚ್ಚೆದಾನ್ಕು ಮೊದ್ಲುನೆದ್ನಿ ಸೀಸಿ ಇಡ್ಸಾದು .
10
. ಯೇಸು ಕ್ರಿಸುಡು ಒಕ್ಕೆಸಾರಿ ದೇಹ್ಮು ಸೇಮಾರ್ಪಣ್ಮು ಸೇಸಿ ದೇವುಡು ಚಿತ್ಮುನಿ ನೆರ್ವೆರಿಚ್ಚೆ ದಾನಿಂಚಾನೆ ಮಾಮು ಶುದ್ದ್ಮು ಆಯ್ತಿಮಿ .
11
. ಇದ್ಕಾಕುನ್ನ ಆ ಯಾಜಕುಲಂದ್ರು ದಿನಾಲು ಸೇವೆ ಸೇಸ್ತೆ ಎಪ್ಡುಕು ಪಾಪ್ಮು ನಿವಾರಣ್ಮು ಸೇಸೆ ಕಾಯ್ಲೆನಿನ ಒಕ್ಕೆ ವಿಧ್ಮಾಯಿನ ಯಾಜ್ಞುಮುಲ್ನಿ ಮಲ್ಲಿ ಮಲ್ಲಿ ಸಮರ್ಪಿಸ್ತ ನಿಲ್ವಡುಂಡಾರು .
12
ಆಯ್ತೆ ಈ ಯಾಜಕುಡು ಪಾಪ್ಮು ನಿವಾರಣ್ಮು ಕೋಸ್ಕರ್ಮು ನಿರಂತರ್ಮಾಯಿ ನಿಲ್ವಡೆ ಒಕ್ಕೆ ಯಾಜ್ಞುಮುನಿ ಸಮರ್ಪಿಚ್ಚಿ ದೇವುಡು ಕುಡುಮುತೊಟ್ಟುಲು ಕುಚ್ಚೋನೆ
13
. ಅಪ್ಪಿಂಚ ತನ್ ವಿರೋಧಿಲು ತನ್ ಪಾದ್ಮು ಪೀಠುಮು ಆಯಿ ಏಸೆ ಗಂಟ ವಾಡು ಕಾಸ್ತಾಡು
14
. ಪವಿತ್ರುಮು ಆಯ್ತವುಂಡೋಳ್ನಿ ಒಕ್ಕೇಸಮರ್ಪಣ್ಮುಯಿಂಚ ನಿರಂತರ್ಮು ಆಯಿ ಸಿದ್ದಿಕಿ ಎತ್ಕೋಚ್ನಾಡು ಅಂತೆ
15
. ಪವಿತ್ರಾತ್ಮುಡು ಸಹ್ಮು ಮಾಕಿ ಸಾಕ್ಷಿ ಇಚ್ಚೋಡಾಯಿ
16
. ಆ ದಿನಲು ವಚ್ಚಿನ್ಮಿಂದ ನಾನು ವಾಳ್ ಜೋತ್ಲ ಸೇಸ್ಕೊನ ಒಡಂಬಡಿಕೆ ಇಟ್ಟುoಡಾದಿ ನಾ ಆಜ್ಞೆಲ್ನಿ ವಾಳ್ ಹೃದಯಮ್ಲ ಪೆಡ್ತಾನು ವಾಳ್ ಮನ್ಸ್ ಮಿಂದ ಅವುಟ್ಲುನಿ ರಾಸ್ತಾನು ಅನಿ ಕರ್ತುಡು ನುಡುಸ್ತಾಡು ಅನಿ ಸೋಪ್ಪಿನ್ಮಿಂದ ಇಂಕ
17
. ವಾಳ್ ಪಾಪಲ್ನಿ ವಾಳ್ ದುಷ್ಕ್ರುತ್ಯಲ್ನಿ ನಾ ನೆನುಕು ಎಪ್ಡುಕು ಎತ್ಕೊಚ್ಚೆಟ್ಲೆ ಅನಿ ಸೋಪ್ತಾಡು
