¹ Paulo boombo bona Yakomba l'ekima ena Yesu Masiya,yoka bosamb'onoyali imelyo inyo bansonama la Yakomba,ko la njeya ena sosolo eho enakolana l'ekumelyo ena Yakomba, ² Latsin'ena lolengelyo lona loiko lona lofakale,lonoki Yakomba onofafote tu asembyaki'aale esemba en'oso bona bisike bihitu; ³ Koko ena bisike binand'amene amila yoi linande ena fololo nk'osimo bolotsi bonofamaki eneyali emi la lotomo lona Yakomba,baoyi banakiso. ⁴ Boeso bone eneyali Tito boon'onami ona sosolo enimelyo inisaatu:isei la mwi eneyali Yakomba bafango la Masiya Yesu,boiki boniso. ⁵ Nkotsikaki ena Kulete nko lantsina ene,lantsina oongya baoyi banatsiki,kolantsina ile bingambi bin'ekelesa enonyanga l'onyanga yokonoki emi okosumolaka; ⁶ Boto onokoli nk'onofana likambo lina lofeli,koko ayali boome on'oly'omko,ko ayali la baana banimelya banafatangama l'akambo bana loyenge ko lopoko. ⁷ Lantsin'oka akoli eneyali botombanyi ayalame boto onofana likambo lina lofeli,yoka bomonyi onosaela Yakomba,onofana bompokotoi onofoke nkele yaya,onofalangwa binal'ina laana onofafome bato,onofoke nkita ina nsefo mposa. Ohonde asangel'ato l'isei,boto onolangama l'aoyi banolotsi,boto ona tsilili,boto ona mbongi,boto onofekya mposa inand'amene; ⁹ boto onundamela yoi lina sosolo yokonoki liho olakamaka,latsin'eho ainya likikyaato lalilako lina yonga,latsin'eho akoli iyaanaata ntaango. ¹⁰ Latsina biike bona bato bana lopoko bayali banayatende baoyi banafana ntsina kobayafote bato nko mpota;banaleki nkiyo bana kesama yonge. ¹¹ ekoli latsina benwa beniyo bemumame.iyo banakanjakanja bemboy betutuma,eneyali nk'iyo baoyi banafakoli nko latsin'ena nkita ena nsefo. ¹² Omoi oniyo,nkanga eniy'oamene,amila,ate,bakulete bayali nko mpotsi baana bana mpotsi,nyama ina yowe,baleyi bana toma banaseki mponya. ¹³ Yoi line liyali nko sosolo latsin'eho,aofele lofeli lona lotsili latsina baonge enimelyo. ¹⁴ Botalofamelake basali banayuda ko la beeka ben'ato banyumela sosolo eho mbusa. ¹⁵ Eneyali bato bana soto baoyi bahatu bayali nko soto ohonde eneyali bato bana nsefo l'eneyali bato banafimelya efana nkole yoi limoko liyali soto,koko lokanyi loniyo loyala balimo aniyo enotema baehyama la nsefo. ¹⁶ Iyo bailoka baeya yakomba,ohonde baangana ende likambwa biniyo eneyal'iyo bato bana nsefo mene,l'ana lopoko,kobafakolana likamba ekambwa emoko enlotsi tu.