¹ Bakwangu, mwa shakali ne ntumelo kwa Nfumu Jeso Kreste, Nfumu we tubo, nemu sharura bantu. ² Tuteye zyumwinya akezya kukabila mu mukopano nazwesi sale lye gauda ne zizwato zi rotu, kame ku kabira mukwame wo njebwe mu zizwato za masira. ³ Haiba mutonda o muntu a zwesi zizwato zirotu no kutaye, "Mukare ha chibaka chirotu," kono nokuta mukwame wo njebwe, "Ewe zyimanine kwina," kapa, "Kare kuma tende angu," ⁴ kamuli atuli mukati kenu? Kali shemwa kali baatuli kemihupulo mibbi? ⁵ Muteeze, bakwangu ndishaka, nga Nyambe kali nia shara babotana bo mufasi kutiye bakale ba fumu noku jobola mubuso wa Nyambe wina niwa sepiswa kwabena ba mushaka, ⁶ Kono nimwa bulisa ekute babotana! Ye kali bafumi kabami lyatilile? Kame kali mbabo niba mitwala kunkuta? ⁷ Kaba tuki ezina ndotu oku mu wira? ⁸ Kono, haiba ni mu bumbiliza mulao o chizo mbwe muntimana, "shake bakwako omo oli shakira" mutenda nenja. ⁹ Kono haiba mushaka bulyo ba mwinya bantu mutenda echibi,Mi omurao umiatula ye muli bacholi bo omurao. ¹⁰ Yenshe akutika omurao wonshe,kono akwanga nanga munjira yonke, aba nomurandu oku chora omurao wonshe. ¹¹ "Wa zywina nata ye, "Washa tendi bushahi," Kame nata ye, "washa yahi."Heba kamu tendi bushahi, kono muyaya, muba aba choli bo murao. ¹² Cwale muambe nokutenda mbwe mbaa bena aba ni ba aturiwe ko murao we ntukuruho. ¹³ Kakuli enkaturo ikezya kwa azya enshe kwa bena kali niba sunda enshe.Enshe zihita enkaturo. ¹⁴ Entuso njehi ba kwangu, heba zyumunya ena entumero, kono azya emitendo? Nga ina entumero iwora kumuhaza? ¹⁵ Tuteye mukwetu kana zwati nenja kame aazya e chilyo mwa lilyo zyuba,, ¹⁶ Tuteye zyumuinya ata kwabo, "yende kempore, katukutilwe noku kuta." Kono ko muhi ezi zibotele omubili, chinji mwaa tusi? ¹⁷ Munjira ya bulyaho entumelo aiba, yaazya emitendo ifwiite. ¹⁸ Tema zyumwinya mbwate ye, "akwesi ntumelo eme ndikwesi zitendantu, "Ndi sunde ntumelo yako yaazya ezitendantu, cware eme mbondi ku sunde ntumelo yangu ke zitendantu. ¹⁹ Muzumina ye kwina Nyambe yenke, mutenda nenja. Kono nima dimona azumina bulyaho, nokututuma. ²⁰ Oshaka ku zyiba, mukwame musiru, entumelo eyi yazya ezitendantu yazya entuso? ²¹ Shwetu Abrahama kali nia bikiwa ozyo arukite ke zitendantu aho niya ha mwane Isaka aka tara? ²² Mutonde entumero niya bereka nezitendantu zakwe, mi kezi tendantu entumelo yakwe niya kura hawa. ²³ Entimana niya libumbiliza ina ita ye "Abrahama nazumina Nyambe mi nabaliwa ozyo arukite." Mi noku kuwiwa mushere wa Nyambe. ²⁴ Mubwene kuti ye ke zitendantu muntu atendiwa ozyo arukite, kali ke ntumelo bulyo. ²⁵ Munjira yi fwana, Rahaba e hure naa bikiwa ozyo arukite kemitendo, anaa tambura ba vara nokubata ye ba yende e njira yingi? ²⁶ tutiye omubili waazya oruho ufwite,ko bulyaho entumelo ya azya emitendo yi fwite.