¹ Simoni Petero mukosi n'endjumwa ya Yesu Kristo,kwabo babonekaa kubaany'emwe re buuma bwet'ebusito ng'ebwetchu,andonga s'ekulyi sa Ongo wetchu n'emutchusi Yesu Kristo: ² E'lukoo n'ebwolo bibaa era mwenyu kwa kumenya Ongo na Yesu Kristo e'nawetchu! ³ Ngok'ula e'buashe bwa Ongo bwera ku tchuwa ebindju byoshi bishingananyire kwa kalamo kw'ekuchikubula kwa njira y'ekumu menya ola wa tchubalangiraa kwa misi yaye , n'emiyanure yaye . ⁴ N'nokuno tchwete kulyi kunene era mwaye n'echiraane chinene,kwa bushi naye,tchubaa lushangi kwa huhanyo ya Ongo mwa kuha'etulyiro chilyi mwa butala mw'emabi, ⁵ Kwa bushi n'noko,kanji muyira'emisi yenyu yoshi kwa kubika mwa bwemere minure ndonga s'emianure n'wenge. ⁶ Nnokw'ebwe nge,luero,n'oko luero kurembera kuchesibwa, ⁷ N'noko kuchesibwa kusimana kw'ebauma na,n'noko kusimana kw'ebauma, busime. ⁸ Nabushi binera nga binera bilyi era mwenyu,na binalyi kwa bwingi bitakabareke ra e'butambukere ,n'ebatabuchire kwa kumumenya e'nawetchu Yesu Kristo. ⁹ Si e'mola ebyera bitalyi ko,ilyi atalola na bure,ebilyire e' kuchesibwa kw'ebyaa byaye bya mira. ¹⁰ Kwa bacha balyiketchu,muchisesaa kuba langirwa kwenyu n'ekuhombolwa,bushi mukayira ebyera mutangasitala. ¹¹ Kweyine mungeresibwa e'kuy'omwo bwami bw'esiku soshi bwa enawetchu n'emutchungusi wetchu Yesu Kristo. ¹² Bacha,nyinga cheresa emisi y'ekubake ngesa ebye chiro angaba mubinyire n'ekuba muselyire mwa e'kulyi kulwarero. ¹³ Nana bwene kubinalyi,e'mango nyono nyilyi mwa luno luho nyibasuse mwanjira y'ekubakenge sa mwabo. ¹⁴ Nabushi,nyimenyire,kwa nyingakulwa mwo luno luhu,na bwoshi kulyi wofu,ngoko Yesu Kristo anyilosise. ¹⁵ Nyishi kwa enyuma se kuenda kwanyi ,mukaendere ra mwachikengesa ebye. ¹⁶ Kwa bushi tchutashimbaa era tchwaba losaa kwa busha,nga kwa buashe n'ekwisha kw'enawetchu Yesu Kristo,tchwlolaa kwa bukulu bwaye n'emeho metchu. ¹⁷ Nabushi atolaa era mwa Ongo Tata,e'bukenge n'emuto ngo.Echihangi emutongo munene byera kumu ikira,erakunva n'emurenge kutenga e'mwa Ongo:Onola alyi mwana wanti musimwa,ola nyisimisibwe naye. ¹⁸ Tchwera nakunva e'murenge omwo Mbingu,mango tchwbaa naye oko ndjulungu ichesibwe. ¹⁹ N'noko,tchwet'emwasi w'eburebi,wet'emi si busese,inabashingenene kulola okwo e'ka more kende kalangashana,ala aly'emwisimya kuik'elusiku lwishe,n'engununu s'emishangyashangya ibonekane omwo yenyu, ²⁰ Mukamenya tanga mubeyine,kwa kutalyi burebi bw'emanjiko,buhubanganyisi bwe nga mundju rebe atchula asimire. ²¹ Nabushi,eburebi boshi butaretchwaa omwo kuhonda kwa mundju,si kweyine e'bandju batetaa e'byatengaa e'mwa Ongo,bera kulongolanwa n'emuka muchesibwa wa Ongo.