ಅಧ್ಯಾಯಮು-3
1
. ಆಯ್ತೆ ಕಡೇ ದಿವಸನ್ಲ ಕಠಿಣಮು ಕಾಲಲೂ ವಸ್ತಾಮು ಅನ್ನೋದ್ನಿ ತಿಳಿಸ್ಕೋ
2
. ಮನುಷ್ಯುಡು ಸ್ವಾರ್ಥಚಿಂತಕುಡು ಹಣದಾಸೆಮ್ನಿ ವಾಡು ಬಡಾಯಿ ಜನಲು ಅಹಂಕಾರಿಲೂ ದೂಷಕಲು ತಂದೆತಾಯಿಕಿ ಅವಿದೇಯಲು ಉಪಕರಾಂ ನೆನಸ್ಕೋ ವಾಡು ದೇವುಡು ಭಯವಿಲ್ಲನೋಳುನಿ ಮಮತ ಲೇದೊಳು ಸಮಾಧಾನ ಆಯಿಂದೊಳು
3
ಚಾಡಿ ಸೋಪ್ಪಿನೋಳು ದಮೆ ಲೇದೊಳು ಉಗ್ರತ್ನೆ ಉಳ್ಳವಾಳು ಮಂಚಿದಾನ್ಕಿ ಪ್ರೀತಿಸಂಚೋಳುನಿ
4
4. ದ್ರೋಹಿಲೂ ಪ್ರೀತಿಸುಕುನ್ನ ಬರೀ ಬೊಗೋಮುನ್ಲಿ ಪ್ರೀತಿಸುಕೊನ್ನ
5
. ಭಕ್ತುಕಿ ವೇಷಮು ಉಂದಿ ದಾನ್ಕಾ ಬಲಮುಳನ್ನಿ ವದ್ದು ಅನಿ ವಾಳು ಆಯುಂಡಾಕುನ್ನ ಇಟ್ಟೋಳು ಸಹವಾಸಮ್ನಿ ಸೇಯ್ಕೊನ್ನವುಂಡು
6
. ಇಂಟಲ ನುಗ್ಗಿ ಪಾಪಗಳಿಂಕ ನಿಂಡಿನೋಳು ನಾನಾ ವಿಧಮಾಯಿ ಇಚ್ಚುಮ್ನಿ ಇಂಕ ಪ್ರೇರಿತುಡು ಆಯುಂಡಿ ಅವಿವೇಕಿಗಳ್ ಆಯಿನಾ ಸ್ತ್ರಿಯರನ್ನಿ ವಶಮು ಸೇಸೋಳು ವುಂಡಿ ಸೇರ್ನೋಳ
7
ಆ ಸ್ತ್ರೀಯುಲು ಅನಿ ಸಮಯಮಲ್ಲಾ ಉಪದೆಶಂ ಅಡುಗುತ ವುಡ್ಲಿ ಸತ್ಯನಿ ಪರಿಜ್ಞಾನವನ್ನಿ ಹೊದ್ಲೆಲೆನೋಳು
8
. ಯನ್ನಡು ಯುಂಬುಡು ಅನ್ನಿವಾಲ್ಕಿ ಮೊಶೇಯನ್ನಿ ವಿರೋಧಂ ಅಪ್ಪೆಯೇ ಆ ಮನುಷ್ಯುಡು ಸಹ ಸತ್ಯವನ್ನಿ ವಿರೋದ್ಮು ಸೇಯೋಳು ಬುದ್ದಿನಿ ಕೆಟ್ಟುಡುಲ್ಕಿ ಕ್ರಿಸ್ತ ನಂಬಿಕೆ ಇಂಕ ಭ್ರಷ್ಟಡುಕುನ್ನ ಆಯ್ನಾರ
9
. ಆಯ್ತೆ ವಾಳು ಪ್ರಯತ್ನಮು ಇಂಕ ಸಾಗೆಟ್ಲೆದು ಆ ಯನ್ನಡು ಯಂಬ್ರಡುನು ಮೂರ್ತತಮ್ನು ಅಂದ್ರುಕಿ ಪರಿಷ್ಕಾರಮಾಯಿ ತಿಲಿಚಿ ವಾಸ್ತಾ ಪ್ರಕರುಮು ವೂಳ್ದಿ ತಿಳಿಚಿ ವಸ್ತಾದಿ
