V 1 Engambi,eneyali Kulya onosonama,ko l'eneyali baana banande banokemi nganji ena sosolo,ko efemi kei:nk'iyatu baneeya sosolo eho. ² latsin'ena sosolo eho eneyali iso,ko engoyala eneli iso bisike bihitu. ³ Isei la ngaji mwi bongo yala liso eneyali Yakomba Bafango,l'eneyali Yesu Masiya boona ona bafango,nk'ena sosolo l'ena nganji. ⁴ Monyangela biike enekemi osingyaka bana bane bamonyi bayakende ena sosolo,yok'onokiso otambaka boeka eneyali bafango. ⁵ Koko isanga lakond'e Kulia (efa nk'eyoka lokotengela yoi lina litoto:lakotengela nko liho linikiso ataka ena limatsako) emite,tookamelane nganji ⁶ Nganji ena lolango ehene,latsina tokende yoka bosambo bonoyali beeka benande.Bone nko boeka boho bono kino okoka ena limatsako,latsina bokende l'oho. ⁷ Latsina bafotsi biike bameenya ena looko,banafimely'oka Yesu Masiya amoya ena yonge.One nko bofotsi boho l'ende onoofeka la Masiya. ⁸ Boyolenda inoamene bongoyungya bikanmbwa bikiso okambaka,ohonde latsina botambe boluko la mpula. ⁹ Boto onolekanya lilako lina Masiya,ko afayali ena lilako lihonjalama,ende afate Yakomba;ohonde ende onoyali ena lilako liho nko njalama,boto'oho ata, le bafango la boona. ¹⁰ Yombo boto aoya eneyal'ino ko afayi la lilako line,botosangelake botoho en'etumba benino ko bot'esake. ¹¹ Latsin'oka boto onom'eesa aambana l'ende en'ikambwa binande bin'owe. ¹² Kanga baoyi biike bayali latsina nkotengele ntalanga nkotengele baho laase ban'okanda ohonde lalengelya,emite nje eneyal'ino,la totendane bonwa l'onwa latsina ekiko enino ekolane nko nkolana. ¹³ Baana ban'oyoto onosonama onotwa l'e bakeesa.