¹ Yuda, mukori wa Yesu kirisito, na muna chabo Yakobo, mumbi ba bikirwanga na Ôngo tita, na bachungwi, kwa Yesu kirisito: ² Na musasiro wabe, ne buhoro ne mashimane, birike ninu, matu ati. ³ Bashimwa bitu, imbu washimanga ani ibure beka maruba a kinwa chima, mwisha ne karamo(wokovu) kitu bate bibate, nasunganga na buandikire banu, mwisha ni bashishe banu, mushimane murisimira imbo banikwanga ee butakatifu ima ho. ⁴ Mwisha, munkati ninu kuri beya bikimisha bisine mu nama, beya mbi bari andikwa karekare mu hukumu ino, nti basubaha Ôngo babindura mukisa wa Ôngo witu mu ruhusa ra busingirani, nabo bamutuna wekine mwami witu Yesu kirisito ⁵ Na shima ibusubukia, baanu mwisha namakinda isiba binwa bibiti, mbu mukota kuruma nikuto beya mu chuo cha ku Misiri, kuruma wareminya mbi tibasi kinwa cha Ôngo. ⁶ Ba bikwa, mu kinwa cha hende cha Ôngo mu rutu rukiri, baminwa minyota mu matu asira hendee, mu mwirinya banyamurairi, imbi nti basubaha Ôngo, barebisha,ee nkambi yabo. ⁷ Sodoma na ku Gomora, ne sambungu satimba, imbi bikimishange mubusingi rani, baserekerwa yo murangu ee matu na matu. ⁸ Nakiro hombo, ee babume nabo mbi bibishabishanga mu mubii, batina ee bukakare, ni kamba e mikisa. ⁹ Ngisigwa, nyamurairi mikairi, babanane ee kiinda, cha Musa,iina washisha mushumbu imbu mukota wa kufiné. ¹⁰ Iina, bano beya bakambange binwa na nti basibyo, ne binwa mbi birikumunda nabo nti basibyo, burinyama sisira wenge mu binwa bino, bibisha bisine. ¹¹ Baherwa! mwisha benda munse sa Kaini, mwisha ne mushaara, na batu cha e biibi bya Barama, nti barikwizuia, na baangamie mwisha kwikuto kwa kora. ¹² Bano beya makoi ngi akina hatari(shida) mu sikuku inu ya mashimane mu ntambi ye ririsa hima ninu, warangi binu birisha ibo bisine na basira booba, nti erutundo kusira mecha, inji rochi wange ni yuhu, ne miti isira bisu na (sira byama na yakwa metaabi na ikurwa na miri. ¹³ Emibimbi ye nyansa ya takochi ya sibikiwa, na ikuto nkene sabo biri uforu, buri nkekene sa hima, ne risiro re kindi ra bikwa katiri kukukwabo mpaka hende. ¹⁴ Bumbo hotu kuri bo, umbo Enoka, mweya wa barinda ita kire kuri Adamu watura mwasi buno: sunga mubake wamaja nambi batakatifu byae, maerfu na maerfu, ¹⁵ Na, itayarisha hukumu kuri bibati, mbi bari na mitima yema, nambi bakorange bibi, ni ninka bo maripizi imbi nti basubaha Ôngo na mwishe ne binwa bye minubo iti, wakori nsambi nti basubaha Ôngo bebange mwishe iwe. ¹⁶ Beya mbo basunga bubi, imbi bakuwange, bi batu change tamaa sabo, na muno abo ebange binwa bya buume(muhao), bapenderee beya bwishe ne faida. ¹⁷ Iina baanu, bashimwa, musubuki binwa bebwanga karekare ne batucha be mweya witu Yesu kirisito, ¹⁸ wa bushisha, mbu, mumatu a hende beya basesea kini kinwa cha Ôngo nienda munsé sabo sa bubi, siriminya. ¹⁹ Bimbo barishange musiano, beya be chuo kino, basira mutima. ²⁰ Banu banakitu mwikae mu mitima ne risimira rinu, ni hema mu mutima mutaberi, ²¹ Mwirange, mu nshime ya Ôngo na irindire musasiro wa Yesu kirisito mati ati. ²² Butinge baampe imbi bari na boba(mashaka), ²³ Murange bingi, na ibakuto mu kasha, nambo bampe musasire bo muboba, na itina ne sanyangi sabo insi sirearwa minkonsi ye mibi yabo. ²⁴ Iwe wa mukocha ibukae, ns iburanga banu na murisitara, ni basimanya banu kubusondori ne chaka chaye, anga kirema musangowa sikiri. ²⁵ Kuri Ôngo kisine, rukombara witu, na kuri mukota Yesu kirisito; ee chaka chae, ne bukiri wae, ne kara, ne maa, ituka karekare, na runotu, na matu a hendé. Amina.