¹ Paulo mutumishi ó Mungunga, na mutume ó Yesu Kristo ku imani na kusombolwa ko Mungunga, na kusibikana ko ukweli ni biongo. ² Ni inge elikilé ku maisha me milele, inge balakilé ku inge wakati e kalé ko Mungungu ungo otakulianga mata. ³ Na ungo osedjilé inge mukoonu ku inge wakati na maubiri inge beninge kuchulia ko Mungunga mukombozi itu. ⁴ Tito mwana ungo na mubuta ku imani, neema, amani ibe na ongo akubiima kuchulia ko Mungunga Tita itu na ko Yesu Kristo mukombozi itu. ⁵ Nakusia ku Kelete, ubike biime besia ku musitali na kuchulia mafundisho bika bea ba kalé mu kila ubungu. ⁶ Ambe kuli ba buume bitani na makosa osongilé o mukali mwima na olina baana bitani na makosa na belina misako eongo na bitani na mastaka na kukubulo na otete. ⁷ Mosoo, kupashwa kuba Asikofu otani na misako mi na oli mulinda azina se Mungunga; na otani na kibuli, na kubililo, na otani mwea o ku nundja maabu na kupkwana na kilo kuba mwea ongene. ⁸ Mosoo upashwa kuba mwea o kukalibisha beeni, na ku barafiki obea ba mendi boongo mwea o kulengena ukweli, mwea o kubadilika, mutakatifu na hekima. ⁹ Na kuisukia mu mukoonu moongo, buume ofundishilo, na ku ba na inge buuka bo kufundisha mafundisho le kweli na kilo kwanya bea be kulengena miingi. ¹⁰ Na kuli kubiima ba munile mukumo, bea biingi ba otete na kolengena niingi na kuzarawisha bea. ¹¹ Na ba pashwa ku liba kano, mosoo bekusumbuanga ma djamaa emendi na kufundisha mafundisho engene ni inge totani to fundisha inge mafundisho. ¹² Mwima kubo, na nabii obo, oba bua: Keleto mwea omata, mwea mubi nyama le pena, mala itakukocha boombe. ¹³ Na inge ushuhuda lili le ukweli, ni buumo ubasake na buuka, babe na imani le boongo. ¹⁴ Na bitani ba singia mu misako le bayuda na mu amri le ba buume biima bileke e ko ukweli. ¹⁵ Bemendi bili utakaso ku bima bili batakaso, lakini kutani utakaso ku bea bili na uchafu na bapagani na akili ebo, na zamiri ebo echafuka. ¹⁶ Na bekukita nkazi ekusiba Mungunga na okita kuba sangisha ku matendo ebo na biime bitani bekito na bitani na misako eongo.