¹ Ubabuee bea be shelia boongo na bakwakalé mosoo kutamwaa na bakwakalé kupashwa kuba na misako eongo. ² Kilo kukita bubii basinu, babee na kuloo ko misako eboolu mosoo bitu ba meendi. ³ Mosoo, tangu le zamani tabesangilé tutani na akili, budji, kutulia mata, na kuba ne kuanya bepea be namna singi na kulika ndani le machafuko nyingi na hasidi, na ku tokukita boongo, na bambe kubililo mu misako itu. ⁴ Lakini, wakati le boongo Mungunga Mokota itu, na upendo leni, kobea le besangilé. ⁵ Tani misako le ukweli tu kitilé, lakini moketono ke rehema ni kuchulia ubatizo na otusua tube itu bea ba ndoto kuchulia motema mtakatifu. ⁶ Nige okubulé moketono kuitu, kukita bembe ku ndjia le Mokota itu Yesu Kristo. ⁷ Ambe ta hesabu haki ko neema koni, toketwe bea be kutunwa buzima bo milele. ⁸ Tulina kolengena ko ukweli na ba bue binu ba mendi ambe kuli mea olisidja kolengena ko Mungunga opashwa yokita misako eongo opashwa kuba boongo. ⁹ Lakini, sea kubudja kotani na akili, na betono be kibuti, na otete, na kilo kulisidja ukweli, mosoo itani na faida, na bime bili bure. ¹⁰ Beeka, kiisha kukuminga shauri le kwanza na le pili, mu mia ukukita kubanya bea. ¹¹ Ambe ukusiba mia uno otulunga bole, na ge okukita ndjambi, oikitia ukumu ge sine. ¹² Butu nkakutumia Artema kobe, na Tikiko, keta obea ulo koni, ata Nikopoli; mosoo nikekita kulika kuungo ko wakati le mukungambanga. ¹³ Zenasi, mwana ó sheria, na Apolo ubaketie boongo mukwena kobo; beta luko bombe. ¹⁴ Bea biitu beketé kulika boongo kumisako eongo, ko kuikokomenya kokulika bitani na faida. ¹⁵ Bea bamendi bili naani ba kuninga samba; na sambidja bamendi balinga ndani le imani, neema le Mungunga ebee na biinu bamendi.