¹ Yuda, nebuaniï Yesu-kristu bane bu Jacques miibane, atosi kongobrunye nè ba koomuanye Angearonè, akarianye Yesu-kristu to. ² Nodo, nekimia bu noomu koosinye aamieto ! ³ Miïba, pitesi mabruonda ba maè miaa naakidjadja todioï anya noraï bawene, maangoga mumbe sigadri ba muugege aami anundre at'apapiï owobrundre Eba mombe kaa nè nemara kana. ⁴ Pitesi kaangekinye aamieto eba ada esi koèbru nonziï banyene taá nè, eba dede esi keewia nembaï Angeandre ba kiïgia, ba ketia nekumu bawene kana Yesu-kristu. ⁵ Madiába maambá miaa aami si mutibru mumbe odioè ndubu nè, ba Angea iïrabru eba, biïdibruè at'Egipito boprubru eba dede; ⁶ Ebasi ariàè atobua netuè kpokpoandre, kuuriàè gboo atokini bu emalaïka kabrukari nombombiï banyene bakababru nodriameï banyene; ⁷ Sodomo bu Gomora too buu ebamoïsi kaaranonè, kaabrowonye atodio dede, kaè namufanoï kapata nonzi gboòï naagoandre . ⁸ Obuade s, akuubaa banyene kanu kaada siè anyeepi, kogaka nekumú ba koda eba mabogoo. ⁹ Mikaeli, nekumú ï e malaïkaanye kabrunodo namasumbè to saa ï kabruedató Moïze andrabrunè, odiobruno ba : Angea nodómi. ¹⁰ Iè, kodia na maadá atodiosi kotika nè, ba kaadánye atosi kotianè pitesi erï si kotika bedu nè. ¹¹ Nodo eto si kodrua neïapuï Kaïna bane, ba kodianye at'ombodo iïmbanye pitesi Balaam, ba kaadanye naakundjanga pitesi ebasi ato Koré nè ¹² Kaè si kaadada eyéngà si bakinè si noomuane, nonganiï kaasusuato atodió dede'si banyene; kapitesi ekirè si kuuòka bo bekponè, kaabua nooroï ïsusukabo nekumà nè. ¹³ abàta si neda kpokpo'ane kanukokpua emburubu, suato nekini bodi obua eto gboo. ¹⁴ Asi eto'ï Enoke, tengwe soopi(7e) tangia Adamu to odiobru ba: anuguo, Angea ekua meku a'amalaïka bandrene ngboo, ¹⁵ atodió androfo atombi pite, iïdia odió dede ndubu esi eba nengwangwanè kesibrunè, too bu noododo kodobru Angea nè. ¹⁶ Kaèbasi kabudumà nè, bakuumuanye at'obuï banyenè, bakoïya si anyeèpi kokpaè, anyetikpo kodiàsi aany'odiópi, bakoomua eba atambee aánzi banyene ¹⁷ Aami, miïbaè, anaamba odiosi kodiobru miaa kisekee atobasi kabruudrué Yesu-Kristu nè. ¹⁸ kodiobru miaa ba atokinìsi nabetianè, ebasi kiïnva nodio Angeandre kobuarè esi koïya sia'nyeepì kokpaènè, ¹⁹ kaèsi kaawa nanzaanzuè, ebasi neepianè, kaïèro niïsu Angeabane ²⁰ Aamietó, miïbaè, niïmbasiamiki atapapi mombe bakinè banunià at'iïsuamombe Angea banè; ²¹ Anaagbaki at'oomu Angea bane idru nunvaï nodo Yesu-Kristu bane atora gboo ²² ebakuèsi kapika nè, anugakaa nodo; ²³ aniïraè, anupruè at'aago. akue è, anugakaa siïso nodo; too nè, aneèru èkpara, nungagbambee ata ogïsi banyene si anyeepi kamaada ²⁴ kumbi, nombiï ariaàmi nungodémbee nè, biïdiaami naakidjadja atokùmu bandrene. ²⁵ Angeato sizindre, iïrabruamanè, Yesu-Kristu to nekumu, niikpikpe, nekpakpara sia taatunga, sigaadrii ekaranga bu ekaranga ! Aso !