¹ Paulo ntumwa ya Yesu Kristo,okubulonza bwa Mungu, okubachesibwa baefeso, na okubikubagirwa bali omu Yesu Kristo: ² olukogo na omurhula muguhabwe oluhande lwa Mungu larha wirhu na emwa Nnahano Yesu Kristo! ³ agishwe Mungu ishe wa Nnahano Yesu Kristo, owarhugisha emigisho yoshi yo murhima omu hantu ho ubukuze omu Kristo! ⁴ omuye Mungu arhuchagwire embere lya okubumnwa kw'igulu rhube bashire na beru kweru embere lyage. ⁵ rhwaishi gwarha bilya birheganye omubuzigire bokuba bana bage n'okuchagulwa na Yesu Kristo okunyifinjo nyinja na obulonza, ⁶ okukuza na obukuze bwa olukogo arhuhaga emwa omusimwa muzigirwa. ⁷ omuye rhugwerhe obuchunguke oku muko gwage, okubabalirwa ebyaha. kushimbana na obugale bwo lukogo lwage. ⁸ bilya Mungu abulagaga na obwalagale, enyana zirhu okunkegero zoshi z'abumanye na obenge. ⁹ kurhujira rhumanye obukozi bwa obulonza, kushimbana na aminja marhanye galya arheganyagya omuye. ¹⁰ na okubuhe omu mikolo, hano akashanzi ka hika, okushoboza ebintu byoshi, omu Kristo ebiri emalunga na ebiri oku idaho. ¹¹ omuye rhwabire infula okurheganywa kushimbana na ishuzo lyo oyu okakola ebintu bioshi hurhenga omu ihano lyo bulonza bwage. lyo rhwa kozire omukukuza bo bukuze bwage, rhwe burhanzi obulangalire bwali omu Kristo. ¹³ omuye ninyu erhhi muba mwamo yunva omzwanzo gw'okuli enyigirizo za obuchunguke bwinyu omuye, mwayemeraga mwana chishwekera omumurhima muzira ishembo gulya bamulaganyagya, ¹⁴ ehi rhahabirwe oku mwimo, na oku buchunguke bwe bi Mungu achihaga oku kuza omu bukuze bwage. ¹⁵ ntyo nnani erhi nyunva baderha obwemere bwawe e mwa nnahano Yesu, na ombuzigire bwinyu enyanya za abazigirwa, ¹⁶ ntalesiri okuhana olukogo oku mwe. na nka muheba omu mahuno gani, ¹⁷ lyo Nnahano Mungu wirhu Yesu Kristo Larha wa obukuze amuhe omurhima gwa okurhimanye na obufulule omukarhi ka okumanya, ¹⁸ kuheba akamwole omu murhima gwinyu lyo mumanya bulangalire buchi bushwekine na okuhamagalwa kwake, bugale buchi bwa obukuze buli omu mwimo gwage abikire abazir'ishembo, ¹⁹ na bichi birhuyerekire rhwe rhu yemire obunene bwo buli, bwo buhashe bwage, buka yerekana haguma na obuzibu omu kuli na emisi. ²⁰ arhumaga omu yesu kristo, erhi afula omu bafire, na okumutamaza ekulyo kwage omu hantu ha ubukuze, ²¹ enyanya za uburhambuzi bwoshi na obuku bwoshi, na obuhashe bwoshi n'olukengwa lwoshi, na okumazino goshi gakayirikwa, arhali omu miaka ya buno yone chi na kandi omu miaka yaisha. ²² ahebire byoshi idako za amagulu gage, ana hana nka mukulu, oli enyanya za ishengero, ²³ gwo mubiri gwage, okubuzinda bwage ye yunjwire byoshi omu boshi.