Yakobo 1
1
Yakobo mukozi wa Nyamuzinda na wa Nahano Yesu Kristu, endamuso zani zihikir'amashanja ekumi na mabiri gashandzwe.
2
Mubirhole nka chitu ch'obushagaluke bunene beneberhu amarhangulo aga n'aga muherhe mwageramo.
3
Mumeny'okw'erhangulo ly'obwemere bwenyu ly'okubalerher'okuchihangana.
4
Mulek'obukomerere bukol'akasi mulimwabo, yimukula n'okuba n'obushinganyanya buzira kubulirwa n'echintu.
5
Aliko eyihakaba muguma wenyu olonzez'obwenge, abuheme Nyamuzinda yehana byoshi buzira kulondola, buzira kusidaka naye amuha.
8
Aliko aheme aheme n'obwemere buzira ngangane, bunol'oherh'engangane ashushanyizwe n'omulaba g'omunyanja guli gwahekwa eyi n'eyi n'omuhusi.
7
Oyu muntu arhawazaga mpw'abon'echishubizo emwa Nahano.
6
Ali muntu wa mirhim'ebiri, w'okuhindamuka hindamuka omunjira zage.
10
Eyi hakaba beneberhu b'abakene, basime nk'okubali,
9
n'oli mugale asime obwirhonzi Nyamuzinda amuhere bulala nj'agera nkabwaso buli omwishwa.
11
Ezuba eyilikaliha, lyana yumy'emirhi, n'obwaso bwanahungumuka n'obwinja bwage bwanahweraho. Kona kuguma n'omugale oly'achisimis'omumikolo yage.
13
Ali munya ragi olala oly'alember'erhangulo, bunol'enyuma ly'okulilembera, ahabwa eshungwe ly'akalamo lyalaganywaga kubalala basima Nyamuzinda.
12
Ntaye okwanene aderhe akachanji arhangwirwe: "Mpw'elirhangulo lyarhengaga e'mwa Nyamuzinda", bunola Nyamuzinda arharhangulwa nabubi na yenyine arharhangula muntu.
14
Ngasi muntu anarhangulwa n'enyifinjo zage yenyine zanamurhebeka n'okumuheka hale.
15
Ahanyuma enyifinjo elizikula, zanaburh'echaha, n'echaha elichikula chanaburh'olufu.
16
Mumenye mwakachirhebeka beneberhu basimwa.
17
Ngasi mpano nyinja, ngasi mpano ekwanene erhengera enyanya, e' mwadarha w'akamole. Muli yewe murhali mwizimya changw'ejichu chokuhindamuka hindamuka.
18
Nyamuzind'alondwere akurhuh'akalamo kugerer'omwazi g'okuli yi rhuba fula omubilemwa byage.
19
Bene berhu basimwa, mumeny'okungasi muntu abejub'okuyunva, aliko arhabaga juba okuderha n'okugaya.
20
Bunol'oburhe b'omuntu burhayukiriza obulonza bwa Nyamuzinda.
21
Chechirhumire, mukabule hale ezinga lyoshi n'obubi bubazungulukire, murhol'obwirhonzi omwazi gwarhwerwagwa muli mwabo n'ogwakachungul'emirima yenyu.
22
Mukeng'omwazi gwa Nyamuzinda, murhanahwerag'omukuyunva konyine mukachirhebeka n'obukenge bwenyu mwenyine.
23
Bulala ely'omuntu akayunv'omwazi, buzira kuguhir'omubijiro, ashushanyizwe n'omuntu walemag'alola eshusho lyage omuchiyo.
24
Analol'eshusho lyage na hano agenda anayibirira hanaho gurhe alishushire.
25
Aliko, oshimbulir'amarhegeko gashinganyanya bwinjabwinja, rhegeko ly'omurhula, anagenderer'okulikenga, arhachiba munviriza konyine, agishwa enyanya z'okuhir'omwazi omubijiro.
26
Ely'omuntu akachishog'edini, akagambwa kurhegeka n'olulimi lwage, aherhe arhebek'omurhima gwage n'edini lyage bulibusha.
27
Edini ly'okuli buzira bubi embere za Nyamuzinda Darha werhu, lili lyakurhabal'efubi n'abashumbakazi omumalibuko gabo n'okuchilanga na ngasi bubi bwa linogulu.