అధ్యాయం 12
1
ఐదవ హింసాకాండ. పేతురు చెర ఆమీనే హీరోదు రాజు నమ్మకమిక్కిరా సమాజంకోరు కొద్ది మందిన బాధలు ఇడురుతుకు పుడుసుండుసు.
2
యేహాను తెంబిన యాకోబును కెత్తితో కొండ్రోడిచ్చుసు.
3
ఇదు యూదులకు ఇష్టంగా ఇక్కిరత పాతు, పేతురును కూడా బంద్దించుసు. అయిలు పొంగకుండాయిక్కిర రొట్టెల పండుగ రోజులు.
4
అత్తI పురుసుండువందు జైలుకోరు వోటు, పస్కా పండగ ఆన అంపిసెరి ప్రజలు ఎదురుకు అత్త అసుండువారుమిండు ఉద్దేశించున, అత్తుకు కాసిండు గుంపుకు నాలాలూ దారుపున నాలు సైనిక దళాలు నియమించుసు.
5
పేతురును చేరసలకోరు ఎచ్చుసు, ఆనికే సంఘము అత్తు కోసం ఎక్కువ ఇష్టంతోటి దేవురుకు ప్రార్దన చేంచు.
6
హీరోదు అత్త విచారణకు అసుండు వారుమిండు ఇండన్గంట్లే, ఆ నామారే పేతురు రెండు బేడీలోటు కట్టోటికి రెండాలు సైనికుల మధ్య కోరు ఓరిగొసు. కాపలా ఇక్కిరాయ జైలు వాకిలి మున్నే కాపలా కాసక్కి.
7
హఠాత్తుగా ప్రభు దూత అత్తుదాటే వందు నిలబూచ్చు. అదు ఇక్కిరు గదికోరు వెలుతురు ప్రకాశించుసు. దూత పేతురును తట్టి గభాన ఎద్దురు యిండు సొంచు. అపుడు అత్తు కీలు నుండి సంకెళ్లు ఊడి దీగిలిబూదోసు.
8
అప్పోరు దూత అత్తోటే నీను నడుముకట్టిండు చెరుపులు వోటుగోయిండు సొన్నుసు. పేతురు అనాగే చేంచు. ఆ మేనే "మేనే బట్ట వో టుండు నన్నుతో వా" ఇండుసు.
9
అదు బేల్లికి వందు దూత పెరుగులే వొయ్యి, దూత వల్ల జరుగుసు వాస్తవంఇండు తెలియదే,అత్తుకు దర్శనం పాకక్కిఇండుండ్సు .
10
మున్నే ఇక్కిర కాపలామో రెండవ కాపలామన దాటి పట్టణతుకోకు వొయ్యి ఇనుప వాకిలిదాకు వందప్పుడు అదు అత్తుకు అదే తెరుజుండుసు. అయిలు బేల్లికి వొయ్యి వండు బజారు దాటునపుడు దూత అత్తు దాటించి వొడోసు.
11
పేతురు తెలివందు ప్రభువు అసుకు దూతను పంపి హీరోదు కియ్యికోరునుంచి, యూదులు తలపెట్టిన అయిలు అద్దినుండి నన్ను తప్పిచ్చుసు యిండు ఇప్పుడు నాను నిజంగా తెలుజుండే ఇందుండుసు.
12
అత్త పాత తర్వాత అదు మార్కు అనే నామం ఇక్కిర యోహానునాసుకు అమ్మ మరియ ఊటుకువంచు; అద్దేరూ కలుజుండు ప్రార్థన చెయ్యక్కిదు.
13
అదు తలుపు తట్టునప్పుడు రోడా అనే వండు పనిమొనచో వందు వాకిలి వాంగురుతుకు వంచు.
14
ఆమ పేతురు గొంతు గుర్తుపుడుసు, ఆనందంతోటి తలుపులు వంగాకుండానే ఉల్లికి వోటెడుజుండు వొయ్యి, పేతురు వాకిలిదాటే నిలబూచ్చు యిండు సొంచు.
15
అత్తుకు అయిలు ఆమన పిచ్చిదు ఇండుసు. ఆనికే ఆమ సొంచు ముమ్మాటికీ నిజం యిండు ఆమ సొన్నునపుడు అయిలు, అత్తు దూత ఆగొచ్చు' ఇండుసు.
16
పేతురు ఇంకా వాకిలి తట్టిగాట ఇందికే అయిలు వాకిలి వాంగిపాతు ఆశ్చర్యపోసు.
17
అదు నిదానంగా ఇక్కసొన్ని అయిలు కియ్యిలుతో సైగ చేందు, ప్రభువు అత్త జైలుకోరు నుంచి ఎన బేల్లికి వాంగుసో అయిలుకు సొన్ని యాకోబుకూ తెంబినాయిలుకు ఈ విషయాలు తెలిజేయుముయిండు సొన్ని బయలుదేరి ఇ౦కొండు చోటుకు వోసు.
18
తెల్లరుజాములే పేతురు అందాసో యిండు సైనికులు ఎత్తనో కంగారుబూచ్చు.
19
హేరోదు అత్తు కోసం దేవి కండెబుగదోగురోకి కపలాయ ప్రశ్నించి అయిల మరణ శిక్ష విదిచ్చుసు. అత్తు తరువాత హేరోదు యూదాయ నుంచి కైసరియ వొయ్యి అటే నివసించుసు. హేరోదు దుర్మరణము
20
కలుజు రాజు దాటుకు వోసు రాజుకు నచ్చసొన్ని సహాయం చేయ్యిమిండు ఐలు అంతఃపురం పర్యవేక్షకుడైన బ్లాసస్తును వేడియు౦డుసు. అంతుకిండికె రాజు దేశమునుంచి అసుకు దేశముకు తింగురు పదార్దాలు వందిగాటిక్కి.
21
నిర్ణయించున ఒ౦డు హేరోదు రాజుల బట్టలు వోసుకొండు సింహాసనం మేనే వుక్కు౦డు అయిలుకు బోదించుసు.
22
జనులు, "ఇదు దేవురు స్వరమే కానీ మొంచనుతాదు అల్ల" యిండు కే కలోడుసు.
23
అదు దేవురుకు మహిమ కుడుకుళ్ళయిండు వెంటనే ప్రభువు దూత అత్తుకు భయంకరమైన రోగం కలిగించుసు. అదు పురుగులు బూదు చెతోసు.
24
దేవురు వాక్యం అత్తనకత్తనకు వ్యాపించుసు.
25
బర్నబా, సౌలు యెరూషలేములో అసుకు సేవ నెరవేరున తరువాత మార్కు ఇండ పేక్కిర యోహానును పెరుగోటి ఎచ్చు౦డు తిరిగి వంచు.