¹ Umo omusa kigye hoose mwina lwano obesanga kosenga mbakila uli, opoka munkati ekitumbi le mokota wa Monkonga, na mwano ombene. ² Munkati ne njea kobe sangele hoose opepe na opepe ge obesangile kate kate kakolama, okoli na bioma ikumi na bele biime bekuninga booma lebe kila mweli, na toani katote toketoo nya chongo. ³ Mpa taliku besanga laana kakila mwea. nakitumi kebokota ne Monkonga, na mwena imbene kibe munkati naane. nabiisa nkasi lebebako keta nkasi. ⁴ Nabo bakosea chaso lebe na ilina lebe likaba munka kwidjo kecha so kebe. ⁵ Kukaba butu miingi, na batakabene lazima naka soko na sooba, mpa moko kolomba Monkonga eka seile abootala na bokota abotala na botale. ⁶ Mpa alengena; bitono bebe lele biongo na makota Monkonga na basomo baba kongo. kosenga mwanja matini kosegya kobiibisa nkasi bepea bekulwa butunikalo. ⁷ sea nalo butunikala; i ntonga ntonga koba mwe babekile mekoonu na busomo na bitabu. ⁸ ilii na lena jeambe mwasi mwili na kosea bepea. mpa na simwile nakosea na kokya ko matini le banja matini baselile kolama. ⁹ Umo alengena, biisa kole na bepea ! nalimusabe na nigasina baaambe basabe na basoma, nabiisa kabeka betono na bitabu. bakosala ma Monkonga. ¹⁰ Olengena; kokana betono be basomo mukino kitabu nkongo kigya. ¹¹ Umo mwea ekamataa abe na mata na mwea ekoesaa aiso e na moongo ebe kaba mongo na ongo osenga abe mosengwa. ¹² Sea nolo butu nikolo be pea beni bele beni ku moninka na mwea ko kitono kekoba nabo. ¹³ Nili alpha na omega nilaanyongo na kukulingulia. ¹⁴ Ntango ntonga mwe akoba na ndulu eba mokali komaa be muninke kate kate kakola mana kusingia mumuliango le chongo. ¹⁵ Komona mwa, baloi bisa koko bya bisa kugya, bisa kusimanya naamba balingena mataa na kuketa. ¹⁶ Ano Yeso nasingile mwanja matini kosea ko meenge bino be pea munuma e Monkonga. anone nele anjena kekanga, ke Daudi, mweeli esenga mobooba. ¹⁷ Mesomo na mukali balengena, loo na mwea simwile kolengena loo. Na mwea ankoanya kuuno aloo, na inge akoanya ku simwe hoose ekala mo bue. ¹⁸ Nala pa na mwea asingwile me koonu leba somo na bitabu. ambe mwea akosami kombombo, Monkonga ekamokasoa kulimana na matini tilo besambe kana mu katabu kikino. ¹⁹ Mba mwea ekamaanya kambombo kumalengena ku kitabu basomo babekanya, Monkonga kumaanya inkenke kokate ka katamo na chongo choosengwa nakotamo mu kitabo. ²⁰ Mwea ekosamoka bepea olengenine, buuma, anana kudja butu nakidjiile. Amen ! lwata, mokota Yeso. ²¹ Ke buka bo Yeso bube na bitu bementi !