Egabo 1
1
Eme ,mgbega ,ba yayo nkondi ,neokondi ka doni .
2
Nkendi nemo ,neokondei oyike anja ka bubui n'obe na nyama anja ,bindo memako aiki nabonja
3
Nedu na nsembo phele kabika banayi ka digimisa doni nde asubia memako na subia tambeako.
4
Keoni nsembo amgbo phele ,beaoka gea banikiamo baotamba ka doni .
5
Nkondi'ani ,owe ogya ka sebeya kekuma bubui nde ogea ka nyongwa munayi ,na bundo bande bakeni .
6
Nabo ,baoyongei ekonda ndeko mosa a Eklezia ,bindo ogyande anja kaophabo mpamba a kaphe ,bindo atotonande mosa abundo naomuba Mokonga.
7
Kanyongwa ina ndo,da ba beeki bakabede mbee kema ka bakpa nde bakamubimbe Mokonga.
8
Co akeni besu besesee bakpa bia bundo,kagya bebe babedhi ekuma kimoti ka doni.
9
Nedundui Eklezia nyongo imoti ,nga Diotolofe ,nkondi ba koma mosa olwabo , nnaobeekea.
10
Aunge kabikani nekanisiande ekuma ndeke nde aogea .Aosoca besu amakanga umbiya kanyongwa jede; nindo naomgbeana,aoba naye seseya banayi,na bunde baokonda seseanu baogkemisa,na tokisa-obo ka eklesia.
11
nkondi-ani,kobeye mono meni (mfano) adjede,bea bea meni adja.ngi bo njanja atoki ka mokonga ;ngi bonjede nakamoni mokonga.
12
Demetrio ba yongei anja na bakpa bobu ,goto na doni sasei. na besu photo be yongei anja,nowe auba geae nyongeasu nde a mbeakeyo.
14
Nga nesebeyi ona-ako bibi,besu beabande aphenoko-kaphenoko.
15
Bojeje kowe,ntwa-inyame bakosambeyi. osambea batw-inyame ndesu,moti moti k'inake.