¹ Emi Use gaino more linginda, ya komelae Inango la bana b'ago, abalembei molomene, atingoo emi laene inde boto botubu aguhe moeta ye Mungu, ² po ye lomene alongale mobito moete y'iso pe photo laiso po he lingo. ³ Ngolu, la ngandi pe gehoi ingale laino batubu otoga gongale IɔngiaƆngia Ise gaiso, otoga gongale Yesu Kilisito, Bona gande, moete lomene la oboto. ⁴ Ye sagela nde guya bana basina abangale moenda mo ndole ye lomene, olingola bobeko abuy'esu gongale IɔngiaƆngia . ⁵ Ogiogi , nde lengela ,Inango ati ambo ye nde pagɛ mobeko bo sika , inde bobeko bo gologol, mbo tolembane. ⁶ Olembana bwaho bwende mbo tolembane ogia bea bebeko biande. Mongala bebeko o belubane tee a gologolo, inde mogelane mbo boendei moeta bebeko biaɔ. ⁷ Baito obasege bagelegi ba baito bangale bwiye mo ge huma gie, bati moyambola mbo Yesu Kilisito eyaa nde la bindo. Ge ogo angale boto ga bwela bwemaeli bo Kilisito. ⁸ Ngalei la bokengi a bwina bo mbo ligwa liaino litoa bwasi, inde mbo buyei liputi liaino litubu. ⁹ Agangoagola,atingale se po yooa malakisi ma Kilisito, IɔngiaƆngia ati goete yande. Inde mbo aga ngala se goa malaeisi ba Kilisito, IɔngiaƆngia la bona gande bengale goeta yande. ¹⁰ Mongambo, boto eyela gɛ indi ati la malaisi mo bwingo yamba ge go mbele yago la bwango paă ge gesée. ¹¹ Oga pa gɛ mbote aimilia goenda lande mo mbeo ibe. ¹² Yela mbeo bwiye y'okomelae inde mbo iti sagele okomelae mo lokasi la wino. inde mbo yegelana goya goangalea potoselengane baiso a baiso, a bwina mbo osagela bwiso bongale ɔlɔ a ngandu. ¹³ Bana ba bwelo gago betomela gə mbote.