¹ .ಹೊಗಳಿಕೊಲ್ಲೆದೀ ಸಾದ್ಯಮು ಕಾಗುನ್ನನ್ನು ಆದಿ ನಾಕಿ ಅವಶ್ಯಮು ಅಯಿಂದಿ ಆದಿ ಕಾಗುನ್ನ ಕರ್ತುಡೂ ನಾಕಿ ದಯಪಾಲಿಚ್ಚಿನ ದರ್ಶನಲ್ನಿ ತಿಳಿಚಿ ಸೊಪ್ಪಿನಾಡು ರಹಸ್ಯಲ್ನಿ ತಿಲಚಿ ಸೊಪ್ಪಿನಾಡು. ² .ಕ್ರಿಸ್ತುಡ್ಲಾ ವುಂಡೆ ಒಗ ಮನುಷ್ಯನಿ ಸುಸ್ತಿ ವಾಡು ಯಡದೀ ಎನಕ ಮುಡನೆ ಆಕಾಶಂ ಪರಿಯತಕಡು ಇಚ್ಚಿನವಾಡು .ವಾಡು ದೇಹಮು ಸಹಿತಮಯಿ ಇಚ್ಚಿನಾಡು ದೇಹಮು ರಹಿತಮುಅಯೀ ಇಚ್ಚಿನಾಡು ನಾಕಿ ಗೊತ್ಲೆ ದೆವುಡುಗಿ ಗೊತ್ತು. ³ .ಅಟ್ಟ ಮನುಷ್ಯುಡು ಪರದೆಶನಿಗಿ ಇಚ್ಚಿನಾಡು . ⁴ .ಮನುಷ್ಯ ಡು ನುಡಿಯಲಶಕ್ಯ ಮೈನಾದಿ ಸೋಪ್ಪಲೆಗುನ್ನ ಮಾಟಲು ಇನ್ನನ್ನು ಸೂಸ್ತಿ ಆ ಸಮಯಮುಲ ವಾಡು ದೇಹಸಹಿತ ಮೈನಾಡು ದೇಹರಹಿತಮೈನಾಡು ನಾಕಿ ಗೊತ್ಲೆ ದೇವುಡಿಗೆ ಗೊತ್ತ. ⁵ .ಅಟ್ಟ ವಾಡುನಿ ತಿಲಿಚಿ ಹೆಚ್ಚಳ ಪಡುತಾನು ,ನಾನು ತಿಲಿಚಿ ಆಯಿ ನಾನು ನಾಕಿ ನಿರ್ಬಲವಸ್ಥಂಮುಲ ಹೊರತು ಬೇರೆ ಹೆಚ್ಚಳ ಪಡೆಲೆ. ⁶ .ಹೋಗಲಿಕೊಳ್ಳೆ ದಾನಗಿ ನಾಕಿ ಒಗವೇಳೆ ಮನಸ್ಸು ಉನ್ನನ್ನು ಅಟ್ಟೆ ಹೊಗಳಿ ಕೊಳ್ಳೆ ದಾನಗಿ ನಾನು ಬುದ್ದಿಹಿನುಡು ಅಯ್ಯಲೇ ಎನ್ಡಗು ಅಂಟ್ಟೆ ಸತ್ಯನ್ನೆ ಸೋಪ್ತಉಂಡನು ಆತೆ ವಾಡು ನಾದಾಂಟ್ಲ ಸುಸೆದಾನಿಗಿಂತ ನಮ್ನಿಂಕಾ ಇನ್ನಿದನಿಗಿಂತ ಎಚ್ಚಯಿ ನನ್ನಿ ತಿಲಿಚಿ ಎನಬಿ ಕೂಡದು . ⁷ ಈ ಕಾರಣಂ ನಿಂಕ ನಾಕಿ ತಿಲಿಬಿಚ್ಚಿನ ರಹಷ್ಯಲ್ನಿ ಬಹು ವಿಷೆಶಮೈನಾದೀ .