¹ Nkukila kuonge na ba ndibendile bilinabuka, mmabe beko kulimuka kwijuu na bili mwindulu antanta na chaso bili bwambe juuba na matini bwambe itiibu kile na nkasa. ² Osakile komaloko kitabuke mbombo kelibuluo na onyanta matini engi munkati na osi, na matini le omokali aliotala. ³ Olinginine na ijulikili bwambe nsimba, ambe ochicha inge ijulikili ba nyama biingi ba musombwa. ⁴ Mukulumino mutuba kamwe likita uchicha ijuu ituu na nkita kukooma na kusima kwijuu lelengena. ⁵ Na bandiliendilie nabesangile onkosea osimana monkota na osi na anje, okita kotaja maboko eni le mokoli kwijuu. ⁶ Kubwa ungoku kutanga kuonga kwijuu, ungo kitile kuketa kwijuu bepea bili anye na kwijuu kutani tungungu. ⁷ Mosoo kwinge buutu ijuu le motoba kamwe na bandiliendilie mmababesangile bekotuka mokoto moa bokota ba ndungunya bokelo, mmo olaamile mwea oni na muakati e nkasieeni. ⁸ Na ijuu inge nasi mwile ku ijuu lenilengene a ituu jaa utulwe inge kitabo kili mumaboko le muna ndiliendilie mwima ungo osimana mu ingu usina anye. ⁹ Nanaja kungo ndilindlie kumubua ukininge inge kitabo ke mbombo, na umwa tunwake na umeneke, na lilingene kosea komenena inge ketalo bwambe asali. ¹⁰ Natunu inge kitabo ke msabo mumasoko, le ndiliendilie mwima, na naimena na bili munkano beeni bwambe asali, na umo na maanile ku menaake bakitule kulisana na kubililo. ¹¹ Naomoa: keta kokanya ko bugya byo biingi chungu, na ibuti, na mekota.