¹ We oyali wembo ana omi, oyatike nguya ewe mpe langolu eka Yeesu kilito. ² Aiko ongo kawe laitina imi, oboho boka batemoin ebele oka bato ba boloti bale na nkolo mpe bamo. ³ Uwene liale lami lonsoi basonda baka Yeesu kilito. ⁴ Epa la sonda ekoki notika esika enkina laitina alangake yo sepelisa moto la moto yeki. ⁵ Moto opusaka bosingete ako langa kotakela lole ekela koibo pe alanga. ⁶ Ale boloti oma bulako esala boho ameke mboma. ⁷ Oko tole kaki nkolo ango kapa, lianya labi omba binkuma. ⁸ Binkuma lenda Yeesu kilito ale obokundu boka Dawidi ango longa iwa ole iteya imi. ⁹ Itina be yenemi liale ine lonsai nale moto bobe aiko, iloba ika Nyambe ihe emi. ¹⁰ Itina mbe ingo imenyami yembo Yeesu kilito ayali laibuluako pela loumu. ¹¹ Iloba iko ile boloti holo kaki tongo sekua nande. ¹² Kaki tobatela mbe tongo, buluwa nande. ¹³ Kaki onkuma ayali taboto bobe tokele languya pe yaiho boloti akotuwa kaiko. ¹⁴ Kanela biomba bine bitiakiwe seleka oboho boka Nyambe itina oumonye lompenye laitepeli ikopa bobe. ¹⁵ Kelqa nanguya oyaini boho boka Nyambe lolango moto olela bahei bosali olela lobo apuanguwe uanzola iloba iholo. ¹⁶ Kambiya basolo babi tepelatepela labana engo pite bomoi bowe oiloba inande ile la ibuluako. ¹⁷ Laitina ika bato baiko bale piko Hymene ngano ngaito. ¹⁸ Ongo pita holo bosembo alile esambiselo engo ya epitaka bondina mpe. ¹⁹ Boloti iyango iboolo ika Nyambe iteleme, lailoba babohungi ngaelembetelo, nkolo ayeba biomba binande pe mbato sali nabe kotolo lina ika nkolo atangue lansopi. ²⁰ Onyange etumba epainyo lampoke babokoba botuya, ile mpe laimete pe benkende. ²¹ Kaki mboto omo aya batela peto aboya mbo inkuma ango yala mpoke eloumu, peto intomba oka bonkonzi bonande elenko itina iko ikambo indoti. ²² Lota bampoha ika bolenge, pe komba holo buambi, bobato kuti laba komba nkolo laboloko bomo. ²³ Tabola mpenye ibueiwa pe ipala batina nueba mate iyoho lobelia nko. ²⁴ Epobote mosali oka nkolo ayale mboto olokoko, eboti ayale laboloko bondoti itina ika onkuma, ayale moto oho, ibo olaka alela bueli. ²⁵ Alendie baini labompoo,oelikia mate Nyambe ango bahabinya olingi baebe holo. ²⁶ Pe baisie onzela endoti bango yatingola balonga baka Djabulu, eba koyaki lobapa mpoha enande.