ದಾನಿಂಕಾ ನಾನು ಹೊಗಳಿ ಗೊಳ್ಳ ದಾನಗಿ ಉರುಕುಂಟನು ನಾನು ನನ್ನಿಅತಿಶಯ ಮೈನಾ ಹೆಚ್ಚಿಕೋನ ಕೂಡದು ಅನಿ ಒಗ ಶುಲನಿ ನಾಶರಿರಮುಲ ನಾಟಿಂದಿ ಅನಿ ನಾನು ಗುದ್ದೆದಾನಗಿ ಸೈತಾನುಡು ದೂತಲ್ನ ಒಗಡೂ ನಾ ಹತ್ತಿರಗಿ ಅಂಪಿಚಿನಾಡು ನಾನು ಅತಿಶಯ ಮೈನಾ ಹೆಚ್ಚಿಚ್ಹ ಕುಂಡದು ಅನಿ ಇದಾಯ. ⁸ .ಈ ಪೀಡೆಯ ವಿಷಯಮುಲ ಆದಿ ನನ್ನಿ ಇಡಸಿ ಪೋವಲ ಅನಿ ಮೂಡು ಸಾರಲು ಕರ್ತಡುನ್ನಿ ಬೆಡಗ ಟ್ಟಿ . ⁹ .ದಾನಗಿ ವಾಡು ನಾ ಕೃಪೇನೆ ನೀಕಿ ಸಾಲು ಬಲಹಿನತೆಲ ಬಲಮು ಪೂರ್ಣ ಸಾದಕಮು ಅಯಿತದಿ ಅನಿ ನಾಕಿ ಸೋಪ್ಪಿನಾಡು ಇಟ್ಟ ಉಂಡೆದಾನಿಂಕಾ ಕ್ರಿಸ್ತುಡಾ ಬಲಮು ನಾದಾಂಟ್ಲ ನಿಲಚ ಗೊಂಡಲ ಅನಿ ನಾಕಿ ಉಂಟಾಯಿನ ನಿರ್ಬಲ ವಸ್ತಮುನಿ ವಿಷಯಮುಲ ಬಹು ಸಂತೋಷಮು ಅಯಿಂದಿ ಎಚ್ಚಲ ಪಡುತ್ತಾನು. ¹⁰ .ದಾನಿಂಕ ಕ್ರಿಸ್ತುಡುನಿಂಕಾ ನಾಕಿ ನಿರ್ಬಲ ವಸ್ತಮು ತಿರಸ್ಕರಮು ಕೊರೆತೆನಿ ಹಿಂಸೆ ಇಕ್ಕಟ್ಟು ಸಂಭವಿಚ್ಚಿನ ನಂಬಿಕೆ ನಿಂಕಾ ಉಂಟಾನು ನಾನು ಯಪ್ಪುಡ್ದು ನು ನಿರ್ಬಲ ಮೈನಾನು ಅಪ್ಪಡೆನೆ ಬಲುವುಳ್ಳ ಮೈನಾನು. ¹¹ .ನಾನು ಇಪ್ಪುಡು ರಾಶಿ ಬುದ್ದಿ ಇನುಡು ಅಯಿನಾನು ದಾನಗಿ ಮೀರೆ ನನ್ನಿ ಬಲವಂತ ಮು ಸೇಸಿನಾರು ಮೀ ನಿಂಕಾನೆ ನಾಕಿ ಹೊಗಳಿಕೆನಿ ಕವಲ ಹನಿ ಎಂದಗು ಅಂಟ್ಟೆ ನಾನು ಕೇವಲ ಅಲ್ಪ ಮೈನಾನು ಅತಿಶ್ರೆಷ್ಟಮೈನ ಅಪೋಲಸ್ತರುಲೂ ಅನಿಬಿಚ್ಚಿನ ಆ ಜನಲಿಗಿಂತ ಒಗದಾಂಟ್ಲ ಆಯಿನಾನು ಕಡಿಮೆ ಕಾಳೆದು. ¹² .