18
. ಪಾಪುಮ್ಲು ಪರಿಹಾರ್ಮು ಆಯ್ನಾಪ್ದು ಇಂಕ ಅವುಟ್ಲು ವಿಷಯುಮ್ಲ ಸಮರ್ಪಣ್ಮು ಸೇಸೇದಿ ಅವಶ್ಯಮುಲೇದು
19
. ಇಟ್ಟುಂಡೆನಪ್ದು ಸಹೋದರುಲಾ ಯೇಸು ಮಾಕೊಸ್ಕರ್ಮು ಪ್ರತಿಷ್ಟಿಚ್ಚಿನ
20
ಜೂಡುಂಡಿನ ಕೊತ್ ದಾವ್ಲ ವಾಡ್ ರಕ್ತ್ಮು ಮೂಲಕ್ಮು ವಾಡ್ ಶರೀರ್ಮು ಅನೆ ತೇರ ಮುಖಾಂತ್ರುಮು ದೇವುಡು ಸಮಕ್ಷಮುಲ ಪ್ರವೆಶಿಚ್ಚೆದಾನ್ಕು ಮಾಕಿ ದೈರ್ಯಮು ಉಂಟಾಯೇ
21
. ದೇವುಡು ಇಂಟ್ಮಿoದ ಅಧಿಕಾರಿಡು ಆಯಿನ ಶ್ರೆಷ್ಟುಮೈನ ಯಾಜಕುಡು ಮಾಕುಂಡಾಡು
22
. ದಾನ್ನಿಂಚ ನುವ್ವು ಅಪರಾಧಿಡು ಅನಿ ಮಾ ಮನ್ಸು ಮಾಕಿ ಸಾಕ್ಷಿನಿ ಸೋಪ್ನಟ್ಲ ಮಾಮು ಹೃದಯುಮ್ನಿ ಪ್ರೋಕ್ಷಿಚ್ಕೊನಿ ದೇಹುಮ್ನಿ ತಿಳಿನೂಲಿಂಚ ಕಡ್ಕೋನ ಪರಿಪೂರ್ಣಮಾಯಿನ ನಂಬುಕ್ಮು ವುಂಡೋಳಾಯಿನು ಯಥಾರ್ತು ಹೃದಯ್ಮುವುಂಡೊಳಾಯಿನು ದೇವುಡು ದೇಗುಕಿ ವತ್ತಾಮು
23
. ಮಾ ನೀರಿಕ್ಷೆನಿ ಕುರಿಚ್ಚಿ ಮಾಮು ಸೇಸಿನ ಪ್ರತಿಜ್ಞೆನಿ ನಿಶ್ವಂಚಲ್ಮಾಯಿ ಪರಿಗ್ರಹಿಚ್ಚಾಮು
24
. ಮಾಮು ಪರಸ್ಪರ್ಮು ಹಿತಚಿಂತಕಲುಲಾಯುಂಡಿ ಪ್ರೀತಿಸ್ತಾವುಂಡಾಲನಿನು ಸತ್ಕಾರ್ಯುಮು ಸೇಮಾಲನಿನು ಒಕ್ಳುಕೋಳ್ಕು ಸೇರಿಪಿತ್ತಾಮು
25
. ಸಭೆಯಾಯಿ ಕೂಡಿಕೊನಿದ್ನಿ ಕೆಲುವ್ಲು ರೂಡಿಯಾಯಿ ಇಡ್ಸಿನ ಪ್ರಕರ್ಮು ಮಾಮು ಇಡ್ಸಿ ಇಡಿಕುಣ್ಣ ಒಕ್ಕ ಒಕ್ಳು ಎಚ್ಚರಿಸ್ತಾಮು ಕರ್ತುಡು ಪ್ರತ್ಯಕ್ಷುಮು ದಿನ್ಮು ಸಮಿಪಿಸ್ತಾ ವಸ್ತಾದಿ ಅನಿ ಮೀರು ಸೂಸೇದಾನ್ಕಿoಚ ದಿನ್ನಿ ಇಂಕಂತ್ತ ಸೇಯಂಡ್ರಿ
