¹ ಜಾರತ್ವಮಮು ಉಂಡ ದಿ ಅನಿ ಜನಮು ಸಾದರಣಮು ಐನ ಸೊಪ್ಪುತ್ತಾರು ಒಗ ಡು ಒಳಬ್ಬ ಪೆಡ್ಲಂ ನೀ ಪೆಟ್ಟಕನಾಡು ೦ ಟ ಅಂಟಾ ಜಾರತ್ವ ಐನ ಅನ್ಯಜನಂಲ ಲೇದು ² ಉಣ್ಣ ಮೀರು ದುಖಃ ನೀ ಸುಬಿಗುಣ್ಣ ಈ ಕಾಯಂ ಸೇಸಿನಾವಾಡ್ನ ಮೀಲೋಗನಿಂಕ ಸಿಸೇಗುಣ್ಣ ಕೊಚ್ಚಗಟ್ಟೆ ಉಂಡಾಳು ಕದ ³ .ನಾನೈನ ದೇಹನಿಂಕ ದೂರ ವಾಹಿ ನಾನು ಆತ್ಮನಿಂಕ ಅತ್ರಲ ಉಂಡಿ ಈ ಕಾರ್ಯಮು ಸೇಸಿ ವಾಡನಿ ತಿಲಚ್ಕನಿ ಅಪಡೆ ಅತರ ಉನ್ನಂಟಾಗ ತೀರ್ಪು ಸೇಸನಾರು ⁴ .ಅಂ ಟೆ ಮೀರು ನಾ ಅತ್ಮನೀ ಕರ್ತುಡ್ ಐನ ,ಯೇಸುವಿನ ಸಾಮರ್ಥ್ಯಲ ಸಹಿತ ಕೂಡಿ ವಚ್ಚಿನ ವಾಳಯಿ ⁵ .ಕರ್ತುಡೂ ಐನ ಯೇಸುವಿನ ಪ್ರತ್ಯಕ್ಷಮ್ ಐನ ದಿನಂಲ ಅಟ್ಟು ವಾಡ್ನಿ ಆತ್ಮನಿ ರಕ್ಷಣಂ ಹೊಂದಿದಾನಿಕಿ ಐ ವಾಡಿನ ಶರೀರಬಾವನೀ ನಾಶನಮು ಕಾವಲ ಅನಿ ಮಾ ಕರ್ತು ಡೈನ ಯೇಸುವಿನ ಪೇರಲ್ಲಾ ವಾಡ್ ನಿ ಸೈತಾನಡುಗಿ ಒಂಪಿ ಅಲ ಅನಿಯೇ ⁶ .ಮೀರು ಹೆಚ್ಹಿಚಿದಾನಿಗಿ ಮಂಚಿದಿ ಕಾದು ಕೊಚ್ಚಯು ಪುಲುಪು ಕಲಪುತೆ ಕಣಿಯಂತ ಪುಲುಪು ಆತದಿ ಮೀಕಿ ಗೊತ್ತಲೇದಾ ? ⁷ . ಮೀರು ,ಪುಲುಪು ಲೇದು ಅನಿ ಜದಾನಿಂಕ ಪಾತು ಪುಲುಪನಿ ಸೇಸಿ ಏಸಿ ಕೊತ್ತದಿ ಕಣಿಕ ಐನಂತ್ಗ ಉಂಡರಿ ,ಎಂದುಕ ಅಂಟೆ ,ಮಾ ಪಸ್ಕಪಂಡಗುನಾ ಯಜ್ಞ ಮೈನಾ ಗೋರ್ಲ್ ಕೂಸಿ ಉಂಡದಿ ಆದಿ ಯಾವುದು ಅಂ ಟೆ ಕ್ರಿಸ್ತುಡೂ . ⁸ .ಆಯಿನ ಮಾಮು ಪಾತು ಪುಲುಪನೀ ಅಂ ಟೆ ದುರ್ಮಾರ್ಗನೀ ದುಷ್ಟತ್ವನೀ ಐನ ಪುಲುಪನೀ ಪೆಟ್ಟಕ ಗುನ್ನ ಸರಳ ಮೈನ ಸತ್ಯಮೈನ ಪುಲುಪು ಲೆಗುಣ್ಣ ರೊಟ್ಟಿನೀ ಸೇಸುಗಾನಿ ಪೆಂಡಗನಿ ಸೈಯಾಲ . ⁹ .ಜಾರರ ಸಹವಾಸಮು ಸೈಯಗೂಡ ದು ಅನಿ ನಾ ಪತ್ರಿಕೆಲಾ ರಾಸಿಂದಿ ಕದ. ¹⁰ . ಈ ಲೋಕಂಲಾ ಜಾರರಲು ಲೋಭಿಲು ,ಪೇರಿಕಿ ಕೊನ್ನವಾಳು .ವಿಗ್ರಹಾರಾಧಂಮ್ಲಿ ಸೇಸ್ನವಾಳು ಸಹವಾಸಮಿಲ್ಲಿ ಇಡಿಸಿ ವಲ್ಲ ಅನಿ ನಾ ಆಲೋಚನಮು ಕಾದು. ಅಟ್ಟಿ ಗೆ ಉಡಿಯಲ ಅಂ ಟೆ . ಮೀರು ಈ ಲೋಕಂನೇ ಇಡಿಸಿಪೋವಾಲ. ¹¹ . ಆತೇ ಕ್ರೈಸ್ತಸಹೋದರಲು ಅಮಿಂಚನವಾಳು ಜಾರನಾಯನಾಳು ಲೋಭಿಯಾನಡು ವಿಗ್ರಹಾರಾಧನೆ ಐನಾಡು ತಿಟುವಡು ಐನ ತಗಡು ಐನ ,ಪೇರಿಕ್ಕನ ವಾಡು ಐನ ಆ ಪಕ್ಷಮ್ಲ ವಾಡ ಸಹಾವಾಸಂ ಸೈಯ್ ಗೂ ಡ ದು ,ಅಟೂಡ ವಾಡ್ ಜೋತ್ಲ ಸಹವಾಸಂ ಉಟ ಮ್ ಸೈಯ್ಗೂಡ ದು ಅನಿ ರಾಸಿನಾನು . ¹² .ಆತಾನವಾಳ್ಕಿ ತಿಲಚಿ ತಿರ್ಪುಸೆಸಿ ದಾನಿಕಿ ನಾಕೇಮಿ ಅದಿಕಾರಮು ಲೋಗಾಲಿ ಉಂಡೆವಾಲ್ಕಿ ತಿಲಚಿ .ತಿರ್ಪುನೀ ಸೋಪ್ಪೆವಾಲ್ನಿ ಮೀರ್ ಕದ? ¹³ ಉಂಡ ವಾಳ್ ನಿ ತಿಲುಚಿ ತೀರ್ಪು ಸೋಪ್ಪೆವಾಡು ದೇವುಡು .ಆ ದುಷ್ಟಡ ನಿ ಮೀ ಮಧ್ಯ ನಿಂಕ ಸೀ ಸೈಯಾಲಾ .