¹ Ngiantukulu ya nsangu za mbote za yesu Klisto, muana Nzambi. ² ma sonokua muna yesaya, wa m'bikudi, tala: " mfidisi va n'tadisi aku ntumua ame, yani sika kubika nzila aku.> ³ yi ndinga ya nduna bokanga mu ma kanga, lukubika nzila a mfumu ye lu leleka zi nzila zani za fioti. ⁴ Yowani wa semoka, m'botiki muna makanga ye walongelanga mbotokola ya mvilukulu a madiela. Mukuma kia ngiabudulu a masumu. ⁵ ya wonsono ya Yuda ye bantu ba wonso ba Yelusalemi bayendanga kua yani ye ba fungunanga masumu mawu ye ba tambula mbotokolo kua yani muna nzadi a yolodani. ⁶ Yowani wa vuetenge m'vuatu mia mika mia kamela ye n'singa a n'kanda bulu muna luketo. Wa didingi makonko ye wiki. ⁷ Wa longelenge vo: ku nimami, ndo weti kuiza wundutidi mu lendo ye kina nkutu wa fuana mu kutula n'singa mia nsapatu zani ko. ⁸ Mono ya kulu botekele mu maza. Yani si ka kulu botika mu mpeve a nlongo. ⁹ Mu ntangu yina, yesu wa tuka ku Nazaleti ye kuenda ku ngalili. Ye wa botukua kua Yowani muna yolodani. ¹⁰ ka vayika mu maza, wa mona mazulu ma zibuka ye mpeve ya kulumuka mu yani bonso yembe. ¹¹ ndinga ya wakana mu mazulu ya vova: ngeye yi muana ame a n'zolua, mu ngeye muna nzola amu ya wonsono. ¹² Vana vawu, mpeve ya nata kuna kanga, ¹³ kakala makumaya ma lumbu mu mpukumuni za satana. Wa kala kuna ye bulu ya mfinda ye zi Mbasi za n'sadisanga. ¹⁴ Ku nima Yowani, va kamana yekolua, yesu wa yenda kuna Ngalili, kuna ka longelenge n'samua mbote wa Nzambi. ¹⁵ kala ta: Ntangu yi fuene, kimfumu kia ma zulu ki finamene, lu vilula madiela ye lu kuikila mu n'samua mbote wa mpa. ¹⁶ Muntangu kakala lutanga kuna simu dia m'bu a Ngalili, wa mona Simoni ye Andele, mpangi a Simoni. Bakala tuba konde mu m'bu, kadi akala min'lowi. ¹⁷ Wa batela: lu ndanda ye si ya lukitula n'lowi mia antu. ¹⁸ Vana vawu asisa makonde mawu ye ba n'landa. ²⁰ yenda kua nda fioti, wa mona Yakobi, muana Zebedayi ye Yowani, mpangi ani, bakala muna n'lungu ye ba kala vangululanga makonde mawu. ¹⁹ vawu wa babokela ye asisa Se diawu muna n'lungu, kintuadi ye bisadi, ye ba n'landa. ²¹ Wa yenda kuna kapelenawumu, mu lumbu kia sabala, yesu wa kota ntete mu nzo a Nzambi ye wa longela. ²² Ba wonso ba yitukua mu malongi mani, kadi wa longela bonso mfumu kansi ka bonso min'soniki ko. ²³ nzo a Nzambi awu mua kala muntu mosi wa kala ye mpeve ya sumuka, wa kaya mu ngolo za wonso: ²⁴ Nkia diambu va kati kua yeto ye ngeye, yesu muisi Nazaleti. Wizidi mu kutu vidisa. Nzeye ngeye i nani, wa n'longo a Nzambi. ²⁵ Yesu wa nuanisa, wa ta: kanga nuaku ye vayika mu muntu ndondo ²⁶ mpeve ya sumuka ya vayika mu muntu ndondo, ya nikuna mu ngolo za wonsono ye ya kaya mu ngolo za wonso ²⁷ Awonso a yitukua ye a ki yuvula yawu ye yawu: nkidiaka kiaki? ndongolo za mpa. Wuta tumina mpeve za sumuka mu kimfumu kia wonso, ye zita ku n'tumame na. ²⁸ Ye tunda diani dia yenda vana vawu muna yinzungidila ya wonso ya Ngalili. ²⁹ Mu mpayikulu ya nzo a Nzambi, wa yenda kintuadi ye Yakobi ye Yowani kuna nzo yaki Simoni ye Andele. ³⁰ N'zitu a Simoni wa kala wa lambalala, wa ka la ye yuku yuku. Vana vawu ba ta n'samu ani kua yesu. ³¹ Bu ka finama , wa n'telamesa mu koko kuani. Vana vawu yuku yuku dia n'katuka ye wa n'sadila. ³² Mu nkokela ku nima ntangu, ba nata kua yani mbevo za wonso ye antu akala ye mpeve za diabulu. ³³ ye mbanza ya wonso ya kutakana vana muelo ani. ³⁴ Wa niakisa mbevo za yingi za mpila mu mpila ye mpe wa kula mpeve za yingi za diabulu, ye ka vana n'kutu luve kua mpeve za diabulu za vova ko, ka za n'zaya. ³⁵ Mu n'siuka, wana tombe ka kiamanisieti ko, wa telama, wa yenda kuna kanga kuna ka sambidila. ³⁶ Simoni ye bawonso ba kala yani ba n'sosa. ³⁷ Kina ba n'solola, ba n'tela: bantu ba wonso beta ku sosa. ³⁸ Yani wa ba vutula: tuenda kua n'kaka mu mbanza za kinzungidila, ya longela mpe. Kadi dina mvayikidingi. ³⁹ Wa yenda ye wa longela mu zi nzo za Nzambi muna Ngalili ya wonso ye wa kula mpe mpeve za diabulu. ⁴⁰ N'kua wazi wa yiza kua yani, wa kituba va makungunu, wa ta mu kingongo kia wonso: vo zolele, lenda ku mvelelesa. ⁴¹ Yesu wa mona kiadi kia yingi, wa lambula koko kuani, wa n'simba ye wa ta: nzolele wo, kala wa velela. ⁴² Vana vawu wazi wa n'katuka ye wa velela. ⁴³ Yesu wa m'vutula vana vawu ye wa n'vana nsikudukusu za ngolo, ⁴⁴ ye wa n'tela: Keba kuaku mu ta nsangu zozo kua muntu'a n'kaka. Kansi wenda kisonga kua Ngudi'a nganga ye vana mu kuma kia mpedoso aku, ya wonso ya sikidisa Mose, mpasi vo ya kala kimbangi kua yawu. ⁴⁵ Kansi muntu ndondo, wa yenda, wa ta nsangu zozo mu ngolo za wonso ye mua wonso, na te kutu yesu ka lenda diaka kota mu ntendankongolo mu mbanza mosi ko. Wa kala vuandanga ku mbazi'a zi mbanza , kuna ma kanga. Ye antu a tukidingi mu ndambu ye ndambu.