¹ .ದೇವುಡು ಜನನಿಗಿ ಗೊಸ್ಕರಮು ನಡುಪೆ ಸಹಾಯ ಕಾರ್ಯಮುನಿ ತಿಲಚಿ ಮೀಕಿ ರಾಶೆ ದಾನಿಕಿ ಅವಶ್ಯಮು ಲೇದು . ² .ಮಿ ಮನಸ್ಸುನಿ ಸೀದ್ದಮು ಅಯಿಂದಿ ಅನಿ ನಾಕಿ ಗೊತ್ತಾ ಆಯಿನದಿ ಒಗ ಯಾಡದ್ಲ ಎನಕ ಅಕಯಮು ಆಯಿನ ವಾಳು ಸಹಾಯ ಸೇಸಾದಾನ್ನಿ ಸಿದ್ದಂ ಕಾವಲ ಅನಿ ಮೆಕ್ಕೆದೊಮಿನ ವಾಳು ಮುಂದ್ರ ಮಿಮ್ಮಲ್ನಿ ಹೋಗುಳುತ್ತಾ ಉಂಡಾಡು ಮಲಿ ಮೀ ಆಶಕ್ತಿನಿ ವಾಳ ಬಹುಜನಂ ಪ್ರೆರೆಪಿಚ್ಚಿನ್ನಾಡು . ³ .ಆಯಿತೆ ಮನಮು ಮಿಮ್ಮಲ್ನಿ ಹೊಗಳಿಂದ್ದಿ ನಿರಾದಾರ ಅಯಿಂದಿ ನಾನು ಸೊಪ್ಪಿನ ಪ್ರಕಾರಂ ಮೀರು ಸಿದ್ದಂ ಕಾವಲ ಅನಿ ಆ ಸಹೋದರಡ್ನಿ ಅಂಪಿಚ್ಚಿ ನಾನು. ⁴ .ಸಿದ್ದಂ ಕಾಗುನ್ನ ಉಂಟೆ ಒಗು ವೇಳೆ ಮೆಕ್ಕೆದೋಮಿನಾ ವಾಳ ಜೋತ್ಲಾ ಯಾವಳ ಆಯಿನ ಮಾ ಜೋತ್ಲಾ ವಚ್ಚಿ ಮೀರು ಸಿದ್ದಂ ಕಾಲೇದು ಅನಿ ಕಮಡತೆ ಮಾಕಿ ಇಟ್ಟಾ ಭರವಸೆ ಉಂಡಾದಾನ್ಗಿ ಮಾಮು ನಾಚಿಕೆ ಪಡ್ನಾಮು ಮೀರಿ ನಾಚಿಕೆ ಕಾವಲ ಅನಿ ನಾನು ಬೇರೆ ಸೊಪ್ಪಲ ಅನಿ . ⁵ .ಇಟ್ಟು೦ಡ ದಾನ್ಕಿ ಈ ಸಹೋದರಡು ಮೀ ಹತ್ರಗಿ ವಚ್ಚಿ ಹಿಸ್ತಾಮು ಅನಿ ಮೀರು ಮೊದ್ಲು ಸೊಪ್ಪಿನ ಧರ್ಮ ದ್ರವ್ಯನಿ ಸಿದ್ದಂ ಪಡಿಬಿಯಲ ಅನಿ ಉಳ್ಳ ಬೇಡಗಾಟ ಉಂಡದಿ ಅವಶ್ಯಂ ಅನಿ ನಾಕಿ ತೋಚಿಂದಿ .ಇಪ್ಪುಂಡು ಈ ದುಡ್ಲುನಿ ಸುಲುಗೆ ರೀತಿ ಸೇಗುನ್ನ ಧರ್ಮ ರೀತಿಲ ಸಿದ್ದ ಆತದಿ. ⁶ .ಆತೆ ಕೊಂಚಂ ಐನ ಬಿತ್ತನಾವಾಡು ಪೈರ್ನಿ ಕೊಂಚಂ ಆಯಿ ಕೊತ್ಯಾದು ಅನಿ ತಿಲಿಸಿಕರಿ ಹೆಚ್ಚಾಯಿ ಬಿತ್ತಿನಾವಾಡು ಹೆಚ್ಚಾಯಿ ಕೊಯ್ತಾಡು ಅನಿ ತಿಳಿಸುಕರಿ . ⁷ .