¹ Ka olilwa motaba kamwe, kolesangile ku ijulu, kulesangile kulika boolo ngumunina. ² Nasea badja matini motoba kamo bekolika opepe na Monkonga na motulia kamoleningilo. ³ Nakolesangile mwanja matini muima okulika onumalina na bomolinga molasi mungi, ni ooka ninge na lwano inge esenga nalili busingi naani. ⁴ Nkusimwa ijule malani nakolomba ko mokota ngose nga na Monkonga. ⁵ Namwanga matini atomua bepea biingi na lelisana natokuita monkati na botola na kose ange muchuli kobea. ⁶ Ungo anjongo ni olina byonga na nkasa na misii inge etelule muchungu, na munkati na motola beketule kutubukana nkasa na meeti lemeenti mutubukule na masaani netubule. ⁷ mwanja matini mo anyongo naepea bikili otono a nankasa taita monkati na oosii, ooonilemini. ⁸ Nabiime bekitule ku ijuu na Monkonga ingo ooselile kukpwa kongo mwea. ⁹ Okoba satu mwanja matini okya kwijuu na mulengi mmukali bwambe fabo naokya atata naosee. ¹⁰ Nabiime mutuba kamwe bobanja matini bibina mulengeno nabe kokita kuibika akobiima. ¹¹ Liina le inge abusente na maange, na baboome bika kpwe oose. ¹² Mu anya matini oba ange okolikonga mojuulia nakokasola na mweeli na mukini na inge matu elimenye munkati na butu enge. ¹³ Nkubeta, nanasimwa kosoni kima ke kuchwa kwijuu nake kulengela mwijuu ku kpwangene kukpwangene kukpwangene koliisa muchungu munkuta banja matini basaatu nibe kuchichanga biime.