26
ಎಂದ್ಕoಟೆ ಸತ್ಯುಮಿನ ಪರಿಜ್ಞಾನ್ಮುನಿ ಮಾಮು ಹೊಂದಿನ್ಮಿಂದ ಕಾವಾಲನಿ ಪಾಪ್ಮು ಸೇಸ್ತೆ ಪಾಪ್ಮು ಪರಿಹಾರ್ಮುಕ್ಕಾಯಿ ಇಂಕ್ಯಾವ್ ಯಜ್ಞಮು ವುಂಡೆಟ್ಲೆದು
27
. ಅತ್ಯಂತ ಭಯ್ಮಿಂಚ ಎದುರು ಸೂಸೆ ಅಟ್ಟ ನ್ಯಾಯ್ಮು ತಿರ್ಪುಮು ದೇವುಡು ವಿರೋಧಿಲ್ನಿ ದಹಿಚ್ಚೆ ತಿಕ್ಷ್ಮು ಮಾಯಿನ ಅಗ್ನಿನು ಇವೆ ಮಾ ಮುಂದ್ರ ವುಂಟಾವಿ
28
. ಮೋಶೆಡು ವಿಧಿಲ್ನಿ ಅಸಡ್ಡೆ ಸೇಸ್ಕೊಡ್ನಿ ಇದ್ರು ಲೇದು ಮುಗ್ರು ಸಾಕ್ಷಿಲು ಮಾಟ ಮಿಂದ ಕನಿಕರ್ಮು ಲೆಕುನ್ನ ಮರಣ್ಮು ಆಯ್ತಾದಂತೆ
29
. ಯೋವ್ದು ದೇವುಡು ಕುಮಾರುಡ್ನಿ ತೊಕ್ಕ ಒಡಂಬಡಿಕೆನಿ ಸ್ಥಿರಮು ಪಡಿಚ್ಚಿನ ತನ್ನಿ ಪವಿತ್ರುಮು ಸೇಸಿನ ರಕ್ತುಮುನಿ ಅಶುದ್ದ್ಮು ಅನಿ ಎಣ್ಬಿಚ್ಚಿ ದೇವುಡು ಕೃಪಮು ವರ್ಮು ಆಯಿಂಡೆ ಅತ್ಮುಸಿ ತಿರಸ್ಕಾರ್ಮು ಸೇಸ್ನಾಡೋ ವಾಡು ಇಂಕ ಎಂತೋ ಕ್ರೂರ್ಮು ಆಯಿನ ದಂಡನೇಕಿ ಪಾತ್ರುಡಾವಲಸೆದ್ನಿ ಯೋಚಿಯಂಡ್ರಿ
30
. ಮುಯ್ಯಿಕಿ ಮುಯ್ಯಿ ತೀರಿಚ್ಚೆದಿ ನಾ ಕೆಲ್ಸುಮು ನಾನೇ ಪ್ರತಿಫಲ್ಮುನಿ ಇಸ್ತಾ ಅನಿ ಸೊಪ್ಪಿ ನೋಡ್ನಿ ತಿಳ್ಸಿನಮು ಇದ್ಕಾಕುನ್ನ ಕರ್ತುಡು ತನ್ ಜನಲು ನ್ಯಾಯುಮ್ನಿ ವಿಚಾರಿಸ್ತಾಡು ಅನಿನು ಸೋಪ್ನಾದಿ
31
.ಜೂಡ್ ಸ್ವರೂಪ್ಮು ಆಯಿನ ದೇವುಡು ಸೇತ್ಲ ಸಿಕ್ಕಿ ಪಡೆದಿ ಭಯಂಕರ್ಮು ಆಯಿಂದಿ
