¹ Engambi eneyali Ngayo onalangama onok'emi nganji ena sosolo. ² Efili onolangama,loonda latsin'eho e onge ena baoyi bahatu,ko okoli enayonge yoka bosanbo bononga bolimo bon'e. ³ Latsin'emi nyangelaki biike eneki bifili oyaka ko bansumolaki bokotwa bona sosolo bonoyali eneyal'e ko bosamb'onakend'e ena sosolo eho. ⁴ Mpana ekiko eneleki ene nk'enok'emi oka baana banami bayakende ena sosolo eho. ⁵ efili enolangama ekambwa enakambel'e bifili ko la bifili bina befenda ekambwa ena sosolo nd'eho. ⁶ Iyo bamolokola boloko bona nganji ene ena lolango en'oso bona ekelesa;bolotsi latsina aototsindelya en'okita bon'iyo lokotwa bonokoli la Yakomba; ⁷ Latsin'oka iyo batsuaki latsina lina liho,botatamba iyema eneyali befenda. ⁸ Latsin'eho ekoli eneyali iso to sangele bato banokotwa boho,latsina tambane liyo enekambwa ena sosolo eho. ⁹ Ntengelaki ekelesa baoyi bamoi;koko Diotulefe,onolanga latsina ayalame iyome enek'iyo afatotamb'iso tu. ¹⁰ Latsin'eho yombo loya nogeya bikambwa binande bin'akemb'nde,enatotendel'ende baoyi banasek'owe,koko afasimbe meho,ohonde end'amene afatambe bifili,ko afekya iyo banasokolanga oyotamba ko aomafolya enekelesa. ¹¹ Efili onolangama tokolake bokotwa bon'owe:okolaka boho bonolotsi.Ende onakamba bolotsi ayalaki bot'ona Yakomba. ¹² Demetulio ayaaki la lokumo lonalolotsi eneyali bato bahatu, l'eneyali sosolo eho nk'oho;ekoli l'iso nk'oho toyale temo enande,ko aey'oka yoi lin'atend'iso liyali nko sosolo. ¹³ Mbataki baoyi biike bana banasokolang'emi latsina nkotengele ohonde mpalang'oka nkotengele baho la baase bokanda ko la lofi. ¹⁴ Koko la lengelya emite nongo keena efan'olingolingo,ko tongotendana bonwa lonwa. ¹⁵ mwi eyale.bifili bakesa.neesa bifili botoloto la lina linande.