¹ Yuda boombo bona Yesu Masiya,ko baakune ona Yakobo eneyali iyan'elelama banalangama eneyali Yakomba.Bafango,ko banamonyelama Yesu Masiya. ² Isei la mwi la nganji ifulyamake eneyal'ino. ³ In'alangama,enek'emi oyalaka la mposa mene lantsina nkoteng'elino ena likambo lina liiko lon'isatu,mosomyama losomo lantsina nkotengel'ino ko nkosengany'ino latsina bokane yoka bita la mposa mene latsin'imelyo inifamaki mbal'emoko enalotsela eneyali banoeka. ⁴ Latsina bato bamoi bamingela la longo banaki ekoyelo ene eniy'otangemaka eno'ale bato bana fakunya Yakomba banahelengola isei ina Yakomba iyalame etelo enaoyi ban'owe ko bangana Yesu Masiya.Onoyali nkende kei bomene la Nkolo eniso. ⁵ Lalanga nkofolyino kanga bomeya baoy'ane bahatu fololo bokotwa bonoki Nkolo otungolaka bato enonyanga bona Ezipito ko ena mbusa aehyaki iyo banatimelya. ⁶ Ko bikima bina loola banatayala ena lifoka liniyo'amene njalama ohonde baumbelaki litonga lin'iyoamene,amolamonya enyelo bina bisike bihitu ena biilima,yengo nko etendelo enaakambo en biina bonokolo. ⁷ Nko bosambo bonoki Sodomo la Amola leenyanga benooli la beho oyolekyak'iyoamene ena lisamba ko baitanaki labonuf'okina koko bamilama yoka ndembi ena lilako byene biino bina nsisolya ena nkoi inifakale tu. ⁸ Koko nko bosamb'oho bato'ane banaseki lilotwa balotwa bafita yonge ko batembola bato bana lifoka ko basaya baana bokonde. ⁹ Ohonde Mikaele ekima ena loola eniyome enekend'oselaka la satana bembondo ko atanaki l'ende ntaango latsin'ena boolwo bona Mose,atakolana yakoly'ende la besau,ohnde ailaki ate,Yawe akofelake lofeli. ¹⁰ Koko bato'ane,basaya baoyi banafanongany'iyo,ko ena baoyi bamoi baney'iyo lokotwa bona yonge yoka bosambon'eya nyama ifana lokanyi bahyama loi baho. ¹¹ Biino eneyali iyo latsin'oka bamotsua enamboka ena kaina ko bamolindimwa la loyenge eliyunga lina bilama la tsin'ena boluko ko bamolehyama ena ntaango ena Kola. ¹² Batoane bayali nko baufe banafisi ena bilambelya binino bina nganji, batombanyi banayoleiyamene toma,ko bafange tu bailo bana fana base,banatolama nko la mpongo bete benesike ena luma benefana bemamo,bemowa bewa befe,bemoluwolama beluwo. ¹³ Bafukumo banolema banalose lokwa banafolya bafulo bana nsoi iniy'amene,bayali nko tooto tona tuunga, bilima bona kutsu kombe bomomonyama latsin'iyo bisike bihitu. ¹⁴ Koko Anoka onoyaaki boto ona saambo enambusa ena Adama atendaki aale baoyi latsin'ena bato'ane,ate,lenda Yawe aoya nkese nkese ina banoeka banande. ¹⁵ Latsina atende bakambo ban'ato bahatu ko akoy'ato banafakumya Yakomba likambo lina bikambwa binoyo bihitu,binifana ekumelyo ena Yakomba binik'iyo okambaka efana nkumya ena Yakomba ko latsinena baoyi bahatu banalotsili banaki bato ban'owe otang'ende. ¹⁶ Bato'ane bayali nko beninginingi,bato bana memesana bike ko bayakende nko la mposa iniyo ina'oyi'owe inileki(ko bonwa bon'iyo boyatende baoyi banakolo bana njengolya)ko bakumya batoamoi latsn'ena nkita kei. ¹⁷ Koko ino banalangama,bokanelaka baoyi banaki bikima bina Nkolo eniso Yesu Masiya otendaka enoso. ¹⁸ Bosambo bonokiyo okosumolaka,iyate,enesike ena nsimbo, basiselyi bangenya bangokenda la mposa iniyo inileki inifana ekumelyo ena Yakomba tu. ¹⁹ Bane nk'iyo banakambwa bato eneloi,bato bana yonge kei,baninda bolimo bonolotsi. ²⁰ Koko ino banalangama boyokikkyake in'amene ena nganji ena Yakomba imelyo inino inoeka mene ko baondake ena bolimo bonolotsi. ²¹ Boyotombanyake inoamene ena nganji enayakomba ko bolengelyaka isei ina Nkolo eniso Yesu Masiya latsin'ena loiko lena lofakale. ²² Bookamwela bamoi banakandakanda isei. ²³ Koko biiky'amoi nkoyoka bakuly'iyo ena nkoi, koko ene yali bamoi baambanya isei la mbanga,boka nkole bokoto mene bowe yombo boho bomambola baanga ena yonge. ²⁴ Isanga eneyal'ende oninya likotombany'ino latsina bofakumbe,ko ainya likemaly'ino en'oso bon'elongi ena nde ena bokoka bonande nko l'ekiko mene eneleki ko efana liyanda tu. ²⁵ Eneyali Yakomba nk'emoko kei boiki boniso bokonde la lokumo la lifoka la mpamba boyalemake eneyal'ende enoso bona bisike bihitu,ko l'enesikene ko l'ena bisike bihitu nd'oho.