ಅಧ್ಯಾಯಮು-6
1
. ದಾಸರಾಯಿ ಇಂಕೊಕ್ಲ ಅಧೀನುಮ್ಲ ವುಂಡೆ ಅಂದ್ರವಾಣ್ಣ ಯಾಜಮಾನರನ್ನಿ ಅಂದರು ಮಾನಮ್ನಿ ಏನ್ಬಿಯಿನಿ , ಲೆಕುನ್ನಪಾತ್ರೆ ದೇವುಡು ನಾಮಮ್ನಿ ನೀಮು ಹೊಂದುoದೆ ಉಪದೇಶಮ್ನಿ ನಿಂದೆ ಉನ್ತಯಿನಿ .
2
. ಯೋಳ್ಕಾರ ಕ್ರಿಸ್ತನನ್ನಿ ನoಬ್ನೋಳಾಯಿನ ಯಜಮಾನಡು ಉಂಟೆ ವಾಳು ಆ ಯಜಮಾನರನ್ನಿ ಸಹೋದರನ್ನಿ ಉದಾಸಿಮ್ ಸೇಯ್ಕುನ್ನ ವಾಣ್ಣ ಸೇವೆನಿ ಫಲವನ್ನಿ ಹೊಂದೋಳು ನಂಬೋಳು ಪ್ರೀಯಡು ಆಯಾರನ್ನಿ ತಿಳಿಚಿ ವಾಳ್ಕಿ ಹೆಚ್ಮಾಯನ ಸಂತೋಷ್ಮಿoಚಾನೆ ಸೇವೆಯಾಲ ಈ ವಾಳ್ಕಿ ಉಪದೇಶವನ್ನಿ ಸೇಸಿ ಎಚ್ಚ್ರುಬಿಯ್ಯ.
3
. ಯೋಡಾರ ಬೇರೆ ವಿಧಮಾಯಿನ ಉಪದೇಶವನ್ನಿ ಸೇಸಿ ಮಾ ಕರ್ತುಡಾಯಿನ ಯೇಸುಕ್ರಿಸ್ತನಿ ಸ್ವಸ್ತಮಾಯಿನ ಮಾಟಲಿಕು ಭಕ್ತ ಅನುಸಾರ್ಮಾಯಿನ ಉಪಧೆಶದಾನಿ ಸಮ್ಮತಿಯಿಕುನ್ನ ಪಾತೆ ವಾಡು ಒಕಟಿನಿ ತಿಲಿಚಿ ಲೇದು ಕುತರ್ಕ ವಾಗ್ವಾದಲನಿ ಸೇಸಿನ ಭ್ರಾoತಿಲ ವುಂಡೆ ಮದಮಿoಚ ಕಣ್ಣುನಿ ಕೆನ್ಲೇನಿನ ವಾಡಯಿನಾಡು
4
. ಇವುಟ್ಲಿಂಚ ಹೊಟ್ಟೆ ಕಿಚ್ಚುನಿ ಜಗಳನಿ ದೋಷಣೆನಿ ದುಸ್ಸಂಶಯನಿ ಇವಿ ಉಂಟಾಯ್ತಾವಿ
5
. ಇವ್ಕಾಕುನ್ನ ಬುದ್ಗೆಟ್ಟುನಿ ಸತ್ಯವಿಹಿನ ಆಯಿಂಡಿನಾ ದೇವುಡು ಭಕ್ತಿಯನ್ನಿ ಲಾಭಸಾದನಂ ಅನಿ ಎಣಿಸಿಂಚ ಈ ಮನುಷ್ಯಮ್ಲಾ ನಿತ್ಯಮೈನ ಕಚ್ಚಾಟಲೂ ಉಂಟಾಯ್ತಾವಿ
6
. ಸಂತುಷ್ಟಿ ಸಹಿತಮಾಯಿನ ಭಕ್ತುಮು ಪೆದ್ದ ಲಾಭಮೆ ಸರಿ
7
. ನೀಮು ಲೋಕ್ಮುನೋನಿಕ ಎಮೀ ಸೇಸ್ಕೊನಿ ರಾಲೇದಂಟೆ ದಾನೋನಿಂಚ ಎಮೀ ಸೇಸ್ಕೊನಿ ಪೋಯ ಲೇದಿನಿ
8
