¹ Va aluaka ku simu dia diambu, ku nsi ya Ngadaleni. ² vana vawu Yisu kakulumuka mu nlungu, kua yiza va ntadisi ani muntu watuka ku zindiamu ye waluaka ye mpeve yambi. ³ Muntu wowo wakala zingilanga ku zindiamu, ye ka mosi ko walenda kunkanga, kani mu mbienga. ⁴ Kadi konso ko ntangu wakala ye yisengua mu malu ye wakangua mu zimbienga ye wadamuna zimbienga ye tolola yisengua, ye kamuntu ko wakala ye ngolo mu kunsimbinina. ⁵ Kadi wakla ntangu zazo, fuku ye muini kuna kati kia zindiamu ye kuzulu dia miongo, yu boka ye kiluekisa mu matadi. ⁶ Bu kamona Yisu kuuanda, wazaula ye wa yinama va ntadisi ani. ⁷ Ye waboka mu ndinga yangolo wavova: Nki kiena va kati kua ngeye ye mono, Yisu, muana a Nzambi yazangama? Ngieti dio kulombila mu nkumbu a Nzambi, kunkuamisani ko. ⁸ Kadi Yisu wamvovisa vo: Vayika mu muntu wao, mpeve yambi. ⁹ Ye wayuvula, nkumbu aku nani? Kiuma, i nkumbu ami, kadi tuena ayingi. ¹⁰ Ye watatamana kunlomba mu lembua ku afila ku nganda a nsi. ¹¹ Bu akala kuna, lukufi ye mongo, kamba dia zingulu diavioka. Ye zimpeve zambi zambombidila ye zingulu diavioka. ¹² Ye zimpeve zambi zambombidila ye zavova: Utufila mu zingulu zozo mpasi vo tuakota mu zau. ¹³ Ye wakubavanina dio luve, ye mpeve zambi zavayika, akota mu zingulu, ye kamba dia zingulu dianengumuka nate ye muna mbu. Zakala tezo kia mafunda mole, ye za dimuka mu mbu. ¹⁴ Akala zo tuelanga, atina ye ayenda muangisa nsangu mu kati kia zimbanza ye mu mavata. Antu ayenda tala momo mavioka. ¹⁵ Afinama lukufi ye Yisu, ye amona lauki, ndioyo wakala ye kuima kia zimpeve, wavuanda, wavuata, ye wasungama, ye abakama kua wonga. ¹⁶ Awonso amona mavioka aku azayisa wonso umaviokila kua lawuki ye kua zingulu. ¹⁷ Ayantika bombidila Yisu kavayika mu nsi awu ¹⁸ Va kakala mantanga mu nlungu, ndioyo wakala nlawuki wanlomba luve kidi kakalanga yani. ¹⁹ Yisu kanvanina dio luve ko, kansi mwa nkamba vo: Wenda mu nzo aku, kua ayaku ye uku azayiss momo mavengi mfumu mu ngeye, ye wonso wukaku fuila nkenda. ²⁰ Yani wayenda, ye wayele muangisingi nsamu mu zi mbanza kumi za nsi mamonsono mavanga Yisu nu yani ye ye awonsono asivika. ²¹ Yisu wakota mu nlungu wasawuka ku simu diankaka, kuna ndonga ya antu yakutakana lukufi ye yani. Yani wakala mu nseke a mbu. ²² Ye vayiza mfumu mosi mu zimfumu za kinlongo wakala ye nkumbu ya Yayilo, va nkamona, wakilosa va malu mani, ²³ Ye wambombidila konso ewu: Muana ame wafioti wa nketo weka lukufi ye fua, wiza mw ntetika moko kiadi vo kavuka ye kakala moyo. ²⁴ Yisu wayenda yani ye ndonga ya antu ya ku nlanda ye ku afietikisa. ²⁵ Kiongo ko, vakala mketo mosi wabakama kimbevo kia vayika menga tuka mimvu kumi ye zole. ²⁶ wamona mpasi zayingi beni va moko ma ndonga a momviki, wa teka biabio biakala yani, kamona nkutu disuasuani ko, kansi nkutu mpasi zani zasaka ye saka. ²⁷ Va kawa nsangu za Yisu, wakota kua ndonga ya antu kulunima, ye wasimba mvuatu ani. ²⁸ Kai wavova: Vo ngina simba kani vo mvuatu miani ngina niaka. ²⁹ Ye vana fulu beni mpayikulu a menga yakangama, ye wamona mu nitu ani vo waniaka mu yela kuani ³⁰ Yisu wabakula vana fulu vo mu kati kuayani kibeni, ngolo zimosi za vayika mu yani ye wa bangumuka va kati kua nkangu, wa vovoa: Nani simbidi mvuatu ami? ³¹ Minlongoki miani mia mvovisa: Wati mona kuaku vo ndonga yeti kutu fietikisa, ye weti vova; nani unsimbidi? ³² Ye wazungisa meso mu kinzungidila kiani, mu tala ndiona wavanga mampila yoyo. ³³ Nketo, ye wonga ye zakama, wazaya momo mavioka mu yani; wayiza fukama va mal mani, ye wanzayisa kedika kiakio. ³⁴ Kansi Yisu wankamba: Muana ame wanketo, minu kiaku kikuvuluzi, wenda mu yenge, ye niaka kuaku mu yela kuaku ³⁶ Kansi Yisu, lembua kua landa mpova zau, wavova kua mfumu a kinlongo: Kumonani wonga ko, kuikila kaka. ³⁷ Ye kavana luve kua muntu ko mu kunlanda, vo i kakua Petelo, kua Yakobi, kua Yoani, mpangi Yakobi. ³⁸ A luka kuna nzo ya mfumu a nkilongo, kuna Yisu wamona ndoga ntela ntela ye antu adila ye aboka mu ngolo zazo ³⁹ Wakota, ye wabavovisa: Bila nki nueti tudila mazu, ye bila nki nueti didila? Muana kena wafua ko, kansi lele. ⁴⁰ A mvungutila ye bu amana vayikisa awo, wabaka se ye ngudi a muana, ye awonsono ayenda yani, wakoya yau vana vakala muana. ⁴¹ Wansimba mu koko, ye wavova: "Talita kumi" dibangudi: Muana ndumba telama, mono i kuzayisi. ⁴² Vana fulu, muana ndumba watelama, ye wadiata, kadi wakala ye mvu kumi ye zole. Awonsono ayitukua mu ngolo. ⁴³ Yisu waku akanina mu ngolo, mu lembua zayisa diambu diodio kua antu, ye wkambua bika muana nketo kavewa kiandia.