ನಾನು ಹಿಂಸೆನಿ ಸ್ಥಿರಚಿತ್ತಂನಿಂಕ ತಡಸಕೊನಿ ಉಂಡೆದಾನಿಂಕ ಸೂಚಕ ಕಾರ್ಯ ಮುನಿ ಅದ್ಬುತ ಕಾರ್ಯಲ್ನಿ ನಡುಪಿಚ್ಚಿ ಉಂಡೆದಾನಿಂಕಾ ಅಪೋಲಸ್ತಡುಗಿ ಉಂಡೆದೀ ಲಕ್ಷಣಲು ಮಿ ಮಧ್ಯಲ ಸುಬಿಸ್ತವಿ. ¹³ .ನನ್ನಿ ರಕ್ಷಿಚಿನ ಬಾರಮುನಿ ನಾನು ನಿಮಿಂದ ಎಯಿ ಲೇದು ಅನಿ ಒಕಟ್ಟೆ ವಿಷಯಮುಲ ವರತು ಇಂಕಾ ಯಾವ ವಿಷಯಮುಲ ಮಿಮ್ಮಲ್ನಿ ಮಿಕ ಆಯಿನ ಸಭೆ ಹೊಲಗಿಂತ ಕಡಿಮೆ ಸೇಯಿಲೆದು ಕದ ನಾನು ಸೇಸಿನ ಈ ಅನ್ಯಾಯಮುನಿ ಕ್ಷಮಿಸಿರಿ ಇಪ್ಪುಡು . ¹⁴ .ನಾನು ಮೀ ಹತ್ತಿರಗಿ ವಚ್ಹೆದಾನಗಿ ಸಿದ್ದಮೈನಾನು ಇದಿ ಮೂಡನೆ ಸರಿ ಮಲ್ಲಿ ಮಿಕಿ ಬರಮು ಉಂಡಲೇ ನಾನು ಮೀ ಸೋತ್ತುನಿ ಆಶಿಸಿಗೊನ್ನ ಮಿಮ್ಮಲ್ನಿ ಆಶಿಸ್ತ ಬಿಡ್ಲೂ ತಲ್ಲಿ ತಂಡ್ರಿ ಗೊಸ್ಕರಮು ಅನ್ನಿದಾನ್ನಿ ಕುಡಿಚ್ಚಿ ಪೆಟ್ಟೆದಿ ಧರ್ಮಕಾದು ತಲ್ಲಿ ತಂಡ್ರಿಲು ಬಿಡ್ಲೂ ಗೊಸ್ಕರಂ ಕೂಡಿಚ್ಚಿ ಪೆಟ್ಟೆದೆ ಧರ್ಮ ನಾನು ಆಯಿನ . ¹⁵ .ನಾಕಿ ಉಂಡೆದಾಂಟ್ಲ ಮೀ ಆತ್ಮರಕ್ಷಣೆ ಗೋಸ್ಕರಂ ಅತಿ ಸಂತೋಷ ನಿಂಕಾ ಹೆಚ್ಚು ಸೇಸ್ತನು ನಾನೇ ಹೆಚ್ಚು ಸೇಸಗಟ್ಟನು ನಾನು ಮಿಮ್ಮಲ್ನಿಹೆಚ್ಚಾಯಿ ಪ್ರಿತಿಸೆಸ್ತೆ ಮೀರು ನನ್ನೀ ಕಡಿಮೆ ಆಯಿಪ್ರೀತಿ ಸೇಸ್ತರ ಒಗ ವೇಳಾ ಮೀರು. ¹⁶ .ದಂಟ್ಲಾ ವಾಡು ಮಾಕಿ ಬಾರಂಕಗುನ್ನ ಪಾತೆ ಯುಕ್ತಂ ಉಳ್ಳಮೇಯಿ ಮಮ್ಮಲ್ನಿ ಉಪಯಂನಿಂಕಾ ಪಡಸುಗನ್ನಡೂ ಅನಿ ಸೋಪ್ಪರಿ . ¹⁷ .ನಾನು ಮೀ ಹತ್ತಿರಗಿ ಅಂಪಿಚ್ಚಿನವಾಳದಾಂಟ್ಲ ಯೋಡಾ ಮೂಲಕ೦ ಕಾನಿ ಮಿಮ್ಮಲ್ನಿ ಮೋಸಂ ಸೇಸಿ ಹೇಮಾಯಿ ನ ಸಿಸಗಟ್ಟಡ . ¹⁸ .