. ಮಾಕಿ ಅನ್ನಮು ವಸ್ತ್ರಮು ಉಂಟೆ ಸಾಲು ಐಶ್ವರ್ಯವಂತುಡು ಆವಲನಿ ಮನಸ್ಸುನಿ ಸೇಸೋಳು ದುಷ್ಪ್ರೇರಣೆ ಅನ್ನಿ ಉರ್ಲಿಮ್ಲಾ ಸಿಕ್ಕಿಕೊನಿ ಬುದ್ದಿನಿ ವಿರುದ್ದಮಾಯ್ತೆನು ಹಾನಿಕರವಾಯ್ತೆನು ವುಂಡಿ ಅನೇಕ್ಮು ಆಸೆನ್ಲಾ ಪಡ್ತಾರು
9
. ಇಂಕ ಆಸೆಲು ಮನುಷ್ಯರನ್ನಿ ಸಂಹಾರನಿ ನಾಶನನ್ಲಾ ಮುಳುಗಿಸ್ತಾವಿ
10
. ಡಬ್ಬುಲು ಆಸೆನಿ ಸಕಲ ವಿಧಮಾಯಿನ ಶೆಡ್ದೆತನ್ಮುಕಿಮಾಯಿಂದಿ ಕೆಲುವುಡು ದಾನ್ಕಾಯಿ ಆತುರ್ಮುಪಡಿ ದಾನಿಂಚ ಕ್ರಿಸ್ತ ನಂಬಿಕೆಯನ್ನಿ ಇಡ್ಸಿ ಪಾರುಡಿ ಅನೇಕನಿ ವೇದನೆಯಿಂಕ ವಾಳ್ನಿ ತಿವಿಚ್ಚಿಚ್ಚಾಡು
11
. ಎಲೈ ದೇವುಡು ಮನುಷ್ಯನೇ ನುವ್ವಾಯ್ತೇನೋ ಇವುಗಳಿಂಕ ದೂರಮ್ ಆಯಿಂಡಿನಾ ನೀತಿನಿ ಭಕ್ತಿನಿ ನಂಬಿಕೆನಿ ಪ್ರೀತಿನಿ ಸ್ಥಿರಚಿತ್ತಾನಿ ಸಾತ್ವಿಕತೆನಿ ಇವುಗಳನ್ನಿ ಸಂಪಾದಿಂಚುಲೋ ಪ್ರಯಾಸ್ಮುಪಡು
12
. ಕ್ರಿಸ್ತ ನಂಬಿಕೆನಿ ಉಳ್ಳವಾಳು ಸೇಸತಕ್ಕನಿ ಶ್ರೇಷ್ಠ ಹೋರಟವನ್ನಿ ಸೇಸು ನಿತ್ಯಮು ಜೀವವನ್ನಿ ಪಟ್ಕೋ ದಾನ್ಕಾಯಿ ದೇವುಡು ನೀಲೀ ಪಿಚ್ಚಿ ಮಲ್ಲಿ ನಾ ಅನೇಕ್ಮು ಸಾಕ್ಷಿಲು ಮುಂದ್ರೆ ಮಿಂಚಿ ಪ್ರತಿಜ್ನೆಯನ್ನಿ ಸೇಸ್ನಾವೆಕದಾ
13
. ಸರ್ವಮು ಸೃಷ್ಟಿಕಿ ಜೀವಾಧಾರಕ್ಮು ದೇವುಡು ಮುಂದ್ರನೂ ಪೊಂತ್ಯ ಪಿಲಾತುಡು ಕಾಲಮ್ಲ ಶ್ರೆಷ್ಟಪ್ರತಿಜ್ಞೆಯನ್ನಿ ತಾನೇ ಸಾಕ್ಷಿಯಾಯಿಂದಿ ಸ್ಥಾಪಿಸಿಂಚ ಕ್ರಿಸ್ತ ಯೇಸುವಿನಿ ಮುಂದ್ರನೂ ನೀನು ನೀಕಿ ಖಂಡಿತಮಾಗಿ ಸೋಪ್ಪಿನಾ ಅಂಟೆ
14
. ಮಾ ಕರ್ತುಡಾಯಿನಾ ಯೇಸು ಕ್ರಿಸ್ತುಡು ಪ್ರತ್ಯಕ್ಷಳೈನಾ ಗಂಟ ನಾ ಸುವಾರ್ತೆಮು ವಿಧಯನ್ನಿ ನಿಷ್ಕಳಂಕ ಮಾಯಿನು ನಿಂದಾರಹಿತಮಾ ಆಯಿನ ರಕ್ಷಿಸಂಚಾಡು
15