ಪ್ರತಿ ಯೋಗಡು ವಾಡು ವಾಡು ಹೃದಯಂ ಲಾ ನಿರ್ನಯಿಚ್ಚಗಾನ ಪ್ರಕಾರಂ ಇನಿ ದುಃಖಂ ಕಾನಿ ಬಲತ್ಕಾರಂ ಕಾನಿ ಹಿಗುಡುದು ಎಂದುಗು ಅಂಟ್ಟೆ ಸಂತೋಷಂ ನಿಂಕಾ ಇಚ್ಚಿನಾ ವಾಡು ಮಿಂದ ದೆವುಡುಗಿ ಪ್ರೀತಿ ಉಂಟಾದೀ. ⁸ ದೇವುಡು ಸಕಲ ವಿದಮೈನ ದಾನಲುನಿ ಮೀಕಿ ಧಾರಾಳಂ ಆಯಿ ಅನುಗ್ರಹಿ ಇಚ್ಚುನಾಟ್ಕಾ ಶಕ್ತುಡು ಮೀರು ಎಪ್ಪುಂಡುನು ಅನ್ನಿ ವಿಷಯಾಲ ಏಕ ಮನಸ್ಸುಳ್ಳ ಆಯಿಂಡರಿ ಸಕತ್ ಕಾರ್ಯಲ್ನಿ ಹೇರಳಂ ಆಯಿ ಸೇಸಾ ವಾಳು ಆಯಿಂಡಲ ⁹ .ಉಪಕಾರ್ಯಲು ವಿಷಯಂಲಾ ವಾಡು ಬಡವುಲುಗಿ ದಾರಾಳ ನಿಂಕಾ ಇಚ್ಚಿನಾಡು ವಾಡು ನೀತಿಯ ಫಲಮುನಿ ಸದಾಕಾಲಂ ಉಂಟಾದಿ ಅನಿ ಶಾಸ್ತ್ರಮುಲ ರಾಸಿಂದಿ ಕದ . ¹⁰ .ಬಿತ್ತಿ ವಾಡಗಿ ಬೀಜ ಮುನಿ ತಿನಿವಾಡಗಿ ಆಹಾರಮುನಿ ಇಚ್ಚೆವಾಡು ಮೀಕಿ ಬಿತ್ತೆದಾನಿಗಿ ಬೀಜಮುನಿ ಇಚ್ಚಿ ಹೆಚ್ಚೆಚ್ಚಿ ಮೀ ಧರ್ಮಕಾರ್ಯಲುನಿಂಕಾ ಫಲಲನ್ನಿ ಸಮೃದ್ದಿ ಪಡುಬಿಸ್ತರ. ¹¹ .ಇಟ್ಲೆ ಮೀರು ಅನ್ನಿ ವಿಷಯಮುಲ ಐಶ್ವರ್ಯವಂತಲೂ ಕಾವಲ ಅನಿ ಉದಾರಂಮು ನಿಂಕಾ ಇಚ್ಚಿನ ಶಕ್ತಲು ಅಯಿನಾಳು ಈದಿ ಕಾಗುನ್ನ ದಾನಲ್ನಿ ಮಾ ಸೇಲೆನಿಂಕಾ ಬೇರೆ ಒಗಡಿಗಿ ಸೇರನಪುಡೂ ದೇವುಡುಗಿ ಕ್ರುತಜ್ಞಾಸ್ತುತಿಕಾನಿ ಆತ್ತದಿ . ¹² .ಎಂದಿಗೂಅಂಟ್ಟೆ ಮೀರು ನಡುಪಿಚ್ಚಿನ ಈ ಧರ್ಮಕಾರ್ಯಮುಂ ದೇವುಡು ಜನಲ್ನ ಕೊರತೆಲ್ನ ನಿಗಿಸ್ತದಿ .ಮಾತ್ರಮು ಕಾದು ಅನೇಕಲಿಗಿ ದೇವುಡುಗಿ ಕ್ರುತಜ್ಞಾಸ್ತುತಿನಿ ಪುಟ್ಟಿಸ್ತದಿ . ¹³ .ಈ ಸಹಾಯಮುನಿಂಕಾ ಸೂಬಿಚ್ಚಿನ ಮೀ ಯೋಗ್ಯಾಭಾವಮುನಿ ವಾಳು ಸೂಸಿ ನಪುಡು ಮೀರು ಸೇಸಿನ ಪ್ರತಿಜ್ಞೆ ಸರಿ ಆಯಿ ಕ್ರಿಸ್ತುಡಾ ಸುವಾರ್ತೆನಿ ಅನುಸರಿಸಿ ಉಂಡೆದಾನಿಂಕಾ ಮಾಕು ಅಂದರಕು ಮೀರು ಉದಾರಮು ಆಯಿ ಸಹಾಯಮುಂ ಸೇಸಿದಾನಿಂಕಾ ದೇವುಡನಿ ಕೊಂಡಾಡು ತಲು. ¹⁴ .ಇದಿ ಕಾಗುನ್ನ ಮಿಕೊಸ್ಕರಂ ವಿಜ್ಞಾಪನಂ ಸೇಸಿ ದೆವುಡಗೀ ಅತಿಶಯ ಮೈನಾ ಕೃಪೆನಿ ಮೀದಾಂಟ್ಲಾ ಉಂಡೆದಾನಿಂಕಾ ಮೀ ಪ್ರಯತ್ನಮುಂ ಸೇಯಲ ಅನಿ ಅಡಿಕಟ್ಟರು. ¹⁵ .ವರ್ಣಿಚ್ಚಿನ ಶಕ್ತ ಮೈನಾ ದೇವುಡ ವರನಿಗಿ ಆಯಿ ವಾಡಗಿ ಸ್ತೋತ್ರಂ