¹ .ತಂಡ್ರೀಯಾಯೀನ ದೆವುಡುಲಾನು ಕರ್ತುಡೈನ ಯೆಸುಕ್ರೀಸ್ತುಡುಲಾನು ವುಂಡೀನ ತೇಸೊಲೋನೀಕ ವಾಳ್ ಸಬೇಕೀ ಪೌಲುಡು ಸೀಲ್ವಾನುಡು ತೀಮೊತೆಯು ಅನೆ ಮಾಮು ರಾಸೆದೆಮಂಟೆ ಮೀಕೀ ಕೃಪಮು ಶಾಂತ್ಮು ಅವ್ನೀ. ² ಮಾಮು ನಮ್ಬುಕುಂ ವಲ್ಮುಯು ಯುಂಯೀನ ಮೀ ಕೆಲ್ಸುಮುನೀ ಪ್ರೀತೀ ಪೂರ್ವಕ್ಮಾಯೀನ ಮೀ ಪ್ರಾಯಾಸ್ಮುನೀ ಮಾ ಕರ್ತುಡೈನ ಯೇಸು ಕ್ರೀಸ್ತುಡ ಪೈನ ನೀರುಕ್ಷುಮು ಉಂಟಾಯೀನ ಮೀ ಸೈರಣೆನೀ ಮಾ ³ ತಂಡ್ರೀಯಾಯೀನ ದೇವುಡು ಮುಂದ್ರ ಎಪ್ಪುಡು ಜ್ನಾಪಕುಮು ಸೇಸ್ಕೊನೀ ಮಾ ಪ್ರಾರ್ತುನುಮ್ಲ ಮೀಕೊಸ್ಕರ್ಮು ವೀಜ್ನಾಪುಲು ಸೇಸೆ ನಪ್ಪಡೀ ಮೀ ಅಂದ್ರು ವೀಷಯುಮ್ಲ ದೇವುಡುಕೀ ಎಪ್ಪುಡೀ ಕೃತಜ್ಞತ್ಮು ಸಲ್ಲೀಸ್ತಾಮು. ⁴ .ದೇವುಡು ಪೀತೀಚ್ಚೀನ ಸಹೋದುರುಲಾ ⁵ ಯೇಸು ಮುಮ್ಮಲ್ನೀ ಅರ್ಸ್ನೋನೆ ಅನೆದ್ನೀ ಮಾಮು ಸಾಲೀಚ್ಚೀನ ಸುವಾರ್ತುಮು ಮೀಲಾ ಬರೀ ಮಾಟಾಯೀ ರಾಕುನ್ನ ಶಕ್ತೀಯೀಂಚಾನು, ಪವೀತ್ರಾತ್ಮುಡೀನ್ಚಾನು ಬಹು ನೀಶ್ಚಯ್ಮೀಚಾನು ವಚ್ಚೆಅನೀ ಬಲ್ನೆಮು ಮಾಮು ಮೀಲ ವುನ್ಡೀ ಮೀಕೊಸ್ಕರ್ಮು ಎಟ್ಟೋಳಾಯೀ ವರ್ತೀಚ್ನಾಮು ಅನೀ ಮೀರು ಬಲ್ನಾರು. ⁶ .ಈದ್ನಾಕುನ್ನ ಮೀರು ಬಹಳ್ಮು ಹೀಮ್ಸೆನೀ ಅನುಬವೀಯಾಲನೀ ಪವೀತ್ರಾತ್ಮುಡೀಂಚ ಉಂಟಾನು ಅನಂದ್ಮುನೀಂಚ ದೇವುಡು ವಾಕ್ಸುಮುನೀ ಅಂಗೀಕರೀಚೀ ಮುಮ್ಮಲ್ನೀ ಕರ್ತುಡೈನ ಯೆಸುನೀ ಅನುಸರೀಚ್ಚೋಳಾಯ್ತಾರು. ⁷ ಈಟ್ಟೆ ಮೆಕೆದೊನ್ಯಲಾನು ಅಕಾಯ್ಮು ಲಾನು ಕ್ರೀಸ್ತುಡ್ನೀ ನಂಬೋಳನ್ದ್ರುಕು ಮಾದರೀ ಅಯ್ತಾರು. ⁸ ವಾಕ್ಯಮು ಮೀ ಇನ್ಚಾನೇ ಮೆಕೆದೊನ್ಯಲಾನು,ಅಕಾಯಲಾನು,ಗೊಷೀತ್ಮು ಅಯುಂಡೆದೀ ಕಾಕುನ್ನ ದೇವುಡು ಮೀಂದ ಮೀರು ಪೆಟ್ಟೀನ ನಂಬುಕ್ಮು ಅನ್ನೀ ಸ್ಪಳ್ಮುಲಾನು ಪ್ರಸೀದ್ಮು ಆಯೆ ದಾನೀಂಚ ಈ ವೀಷಯುಮ್ಲ ಮಾಮು ಏಮೀ ಸೊಪ್ಪೇ ಕಾಯುಂಡೆ ಲೆದು. ⁹ .ಮಾಮು ಮೀ ದೆಗ್ರುಕೀ ವಚ್ಚ್ನಪುಡೀ ಮೀರು ಎಟ್ಟ ಮನ್ಸೀಂಚ ಮಾ ಬೋದನಾನೀ ಇನ್ನಾರೋ ದಾನ್ನೀ ಕುರೀಚ್ಚೀ ಅನ್ಜನ್ಮು ವಾಳೆ ಸೋಪ್ತಾರು ಅದ್ನಾಕುನ್ನ ಮೀರು ವೀಗ್ರಹಲ್ನೀ ಎಡ್ಸೀಡ್ಸೀ ದೇವುಡು ತೊಟ್ಲೀ ತೀರೀಕೊನೀ ಜುಡುಂಡೆ ಸತ್ಯುಮು ದೇವುಡುನೀ ಸೆವೀಚ್ಚೋಳಾ ಅಯ್ನಾರನೀ. ¹⁰ .ಯೇಸು ಸಚ್ನೊಳೀನ್ಚ ಲೇಸುಂಡೆ ಅಕಾಶ್ಮು ನೋನೀಂಚ ಪಚ್ಚೆ ವಾಡ್ ಕುಮಾರುಡ್ನೀ ಎದ್ರು ಸುಸ್ತೋಳಾಯ್ತಾರನೀನೂ ತೀಲ್ಚೀಸ್ತಾರು ಈ ಯೇಸು ಮುಂದ್ರೆ ವಚ್ಚೆ ದೇವುಡು ಶೋಪ್ಮು ಇಂಚ ಮುಮುಲ್ನೀ ತಪ್ಪೆಚ್ಚೆ ವಾಡು.