¹ O'mushosi, e'mwa Kyria mulondole (mwishogwa) n'abana bage, abansima om'okuli.Arhali na nyene mbansima cikone na balya bandi boshi, balimanyire okuli, ² enyanya ly'okuli kudahire umundalala zirhu, kwaba haguma nirhu ensiku zoshi: ³ obonjo, n'olukogo n'omurhula birhenga e'Mwanyamuzinda Larha n'emwa Yesu Kristu, mugala wa larha, bibere haguma na nirhu om'okuli n'obusime. ⁴ Nnasima bwenene okubon'abana bawe balibagenda omubushinganyanya, kushimbana n'amarhegeko rhwahabagwa na Larha. ⁵ N'ntyo, nkuhunire, Kyria, arhal'irhegeko liyaya nakuyandikira cikone lirya rhagwerhe kurhenga mira oku rhuzigirane rhwene oku rhwene. ⁶ N'obuzigire mpu rhukagenda oku marhegeko gage galyi. Elyi lyo lir'iregeko rhayunvaga kurhenga ahamurhondero oku rhugende muli ago marhegeko. ⁷ Bulya kub'abarhebanyi bali omwigulu, abarhaderhiri oku Yesu Kristu aishaga omu mubiri. Oyu yeri murhebanyi, n'omugoma wa Yesu Kristu. ⁸ Mucilabe (mucilange) emirhima yinyu, mumanye mwankaheza ebi mwajirire, cikone muyankirire eciragane cishinganine. ⁹ Ngasi ohamire olugero arhanalamiri omu migirizo ga Kristu oyo arhagwerhi Nyamuzinda; olama mw'ago migirizo oyo yegwerhe larha n'omwana ntyo. ¹⁰ Omuntu erhi ankaisha e'mwinyi, naye arhadwirhi ago migirizo, murhamuyegerezaga omu nyumpa yinyu, murhamuhaga n'omusingo. ¹¹ Bulya omuhire omusingo ali lushangi n'emikolo yage mibi. ¹² Ngwerhe myaanzi minji ci ntayiyandikiri, n'akalamu erhi obwinu cikone ncifinjire okuhika emwinyu rhushambale akanwa ok'akanwa, ly'obushagaluke bwinyu buhirira. ¹³ Abana ba mwali winyu mulondole bakulamusize.