ಮೀ ಹತ್ತಿರಗಿ ಪಯೇ ದಾನಗಿ ನಾನು ತಿತುಡು ನಿ ಬೇಡಗನೀ ವಾಡು ಜೋತ್ಲ ಆ ಅನ್ನದೊಮ್ಮಡುನಿ ಅಂಪಿಚ್ಚಿನಾನು ಅಂತೆ ತೀತುಡು ಮಿಮ್ಮಲ್ನಿ ಮೋಸಂಚೆಸಿ ಹೆಮಾಯಿನ ಸಿಸಗಟ್ಟೆ ಮಾಮಿಂದ್ರು ಒಗ ಆತ್ಮನಿಂಕನೆ ಪ್ರೆರಿತಲು ಆಯಿ ಒಗಟ್ಟೆ ಹೆಜ್ಜೆ ಜಡ್ಲ ನಡಿಲೇದ . ¹⁹ .ನಾನು ಇಂತ ಪೋದು ಮೀ ಹತ್ತಿರ ಪ್ರತಿವಾದಂ ಸೇಸ್ತರು ಅನಿ ತಿಲಚ್ಚಿ ಗಟ್ಟರ ಮೀಮಂದ್ರ ಕಾದು ದೇವುಡ ಸನ್ನಿದಿಲ ಮಾತ್ರ ನಾನು ಕ್ರಿಸ್ತುಡ್ಲಾ ಉಂಡಿ ಮಾಟ್ಲೂ ವಾಡೆವಾಳು ಆಯಿನಾಮು ಪ್ರಿಯಲಾ ಮಾಮು ಮಾಟ್ಲಾಡಿ ದಂತ್ತ ಮೀ ಭಕ್ತಿವೃದ್ದಿ ಗೊಸ್ಕರಂ ಅಯಿಂದೆ. ²⁰ .ನಾನು ವಚ್ಚಿನಪ್ಪುಡು ಒಗವೆಳಾ ಮೀರು ನಾ ಇಷ್ಟ ಪ್ರಕಾರಂ ಉಂಡೆ ಲೇದು ಕದ ನಾನು ಮೀ ಇಷ್ಟ ಪ್ರಕಾರಂ ಸುಬಿಚ್ಚೆ ಲೇದೆಮೋ ಒಗವೇಳಾ ಮೀಮ್ಮಲ್ನಿ ಜಗಳಂ ಹೊಟ್ಟೆಕಿಚ್ಚು ,ದ್ವೆಷಮು ಸ್ವಾರತಂ ಆಯಿನ ಬುದ್ದಿ ಚಾಡಿಸೋಪ್ಪೆದೀ , ಶೋವ್ರಲು ಉದೆದ್ದಿ ಹೆಚ್ಚಿ ಇಚ್ಚಗ ಸಿದಿ ಅನ್ನಿ ಲೆಪದದಿ ಯುವಟಲನಿ ಕಮಡಿಸ್ತದ ಹೇಮೋ ನಾಕಿ ಸಂಶಯಂ ಉಂಡದಿ . ²¹ .ನಾನು ತಿರಗಿ ವಚ್ಚಿನಪ್ಪುಡು ನಾ ದೇವುಡು ಮೀ ವಿಷಯಂ ಮುಲ ನನ್ನಿ ನಾಚಿಗನೆಗಿ ಗುರಿಸೆಸ್ತಡೂ ಅನಿ ಪೂರ್ವ ಮುಲ ಬಂಡುತನ ಮುಲ ಆದರತನಂ ಪೊಕರಿತನಂಮುನಿ ನಡಬಿಚ್ಚಿ ಪಚ್ಚಾತಾಪ ಪಡುಗುನ್ನ ಅನೇಕ ವಿಷಯಲಾಗಿ ನಾನು ದುಃಖ ಪಡಲ ಅನಿ ನಾಕಿ ಭಯಮು ಆಯಿಂದ್ದಿ.