32
. ಇಟ್ಟುಂಡೆದಾಯಿ ಮೀರು ಜ್ಞಾನ್ಮು ಪ್ರಕಾಶುಮ್ಲ ಸೇರಿ ಕಷ್ಟನುಭವ್ಮು ಅನೆ ಹೋರಾಟಮಮ್ನಿ ಸಹಿಸ್ಕೊನಿ ಎನ್ನ ದಿನಲ್ನಿ ನೆನಪ್ಕಿ ಸೇಸ್ಕೊಂಡಿ
33
. ಕೆಲವು ಸಾರಿ ಮೀರು ನಿಂದೆಲ್ನಿ ಸಂಕಟುಮ್ನಿ ಅನುಭವಿಚ್ಚೆ ಹಾಸ್ಯಮ್ಕಿ ಗುರಿಯಾಯೇರು ಕೆಲುವ್ಲು ಸಾರಿ ಅಟ್ಟೆವ್ನಿ ಅನುಭವಿಚ್ನೊಳ್ಳ ಸೇರೋಳಾಯುಂಡಿ ಕಷ್ಟ ಅನುಭವಿಲ್ತು ಆಯಿನಾರು
34
. ಬೇಡಿಲ್ನಿ ಎಬಿಚ್ಕೋನ್ನೋಳಿನ ಕಷ್ಟಮ್ನಿ ಸೂಸಿ ವಾಳ್ ಜೋತ್ಲ ಮೀರು ದುಃಖ್ಮು ಪಟ್ಟಿಂದಿಕಾಕುನ್ನ ಮಾಕಿ ಉತ್ತಮುಮಾಯಿನ ಸ್ಥಿರ್ಮಾಯಿನು ವುಂಡಿನ ಆಸ್ತಿ ವುಂಡಾದನಿ ಭಾಗ ಅರ್ತುಕೊನಿ ಮೀ ಸೋತ್ನಿ ಸುಲುಕೊನೋಳ್ಕಿ ಸಂತೋಷ್ಮಿಂಚ ಇಡಿಸ್ತಿ
35
. ಅಟ್ಟಯ್ತೆ ಮೀ ದೈರ್ಯಮ್ನಿ ಇಡ್ಸಿ ಇಡದಂಡ್ರಿ ದಾನ್ಕಿ ಪೆದ್ದ ಪ್ರತಿಫಲ್ಮು ವುಂಡಾದಿ
36
ದೇವುಡು ಚಿತ್ತುಮ್ನಿ ನೆರ್ವೆರಿಚ್ಚಿ ವಾಗ್ದಾನ್ಮು ಫಲುಮ್ನಿ ಹೊಂದ್ಬೇಕಾಯ್ತೆ ಮೀಕಿ ತಾಳ್ಮೆ ಕಾವಾಲ
37
. ವಚ್ಚೊಂಟೋಡು ಇಂಕ ಕೊಂಚ್ಮು ಕಾಲುಮ್ಲ ವಸ್ತಾಡು ತಡ್ಮು ಸೇಸೆಟ್ಲೆದು
38
. ಆಯ್ತೆ ನಾವೊಡಾಯಿನ ನೀತಿವಂತುಡು ನಂಬುಕ್ಮು ಇಂಚಾನೆ ಬದುಕ್ತಾಡು ವಾಡು ಎನ್ನಕ್ ಸೇಸ್ತೆ ವಾಡ್ಲ ನಾಕಿ ಸಂತೋಷ್ಮು ವುಂಡೆಟ್ಲೆದು ಅನಿ ರಾಸಿಂದಿ
39
. ಮಾಮಾಯ್ತೇನೋ ಎನ್ಕ ಸಿಸ್ಕೊಳಾಯಿ ನಾಶ್ಮು ಅಯೋಳು ಕಾದು ನಂಬೋಳಾಯಿ ಪ್ರಾಣ್ಮು ರಕ್ಷಣ್ಮುನಿ ಹೊಂದೊಳಾಯ್ನಾಮು