¹ Yude bayó wo Yesu kilisitó no manye yakobón no bhombi bhomó ebhá Mongó tidóo abokondá,ambobhonapeyá na mbámbá akomoni ko Yesu kilisitó , ² ikoko , egyagya no bhkondá yonematenekeyá ³ bhanduku,minyosigobé mane ndekeya akumoni ko heya ngeyo ndeso ,manendekeya nenu kunindjo mapano ko mongo a komoni koendowa ngi yo baya eya bandjo bhombi bho metema yetu. ⁴ Bhombi banikumunikiyo bho bhebhe bambeyana djene kodjene ika banitaniso bho lho bho Mongo ako bho bhebhe nokoyaa ngama ngiyo ndeso Yesu kilisito. ⁵ Mokonda ninu kotungiso bhomo mbise wo ngama nisu kuhiiso no kiniso bhombi an'Ezipito ,awa bhombi yo metema yoo bhebhe; ⁶ no bha titima bh'abee ngobha bhakyeye djene bho bhebhe bhakusibho nebho kofa nokosanga none bho kigiso amati wumomo ngiya kingono ako bisi bhodja bho Mongo ⁷ sodomó no Gomoló no lhikombó ngilhu tinene na bhó ,ibha ndjonó nendambó no moni koobhebhe komó ,muni kabhokyeya noo lhyaa ngiya mbaa siyó. ⁸ abana nda nane bhombi bhomo batambiso ndoto ngiyo ndabho no bhagbanga kesokobha nokona bangama kesokogbane no kozeyaka ebeba yo mongo. ⁹ ngamá wo ba titima bho Mongó Mikaeli,azeaka komo Abee iyobinyoo kowana mondá wo Mosa ,inyusigo: toko ngamá otená moni kosóo. ¹⁰ ebhoó bhayakanaká toko no zeanaká no moni ngobhá bhambambeyá no kyenanaká kogbaye ,bhombi ngebha bha mbeya ekyeme. ebhó djo bha kpatá moni ko Kaina kotseka mwanekyeme ngiyo ya yangisó Balamá bhayangaa nomoni kobhokaye bho Kolé . ¹² ya moni kobhébhé amati wo egyágyá yo bho kondá yo ndenó na kangáná tokó amati wo ndeno . bhombi bhokondá.lhekobha ngelha yamboo no mepó mahuwo wa tito,mate ngoka kambó no lhipumo; ika kawu nese kapene djo ya mbo noo mii. ¹³ Mahuoo ngoko bhokaye kabhaa iko lheyi, bhagiso bhobhe be bho ndabhó,no ndata ngiya yeyenganaké,iya bhabhanapeya umomo ngoo bhokaye uwambusiyo sinani. ¹⁴ akebho Enoke,gwa malheya akoanza wa Adamo ,ayaka bho :kanga ngama oka no bhatitima bhadja, ¹⁵ ko bhaiso bhombi kubhubhoo kotena ngbanga ngeyo ndabho,no tsekanaka ngiya bha tsekanaka ,no malhálhá ngobha bhozeyaké ako bhombi bho bhébhé bhamoyakeyá. yinyo bhombi ngiya bhino yakanaka amati wo metoma,bhinyo ndendenaka akumuni kondabhó,bhokokendanaka no taa yoo ndoto,no malhalha ngobho ndabho nembokamboka,iya bibiso bhombi bhomo djo bhopatana ekyeme. ¹⁷ inu bhanduku ,tunguweni moni ngoka bhakpataká bho ngamá ngeyo ndeso Yesu kilisitó batepaneyá djené. ¹⁸ bha bhoyakeya djene wati ngiyoopipiyo ya bhiyo nu bhombi bho nononoké,ibha bhakokendá no taa yo ndotó , ebho ndjoo bakopanza bhombi,bhombi ngobha mbo notoma wotu. ²⁰ akinu bhayoo,mayiseni bho baya ngobhondeno bho tuu, no kolhomba akotoma ngoo wotu, ²¹ kpakpanekeyeni amati wo bhokonda bho Mongo atingiyo kakusibho ikoko yo ngama ngiyo ndeso Yezu klisto akobho bho heya bhambosiyo sina. ²² hateni bhombi ngibha no baya yo kpalhapkalha, ²³ hiseni bhombi ngobnomo nobho kiso amati wo nyaa;no bhombi bhomo ,bhyoni no toma wikoko no hobha,koyaa nepoko ngiye tambeye no bho bhebhe bho ndoto. ²⁴ djo mombi ngiya ate pemakaya no bho bhebhe iya ti bhwiso apee ebeba ngiya mba kyeya no bho bhebhe no amati wo egyagya, ²⁵ ako Mongo mambenyongo,no ngama ngeya ati hiiso ,no ngama ngiyo ndeso Yesu klisto,ebeba, angu,bhobhombomo ibha faniso djene, no ketaketake no amati wo makwaa no ma kwaa! ya bhwane!