10
. ನುವ್ವಾಯ್ತೇನೋ ನಾಲಿ ಅನುಸಾರಿಂಚ್ಚಾಳೋಯಿನಾ ನನ್ನಿ ಬೊದನೆನಿ ನಡತೆನಿ ಉದ್ದೇಶ್ಮುನಿ ನಂಬಿಕೆನಿ ದೀರ್ಘ ಶಾಂತುಮ್ನಿ ಪ್ರೀತಿನಿ ಸೈರಸೆನಿ ಇವುಟ್ಲುನಿ ಅಂತಿಯೋಕ್ಯ ಇಕೋನ್ಯ ಲುಸ್ತ್ರ ಅನಿ ಪಟ್ಟಣನ್ಲಾ ನಾಕಿ ಸಂಬವಿನಿಂಕ ಹಿಂಸ್ಮುಲಾನಿ ಕಷ್ಟಾನುಭಲೂನಿ ತಿಲಿಚಿಂದಿ
11
. ನೀನು ಎಟ್ಟೆಟ್ಟೆ ಹಿಂಸ್ಮುಲನಿ ಸಹಿಸಿ ಅನ್ಕೊಂಟಿ ಇವಿ ಲೋಗನಿಂಕ ಕರ್ತುಡು ನಲೀ ಇಡ್ಬಿಚ್ಚೆ
12
. ಕ್ರಿಸ್ತ ಯೇಸುವಿಲುಲನ್ನಿ ಸದ್ಬಕ್ತುಡು ಆಯಿ ಜೀವಿಸ್ಕೊಲೋನಿ ಮನಸ್ಸು ಸೇಸ್ನ ಅಂದ್ರುನಿ ಹಿಂಸೆನಿ ಅನುಭಸಿಂಚಾಡು
13
. ಆಯ್ತೆ ದುಷ್ಟಡು ವಂಚಕಡು ಇತರುಲ್ನಿ ಮೋಸಂ ಸೇಸ್ತಾ ವಾಳೆ ಮೋಸಂ ಪೋತಾಡು ಆಪಾರ್ಮುಮಾಯಿನ ಶೆಡ್ದೆತನ್ಮುಕಿ ಪೋತಾರು
14
. ನುವ್ವಾಂತ್ತುನೋ ನೆಲ್ಸ್ಕೊನಿ ದೃಡ್ಮಾಯಿ ನಂಬಿನ ಬೋದನೆನ್ಲ್ಲಾ ನೆಲೆಸ್ತಾಡುಂಡೆದಾನಿಕ
15
. ಬಿಡ್ದುಲ್ನಿ ಇಂಕಾಲೂ ನೀಕಿ ಪರಿಶುದ್ದುಡು ಗ್ರಂಥಲೂ ಪರಿಚಯ ಮಾಯಿಂದಿ ಆ ಗ್ರಂಥಲೂ ಕ್ರಿಸ್ತ ಯೇಸುಡ್ಕು ನಂಬುಕುಮು ಮೂಲಕ್ಮುಮು ರಕ್ಷಣೆ ಹೊಂದ್ನಾಡೆನಿ ಜ್ಞಾನುನಿ ಇಚ್ಚೆದಾನ್ಕಿ ಶಕ್ತುಮಾಯನಾವಿ
16
. ದೈವುಡು ಪ್ರೆರಿತು ಮಾಯಿನ ಪ್ರತಿಯೋಕ್ಟಿ ಶಾಸ್ತ್ರವು ಉಪದೇಶ್ಮುಲೋ ಖಂಡನ್ಕುಳ ತಿದ್ದುಪಾಟ್ಕು ನೀತಿಮು ಶಿಕ್ಷ್ಮುಕೂ ಉಪಯುಕ್ತಮಾಯಿಂದಿ
17
. ಇಟ್ಟುಂಡೆದಾನಿಂಚ ದೇವುಡು ಮನುಷ್ಯುಡುಕಿ ಪ್ರವೀಣ ಆಯಿ ಸಕಲಸತ್ಕಾರ್ಯಲೋ ಶಕ್ತುಮಾಯನಾಯಿಂದಿ