¹ Eme juda ngoiginde ba yesu kristo na munamake na yakobo neno dundui benu bakondi ndea mokonga ababisa, kamophani ndiake na ebisana andja ka yesu kristo. ² Bobe na ngomi, bodjedje n'ekonda. ³ Bakondiani negi bondo na bugkegke bubui kangodheanu nyongoa amoamiande beodonda nea kimoti; neonikageaye nenu dunduie bogkegke ka meema. ⁴ Kanyongo bagkangbo bengisani kesomeana nabo tangu kala ba dye mono, bangi ka ukumu bande bangka baoni fititi dini, baudji nyongo aba bisa, eyopha oma mambo, baonya yesu kristo. ⁵ Nekondi nenoi kanisie nyongonde boye bubui mongo imoti kagae mokonga dhefui bangka nde kandjia ka misri, aubungisa bundo dhabakadu onkonda. ⁶ Na bamalaikande dhabagi bodjede kanga ondjia obwame ndebo baba odeketa omabuki ndebo. ⁷ Ka nyongonde sodoma na gomora dhadu ndjinde mpephe, byabui dhabadu ogea bodjede esaa bubui otungo nagaa beagabo ngkande bana tabia ndebo adjede aunge mokonga dhaa tobu mono na nsa. ⁸ Bangka ndo nabadu bia bangkande baka ndjeki,ka nyongonde bangkando na baka dheketi bodjede ndiabo ngaa dha baophota bangka na utukufu. ⁹ Kesaande malaika mikaeli dha badu osaaneya moonda amusa dje na nketi dha ka nphotingi dha memi mokonga, ageate ndakanisa kani nketi aodakana. ¹⁰ Bangkande baophotana ka nyongonde bana uba; nakemande bauba ka bodjede ndiabo,bea ba nyama, bana na kongka nyonde bubui ebikisii bungaga. ¹¹ Gaani benu bobu ka aphendea kaini, ondyanani ko demadyo ndea baalamu bopate faida abangoa, bungaga anu aphe ana masikore. ¹² Bangkande banankiki ka nyamaabo kanyongwa yagaabo bia bantwa mpeda kanga soni, abea meende kawakati amani nnanambuka titiakasa esaa bubui naomokaki. ¹³ Etengu tengu aloba banda kolimisia fulia soni ndiabo sasabo aubate fuu nde lelengo nde abungi kakelipfe nde akifa abisi kabondisiabo esa bubui. ¹⁴ Enoke ngka ba saba gkangea adamu dha yongi ka nyongoa bundea laba, lega mooko atobiki na bagoigi ndiake,elefu elefu. ¹⁵ Kagea bodjede ka nyongoa bangka bobu, na phenea bunde banda kobanga Mokonga, ka nyongwa botambisi ndiabo ebungisi, dha bagi kakanga banga Mokonga, ka nyongwa bolabi ndebo agpe bobu bana obanga mokonga. ¹⁶ Bangka nde bane bangka eyongeaga bangka etati ba obea tama neebo na moo abo ayonga yonga nde agbo abo phini, ba okondea bangka ka nyonga faida. ¹⁷ Kabe benu bakondi, kanisiani nyongonde dha ba yongi kala ba tekindea yesu kristo, ¹⁸ Ka gea dha banongodi benu ka gea esa sungia babande bangka ekekee,ba beande tamaa ndebo sasabo abungaga ¹⁹ .Bangka nde bao bikisiana dheketana adjedhe kanga baabo na kongka subia meema. ²⁰ Ka benunde ne nokondi didisaani meemanu,phekani gwangeo endua imani ndenu,ama kanga nkikiphele neema amokonga, ²¹ Bo djondiani ke kondia mokona ka bondianu ngomia yesu kristo,ka totokisia boamia esabui. ²² Okuani ngomi bunde bana bodjidji, ²³ Ophuani kansa na bagbo okuani ngomi, nyani ngombe deaobo atumi na nkikia ka nyama. ²⁴ Ye sasake ambe asotchunga beke bhetekane,na mamisianu mosa ebebondiake kanga kidoti bundo bagbo babe namasedje. ²⁵ Ye sasaake mokonga mbe aso phui ka bodjende ndesu, na yesu kristo mokota ndeso; utukufu ande ndeake bugkegke abe kesande mama esa bui amina.