1
polo ogwendo wo Yesu Kilisitu nuumbinoó Timoteyoó,konandekeyaá philomoná ndukuú ndesó no
2
gwomoyí Afiya,Alasipe bha nduku bhondesó bhaagbangá noo ekayo Mongoó ngeyaá na ndoóo ambeneé:
3
Bhulhoó ne gyeagyea yo Mongoó Tidoóo no Ngama Yesu Klisito yo bhiyo ninu .
4
Ma twisiyoó Mongoó ebeba noo kotswikiyó inó ako malombá ngoko seme.
5
bhaná bheyá be bheyané akumoni ko baya ngiya wanayo amati wu ngamá Yesu no bho kondá ngobhosoo ako bhanà bho Mongó
6
Te paná mogbo ku bhulhóo kibhomu akinó yo Kilisito noko maa amati wo baya.
7
Minyopongo neegyagya koneko bhokonda ngya wakopana ,metemá yo bhaná bho Mongó ya katana bho dee.
8
Abaná bha bhiyoó no bho kolhokolho amati wo yesu,noo kondekeyaá ekyeme ngiyelho,
9
eme Polo mombiwedjene no etaketake mombi ngiyo bha mofa akomoni ku Yesu kilisito, manóo kolombeya akomoni kobho konda ngo bho soo
10
manoo kota akomoni ko mwaná seme Onezimi ,aya mamonotá amati wo selegeni,
11
ayo ambikinyo djene mombi obha ngboo bhobhoni atiga no bha ghoo
12
monatomeya nayo ndo bhowa bhoseme
13
minyosigobe kabhiyo nayo djo obhona saleya kina atingiya ma mati wobaselegeni bho opanó wo Mongó
14
mambo natomá nangu djo bokonda ngoo bho soo bho bhiyo botutuwé, bhobhowa akotomá ngoo soo.
15
ya ndo naseana nayo aku wati lheneke nánáná sina bhatá kingono
16
tsomo bhatá ndo bayo ,ndo mombi ngiyo obhaa bayo,ndó ayoóo ngiya seme noo ayoo ngiyo soo kotaa amati wo yesu
17
ndo wana tseka ndayoo,motseka kondeme
18
yuu bhiyo onakyene djene bho bhebhe,ano bhabopulu bho soo ,napeya akino seme matwisotwiso.
19
Polo ndjo monandekeya no lhekondó ngelhe seme mambenyongó.
20
mapata bhulho akino yo ngama ,akino yo Yezu nadjiso otoma bho dee.
21
Monapeyá otoma akodjisono ngee soo eyeená monandekeyáa.
22
natambanekeya o mowa wo bho kwayé djo makosigo maka nani ake ngbaa yo malombá ngokondenó
23
Epafalaza ayoo ngiya seme akigyendu yu Yezu unabhukuoó
24
no bhombi ngo bhomo ndo Malako,Alisisitalake,Demas,Luka,bhayoo ngobhoseme bho kadji.
25
Bhulho bho ngama ngiyo ndeso Yezu kilisito yo bhiyo no metoma ngye ndeno