. ಭಾಗ್ಯವಂತುಡಾಯಿನಾ ಏಕಾದಿಪಾತಿನೂ ತನ್ನಿ ಕ್ಲುಪ್ತ ಸಮಯಮ್ಲಾನೆ ವಾಡ್ನಿ ಪ್ರತ್ಯಕ್ಷುಮು ಪಡಿಸಿಂಚಾಡುನಿ
16
. ಆ ಏಕಾಧಿಪತಿನೂ ರಾಜಧಿರಾಜುಡು ಕರ್ತುರ ಕರ್ತುಡು ವಾಡು ಒಕ್ಕಟೆ ಅಮರತ್ವಮು ಉಳ್ಳವಾಳು ಅಗಾಧಮಾಯಿನಾ ಬೆಳಕ್ನಿ ವಾಸಮು ಸೇಸ್ತಾನು ಆಯ್ನಾಡು ಮನುಷ್ಯರನ್ನಿ ಯೋಳು ವಾಡ್ನಿ ಕನ್ಲೆದು ಯೋಳು ಕನ್ಲೆಲೇರು ವಾಡಕಿ ಮಾನಮು ನಿತ್ಯಾಧಿಪತ್ಯಮು ವುಂಡ್ನಿ ಆಮೆನ್
17
. ಇಹಲೋಕ್ಮು ವಿಷಯಮ್ಲ ಐಶ್ವರ್ಯ ಉಳ್ಳವಾಳು ಅಹಂಕಾರಿನಿ ಆವ್ಕುನ್ನ ಅಸ್ಥಿರಮಾಯಿನಾ ಐಶ್ವರ್ಯನಿ ಪೈನಾ ನಿರೀಕ್ಷೆನೆ ಪೆಟ್ಕುನ್ನ ಮಾ ಅನುಬೋಗಕೊಸ್ಕರುಮು ಮಾಕಿ ಅನ್ನಿ ಇಚ್ಚಾಡು
18
. ಹೇರಳಮಾಯಿನಾ ದಯಪಾಲಿಸಿಂಚ್ಚಾಡುನಿ ದೇವುಡು ಪೈನಾ ನಿರೀಕ್ಷೆನೆ ಪೆಟ್ಟಿಂಟಿ ಸತ್ಯಂ ಆಯುಂಡಾಲ ಜೀವುವನ್ನಿ ಹೊಂದುಂಡೆಕೋಸ್ಕರಂ ವಾಡು ಒಳ್ಳೆದನ್ನಿ ಸೇಸೋಳು ಸತ್ಕಾರ್ಯನ್ಲಾ ಶ್ರೀಮಂತುಡು ಧಾನಮು ಧರ್ಮುಮುಲನಿ ಸೇಸೋಳು ಪರೋಪುಕಾರ್ಮು ಸೇಸೋಳು ಆಯುಂಡಿ
19
. ಮುಂದ್ರನಿ ಕಾಲಲೋ ಒಳ್ಳೆ ಅಸ್ತಿವಾರನಿ ವಾಣ್ಲ ಸೇರ್ಚಿ ಪೆಟ್ಕೋ ಅನ್ನಿ ವಾಡ್ಕಿ ಆಜ್ಞಾಪಿಸಿಂಚಿ
20
. ಎಲೈ ತಿಮೋಥೆಯಡು ಜ್ಞಾನಮು ಉಪದೇಶಮ್ನಿ ಸುಳ್ಕಿ ಸೊಪ್ಕೊನಾ ಬೋದನೆಕಿ ಸಂದರ್ಭನಿ ಪೆಟ್ಟಿನ ಪ್ರಾಪಂಚ್ಮುಕು ಆಯಿನಾ ಆ ಹರಟೆಕಿ ಮಾಟಲಿಕು ವಿವಾದಲಿಕು ನಾ ದೂರ್ಮು ಆಯಿಂಡಿನಾ ನಾ ವಶಲೋ ಇಚ್ಚುಂಡೆದಾನ್ನೇ ಕಾಪಾಡು
21
. ಕೆಲುವುಡು ಆ ಸುಳ್ಳಾಯಿನ ಜ್ನಾನವನ್ನಿ ಅವಲಂಬಿಂಚ್ಚಿ ಕ್ರಿಸ್ತ ನಂಬಿಕೆ ಇಂಕ ಭ್ರಷ್ಟಾರಾಯಿಂದಿ ಕೃಪೆನೂ ಮೀಜೊತ್ಲಾ ವುoಡ್ನಿ